Aktres, na-bash… SANYA, AYAW NG FANS PARA KAY ALDEN

ni Nitz Miralles @Bida | August 5, 2023

Mahigpit na yakapan ang nangyari nang magkita sina Alden Richards at Ruby Rodriguez sa Amerika. Nai-share ni Ruby sa Instagram ang picture nila ni Alden kasama si Miss Universe-Philippines 2023 Michelle Dee.

Sabi ni Ruby, “I’m so happy to be reunited with my anak @aldenrichards and the beautiful @michelledee.”

Nagkasama sina Alden at Ruby sa Eat… Bulaga! hanggang sa mawala sa show ang una dahil nakabase na ito sa Amerika. Kaya naman, sobrang saya ng dalawa nang muli silang magkita at tiyak na katakut-takot na tsikahan ang kanilang ginawa.

Nasa Amerika sina Alden at Michelle dahil napili sila bilang mga judges sa gaganaping The Grand Coronation Gala ng Miss Filipina International today, August 5, sa Beverly Hilton sa Beverly Hills, California.

Kahit wala sa bansa si Alden para sa pilot airing ng month-long episode na pagpi-feature sa kanya sa Magpakailanman, tiyak na panonoorin pa rin ito, hindi lang ng kanyang mga fans. Marami kasi ang matututunan sa episode na A Runner to Remember: The Jirome de Castro Story na tungkol sa marathon runner na may kondisyon na dystonia. Kasama niya rito si Sanya Lopez.

And speaking of Sanya, as expected, na-bash ang aktres nang magpahayag ng appreciation in working with Alden sa episode ng #MPK. Ano ba ang ikinatatakot ng ilang AlDub fans, eh, sa isang episode lang naman sila naging magkatrabaho?

Hindi sila love team, maliban na lang kung i-request uli ni Alden na si Sanya ang makapareha sa susunod niyang teleserye sa GMA-7.

Para makasama sa show… ALDEN, HININGI SI SANYA SA GMA7

ni Nitz Miralles @Bida | August 3, 2023

Si Sanya Lopez ang kasama ni Alden Richards sa simula ng month-long special episodes ng Magpakailanman at gaganap ito bilang kanyang asawa. Kasama rin sina Brent Valdez at Jeffrey Tam sa direction ni Neal del Rosario.

Nabanggit ni Alden na ini-request niyang makatrabaho si Sanya na hindi pa niya nagiging kapareha.

Si Alden din ang pumili sa apat na kuwento na mapapanood sa apat na Sabado ng Agosto sa #MPK.

Kaya makakaasa ang mga viewers na puro magagandang episodes ang kanilang mapapanood.

“Sa stories po, nabigyan po ako ng opportunity to choose [from a] total of 10 scripts or 10 concepts na mga nasa bangko po ng creative natin. Talagang pinili ko ang mahihirap at offbeat roles. Since this is the first, gusto natin na maganda ‘yung maging impact nito sa makakapanood,” ani Alden sa interview sa kanya.

Bukod sa nakapili sa mga gustong concept, hiningi rin ng production team ang mga suggestions ni Alden kung sino ang gusto niyang makatrabaho sa bawat episode. Doon nga pumasok ang request niya to work with Sanya.

“This is the perfect opportunity to really see kung sino pa po ‘yung okay na katrabaho. ‘Yung mga roles ko po kasi lately dito is may asawa, so iba-iba po siya. Iba-iba po sila,” ayon pa kay Alden.

Samantala, paalis si Alden this August dahil kasama siya nina Marian Rivera, Ai Ai delas Alas, Lani Misalucha, Christian Bautista at Dingdong Dantes na tampok sa “Pinoys to the World” na gagawin sa Oman sa Aug. 25 at sa Dubai sa Aug. 26.