Takot daw magpagamot abroad… KRIS, 'DI NA MAKAGALAW, NASA KUWARTO NA LANG

ni Reggee Bonoan - @Sheet Matters! | May 30, 2022

Pagkatapos ng pagbibigay ng update ni Kris Aquino sa kanyang kasalukuyang karamdaman noong Mayo 16 ay hindi na ito nasundan pa kaya marami na ang nag-aalala sa mama nina Josh at Bimby. 

Nabanggit din kasi ni Kris na Mayo 19 ang lipad niya pa-Amerika pero hanggang ngayon

ay walang balita kung natuloy o hindi. 

Isa na ang talent manager na si Manay Lolit Solis sa mga nag-aalala kay Kris at ipinost

niya ito sa kanyang Instagram account. 

Aniya, “Ewan ko kung totoo ang kutob ko, Salve. Palagay ko, dahil si Kris Aquino mismo ang may alam kung ano talaga ang nararamdaman niya, kung gaano kaseryoso ang kanyang sakit, kaya ayaw niyang umalis para magpagamot sa ibang bansa. 

“Nandu'n siguro 'yung takot na baka matagalan bago siya makabalik, o God forbids, baka kung ano ang mangyari sa kanya. 

“Si Kris Aquino mismo ang nakakaalam kung gaano kabigat ang sakit niya, at kung paano niya tinitiis ang sakit na nadarama niya.

“Pati pagsusulat, nahihirapan na siyang gawin dahil sa sakit na nararamdaman niya. Pero hanga ka sa kanya dahil hindi siya nagsasalita kung gaano katindi ang sakit na tinitiis niya araw-araw.”

Nabanggit din ni Manay Lolit na hindi naigagalaw ni Kris ang katawan, bagay na itinatago nito sa mga anak. 

“May mga araw pala na hindi na siya makagalaw at nasa loob na lang siya ng kanyang room.

Kinakaya na lang niya ang sakit para hindi mag-alala si Bimby na nakabantay sa kanya. 

“Kaya siguro takot siya na umalis para magpagamot sa abroad, dahil du'n ay malayo siya sa piling ng mga kapatid niya. Nakakalungkot din ang kalagayan ni Kris Aquino, talagang kailangan niya ang dasal natin, hindi lang para sa kanya kundi para kina Joshua at Bimby. Isama natin siya sa ating dasal, please.  #classiclolita #takeittakeitmeganon .”

'Di takot lumabas at magsabong… GRETCHEN, ALAK ANG PANLABAN SA COVID

ni Reggee Bonoan - @Sheet Matters! | January 20, 2022

Halos lahat ng kilalang celebrities ay nagkaroon na ng COVID-19 at ‘yung iba ay kasalukuyang nagpapagaling pa.

Kapansin-pansin si Gretchen Barretto na ni minsan ay hindi nabalitang sinipon, inubo o nilagnat kahit lagi siyang may bisita sa bahay base sa posts niya sa kanyang Instagram account.

Bukod dito ay lumalabas din siya ng bahay para humimas ng manok bago simulan ang sabong kung saan sinasabing lucky charm siya ng kilalang negosyante at may-ari ng online sabong na si Atong Ang.

May sikreto pala siya at ibinuking ito ni Manay Lolit Solis na naka-post sa kanyang IG kahapon, Miyerkules.

Ang caption sa ipinost na larawan ni Greta, “Wow, bongga pala si Gretchen Barretto, Salve. Iyon palang tequila, gin at honey ang panlaban niya sa COVID, ha? Bongga, sosyal!

“Sure ako, bumili ka agad ng tequila at gin, plus honey para iwas-COVID din kayo ni Gorgy, Salve.

“Nakakatuwa talaga si Gretchen Barretto, parang ang easy-easy ng mga pangyayari sa paligid dahil sa masaya niyang attitude. Ganu'n siguro dapat, tignan mo ang paligid nang masaya lang para hindi mabigat ang buhay.

“Si Gretchen ang perfect example ng isang babae na nalagpasan lahat ng storms sa journey niya, iyon bang feeling mo, basta maganda ka, dapat maganda din paligid mo. Maganda din ang buhay mo.

"Kaya inom na lang tayong lahat ng tequila, gin at honey, hah-hah, lasingin natin si COVID, para ngenge na siya. Hah-hah-hah, Gretchen style. #classiclolita #74naako"

Dahilan ng hiwalayan kay LJ, parang kina Carmina at Rustom… PAOLO, PINAGDUDAHANG ALA-BB GANDANGHARI

ni Reggee Bonoan - @Sheet Matters | August 24, 2021

Ilang araw nang pinag-uusapan ang pag-unfollow ni Paolo Contis sa live-in partner niyang si LJ Reyes sa Instagram, pati ang pagtanggal niya ng masasayang larawan nila kasama si Aki na anak ng aktres kay Paulo Avelino.

Bukod-tanging larawan lang nila ng anak nila ni LJ na si Summer ang itinira ni Paulo at mga larawan ng co-actors niya sa mga ginawa niyang pelikula tulad ni Yen Santos.

Pero si LJ ay patuloy pa ring naka-follow sa ama ng anak niyang si Summer.

May sagot na ang mga haka-hakang hiwalay na ang dalawa dahil kinumpirma na nga ng talent manager na si Manay Lolit Solis na hiwalay na ang dalawa sa kanyang Instagram post nitong Linggo nang gabi.

Ang caption ni Manay Lolit sa ipinost niyang larawan nina Paolo at LJ, “Naku, ha, smokes screen naman masyado iyon tsismis na isinasali sa hiwalayang Paolo Contis at LJ Reyes iyon pangalan ni Yen Santos, Salve. Open secret naman o silent whisper kung sino talaga ang karelasyon ni Yen Santos, 'noh! Huwag na siyang isali at baka kung ano pa ang lumabas, mas shocking pa ang mangyari.”

At ipinagdiinan ng talent manager na walang 3rd party sa paghihiwalay ng dalawa.

“Walang 3rd party sa hiwalayan Paolo Contis at LJ Reyes, it was a matter of na-outgrow na nila ang romance sa kanilang relasyon.

“Kesa naman humantong pa sa pag-aaway, mas gusto na nila na maghiwalay nang maayos, at dasal na mag-end as friends.

“Huwag na natin idamay pa si Yen Santos dahil may sarili siyang love story kaya hindi siya kasali sa love life nila Paolo at LJ, 'noh!

“Huwag nang guluhin ang issue, huwag nang magdagdag ng casting para hindi lumaki ang production cost, hah-hah. Stop na natin script sa ending nina Paolo at LJ, huwag nang dagdag subplot para hindi gumulo ang istorya.

“Ganu'n lang iyon, nawala ang romance, stop, bago maging horror story. Bongga, 'di ba, Salve at Gorgy, ayaw n’yo ng triangle love affair, 'di bah? Kaya, tapusin na du'n ang story. Finish na. Babuuuu ! #classiclolita #74naako #takeitperminutemeganun.”

Hindi naman naniniwala ang netizen na si @colleen_denice sa sinasabing na-outgrow na ang romance dahil kung laging ganu'n ang dahilan ay walang mabubuong pamilya.

Aniya @colleen_denice, “Ganern, may pa-outgrow ng romance? Kung ang lahat ng tao, may ganyang pag-iisip, walang buong tahanan. Walang buong pamilya. I understand pa if maghiwalay kasi merong 3rd party, may pang-aabuso na involved. Pero 'yung na-outgrow ang romance? Bullsh*t. Mawawala ang romansa sa isang couple kapag 'yung isa, eh, nakahanap na ng bagong romansa sa iba.”

Iba naman ang paniniwala ni @kaylavldz sa hiwalayan, “Parang si Paolo, lumaki ang ulo. Siyempre, mas marami siyang projects kay LJ ATM (at the moment). Parang love story lang nina Chris Pratt at Anna Faris (Hollywood actors, naghiwalay after 8 years of marriage).

Sumang-ayon naman si @jemappellekristel sa hiwalayan at ikinumpara pa kina Carmina Villaroel at Rustom Padilla na ngayon ay kilala bilang si BB Gandanghari.

“Korek! Except sa case nina Carmina at Rustom na 'yang 'outgrow' din ang idinahilan ni Carmina pero ‘yun ay para itago ang kanyang kasarian. Hmmm, teka langgg, baka naman. Pakulot ko nga hair ko. Char.”

Bukas ang BULGAR sa panig nina LJ at Paolo.