top of page
BULGARY - PRIME MINISTER NG TIMOR-LESTE, NAPASAYAW SA KANTA NG SB19_IG _officialSB19.jpeg
Search

by Jeff Tumbado @News | November 19, 2026



Ang kinilalalng si Dr. Dionel Villavito Mahusay, Ed.D., principal ng Datu Pendililang Piang Elementary School sa Brgy. Salbu, Datu Saudi Ampatuan, Maguindanao del Sur - Circulated

Photo: Ang kinilalang si Dr. Dionel Villavito Mahusay, Ed.D., principal ng Datu Pendililang Piang Elementary School sa Brgy. Salbu, Datu Saudi Ampatuan, Maguindanao del Sur - Circulated



Patay ang isang punong-guro matapos pagbabarilin ng hindi pa nakikilalang mga suspek sa Brgy. Salbu, Datu Saudi Ampatuan, Maguindanao del Sur, Miyerkules ng umaga.


Kinilala ni PLt. Mohammad U. Ali ang biktima na si Dr. Dionel Villavito Mahusay, Ed.D., principal ng Datu Pendililang Piang Elementary School.


Nagmamaneho ang biktima ng kanyang minivan patungo sa paaralan nang tambangan at pagbabarilin ng mga suspek alas-7:30 ng umaga.


Nabatid na may 10 tama ng bala ang minivan, partikular sa bahagi ng driver's side.

Ayon kay Ali, tinatayang 50 metro lamang ang layo ng pinangyarihan ng pamamaril mula sa bahay ng biktima.


Hindi na naabutan ng mga rumespondeng pulis ang bangkay ng biktima sa pinangyarihan ng krimen dahil agad na itong dinala ng kanyang pamilya sa kanilang tahanan.


Nagsagawa na ng hot pursuit operation ang mga awtoridad upang matukoy at madakip ang mga salarin habang patuloy naman ang pangangalap ng ebidensya ng mga imbestigador.


Patuloy ding inaalam ng pulisya ang motibo sa likod ng pamamaslang.

 
 

ni Lolet Abania | June 23, 2022



Isang plebisito para sa ratipikasyon sa dibisyon ng Maguindanao na maging dalawang probinsiya ay nakatakdang isagawa sa Setyembre 17, 2022, batay sa anunsiyo ng Commission on Elections (Comelec) ngayong Huwebes.


Ayon kay acting Comelec spokesperson John Rex Laudiangco, naitakda ng Comelec en banc ang petsa para sa plebisito sa Maguindanao sa kanilang regular session.


Matatandaang inaprubahan at nilagdaan na maging batas ni Pangulong Rodrigo Duterte noong Mayo 27, 2021 ang Republic Act 11550, kung saan mahahati ang southern province sa Maguindanao del Norte at Maguindanao del Sur.


Sa ilalim ng Republic Act 11550 ay nakapaloob, “the law dividing the province of Maguindanao into Maguindanao del Norte and Maguindanao del Sur, the two provinces will be created upon approval by the majority of the votes cast by the voters of the affected areas in a plebiscite to be conducted and supervised by the Comelec within 90 days from the date of the effectivity of the law.”


Sa naturang batas, ang Maguindanao del Norte ay bubuuin ng mga munisipalidad ng Barira, Buldon, Datu Blah Sinsuat, Datu Odin Sinsuat, Kabuntalan, Matanog, Northern Kabuntalan, Parang, North Upi, Sultan Kudarat, Sultan Mastura, at Talitay.


Ang seat ng gobyerno nito ay Datu Odin Sinsuat. Ang Maguindanao del Sur ay bubuuin naman ng Ampatuan, Buluan, Datu Abdulla Sangki, Datu Anggal Midtimbang, Datu Hoffer Ampatuan, Datu Montawal, Datu Paglas, Datu Piang, Datu Salibo, Datu Saudi Ampatuan, Datu Unsay, Gen. Salipada K. Pendatun, Guindulungan, Mamasapano, Mangudadatu, Pagalungan, Paglat, Pandag, Rajah Buayan, Sharif Aguak, Sharif Saydona Mustafa, Sultan sa Barongis, Talayan, at South Upi. Ang seat ng gobyerno nito ay Buluan.


 
 

ni Thea Janica Teh | January 3, 2021




Nakaligtas sa isang ambush si South Upi Maguindanao Mayor Reynalbert Insular habang sugatan naman ang kasama nitong isang konsehal at tatlong relief workers sa Barangay Pandan, South Upi ngayong Linggo.


Miyembro si Mayor Insular ng South Upi Municipal Disaster Risk Reduction and Management Council (MDRRMC) na pauwi na sana sa kanilang bayan galing sa relief operation sa Barangay Itaw nang tambangan ng mga hindi pa nakikilalang armadong lalaki bandang alas-2 ng hapon.


Ayon kay Major Gen. Juvymax Uy, 6th Infantry Division commander, agad na ni-rescue ng 57th Infantry Battalion ang mga biktima at isinugod sa ospital.


Matapos ang ambush, umatake ang 2 helicopter at nagpaputok ng rocket at machine gun sa mga suspek na hinihinalang tumakas papunta sa bayan ng Talayan, Datu Saudi at Datu Unsay sa Maguindanao.


Hinihinalang ang mga naturang suspek din ang salarin sa paglikas ng halos 12 pamilyang kabilang sa etnikong Teduray sa Barangay Itaw noong Bagong Taon matapos magpaputok ng baril sa kanilang tinitirhan.


Sa ngayon ay pinaghahanap pa rin ng mga awtoridad ang mga suspek at inaalam ang pagkakakilanlan ng mga ito.

 
 
RECOMMENDED
bottom of page