PBBM, walang kasalanan sa flood control scam — Ping

ni Mylene Alfonso @News | February 9, 2026

Photo File: Bongbong Marcos - Office of the President

Wala umanong nakitang sapat na batayan ang Senate Blue Ribbon Committee para panagutin si Pangulong Ferdinand Marcos, Jr. kaugnay ng mga alegasyong iregularidad sa flood control projects.

Ayon kay Senador Panfilo “Ping” Lacson, si Pangulong Marcos lamang ang nag-aapruba at hindi siya ang nagpe-prepare ng General Appropriations Act.

“Wala kaming makita na may pananagutan ang Pangulo batay sa imbestigasyon ng Senate Blue Ribbon Committee kasi ang presidente, nag-a-approve talaga ng GAA kapag napunta sa kanya. Hindi naman siya ang nag-prepare ng GAB,” wika ni Lacson sa isang panayam.

Binanggit din ng senador na mas nararapat umanong ipaubaya sa paghatol ng House Committee on Justice ang usapin ng pananagutan ni PBBM, na nauna nang nagbasura sa mga reklamong impeachment laban sa Punong Ehekutibo.

“It is better left to the appreciation of the House Committee on Justice kasi dinismiss na nila ang kaso. Ako, personally, wala akong alam sa nilalaman ng impeachment complaint,” diin ng senador.

Gayunman, sinabi ni Lacson na patuloy pa ring tatalakayin ng komite ang nararapat na hakbang, kabilang ang posibleng pananagutan ng sinuman, kaugnay ng isyu ng flood control projects. 

Sen. Ping, aminadong walang moral authority, ayaw makialam sa pag-absent ni Sen. Bato

ni Mylene Alfonso @News | January 28, 2026

File Photo: Sen. Ronald Bato Dela Rosa at Sen. Ping Lacson - FB

Hindi magiging bahagi si Senate President Pro Tempore Panfilo “Ping” Lacson ng anumang posibleng rekomendasyon para parusahan si Sen. Ronald “Bato” dela Rosa kaugnay ng kanyang pagliban sa Senado, kung mangyari man ito.

Ayon kay Lacson, wala siyang moral authority sa nasabing usapin dahil naranasan din niya ang katulad na sitwasyon kung saan napilitan siyang magtago noong 2010.

“I will not be part of any recommendation to sanction him if it comes to that in relation to his long absence for one simple reason - I have no moral authority as I was in almost the same situation more than 15 years ago,” ani Lacson.

Nitong Martes, tinalakay ni Lacson kasama si Senate President Vicente Sotto III ang mga posibleng hakbang ukol sa kaso ni Dela Rosa, na hindi lumahok sa mga sesyon ng Senado mula Nobyembre 2025.

Sa kaso ni Lacson, napilitan siyang magtago mula 2010 hanggang 2011 bilang isang “fugitive from injustice,” matapos tumanggi siyang danasin ang parusa sa krimeng hindi niya ginawa.

Hindi naglaon, pinawalang-sala ng Korte Suprema si Lacson sa mga umano’y kaso laban sa kanya.

Si Dela Rosa naman ay nagtatago mula nang ihayag ni Ombudsman Jesus Crispin Remulla na naglabas ang International Criminal Court ng arrest warrant laban sa kanya bilang akusado sa kasong kaugnay ng war on drugs ng nakaraang administrasyon. 

Campaign expenses, 'di ratings, dahilan ng pagsuporta ng Partido Reporma sa ibang kandidato — Lacson

ni Jasmin Joy Evangelista | March 25, 2022

Inihayag ni Senator Panfilo Lacson ngayong Biyernes na ang dahilan sa pagsuporta ng Partido Reporma sa ibang presidential candidate ay hindi dahil sa survey ratings kundi dahil hindi siya nakapagbigay ng P800 million para sa campaign funds ng local candidates ng partido.

"If pre-election surveys was his primary reason for switching his support, I don't believe it because like me, Mayor Isko [Moreno], and Sen. [Manny] Pacquiao, his newly chosen candidate is also lagging far behind the survey leader," ani Lacson sa isang Viber message sa mga reporters, kung saan tinutukoy nito si Davao del Norte Representative Pantaleon Alvarez, pangulo ng Partido Reporma.

"Time to call a spade a spade. It was actually more about the issue of campaign expenses for their local candidates. His chief of staff was asking for 800 million pesos in additional funding which I honestly told him I cannot produce."

“As I said yesterday, I harbor no ill-feelings for what he did. It is better that we both stop talking about this but if he insists to explain his action, I’ll be prompted to respond to correct his statements,” paliwanag pa ni Lacson.

Ang desisyong ito ng Partido Reporma ay nagtulak kay Lacson para magbitiw bilang chairman at member ng partido.

"It is better that he both stop talking about this but if he insists to explain his action, I'll be prompted to respond to correct his statements," aniya pa.

Samantala, sinagot naman ni Alvarez ang pahayag ni Lacson:

"That's not true. I never asked funding requirements from him for our local candidates," pahayag ni Alvarez sa GMA News Online sa isang text message.

"We can very well fund our own candidates."

Ayon pa kay Alvarez, posibleng ang tinutukoy ni Lacson ay ang funding requirements para sa poll watchers ng Partido Reporma sa araw ng eleksiyon.