Ex-sundalo, ibinulgar ang pag-deliver ng male-maletang pera kay Romualdez

ni Mylene Alfonso @News | February 25, 2026

Photo File: Philippine Marine Corps

Kinumpirma ng 18 dating sundalo ang naunang akusasyon ni dating Marine Orly Guteza na nagdala siya ng pera kay dating House Speaker at Leyte Rep. Martin Romualdez galing sa kickback mula sa flood control projects.

Sa isang press conference sa Club Filipino sa San Juan, sinabi ni Atty. Levi Baligod na ilang beses nagdala ang mga sundalo ng male-maletang pera na aabot sa P805 bilyon kay Romualdez at Pangulong Ferdinand Marcos, Jr. sa Forbes Park at Paoay, Ilocos Norte.

Naglabas si Baligod ng mga larawan na nagpapakita ng maraming maleta na ginamit sa pagdadala ng pera.

Sinabi rin ni Baligod na ginamit pa sa paghahatid ng pera sa iba’t ibang pulitiko ang eroplano ni dating Cong. Zaldy Co.

Nauna nang sinabi ni Guteza na nagdala siya ng 46 maleta ng pera kina Romualdez at Co.

Iginiit ni Baligod na naniniwala siya na si Marcos ang utak ng anomalya habang nasa ilalim niya sina Romualdez at Co.

Inihayag din ni Baligod na nakatanggap siya ng balita na si Guteza ay umalis na ng bansa.

“Marami po kaming nasasagap na balita na pinapunta po siya sa ibang bansa,” dagdag ni Guteza.

---

4 sa 18 na iprinesenta ni Baligod, ‘di naging miyembro ng Navy — PH Navy

by Info @News | February 25, 2026

‘Hindi naging miyembro ng Navy’

Kinumpirma ng Philippine Navy o na hindi naging miyembro ng kanilang hanay at ng Philippine Marine Corps ang apat sa 18 marines na 'bagmen' umano habang ang ilan dito ay na-dismiss na dahil sa dishonorable charges.

Kaugnay ito ng paglantad nila sa isang press conference ni Atty. Levi Baligod kung saan ibinulgar nila ang anila’y paghatid umano nila ng kickback sa ilang opisyal ng gobyerno kabilang si Pangulong Ferdinand Marcos, Jr.

Samantala, hinimok naman ng Navy ang publiko na maging mapanuri laban sa maling impormasyon at iginiit na mananatili silang propesyonal, non-partisan, at magtatanggol sa soberanya ng bansa.

Kadete ng PMMA, natagpuang patay sa banyo

ni Lolet Abania | July 7, 2021

Isang kadete ng Philippine Merchant Marine Academy (PMMA) ang natagpuang patay sa loob ng isang banyo ng barracks nito sa San Narciso, Zambales.

Kinilala ang biktima na si Jonash Bondoc na nakitang patay bandang alas-6:30 ng umaga ng Miyerkules.

Ayon sa mga awtoridad, naisugod pa umano ang kadete sa ospital subalit idineklara ring patay ng mga doktor. Wala pang inilalabas na ibang detalye ang pulisya sa naging sanhi ng kanyang pagkamatay.

Gayunman, ayon sa PMMA, nagbitiw umano sa tungkulin ang commandant of cadets, battalion officer at company officer matapos ang insidente. Patuloy na iniimbestigahan ng pulisya ang nangyari sa kadete.

Cagayan, naging Pacific Ocean dahil sa baha

ni Thea Janica Teh | November 14, 2020

Pinapunta na sa Cagayan Valley kaninang madaling-araw ang Philippine Marine rescue team upang saklolohan ang mga residenteng na-stranded sa kanilang mga bahay at bubong dahil sa Bagyong Ulysses, ayon kay Vice-President Leni Robredo.

Viral ngayon sa social media ang paghingi ng tulong ng mga residente sa Cagayan at ilan pang kalapit na lugar dahil ilang araw na silang stranded at tumataas pa ang baha. Kaya naman agad itong inaksiyunan ni VP Leni at nagpadala ng rescue team.

Ang pagpapakawala ng tubig sa Magat Dam ang isang sanhi ng patuloy na pagtaas ng tubig sa rehiyon dahil naabot na nito ang critical level. Kaya naman, nahirapan ang mga rescuers sa pagpunta sa Cagayan at Tuguegarao dahil sa lakas ng daloy ng tubig at hindi posible ang land transportation sa ibang area.

Ayon kay Cagayan Gov. Manuel Mamba, mistulang naging Pacific Ocean ang kanilang probinsiya dahil sa baha. Bukod pa rito, sinabi ni Col. Ascio Macalan ng Cagayan Provincial Risk Reduction and Management Office na lahat ng munisipyo na tabi ng Cagayan River ay binaha. Nalagpasan din umano ng baha ngayon ang baha noong 2019.

Sa ngayon ay nakarating na rin ang iba pang rescue team tulad ng Philippine Coast Guard at Philippine Army sa Brgy. Linao East upang tumulong sa pag-rescue sa mga na-stranded.