Naunahan pa raw ng utol na si Rere… RURU, KINAKANTIYAWAN NANG PAKASALAN SI BIANCA, DEDMA

ni Julie Bonifacio @Winner | May 30, 2026

Photo: Ruru Madrid at Bianca Umali / File / Circulated

Itinutulak ang aktor na si Ruru Madrid na sumunod na sa kanyang younger sister na si Rere Madrid na nagpakasal sa basketbolistang si Kai Sotto kamakailan.

Naunahan pa raw ni Rere si Ruru na mag-asawa. Puwedeng-puwede na rin daw ang aktor kung tutuusin.

Siyempre, ang nobya ni Ruru na si Bianca Umali ang hinihintay ng mga netizens na pakasalan ng Kapuso actor.

Nasa edad na rin naman sila. Si Ruru is 28 and Bianca is 26. Matagal na rin ang kanilang relasyon.

At higit sa lahat, parehong stable na ang kani-kanilang career.

Sa recent post ni Ruru Madrid sa Instagram (IG) ng pictures nila ni Bianca habang nagbabakasyon sa gubat, nanawagan ang mga followers ng aktor na magpakasal na rin sila pagkatapos ni Rere.

Sey ng mga netizens…

“Ikinasal na si Queen Rere. Kayo naman, kailan?”

“Ano ba? Pakasalan mo na ‘yan, huy. Nauna pa kapatid mo.”

“‘Kakilig kayo. Please, pakasal na kayo.”

“Feel ko, sila na ang sunod na magpapakasal.”

Why not, Coconut?

---

USAP-USAPAN lagi ang pagtulong na ginagawa ng aktres-vlogger na si Ivana Alawi sa ating mga kababayan. This time, isang senior citizen na jeepney driver naman ang kanyang natulungan. 

Leading lady si Ivana ni Joshua Garcia sa Love Is Never Gone (LING).

Binigyan ni Ivana ng P30 thousand na ayuda ang jeepney driver matapos niyang mapanood ang viral video sa TikTok (TT) na ibinahagi ng uploader na si Rio.

Bukod dito, may kasama pang sari-sari store package na nagkakahalaga ng P50K.

Noong May 21, ikinuwento ni Rio ang kanyang firsthand experience bilang pasahero ng 77-year-old jeepney driver na si Roberto, na nasangkot sa aksidente

matapos makabangga ng isa pang sasakyan. 

Naantig si Ivana sa sinapit ni Tatay Roberto kaya agad siyang nagpaabot ng tulong.

Naging emosyonal si Tatay Roberto nang matanggap ang ayuda. Malaking tulong daw ito sa pagbili ng kanilang gamot ng asawa niya.

“Talagang ‘di ako makapaniwala na ganito na ang nangyayari. Ganito lang ang buhay ko, may taong tumutulong sa akin ngayon. Thank you, Lord. Thank you, Ivana,” aniya.

Pinasalamatan din ni Tatay Roberto ang nag-upload ng video sa TikTok.

As of Saturday, umabot na sa P194,865.59 ang kabuuang donasyong natanggap ni Tatay Roberto.

Acting pa rin o overacting?!!

ni Imee Marcos @Imeesolusyon | March 20, 2026

Ito na nga ang bagong chika—tinalo pa ng admin ang Star Magic sa rami ng “acting” stars nila! Halos kalahati ng gabinete ay nasa “acting” status, kaya napapatanong na ako: acting pa ba o “overacting” na?!

Ang malala r’yan, kapag “acting” lang, hindi sila isasailalim sa Commission on Appointments o CA! Hindi natin sila makikilatis kung keri ba at dasurv nila ang trabaho. Kaloka beshie!

Kumbaga, wala ng audi-audition—kuha na agad ang role! O diba? Sila na talaga!

At ang mas malala pa, labag sa batas kung lagpas isang taon na silang “acting”! Pero parang wapakels sila na hindi dapat besh! Bawal ‘yan! Malinaw ‘yan sa EO 292 o Administrative Code of 1987 na labag 'yan sa tungkuling nakasaad ng CA.

Kaya kami ng forever seatmate ko, Sen. Marcoleta, todo-kalampag sa totoong CA—ang Commission on Appointments—na ipaglaban ang kanilang konstitusyonal na mandato! Dapat ang ating matataas na opisyal ay pinamumunuan ng mga kwalipikadong tao na dumaraan sa CA.

Kung ang ordinaryong mamamayan mahigpit ang screening sa trabaho, lalo na dapat sa mga magpapatakbo ng ating bansa, diba? Ang sakit nila sa head, beshie! Babush!

Pakinggan ang kalam ng sikmura, ‘di ang script ng iilan!

ni Imee Marcos @Imeesolusyon | January 30, 2026

Beshies, aminin na natin: sa tuwing may kontrobersiya, iisa ang sigaw ng publiko — “Ikulong!”

Paulit-ulit, pasigaw, parang iyon na lang ang sukatan ng hustisya. Naiintindihan ko ang galit at pagod. Pero habang umiikot tayo sa iisang sigaw, may mas mahalagang tanong na hindi nasasagot: hanggang kailan?

Binabaha ang Pilipinas, pero hindi lang ito baha dulot ng ulan. Baha ito ng mataas na presyo ng bigas, ng singil sa kuryente na hindi makatarungan, at ng kawalan ng disenteng trabaho. At habang ang Senado ay abala sa walang katapusang hearing, ang ordinaryong Pilipino ang patuloy na lumulubog.

Hindi ako tutol sa pananagutan at pagkulong kung iyon ang hatol ng batas. Pero ang malinaw sa akin ay, hindi puwedeng dito lang umiikot ang buong enerhiya ng gobyerno. Ang hustisya ay hindi nasusukat sa haba ng pagdinig, kundi sa bilis at linaw ng resulta.

Noong binaha ang mundo, hindi nagsayang ng oras si Noah sa pakikipagtalo. Kumilos siya, gumawa siya ng arko. May direksyon, may layunin, at higit sa lahat, may sense of urgency. Kung may aral man doon ay ito: ang krisis ay hindi sinasagot ng ingay, kundi ng solusyon - aksyon.

Kung arko ang Senado, hindi ito dapat maging entablado ng takutan at palabas. Hindi ito puwedeng gawing teleserye na may plot twist bawat linggo. Dapat klaro ang layunin: tapusin ang imbestigasyon, ilabas ang katotohanan, at magdesisyon dito.

Dahil habang nagpapatuloy ang drama, may mga pamilyang nagbabawas ng kanin sa hapag. May mga manggagawang walang mapasukang trabaho. May mga Pilipinong hindi na kaya bayaran ang kuryente. Ito ang tunay na krisis — at hindi ito nag-aabang sa kahit ano pang hearing.

Sige, magsalita silang lahat—pero hindi porke marami ang mikropono, patas na ang demokrasya.

Kapag puro ingay, ang boses ng ordinaryong Pilipino ay parang naka-mute!

Tapusin na ang hearing. Oras na para pakinggan ang kumakalam na sikmura ng bayan — hindi ang drama at paandar ng iilan mapagtakpan lang ang buong katotohanan!