‘Di makapaniwala… JUDAY, LOKANG-LOKA NA HALL OF FAMER NA NG MMFF

ni Reggee Bonoan @Sheet Matters | September 16, 2025

Photo: Judy Ann Santos-Agoncillo - IG

Inabot ng walong buwan bago natapos ang Metro Manila Film Festival (MMFF) coffee table book na 50 Years of the MMFF, Limang Dekada: Sine Sigla sa Singkuwenta na ini-launch nu’ng Biyernes, Setyembre 12, sa Manila International Book Fair 2025, SMX, Pasay City.

Siyempre, present sa book launch ang mga miyembro ng MMFF Execom sa pangunguna nina MMDA Chairman Romando “Don” Artes, MMFF Executive Director Atty. Rochelle Ona, Mowelfund Chairperson Boots Anson Roa-Rodriguez, Director Laurice Guillen, Wilson Tieng, MMFF Spokesperson Noel Ferrer, FAP Director General Paolo Villaluna, Direk Joey Romero, OIC of Uniprom and Araneta Group executive Irene Jose atbp..

Pahayag ni Atty. Don Artes, “Sa loob ng mahigit 5 dekada, ang MMFF ay naging tahanan ng mga kuwento at talento ng mga Pilipino. Hindi lamang ito basta festival ng pelikula. Ito ay pagdiriwang ng ating kultura, sining, at pagka-malikhain.

“Ang MMFF coffee table book ay isang paraan upang balikan at ipagdiwang ang ating kasaysayan.”

Makikita sa libro ang mga larawan at kuwento ng mahahalagang sandali at tagumpay ng MMFF. Isa itong alaala ng nakaraan, at inspirasyon para sa hinaharap ng ating pelikulang Pilipino.

Kinilala at pinasalamatan ng MMDA/MMFF chairman ang Hall of Famers ng MMFF dahil sa kanilang natatanging kontribusyon.

Aniya, “Sila ay patuloy na nagbibigay-inspirasyon at buhay sa pelikulang Pilipino. Maraming salamat sa lahat ng katuwang at sumusuporta sa MMFF, lalung-lalo na sa ating Pangulong Ferdinand R. Marcos Jr. at Unang Ginang Liza Araneta-Marcos. Dahil sa inyo, patuloy nating naipapakita sa mundo ang galing ng pelikulang Pilipino.”

Ang ganda ng MMFF coffee table book cover dahil mga larawan ito ng mga icons tulad nina Gov. Vilma Santos-Recto, Christopher de Leon, Vic Sotto, Cesar Montano, Hilda Koronel, Marian Rivera at Dingdong Dantes, Vice Ganda, Dolphy, Nora Aunor at ang The King na si Fernando Poe, Jr..

Kasama rin ang mga larawan ng National Artists sa table of contents: Lamberto V. Avellana, Lino Brocka, Ishmael Bernal, Eddie Romero, Fernando Poe, Jr., Marilou Diaz-Abaya at Ricky Lee.

Anim ang chapters na mababasa sa coffee table book – Light, Shadow, and Story: A Brief History of the Festival; Moviemaking Over the Decades; Stories from the Box Office; Legends & Icons: The MMFF National Artists; MMFF: Evolution, Influence, and Consequence at My MMFF Story.

Ang ABS-CBN Publishing ang naglabas ng 50 Years of the Metro Manila Film Festival, Limang Dekada: Sine Sigla sa Singkuwenta at ang mga nasa likod nito ay sina Ian Reyno, Mark Yambot, Kristine Hernandez, Noella Fonbuena at iba pang naging parte para mabuo ang libro.

Dumalo ang ilang MMFF Hall of Famers na binigyan ng kopya ng coffee table book tulad nina National Artist Ricky Lee, Direk Jose Javier Reyes, Ericson Navarro, Lee Briones-Meily, Roy Iglesias, Judy Ann Santos at Lotlot de Leon (bilang kinatawan ng yumaong ina na si National Artist Nora Aunor).

Nang tanggapin ni Lotlot ang libro, aniya, “It’s an honor to be here among all the greats in our industry. Maraming-maraming salamat sa MMFF.

“Pasensiya po dahil galing pa ako ng Tagaytay. Kahit ano po, gagawin ko para sa aking nanay. “Maraming-maraming salamat po sa pagpupugay once again sa aking ina na si Nora Aunor. At sa lahat po ng nagmamahal sa kanya at hanggang ngayon, pinag-aaralan ang kanyang sining, nawa’y maging inspirasyon po sa lahat ang naging buhay at trabaho ng aking ina.”

Ang speech naman ni Juday nang tanggapin ang libro, “Salamat po sa pagsabing youngest. Minsan ko na lang marinig ‘yan. Kidding aside, salamat po. Napakarami kong magagandang experiences sa lahat ng mga taon na sumali ako sa MMFF mula dalaga pa ako.

“Hindi ko naisip kailanman na makakarating ako sa puntong magiging Hall of Famer ako! Ay, nakakaloka ito!

“Pero sa tiwala ng mga direktor, manunulat at producers na walang tigil na nagbibigay ng magagandang proyekto sa akin, nabuo ako nang husto sa mga pelikulang isinali rito sa MMFF.

“Maraming natutunan, maraming magagandang memories, maraming pagod ang nakamtan ko rito. Pero ‘yung pagod na napaka-worth it kasi marami kang napapasayang mga tao.

“At masaya akong uuwi dahil maipapakita ko sa mga anak ko at asawa ko na kasama ako rito!”

At dahil mabigat ang libro, biro ng aktres, “As in konti na lang, kasimbigat na po s’ya ng trophy noong nakaraang 50th awards night. But again, sa MMDA, Sir, pasalamat po at mabuhay ang pelikulang Pilipino!”

Samantala, sa nasabing book launching ay ipinaalala ni Atty. Artes na extended ang deadline para sa submission ng finished film entries para sa 51st MMFF. Dapat sana ay Setyembre 15 pero gagawing Setyembre 30 na ang huling araw ng pagsusumite. 

Sa Oktubre 10 naman ang announcement ng Final 4 entries na kasama sa MMFF ngayong Disyembre.

At dahil successful ang ginanap na MMFF Celebrity Golf Tournament noong 2024, itutuloy ito ngayong 2025 sa Disyembre 9 sa Wack-Wack Golf and Country Club.

Ang Parade of Stars ay sa Disyembre 19 sa Makati City at ang gabi ng parangal ay sa Disyembre 27.

Nakipag-break sa mga partner… JANELLA AT KLEA, MAGDYOWA NA TALAGA

ni Reggee Bonoan @Sheet Matters | September 4, 2025

Photo: Klea / IG

Ang dalawang bida ng pelikulang Open Endings (OE) na sina Janella Salvador at Klea Pineda ang pinagkaguluhan ng media na dumalo sa Cinemalaya Film Festival (CFF) kahapon nang tanghali dahil nga nali-link sila sa isa’t isa.

Matatandaang naging laman ng balita sa social media sina Janella at Klea dahil na rin sa kumalat na mga larawan nilang sweet-sweet-an.

Sumakto naman dahil naghiwalay na si Klea at ang girlfriend nitong si Katrice Kierulf after ng tatlong taong relasyon at ang dahilan daw ay cheating.

Kaagad namang itinanggi ni Klea na siya ang nangaliwa pero walang ibinigay na detalye kung bakit sila naghiwalay.

At dahil nababanggit ang pangalan ni Janella at maraming larawang magkasama sila ay nagsabi siyang sasagutin niya sa tamang panahon ang lahat ng isyu at nangyari nga ito sa mediacon.

Bungad ng aktres, “Hindi po ako part ng breakup, hindi po ako third party. I want to exclude myself from that and kung ano ‘yung nakikita ninyo, ‘yun na ‘yun.”

Hindi man diretsong inaming, “Yes kami na” pero kung ibabase sa sagot ni Janella na, “Kung ano ‘yung nakikita ninyo, ‘yun na ‘yun,” ay mararamdamang malaman ito.

Tinanong si Janella kung masaya siya ngayon, at aniya, “Nakikita n’yo naman kung gaano ako kasaya.”

Si Klea ang sumunod na tinanong ng TV5 reporter na si MJ Marfori at sinabihang nagba-blush ang Kapuso actress, “Oh, my gosh! Nagba-blush ka.”

Sagot kaagad ni Klea, “Mainit sa venue! Ano ba ang tanong?”

May humirit ng “Are you together?”

Sinalo ni Jasmine Curtis-Smith ang co-star, “Right now we are physically together.”

Natawa nang todo si Klea at sabay sabing “‘Yan, thank you for saving me, Jas. I love you.”

Hindi rin napigilan ni Janella ang tumawa sa narinig na sagot.

Pero seryosong sagot ni Klea, “Kung ano ‘yung nakikita ninyo online o kahit saan, ‘yun na ‘yun! Basta masaya kami.”

Hirit ni Janella, “Kailangang mag-focus muna sa film.”

Sabi rin ni Klea, “Film muna tayo.”

Pero off-camera ay laging magkadikit daw sina Klea at Janella, dikit na dikit sila sa buong presscon. Kilig na kilig, going strong…

Diin naman ng taong malapit kay Janella ay “Friends lang talaga sila!”

Kasama rin si Leanne Mamonong sa pelikula mula sa direksiyon ni Nigel Santos.

Samantala, marami kaming sources na nagsabing playing sweet music together sina Klea at Janella at hindi na rin naman bago ito sa amin dahil sa parte ng Kapamilya actress ay lagi siyang nali-link sa kapwa niya babae, kaya puwedeng sila na nga ng co-star niya sa pelikula.

Tanda naming sabi sa amin nu’ng taga-production ng seryeng kasama si Janella, “Sila na talaga, kaya nga nila hiniwalayan ang respective partners nila para masabing walang cheating.”

Bukas ang BULGAR sa panig nina Klea Pineda at Janella Salvador o ng kampo nila.

Dahilan daw kaya kani-kanya na ang aktor at si Julia… GIGI, NAGSALITA NA SA KUMALAT NA NABUNTIS NI GERALD

ni Reggee Bonoan @Sheet Matters | August 30, 2025

Photo: Gigi De Lana - Julius Babao Unpulugged

Finally, kinlaro na ng singer na si Gigi de Lana ang isyung nabuntis siya ni Gerald Anderson sa Unplugged YouTube (YT) channel ni Julius Babao na in-upload kagabi.

Ilang araw o linggo nang nababalitang isa sa mga dahilan kung bakit nasa cool-off stage ngayon ang celebrity couple na sina Gerald at Julia Barretto ay dahil nabuking na nagkaroon ng something si Gigi at ang aktor.

Sa ilang beses na naming nakapanayam si Gerald para sa serye niyang Sins of the Father (SOTF) ay ayaw niya itong pag-usapan at sabay iling na maski ang ibang kakilala ng binata ay hindi naniniwala na nagkaroon sila ni Gigi ng something.

Nagkatrabaho sina Gerald at Gigi sa TV series na Hello Heart (HH) noong 2021 hanggang 2022 at wala namang balita noon na sila na dahil bago pa noon sina Ge at Julia.

Going back to Gigi, diretsong tinanong ni Julius, “Fake news number 1, buntis ka raw?”

Natatawang sagot ng dalaga, “Hindi po. Hahaha! I’m not pregnant with whom?”

Hirit ng host, “Obvious naman ‘no (hindi buntis). Pero nagkasama kayo ni Gerald?”

Kuwento niya, “Opo, napakabait na tao, ‘yan si Ge. Masarap katrabaho kasi marami akong natutunan sa kanya as an artista at grabe, very humble, very sweet s’ya sa lahat.”

“Fake news number 2, nagda-drugs ka raw?” tanong ni Julius.

“No! Ang pinaka-drugs ko lang ay ‘yung cats ko at foodie ako,” diin ni Gigi.

Hayan, nagsalita na si Gigi na walang katotohanan ang buntis issue kay Gerald. At kaya naman napagdududahang nagda-drugs si Gigi ay dahil payat siya ngayon kumpara dati na may laman.

“Ang daming nagsasabi na ang taba ko kasi, nakikita n’yo na mataba ako dati at healthy ako. Actually, doon muna sa sinasabing healthy ako that time (ipinakita ang lumang larawan), no, I’m not healthy nu’ng time na ‘yun kasi meron akong bad eating habits. Kakain ako hangga’t sobra akong mabusog and then (sabay turo sa bunganga – bulimia).

“I’m bulimic po (nagulat si Julius). Opo, nu’ng time na ‘yun. Nu’ng time na ‘yun, hindi ako aware. I’m very open about this, ha? Sa mga bulimic d’yan, I think you should be aware kasi it’s really bad for you. Kasi kumakain ka, tapos iluluwa mo? Eh, maraming taong hindi nga nakakakain, tapos iluluwa mo?

“Hindi ako ‘yung nakapansin kasi I’m not really aware sa ganu’ng sakit. Ginagawa ko lang para pumayat ako. I want to eat what I want as many as I can and then, isusuka ko ‘pag nakita kong medyo gumaan na ‘yung tiyan ko. Tapos, stop ko na.

“Pero now, I’m happy na hindi na po ako ganu’n. Yey! At nakatulong na maging aware ako na kailangan kong kumain ng healthy at sapat lang. I’m not really fat, I’m just unhealthy. Now, I’m healthy kasi ang daming nagwo-worry na ang payat-payat ko na.

“May check-up ako every 6 months at ‘yung eating habits ko now is controlled kahit 4 times a day ako kumakain,” pagtatapat ni Gigi.

Sabi ni Julius, “Oo nga, nakita ko kanina kung kumain ka, parang ibon.”

“Yes, ‘pag nararamdaman kong meron nang laman ang tiyan ko, not super full, I’m good. Kasi kapag super full, ina-acid na ako, so I need to take care of myself.

“Ang pinaka-best na ginagawa ko ngayon, share ko na rin, ‘yung garlic, ibabad mo sa raw honey for one week and then you take the raw garlic every morning after fermentation, without eating or drinking. Tapos kimchi is good din for your health. Puwede mong pagsabayin, garlic and kimchi, para ka nang nag-samgyup. Then after 30 minutes, drink hot water, eliminates acid. It works for me,” paliwanag pa ni Gigi.

Limitado na ang food intake ni Gigi kaya maintained na ang katawan niya ngayon at sinabayan pa ng workout. 

At wala na rin siyang bulimia ngayon.

Nangyari raw ito noong nagkasakit ang pinakamamahal niyang ina hanggang sa nawala na ito sa piling niya.

---

‘Di lang daw 1 taon at 2 buwan, 3 yrs. old na… 

AJ AT ALJUR, TAMEME SA IBINULGAR NI JERIC NA MAY ANAK NA SILA

MAY natanggap kaming tsika mula sa taong mapagkakatiwalaan na sinabing hindi lang isang taon mahigit ang edad ng panganay nina AJ Raval at Aljur Abrenica kundi may tatlong taon na raw.

Kamakailan ay inamin ng tatay ni AJ na si Jeric Raval na dalawa na ang apo niya sa anak, isang lalaki at isang babae na ang edad ay isang taon at dalawang buwan, at ang bunso ay siyam na buwan.

May mga lumabas pang dalawang buwan ang bunso nina AJ at Aljur kaya may mga nagsabing nalilito na si Jeric sa dami ng apo niya.

Gusto naming isiping masakit ang ulo nu’ng gabing ‘yun ni Jeric dahil panay ang hawak niya sa batok at ulo na pasimpleng dinidiinan. Baka kulang siya sa tulog dahil sunud-sunod ang puyat niya.

Anyway, anuman ang totoo, tatlong taon o mahigit isang taon na ang panganay nina Aljur at AJ, ang mahalaga ay umamin na silang may mga anak na sila, at vindicated ang mga nagsulat o nagbalita.

Ang hinihintay ng lahat ay ang statement naman nina Aljur Abrenica at AJ Raval tungkol sa pagkumpirma ng kanilang ama.