Inday at Habagat, humagupit... 10 nalibing nang buhay

ni Jeff Tumbado @News | July 11, 2026

Photo: Dulot ng bagyo - MDRRMO-Datu Odin Sinsuat

Sampung indibidwal ang nasawi habang tatlo pa ang nawawala matapos matabunan ng gumuhong lupa ang dalawang bahay sa Sitio Blesong Fundao, Brgy. Poblacion, Malapatan, Sarangani kahapon.

Ayon sa ipinadalang report sa National Disaster Risk Reduction and Management Council (NDRRMC), natabunan ng lupa ang mga bahay ng mga pamilyang Maladian at Yaton na itinayo sa gilid ng bundok.

Ayon sa mga awtoridad, dulot ng malalakas na pag-ulan na naranasan sa lugar simula pa nitong Biyernes ng umaga ang pagguho ng lupa.

Naniniwala rin ang mga opisyal na humina ang pundasyon ng lupa bunsod ng magnitude 7.8 na lindol na tumama sa lugar noong Hunyo 8, kasabay ng ilang araw na tuloy-tuloy na pag-ulan.

Bukod sa landslide, nakaranas din ng pagbaha nitong Huwebes ng gabi ang mga barangay ng Sapu Padidu, Sapu Masla at Libi.

Ayon sa MDRRMO, nasa 115 pamilya ang inilikas at pansamantalang nanunuluyan sa tatlong evacuation centers.

Bagyong Inday at Josie, joint forces

ni Benjamin Chavez @News | July 8, 2026

Photo: DOST-PAGASA

Inaasahang papasok sa Philippine Area of Responsibility (PAR) ang dalawang bagyo, ang Super Typhoon Inday na inaasahang papasok ng Martes o Miyerkules at ang binabantayan din sa labas ng PAR na tatawaging Bagyong Josie, sa mga susunod na araw, ayon sa PAGASA.

Bagama’t wala pa umanong direktang epekto sa bansa sa kasalukuyan, inuulan na ang ibang bahagi ng bansa dulot ng easterlies na umiiral.

Patuloy na mino-monitor ng state weather bureau ang galaw ng dalawang sama ng panahon na posibleng magbago ang direksyon at lakas.

Super Bagyong Inday

ni Jeff Tumbado @News | July 3, 2026

Photo: PAGASA-DOST

Posibleng lumakas at maging ganap na super typhoon ang tropical storm na kasalukuyang binabantayan sa labas ng Philippine Area of Responsibility (PAR), ayon sa Philippine Atmospheric, Geophysical and Astronomical Services Administration (PAGASA).

Sa weather advisory nitong alas-5 ng madaling-araw, inaasahang papasok sa PAR ang sama ng panahon sa Miyerkules o Huwebes ng susunod na linggo at tatawaging “Inday.”

Ayon kay PAGASA weather specialist Leanne Loreto, patuloy pang lalakas ang bagyo sa mga susunod na araw, bagama’t hindi pa tiyak ang magiging direksyon.

Maaari rin nitong palakasin ang habagat o southwest monsoon, na posibleng magdulot ng mas malalakas na pag-ulan sa ilang bahagi ng bansa.