Kinatakutan daw kaya siniraan… BONG, HINARANG NA TUMAKBONG VICE-PRES.

ni Janiz Navida @Showbiz Special | May 28, 20255

Photo: Bong Revilla - IG

Mabilis mang natanggap ni Sen. Bong Revilla, Jr. na hindi siya nakapasok sa Top 12 senators nitong nakaraang midterm elections at ngayon ay ine-enjoy ang kanyang oras sa pamilya, especially sa mga apo, ang kanyang manager na si Manay Lolit Solis ang mukhang hindi pa rin ma-take na nalaglag si Sen. Bong sa mga nanalong senador, gayung lagi nga namang pasok sa mga nagdaang survey ang kanyang alaga.

Kaya sa latest Instagram post ni Manay Lolit, may bago itong hanash at hugot sa naging kapalaran ni Sen. Bong at kung bakit ito nalaglag sa Top 12.

Panimula ni Manay Lolit (as is), “Salve nagtagumpay ang mga trolls ni Bong Revilla. Dahil sa takot nila sa mga balita nuon na baka may kumuha kay Bong para mag run na Vice President kaya ginawa nila ang lahat para siraan ito.

“Okey lang dahil baka naman hindi natin alam mag boomerang ang paninira nila at maging mas maganda pa ang resulta para sa political career ni Bong. Lahat naman ng bagay na nangyayari sa atin meron katapat na binibigay ang nasa Itaas.

“Dahil winner naman sila Lani Mercado at Jolo Revilla baka kaya pinahinga muna sandali si Bong.”

Hirit pa ni Manay Lolit, na mukhang kumbinsido naman sa ibang pumasok sa Top 12 bukod sa isang senador na feeling siguro niya ay mas dapat ngang napunta ang puwesto kay Sen. Bong, “Hindi dapat malungkot si Bong dahil maganda naman ang line up ng mga winners except for one na talagang up to now hindi ko makita ang kasagutan paano nakalusot.

“Well dahil lahat ng nanalo talagang capable sana nga makasabay siya sa mga ito. Kung titignan mo nga ang line up para siyang sore thumb among them. But it was the choice of the people, so be it. Tapos na election. Isang araw lang ito sa buhay natin kaya naman move on narin tayo.”

At dahil hindi na nga natin mababago pa ang resulta ng eleksiyon, ayon sa talent manager-veteran columnist-TV host, “Idasal na lang natin na makatulong ang lahat ng ibinoto natin para mas gumanda pa ang buhay natin. Mas lalo pang tumatag ang Pilipinas. Mas lalo pa tayong umasenso.

“So to all the winners, help our President Bongbong Marcos in running our country para lalo pang sumaya mga Pilipino. Para mas lalong Bongga #classiclolita”

Hmmm… Knowing kung gaano kaprangka si Manay Lolit, sino kaya ang senador na ‘di niya pinangalanan na feeling niya ay ‘di deserving sa pagkapanalo nito?

---

Mas magiging exciting at maningning ang idaraos na 8th The EDDYS o Entertainment Editors' Choice ng The EDDYS ngayong taon mula sa Society of Philippine Entertainment Editors (SPEEd) na gaganapin sa Hulyo, 2025.

Ang annual event na ito, na mula sa samahan ng mga entertainment editors ng mga leading broadsheets, top tabloid newspapers at online portals sa Pilipinas, ay nagbibigay ng pagkilala at pagpapahalaga sa mga pelikula, artista at iba pang personalidad na itinuturing na pinakamagagaling sa Philippine Cinema.

Magbibigay ang SPEEd ng 14 acting at technical awards para sa 8th The EDDYS na pipiliin mula sa mga nominadong pelikula na ipinalabas sa mga sinehan at ilang digital platforms noong 2024.

Bukod sa pagkilala sa mga natatanging pelikula nitong nagdaang taon, magiging highlight din ng pinakaaabangang awards night ang pagbibigay-pugay sa bagong batch ng EDDYS Icons na itinuturing nang mga haligi ng movie industry.

Sila ang mga artista, direktor at iba pang personalidad na hindi matatawaran ang kontribusyon, dedikasyon at pagmamahal sa industriya ng pelikulang Pilipino sa loob ng mahabang panahon.

Ang ilan pa sa mga special awards na ipamamahagi ay ang Isah V. Red Award (ang mga walang sawang tumutulong at nagbibigay-inspirasyon sa mga kababayan nating nangangailangan), at ang Joe Quirino Award at Manny Pichel Award (para sa mga natatanging miyembro ng entertainment media).

Bukod dito, kikilalanin din sa gabi ng parangal ang Rising Producer of the Year at Producer of the Year.

Muli ring pararangalan ng SPEEd ang mga naging bahagi at lumaban para sa patuloy na pagbangon ng Philippine movie industry sa ikalawang taon nito – ang The EDDYS Box Office Heroes.

Dito, bibigyang-pugay ang mga pangunahing artista na bumida sa highest-grossing films sa bansa na naging daan upang muling sumugod sa sinehan ang mga manonood at manumbalik ang sigla ng pelikulang Pilipino.

Abangan ang iba pang mga detalye tungkol sa inaabangan nang 8th The EDDYS mula sa SPEEd ngayong darating na Hulyo.

Alaga, bad influence raw kay Mavy kaya hiniwalayan ng aktres… LOLIT, BINALAAN SI KYLINE SA PANINIRA KAY PAOLO

ni Janiz Navida @Showbiz Special | January 29, 2024

After Bea Alonzo na nakabati na niya, mukhang may bagong makakatikim ng pagtataray ng talent manager na si Manay Lolit Solis. 

Ito ay kapag hindi naayos ng Kapuso star na si Kyline Alcantara at hindi niya nalinis ang sarili sa isyung sinisiraan daw niya ang isa sa mga alaga ni Manay Lolit na si Paolo Contis.

Sa mahabang IG post kahapon ng talent manager, obyus na gigil much siya kay Kyline. 

Ani Manay Lolit (published as is), "Salve uminit ulo ko ng marinig iyon tsismis na isinasali ang pangalan ni Paolo Contis sa break up nila Mavy at Kyline. Dahil daw sa bad influence ni Paolo kaya nakipag break up si Kyline kay Mavy. 

"Wow ha, talagang dapat masali ang ibang tao pag nagbi break kayo? I have zero respect for people na nagba bad mouth sa mga naka relasyon nila after a break up.

Dapat pag hiwalay kayo, no bad blood. Tanggapin mo at mag move on ka," panimula ng IG post niya. 

Ikinumpara pa ni Manay Lolit si Kyline sa naging issue nila noon ng alagang si Gabby Concepcion.

"Lagi ko ina appreciate na after a long time ng manager/ talent relationship namin ni Gabby Concepcion wala kang narinig na sinabi niyang masama o pintas sa akin. In the same way na hindi rin ako nagsalita ng bad things about Gabby. Na maintain namin iyon respeto namin sa bawat isa. For that I am very grateful. 

"Kaya shock ako na sa break up nila Kyline at Mavy may mga kadamay na pangalan na binabanggit. I don’t want to have a fight with Kyline, but I am giving her a warning na kung tutoo ang mga narinig ko na sinasabi niya about Paolo Contis she will never hear the end of it from me. 

"Kung mali ang alaga ko tinatanggap ko at pinangangaralan sila, pero pag siniraan mo sila ng walang basehan, mag ingat ka dahil hindi kita uurungan," mariing sabi ni Manay.

Dagdag pa niya, kapag hindi tumigil si Kyline, ipaglalaban na niya si Paolo bilang manager.

"So be careful Kyline Alcantara, huwag mo idamay si Paolo Contis sa mga hanash mo kay Mavy Legazpi. Kung may problema kayo, i settle nyong dalawa at huwag magdamay ng ibang tao. Or else, I will do my part as Paolo Contis manager/ nanay para ipagtanggol siya sa mga maling bintang sa kanya. "Maging fair tayo sa mga bagay na dapat mangyari.

Walang siraan sa mga taong inosente. Salve at Gorgy, iyan ang stand ko, bongga di bah👍#classiclolita," pagtatapos ni Manay Lolit Solis.

'Yun na! Wait na lang natin ang magiging sagot ni Kyline sa mataray na post na ito ng talent manager ni Paolo Contis.

---

Kaya ‘di na nag-asawa uli…

WILLIE, AYAW MAHATI SA BABAE ANG KAYAMANAN PARA SA MGA ANAK

Bukod sa mga kaibigan, hindi nakalimot ang mga anak ni Willie Revillame na batiin siya at samahan sa kanyang 63rd birthday nu'ng January 27.Kaya kahit hindi pa nakakabalik sa TV si Kuya Wil, for sure ay super happy na rin naman ito na marami silang bonding time ngayon ng mga anak, although abala rin siya sa kanyang mga negosyo.

Marami naman ang nagtataka at nagtatanong kung bakit hindi na nag-asawa uli si Kuya Wil gayung kayang-kaya naman nito kung gugustuhin lang niya.

Well, ayon sa isang malapit kay Kuya Wil, may mga panahong nalulungkot din at naghahanap ng partner ang TV host. Pero kung mag-aasawa nga uli si Kuya Wil, baka may makahati pa sa mamanahin ang kanyang mga anak.

Oo nga naman. Ang mahalaga naman ngayon, happy si Kuya Wil kung anumang meron siya at marami pa rin ang nagmamahal at nagdarasal para sa kanya.

Belated Happy Birthday, Kuya Wil!

Mag-aregluhan na raw sila ni Vhong… SIGAW NG ABOGADONG LOLO NI DENIECE: MOVE ON NA LANG!

ni Reggee Bonoan - @Sheet Matters | October 13, 2022

Hindi natuloy ang face-to-face hearing nina Deniece Cornejo at Vhong Navarro para sa kasong rape nitong Martes, Oktubre 11.

Hiniling ni Vhong na sa pamamagitan ng Zoom na lang siya dumalo sa pagdinig na pinayagan naman ng korte, samantalang si Deniece ay kinailangang dumalo physically kasama ang head ng legal team niyang si Atty. Howard Calleja.

Marami lang ang nagtataka kung bakit nagbigay ng opinyon ang lolo ni Deniece na si Atty. Axel Gonzales na mag-usap na lang ang magkabilang kampo at mag-aregluhan.

Sabi ng lolo ng dalaga sa panayam niya sa TV Patrol, “Kung ako ang tatanungin as a lawyer, ‘no, hindi ko pinangungunahan si Atty. (Howard) Calleja, 'di ba? But as a lawyer, pareho silang may career, dapat i-settle na nila ang problema.

“Because may rape case si Deniece kay Vhong, si Vhong naman may (kasong) serious illegal detention sa kanila, so what will you do?

“Ang punto is tulungan na lang natin ang korte! Let us settle all these problems na puwedeng ma-settle, 'di ba? And then move on na lang para sa akin.”

Kaya balik-tanong sa abogadong kaanak ni Deniece ay, “Is this something that you recommend to Deniece?"

Sangga nito, “No, that is my personal opinion. Hindi ko iho-hold ang grupo, ‘no, especially marami ‘yan sila. Para sa akin, dapat siguro, mag-settle na lang sila, mag-move on na lang para matapos na, kasi ang mga nakikinabang lang dito, mga abogado, eh.”

Wala namang reaksiyon ang abogado ni Deniece na si Atty. Calleja dahil ang usapan nila ng kliyente niya ay dapat mapanagot si Vhong sa ginawa umanong panghahalay sa dalaga.

Samantala, nagbigay naman ng saloobin niya si Manay Lolit Solis sa pinagdaraanan ngayon ni Vhong.

“Naawa naman ako sa mga nangyayari ngayon kay Vhong Navarro, Salve. Hindi mo aakalain na sasapitin niya ang pangyayaring ito lalo na ngayon, nasa itaas ang kanyang career, at pati personal life niya ay maayos.

“Biglang nabuhay ang kaso na akala ng marami ay tapos na, pero heto ngayon at isang malaking iskandalo. Isang aral ito sa mga artistang lalaki, na maging maingat sa kanilang mga relasyon.

“Hindi lahat ay natatapos sa maganda, puwede may bitterness na maiwan at iyon ang maging dahilan para balikan ka sa pamamagitan ng anuman para lang makaganti sa iyo.

Sana nga, maging maayos na ang lahat sa kaso nina Vhong at Deniece.

“Sana nga, mapag-usapan nang maayos para maging maganda ang resulta. Mahihirapang makatayo uli si Vhong Navarro mula sa scandal na ito. Malaking suntok sa kanyang magandang career ngayon ang nangyaring scandal.

“Pero higit sa lahat, kawawa rin ang pamilya niya na nagsa-suffer ngayon, lalo na ang kanyang asawa. Kung anuman siguro ang naging kasalanan ni Vhong Navarro, sure ako na ngayon, sobra-sobra na ang pagsisisi niya.

“At kung maibabalik lang ang araw, tiyak na hindi niya gagawin kung anumang pagkakamali ang nagawa niya. Siguro nga, naisip na niya na sa isang iglap, puwedeng mawala ang lahat, kaya dapat na maging maingat sa anumang gagawin. Justice is fair kaya iwanan na natin sa hustisya ang lahat. Naniniwala tayo na kung ano ang nararapat, iyon ang mangyayari.

Hustisya, 'yan na lang ang hintayin natin. #classiclolita”