SC, hinihiritan na... Impeachment trial vs. VP Sara, malabo

ni BRT @News | Feb. 17, 2025

Photo File: VP Inday Sara Duterte

Malabo umanong pagbigyan ng Supreme Court (SC) ang inihaing petisyon ng abogadong si Atty. Catalino Generillo, Jr. na nakikiusap na utusan ang Senado na agad na i-constitute ang institusyon bilang impeachment court, at simulan na agad ang paglilitis kay Vice President Sara Duterte.

Ayon kay Atty. Domingo Cayosa, isang constitutional law expert, ito ay bilang paggalang sa separation of powers ng Hudikatura at Lehislatura.

"Baka ayaw din ng Supreme Court na magka-Constitutional crisis. Hindi masyadong pinapakialaman ng Supreme Court sapagkat 'yan 'yung tinatawag nating separation of powers at saka 'yung political question. Kung kailan sisimulan, it's up to the wisdom of elected senators, at saka 'yung respect to the co-equal branch of government," pahayag ni Atty. Cayosa sa isang panayam.

Sa petisyon, sinabi ni Generillo na may "inescapable constitutional duty" ang Senado na agad gawin silang impeachment court, at simulan ang trial batay sa 1987 Constitution.

Una nang sinabi ni Senate President Francis Escudero na hindi nila masisimulan ang paglilitis habang on break pa ang Kongreso.

Hindi umano nai-refer sa plenaryo ang impeachment case bago mag-adjourn ang sesyon, kaya walang basehan para mag-convene ang Senado bilang impeachment court.

VP Sara, dapat ihanda ang sarili sa impeachment, PBBM ‘di seryoso sa panawagan

ni Pablo Hernandez @Prangkahan | Dec. 3, 2024

MAGIGISA SI VP SARA SA NBI PROBE DAHIL MAS MAHUSAY AT MALALIM ITONG MAG-IMBESTIGA KAYSA QUADCOMM -- Tinabla ni National Bureau of Investigation (NBI) ang hiling ni Vice Pres. Sara Duterte-Carpio na padalhan siya ng listahan ng mga itatanong sa kanya ng ahensya kaugnay sa imbestigasyon sa  “assassination” remark ng bise presidente kina Pres. Bongbong Marcos (PBBM), First Lady Liza Araneta-Marcos at Speaker Martin Romualdez kasi ayon sa NBI chief ay hindi nila ginagawa ang ganu’n na magpadala ng advance question sa mga taong kanilang iimbestigahan.

Dahil diyan ay asahan na ni VP Sara na “magigisa” siya nang husto sa mga katanungan ng mga NBI investigator kasi sa totoo lang, mas mahusay at mas malalim magsagawa ng imbestigasyon ang NBI kaysa Quad Committee ng Kamara na “gumigisa” sa mga opisyal ng Office of the Vice President (OVP) sa isyung confidential scam, boom!

XXX

PBBM ‘DI SERYOSO SA PANAWAGANG HUWAG I-IMPEACH -- Maituturing na hindi seryoso si PBBM sa panawagan niya sa House of Representatives na huwag i-impeach si VP Sara kasi kung seryoso dapat ay nangako ang mga kongresista na susundin ang utos ng Pangulo, at sa halip ang sabi ni Deputy Floor Leader, La Union Rep. Paolo Ortega V na kapag may nagsampa ng impeachment case laban sa bise presidente ay tatanggapin ito ng Kamara.

Dahil diyan ay dapat ihanda na ni VP Sara ang kakaharapin niyang impeachment case sa Kamara, period!

XXX

DIREKTIBANG POLICE VISIBILITY NI GEN. ABERIN, NAGPAPABABA NG CRIME RATE SA NCR -- Sa pag-upo ni Brig. Gen. Anthony Aberin bilang director ng National Capital Regional Police Office (NCRPO) noong Nov. 22, 2024 ay agad ipinag-utos nito Manila Police District, Quezon City Police District, Northern Police District, Southern Police District at Eastern Police District ang police visibility sa mga strategic areas sa Metro Manila, at dahil diyan, sa loob lang ng halos isang linggo, mula Nov. 24 hanggang Nov. 30, 2024 ay bumaba ng 17.52 % ang crime rate sa National Capital Region (NCR).

‘Yan palang direktibang police visibility ni Gen. Aberin ang solusyon para bumaba ang crime rate sa Metro Manila, palakpakan naman diyan!

XXX

PARA MATUPAD ANG NAIS NI PBBM NA LABANAN ANG KAHIRAPAN AT KAGUTUMAN, SIBAKIN NIYA SI GADON -- Sa nakaraang selebrasyon ng “Bonifacio Day” noong Nov. 30, 2024 ay isa sa gagawin ng Marcos administrasyon ay labanan ang kahirapan at kagutuman.

Magkakaroon lang ng katuparan ang sinabing iyan ni PBBM kung sisibakin niya si Sec. Larry Gadon bilang Presidential Adviser on Poverty Alleviation (PAPA) kasi ang inaatupag nito ay atakehin si VP Sara at hindi solusyunan na maiahon sa kahirapan at kagutuman ang mga maralitang Pinoy, period!

Pagbabanta ni Sara sa mga Marcos, naglilihis ng atensyon mula sa P612M confi funds — solon

ni Eli San Miguel @News | Nov. 24, 2024

VP Sara Duterte - OVP

Ilang mga lider ng Kamara ang nagpahayag ng suporta kay Speaker Martin Romualdez nitong Linggo, at tinawag ang mga kamakailang pahayag ni Bise Presidente Sara Duterte bilang isang desperadong hakbang para ilihis ang atensyon ng publiko mula sa mga isyu kaugnay ng paggamit ng confidential funds ng kanyang tanggapan.

Sa isang pahayag, binigyang-diin nina Senior Deputy Speaker Aurelio Gonzales Jr., Deputy Speaker Jay-jay Suarez, at Majority Leader Mannix Dalipe na palaging may transparency sina Romualdez at ang Kamara.

Ito’y kasunod ng kontrobersyal na pahayag ni Duterte na inutusan umano niya ang isang tao na patayin sina Pangulong Ferdinand Marcos Jr., First Lady Liza Araneta-Marcos, at Romualdez kung magtagumpay ang diumano’y balak laban sa kanya. Nauna ring sinabi ni Duterte na nais umano ni Romualdez na siya’y mamatay.

“‘Yung mga paratang ni Vice President Duterte, istorya, drama, at budol-budol lang ‘yan. Sanay sila diyan, eksperto sila diyan sa budol-budol,” ani Suarez.

“Diversionary lang ‘yun sa ‘di maipaliwanang na paggastos ng P612.5 million na confidential funds na tinanggap ng OVP (P500 million) and Department of Education (DepEd) noong siya ay education secretary pa,” dagdag pa niya.