top of page
WINNER - MICHELLE, ATRAS NA SA PAG-JOIN SA MISS GRAND INTERNATIONAL ALL STARS 2026_IG _mic
Search

ni Rohn Romulo @Run Wild | October 7, 2026



Heart Evangelista, Paris Hilton at Jung Hae In - IG

Photo: Heart Evangelista, Paris Hilton at Jung Hae In - IG



Nanguna naman pala bilang Top Celebrity Voice sa New York Fashion Week (NYFW) para sa Spring/Summer 2027 ang Kapuso actress at fashion icon na si Heart Evangelista.


Ayon sa tala ng fashion analytics firm na Launchmetrics, nakakuha si Heart ng $7.6 million o mahigit P475 million Media Impact Value (MIV), na dahilan para maungusan niya ang ilan sa mga sikat sa international entertainment scene.


Kinabog lang naman ni Heart sa ranking sina American personality Paris Hilton, na nakakuha ng $2.5 million o mahigit P156 million, at South Korean actor Jung Hae-In na may $2.3 million o higit P143 million.


Sa overall ranking naman ng top celebrity ‘voices’ sa NYFW, nasa ikatlong puwesto si Heart, kasunod ng Vogue US na may $13.2 million o higit P825 million MIV at Calvin Klein na may $8.6 million o higit P537 million.





2 yrs. old na ang panganay…

RIA, BUNTIS SA 2ND BABY NILA NI ZANJOE



NAKATSIKAHAN namin si Zanjoe Marudo bago ang block screening ng Apol of My Ai (AOMA) na binook ni Sylvia Sanchez sa Gateway Cinema 6 nu’ng Linggo para sa family and friends matapos tanghaling Best Supporting Actor ang mister ni Ria Atayde para sa nasabing pelikula sa Puregold CinePanalo Film Festival noong September 30.


Muli ngang pinatunayan ni Zanjoe sa parangal na ito na hindi lang siya basta leading man material dahil sa bawat karakter na kanyang ginagampanan, lalo niyang pinatutunayan ang kanyang versatility at lalim bilang aktor.


Sa AOMA, naging kapansin-pansin ang pagganap ni Zanjoe bilang Poli, ama ni Apol (Zion Cruz, na nagkamit ng Panalong Child Actor award), na nagbigay ng sariling bigat at emosyon sa pelikula.


Sayang nga lang at hindi personal na natanggap ng aktor ang kanyang award dahil nasa malayo raw siyang lugar para sa taping. At kinabukasan ay may sipon sila ng anak na si Baby Sabino, kaya hindi rin advisable na lumabas.


Ayon pa kay Z (tawag kay Zanjoe), si Direk Jeffrey Jeturian daw ang nagparating sa kanya ng magandang balita. At inamin niyang hindi rin siya makapaniwalang nanalo siya.

Samantala, kamakailan ay nag-two years old na ang anak nila ni Ria Atayde, kaya natanong si Zanjoe kung kailan nila balak sundan si Baby Sabino.


Parang natatawa pang sumagot ang aktor, buntis na pala uli ang kanyang misis at ilang buwan na. Kaya nang huli naming makita ang mag-asawa sa Puregold CinePanalo, ang lusug-lusog na naman ni Ria.


Kaya pala nang tiningnan namin ang aktres nang maganap ang block screening ng pamilya Atayde, may aura talaga siya ng magandang pagdadalantao.


Hindi naman ini-reveal ni Zanjoe kung ilang buwan na ang dinadala ng misis, kaya aabangan na lang next year kung kailan manganganak.


Nang tanungin naman kung ano ang magiging gender ng kapatid ni Baby Sabino, okay lang daw kahit boy or girl basta malusog lang.


For sure, excited na rin sina Papa Art Atayde at Sylvia Sanchez sa pagdating ng ikalawang apo.


Congrats, Zanjoe and Ria!

 
 

ni Nitz Miralles @Bida | March 9, 2026



Heart Evangelista sa Paris Fashion Week - Circulated

Photo: Heart Evangelista sa Paris Fashion Week - Circulated



Sa nagtapos na Paris Fashion Week ang pinaka-daring na pagrampa ni Heart Evangelista sa mga dinadaluhan nito. Ilang beses siyang nagpasilip ng boobs sa kanyang mga suot at sa isa niyang OOTD (outfit of the day), hindi na lang ang side boobs ang kanyang ipinasilip, braless si Heart at nakakatuwa na walang bastos na comment sa kanyang Instagram (IG).


Ang ilang comments nga sa kanya, “Always unique, original, fashionista,” “Never boring idea. You are in blazing fire,” “Only @iamhearte can pull that street style superstar,” “May naabot ang kaartehan ng babaeng ito and we are proud of you,” at “This look is dangerously hot. I want to wear that outfit too.” 


Sa post niyang ginamit namin ang photo niya sa kolum na ito, sumisilip pa rin ang boobs ni Heart, pero mas modest sa iba niyang OOTD. Pinuri na naman ang pagiging daring at risk-taker niya sa mga isinusuot at comment ng isa nitong fan, sigurado raw na nganga ang mga bashers ni Heart.


Well, may nagtanong lang kung hindi ba nasasaktan si Heart sa dami ng mga earrings na suot? May nagtanong pa kung nag-uulit ba siya ng pagsusuot ng earrings.


Sa X (dating Twitter), makikita ang mga bashers ni Heart at mababasa ang pamba-bash sa kanya. May nagtanong kung ano ang reaction ni Sen. Chiz Escudero sa mga daring OOTD niya. May curious ding nagtanong kung ano raw kaya ang reaksiyon nina Cong. Bong Suntay at Atty. Ferdie Topacio sa mga suot ni Heart Evangelista.



MAY magandang balita si Debbie Lopez na may billboard siyang ilalabas o itataas this March. Ang billboard ay tungkol sa pagiging Moderu ambassadress niya ng Moderu Talent Management Billboard Distributor.


Makikita ang billboards ni Debbie sa Makati, Taguig, Pasay, Parañaque at Villamor Airbase beside Newport. Intriguing ang comment ni Joy Moderu, ang CEO ng Moderu Talent Management Billboard Distributor and Billboard Provider na, “Yes, legit ang billboard mo, ‘di edited ang lalabas. Ewan ko lang sa iba.”


Sayang at hindi nagbanggit si Joy ng edited billboard ng mga celebrities. Also, may bagong title si Debbie, ang ‘The Princess of Billboard’.


Anyway, galing sa Cebu si Debbie. Dumalo siya sa alumni homecoming ng Saint Teresa School of Talisay. Masaya ang pagbisita ni Debbie sa Cebu at sa kanyang school at may video na nakipagsayaw siya sa mga bata. 


Nag-perform din siya sa harap ng mga estudyante at kinanta ang single niyang Ang Higugmaon Ka.


Dumalo rin si Debbie sa JS Prom ng STS sa Waterfront Lahug bilang guest performer. Isa sa masasayang nangyari sa pagbisita ni Debbie sa Cebu at sa kanyang alma mater ay naka-bonding niya ang mga madre na nagpapatakbo sa nasabing school.


Siguradong hindi iyon ang last na pagbisita niya sa Cebu, lalo na sa Talisay at sa dati niyang school.





Mister, ‘di pa nagsasalita… ANNE, KINAMPIHAN NG MGA KAPWA CELEBS VS. SUNTAY



PARANG “Who’s Who” in showbiz ang mga pangalan ng mga nag-comment sa post ni Anne Curtis sa Instagram (IG) tungkol sa kanyang statement patungkol sa controversial na pahayag ni Cong. Bong Suntay.


Ang daming celebrities ang nag-comment ng “I stand with @annecurtissmith,” kabilang sina Ogie Alcasid, Martin Nievera, Jolina Magdangal, Shaina Magdayao, Lotlot de Leon, Bianca Gonzalez, Shuvee Etrata, Camille Prats at Jackie Lou Blanco. 


Ang iba, nag-comment ng mga emojis ng hands clapping gaya nina Amy Perez, Candy Pangilinan, Mond Gutierrez, Sofia Andres at Alex Gonzaga.


Ang iba, nagpahayag ng pagiging proud kay Anne at nagpasalamat sa paglaban niya kay Suntay. 


Si Pokwang, ang sabi, “LABAN, ‘nak. Dumarami na mga mambabastos, ‘di mambabatas.” 

Sabi naman ni Lea Salonga, “Courage and class.”


Maganda rin ang comment ng wife ni Kim Atienza na si Felicia Atienza na, “Respect women is not an ask, it is basic manners. Bravo, Anne.” 


At si Miriam Quiambao na ang sabi, “Women support women. This is what women’s is all about. Thank you @annecurtissmith for speaking.”


Ang comment na lang ni Erwan Heussaff ang hinihintay. Mag-ingat daw si Suntay at baka pasabog ang comment ng husband ni Anne Curtis.

 
 

ni Vinia Vivar @Frankly Speaking | Oct. 4, 2024



Doc Willie Ong at Jessica Sojo - KMJS

Sa last day ni Heart Evangelista sa Paris Fashion Week (PFW) ay pinaligaya niya ang mga street photographers and videographers na walang sawang nag-aabang sa kanya at sa iba pang celebrities para makakuha ng photos and videos.


Makikita sa ipinost na videos and reels ni Heart sa kanyang Instagram (IG) na namigay siya ng coffee, pastries and bracelet sa sandamakmak na mediamen na nasa labas ng venue.


Mapapanood na tuwang-tuwa ang mga ito at abut-abot ang pasasalamat kay Heart. Sey pa ng isa, maghapon na nga raw silang nagtatrabaho at gutom na sila.


“Love you guys, thank you for always making me feel appreciated. To all the street style photogs, rain or shine, summer or winter, you have my heart - I would stop everything I do just to get the shot you need, you guys are the real fashion heroes,” mensahe ng pasasalamat ni Heart.


Last year ay namigay naman ng coffee and donuts si Heart sa mga street photographers at mga videographers.


Samantala, mapapanood din sa video na naging emosyonal si Heart Evangelista sa kanyang last day sa Paris.


Umiiyak na sabi ng aktres, “Kaya ako umiiyak kasi kanina, nagdasal ako na sana okey lahat kasi nag-pictorial ako dati dito, iba ‘yung mga kasama ko.”

Kung sino ang tinutukoy niyang mga kasama niya before ay hindi na niya sinabi.



MAS maraming Pilipino ang patuloy na tumututok sa mga teleserye ng ABS-CBN matapos basagin ng Lavender Fields (LF) at Pamilya Sagrado (PS) ang online viewership records nila sa Kapamilya Online Live sa YouTube (YT) nitong Miyerkules (Oktubre 2). 


Nakamit nga ng LF ang bago nilang all-time high peak concurrent views na 657,514 matapos pakinggan ni Zandro (Albert Martinez) ang paliwanag ni Jasmin (Jodi Sta. Maria) tungkol sa kanyang pagtatago sa katauhan ni LF at sa pagpapatakas dito mula kina Iris (Janine Gutierrez). 


Samantala, panibagong milestone rin ang nagawa ng PS bilang kauna-unahang primetime serye sa ikatlong slot na makaabot ng lagpas 300,000 peak concurrent views. 


Nakakuha ang serye ng 307,369 peak views nang abangan ng manonood ang unang pagkikita nina Rafael (Piolo Pascual) at Moises (Kyle Echarri) matapos malaman ng dating presidente na anak pala niya ang huli. 


Makikilala rin ng manonood ang mga bagong karakter na aabangan nila sa serye na sina Ketchup Eusebio, Argel Saycon, Zeppi Borromeo, Marela Torre, Ross Pesigan, Junjun Quintana, at Ryan Eigenmann.


Hindi naman pinalalampas gabi-gabi ng mga viewers ang maaksiyong eksena sa FPJ’s Batang Quiapo (BQ) na may pinakamataas na all-time high concurrent viewership record na 729,234 views lalo pa at nanganganib ang buhay ni Tanggol (Coco Martin) sa kamay ni Facundo (Jaime Fabregas) at ang inaabangang paghihiganti ng mga Montenegro sa mga Caballero. 

 
 
RECOMMENDED
bottom of page