Nasaktang asawa lang ang may karapatang maghain ng adultery

ni PAO Chief Persida Rueda-Acosta @Magtanong Kay Attorney | June 3, 2026

Dear Chief Acosta,

Maaari bang ipagkatiwala ko sa kinatawan ko ang paghahain ng kasong Adultery laban sa asawa ko at sa kanyang kabit? — Dylan

---

Dear Dylan,

Una sa lahat, itinuturing na nagkasala sa krimeng Adultery kung ang babaeng may asawa ay nakipagtalik sa ibang lalaki na hindi niya asawa. Sa parte ng nasabing lalaki, kailangan ay alam niya na ang babae ay kasal na para mapanagot siya sa batas. 

Kaugnay nito, sa kasong Aurel Ann Chua-Chiba vs. Jin Chiba and Michael Llona, G.R. No. 277020, 19 Mayo 2025, sa panulat ni Hon. Associate Justice Antonio T. Kho, Jr., tinalakay ng ating Korte Suprema ang mga sumusunod:

“Rule 110, Section 5 of the Revised Rules of Criminal Procedure provides:

Section 5. Who must prosecute criminal actions. — 

The crimes of adultery and concubinage shall not be prosecuted except upon a complaint filed by the offended spouse. The offended party cannot institute criminal prosecution without including the guilty parties, if both are alive, nor, in any case, if the offended party has consented to the offense or pardoned the offenders. 

Consequently, it has been held that ‘[w]hen it is said that the requirement in Article 344 (that there shall be a complaint of the offended party) is jurisdictional, what is meant is that it is the complaint which confers jurisdiction on the court to try the case. The court’s jurisdiction is vested in it by the Judiciary Law.”

Alinsunod dito, ang Adultery, bilang isang pribadong pagkakasala, ay hindi maaaring usigin maliban sa isang reklamong inihain ng nasaktang asawa at hindi makakapagpasimula ng kriminal na pag-uusig nang hindi kasama ang parehong mga nagkasalang partido, kung sila ay parehong buhay, o sa anumang kaso, kung siya ay pumayag o nagpapatawad sa mga nagkasala. 

Kaya, kinakailangang ikaw mismo ang maghain ng reklamo laban sa iyong asawa at sa kanyang kalaguyo. Kung ihahain ang reklamo ng kinatawan lamang, maaaring ma-dismiss ang kasong Adultery.

Sana ay nabigyan namin ng linaw ang iyong katanungan. Ang payong aming ibinigay ay base lamang sa mga impormasyon na iyong inilahad at maaaring magbago kung mababawasan o madaragdagan ang mga detalye ng iyong salaysay. 

Maraming salamat sa iyong patuloy na pagtitiwala. 

Kailan nagkakaroon ng “double sale"?

ni PAO Chief Persida Rueda-Acosta @Magtanong Kay Attorney | June 2, 2026

Dear Chief Acosta,

Kailan po ba masasabing may “double sale” sa usapin ng bentahan ng lupa? Masasabi pa rin bang “double sale” kapag magkaiba ang tao o personalidad na nagbenta?

— Wowie

---

Dear Wowie, 

Ang sagot sa iyong katanungan ay maaaring matagpuan sa mga umiiral na batas at kaugnay na desisyon ng Korte Suprema.

Para sa iyong kaalaman, nakasaad sa Republic Act (R.A.) No. 386, o mas kilala sa tawag na New Civil Code of the Philippines, ang probisyon patungkol sa double sale. Partikular na nakasaad sa Article 1544 nito ang sumusunod:

“Article 1544. If the same thing should have been sold to different vendees, the ownership shall be transferred to the person who may have first taken possession thereof in good faith, if it should be movable property.

Should it be immovable property, the ownership shall belong to the person acquiring it who in good faith first recorded it in the Registry of Property.

Should there be no inscription, the ownership shall pertain to the person who in good faith was first in the possession; and, in the absence thereof, to the person who presents the oldest title, provided there is good faith.” 

Hinggil sa nabanggit, inilahad ng Korte Suprema sa kasong Cheng vs. Genato (G.R. No. 129760, ika-29 ng Disyembre 1998, isinulat ni Kgg. na Kasamang Mahistrado Antonio M. Martinez), ang mga rekisito upang masabi na merong double sale:

“This provision connotes that the following circumstances must concur:

1. The two (or more) sales transactions in issue must pertain to exactly the same subject matter, and must be valid sales transactions.

2. The two (or more) buyers at odds over the rightful ownership of the subject matter must each represent conflicting interests; and

3. The two (or more) buyers at odds over the rightful ownership of the subject matter must each have bought from the very same seller.” 

Kaugnay sa iyong ikalawang katanungan, nilinaw sa kasong Manlan vs. Beltran (G.R. No. 222530, ika-16 ng Oktubre 2019, isinulat ni Kgg.na Kasamang Mahistrado Henri Jean Paul B. Inting), ang sumusunod:

“In fine, there is double sale when the same thing is sold to different vendees by a single vendor. It only means that Article 1544 has no application in cases where the sales involved were initiated not just by one vendor but by several vendors.” 

Sa kabuuan, masasabing may double sale kapag ang iisang bagay ay naipagbili sa dalawa o higit pang mamimili ng parehong nagbebenta. Ibig sabihin, ang esensya ng double sale ay nakasalalay sa pagkakaroon ng isang nagbebenta na nagbenta ng parehong ari-arian sa magkakaibang mamimili, na nagreresulta sa salungatan ng karapatan sa pagmamay-ari.

Samakatuwid, hindi angkop ang nabanggit na probisyon ng batas sa mga sitwasyon kung saan ang mga bentahan ay nagmula sa iba’t ibang nagbebenta. Sa ganitong pagkakataon, ang isa sa mga pangunahing rekisito ng double sale na pagkakaroon ng iisang nagbenta ay nawawala.

Sana ay nabigyan namin ng linaw ang iyong katanungan. Ang payong aming ibinigay ay base lamang sa mga impormasyon na iyong inilahad at maaaring magbago kung mababawasan o madaragdagan ang mga detalye ng iyong salaysay. 

Maraming salamat sa iyong patuloy na pagtitiwala.

NDA at BAI, magkaagapay sa regulasyon ng industriya ng gatas

ni PAO Chief Persida Rueda-Acosta @Magtanong Kay Attorney | June 1, 2026

Dear Chief Acosta,

May partikular na ahensya po ba ng gobyerno ang namamahala para sa paggawa ng polisiya at pagpapalago ng industriya ng paggawa ng gatas (dairy industry) sa ating bansa? Nais ko lang po ito malaman dahil may mga kakilala po akong nagtatrabaho sa nasabing industriya? Salamat po. — Boss Alvin

---

Dear Boss Alvin,

Ang sagot sa iyong katanungan ay matatagpuan sa Seksyon 8 ng Republic Act (R.A.) No. 12308 na kilala rin sa tawag na “Animal Industry and Competitiveness Act,” na nagsasaad na:

“Section 8. National Dairy Authority. -The NDA shall be the central policy and developmental body for the Philippine dairy industry. Its regulatory functions, including its power to issue and impose safety regulations on the dairy industry, shall be transferred to the Bureau of Animal Industry (BAI) regulatory office.

The NDA shall be strengthened as the food safety certifying agency for local dairy industry chain including, but not limited to, micro, small, medium and all other commercial dairy processing plants and other entities engaged in dairy activities, whether in whole or in part. The NDA shall be mandated by the BAI and the Food and Drugs Administration (FDA) to provide testing and accreditation services over all local dairy activities and products from primary production up to post-market product distribution.”

Ayon sa nabanggit na probisyon na batas, ang National Dairy Authority (NDA) ang itinalaga bilang central policy at developmental body ng Pilipinas para sa industriya ng paggawa ng gatas. Kung kaya, ang mga tungkuling pangregulasyon nito, kasama ang kapangyarihan na maglabas at magpataw ng mga regulasyon sa kaligtasan sa industriya ng paggawa ng gatas ay inilipat sa Bureau of Animal Industry (BAI). Ang NDA ay pinalakas bilang ahensyang nagsesertipika sa kaligtasan ng pagkain para sa lokal na dairy industry chain kabilang ang, ngunit hindi limitado sa mga micro, maliliit, katamtaman at iba pang mga planta ng pagproseso ng komersyal na paggawa ng gatas o iba pang mga indibidwal/organisasyon na nakikibahagi sa mga aktibidad ng pagawaan ng gatas, maging buo man o bahagi.

Ang nasabing batas ay ipinatupad base na rin sa polisiya ng gobyerno na itaguyod ang nasabing industriya at ganap na empleyo batay sa maayos na pag-unlad ng agrikultura at repormang agraryo sa ating bansa. Ito ay makakamit sa pamamagitan ng pagbuo ng mga industriyang lubos at mahusay na gumagamit ng mga yamang-tao at likas na yaman, na mapagkumpitensya sa parehong lokal at dayuhang pamilihan.

Sana ay nabigyan namin ng linaw ang iyong katanungan. Ang payong aming ibinigay ay base lamang sa mga impormasyon na iyong inilahad at maaaring magbago kung mababawasan o madaragdagan ang mga detalye ng iyong salaysay. 

Maraming salamat sa iyong patuloy na pagtitiwala.