I’mee ready sa lindol!

ni Imee Marcos @Imeesolusyon | October 19, 2025

Grabe na ‘to mga besh! Parang hindi pa tayo tapos sa baha at bagyo, heto na naman — sunud-sunod tayong niyayanig ng lindol sa iba’t ibang parte ng bansa! Galit na ang Mother Earth!

Mula noong Setyembre 30, nagsimula na ang mga malalakas na lindol sa Cebu at halos araw-araw na may aftershock. Sinundan pa ito ng mas malakas na magnitude sa Davao! Maraming bahay ang nasira, marami ring kababayan ang natatakot at nangangamba para sa kanilang mga pamilya at kabuhayan. 

Kaya ang sabi ko, panahon na para seryosohin ang paghahanda! Ang lindol, hindi inaabiso. Ang buhay, hindi puwedeng isugal! Kaya’t narito ang mga IMEE-PORTANTENG PAALALA para handa tayo sa lindol:

Una, alam niyo ba kung saan magtatago kapag nagsimula na ang lindol? Hanapin ang pinakamatatag na parte, kung saan nagsasalubong ang poste at beam. Diyan ka dapat magtago para may proteksyon.

Pangalawa, kung may abiso at may oras pa, tumakbo agad sa wide open space. Dapat malayo sa gusali, puno, o poste. Alamin din kung saan ang itinakdang evacuation area ng inyong LGU at kabisaduhin ang ruta papunta roon.

Pangatlo, magpraktis kasama ang pamilya. Dapat lahat ng nasa bahay ay kabisado kung paano mabilis at maayos mag-evacuate kung kakailanganin. Practice saves lives! Oh ‘di ba! Mabuti na ang maging maagap at handa.

At panghuli, ayusin na ang inyong go-bag. Lagyan ng gamot, pera, mahahalagang dokumento, flashlight, pagkain, tubig, at iba pang kailangan sa oras ng sakuna. 

Oras na ring ayusin natin ang sistema ng pagtugon sa sakuna, kaya isinusulong ko ang “National Resiliency and Disaster Management Authority Act” na may layuning tapusin ang mabagal at magulong koordinasyon tuwing may kalamidad. Sa panukalang ito, gagawing “all-hazards” Authority ang NRDMA na may command at control sa lahat ng ahensya ng gobyerno, kabilang ang AFP at PNP, at ilalagay ito direkta sa ilalim ng Office of the President para mas mabilis ang kilos, desisyon, at agarang aksyon tuwing may sakuna.

Maging alerto at huwag maging kampante. Lahat tayo may papel sa kaligtasan ng ating pamilya! 

Hindi mapipigilan ang lindol, pero kaya nating iligtas ang ating sarili, pamilya, at komunidad.

‘Yan lang muna mga besh! Ingat kayo lagi at maging alerto! Babush!

Presyo ng bigas napakataas — Sen. Imee.. Babangon at mag-ma-Martial Law ang tatay ko

ni Mylene Alfonso @News | September 12, 2023

Dahil sa napakataas na presyo ng bigas maging ang yumaong dating Pangulong Ferdinand Marcos, Sr. ay babangon sa kanyang libingan at magma-Martial Law.

Ito ang inihayag ni Senadora Imee Marcos, panganay na anak ng dating pangulo, na hindi makapaniwala sa nangyayaring pagtaas sa presyo ng bigas sa bansa sa kasalukuyan.

"'Wag na tayong magtanim ng palay para matigilan na ang pagdurusa ng magsasakang Pilipino — todo-import na lang tayo!" pahayag ni Imee sa kanyang mensahe sa mga mamamahayag.

"Babangon at magma-Martial Law ang tatay ko sa ginagawa nila sa bigas ngayong birthday pa niya!" wika pa ng senadora.

Nabatid na ginunita kahapon ang ika-106 na kaarawan ng yumaong pangulo sa Batac, Ilocos Norte.

Ginawa ni Imee ang reaksyon nang hingan ng komento hinggil panukala ng Department of Finance (DOF) na bawasan ng 35 porsyento ang import tariff rates sa bigas para mapababa ang presyo nito sa mga pamilihan.

Inilatag ng ahensya ang panukala matapos ipag-utos ni President Ferdinand 'Bongbong' Marcos, Jr., ang pagpataw ng price cap sa bigas sa pamamagitan ng Executive Order 39.

"What sinister forces are at work in the rice industry? First there was no apparent shortage but suddenly the price of rice skyrockets. To bring price under control, EO 39 is pushed without eco team’s knowledge much less assent," sabi ni Imee.

"Traders, retailers and the entire marketplace is in disarray as warehouses, illegal or not are raided willy-nilly. So of course, we now have to lower or remove the import tariff entirely! Haven’t we heard this story too many times for us to believe it all again?" tanong pa niya.

Samantala, inihayag naman ni Senate Minority Leader Aquilino 'Koko' Pimentel III na dapat gumawa ng maraming mga paraan bago pa man ipataw ang price cap sa bigas.

"Yes, better to reduce or eliminate tariffs first before even entertaining the idea of a price cap. Also, better to go after the hoarders and price fixers before even entertaining the idea of a price cap,” diin ni Pimentel.

Ipalabas sa merkado ang mga naka-hoard na supplies. And there is also the NFA. Better to let the NFA release into the market the amount of rice needed to stabilize the price of rice. These are just 3 measures which should have been done even before entertaining the idea of a price cap," dagdag pa niya.

Mga opisyal ng bansa, nakiramay sa pagpanaw ni ex-P-Noy

ni Ronalyn Seminiano Reonico | June 24, 2021

Bumuhos ang pakikiramay at pakikidalamhati ng mga opisyal ng bansa sa pagpanaw ni dating Pangulong Benigno “Noynoy” Aquino III sa edad na 61 ngayong Huwebes.

Una nang naglabas ng pakikidalamhati si Supreme Court Associate Justice Marvic Leonen at aniya, "It is with profound sadness that I learned this morning of the passing of former President Benigno S. Aquino III. I knew him to be a kind man, driven by his passion to serve our people, diligent in his duties, and with an avid and consuming curiosity about new knowledge and the world in general.

“I saw him carry his title with dignity and integrity. It was an honor to have served with him. He will be missed.”

Pahayag naman ni Vice-President Leni Robredo, “Nakakadurog ng puso ang balitang wala na si P-Noy. Mabuti siyang kaibigan at tapat na pangulo.

“He tried to do what was right, even when it was not popular. Tahimik at walang pagod siyang nagtrabaho para makatulong sa marami. He will be missed.

“Nakikiramay ako sa kanyang pamilya.”

Saad naman ni dating Vice-President Jejomar Binay, “Noynoy and I may have had political differences during the last few years of his term, but that will not diminish the many years of friendship between our families.

“My deepest condolences to the family. God speed, Pareng Noy.”

Saad naman ni Senate President Tito Sotto, “No matter what political side you’re on, when a former president passes away, the country mourns.

“His death diminishes us all.

“Sincerest condolences from the Senate and my family to the family of President Benigno C. Aquino III.”

Saad naman ni Senator Imee Marcos, “My heartfelt condolences to the family of former President Benigno C. Aquino III, a ‘classmate’ in Congress from 1998 to 2007.

“I will always treasure the memories of our long years together as freshmen legislators and members of a tiny opposition.

“For beyond politics and much public acrimony, I knew Noynoy the kind and simple soul. He will be deeply missed.”

Samantala, maging ang lokal na pamahalaan ng Davao City ay nagpahayag din ng pakikidalamhati sa pagpanaw ni ex-P-Noy.

Saad ng City Government of Davao, “The City Government of Davao is one with the nation in praying for the eternal repose of the soul of former President Benigno Aquino III.

“The Philippine flag in the entire Davao City shall be flown at half-mast until his burial. Thank you.”

Maging ang bandila sa Maynila ay ini-half-mast din.

Saad pa ng Manila Public Information Office, “Flags in the City of Manila are flown at half-mast as the nation’s capital mourns the passing of former Philippine President Benigno ‘Noynoy’ Aquino III.”