Ilegal na tinanggal sa trabaho, may karapatan pa rin sa SSS contribution

ni PAO Chief Persida Rueda-Acosta @Magtanong Kay Attorney | July 20, 2026

Dear Chief Acosta,

Kung ilegal na tinanggal sa trabaho ang isang empleyado, may obligasyon pa rin po bang magpadala ang kumpaya ng kontribusyon sa Social Security System (SSS)?

— Quentin

---

Dear Quentin,

Una sa lahat, may obligasyon ang employer na ibawas sa suweldo ng mga empleyado nito ang bahagi ng kanilang kontribusyon sa Social Security System (SSS) at ipadala ang mga ito, kasama ang bahagi ng employer sa SSS, alinsunod sa mga probisyon ng Republic Act (R.A.) No. 11199 (Social Security Act of 2018):

“SEC. 18. Employee’s Contributions. – Beginning on the last day of the calendar month when an employee’s compulsory coverage takes effect and every month thereafter during his employment, the employer shall deduct and withhold from such employee’s monthly salary, wage, compensation or earnings, the employee’s contribution in an amount corresponding to his salary, wage, compensation or earnings during the month in accordance with the monthly salary credits, the schedule and the rate of contributions as may be determined and fixed by the Commission, subject to the provisions of Section 4 (a) (9) of this Act. 

SEC. 19. Employer’s Contributions. – (a) Beginning on the last day of the month when an employee’s compulsory coverage takes effect and every month thereafter during his employment, his employer shall pay, with respect to such covered employee, the employer’s contribution in accordance with the schedule provided in this Act. Notwithstanding any contract to the contrary, an employer shall not deduct, directly or indirectly, from the compensation of his employees covered by the SSS or otherwise recover from them the employer’s contributions with respect to such employees. 

SEC. 22. Remittance of Contributions. – (a) The contribution imposed in the preceding section shall be remitted to the SSS within the first ten (10) days of each calendar month following the month for which they are applicable or within such time as the Commission may prescribe.”

Kaugnay nito, sa kasong Lopez Sugar Corporation vs. Romeo Perrin, Jr., et. al., G.R. No. 260447, 05 Pebrero 2026, sa panulat ni Hon. Associate Justice Maria Filomena D. Singh, ang mga ilegal na tinanggal na empleyado ay itinuturing na hindi umalis sa kanilang trabaho kaya nararapat lamang na bayaran ang kanilang SSS contribution. Ayon sa ating Korte Suprema:

“Here, there is no dispute that Perrin, et. al. were illegally dismissed, as ruled by the NLRC and affirmed by the CA and the Court. Thus, they are deemed to have never left their employment. Consequently, LSC’s obligation to remit Perrin et. al.’s social security contributions did not cease with respect to the period during which Perrin et. al. were illegally dismissed.

Since LSC failed to remit Perrin et. al.’s social security contributions, LSC is liable to pay a penalty thereon of three percent (3%) per month from the date the contribution falls due until paid, pursuant to Section 22 of the Social Security Act of 1997.”

Kung kaya, patuloy ang obligasyon ng employer na magpadala ng kontribusyon sa SSS sa loob ng panahon na ang empleyado ay ilegal na tinanggal sa kanyang trabaho.  

Sana ay nabigyan namin ng linaw ang iyong katanungan. Ang payong aming ibinigay ay base lamang sa mga impormasyon na iyong inilahad at maaaring magbago kung mababawasan o madaragdagan ang mga detalye ng iyong salaysay. 

Maraming salamat sa iyong patuloy na pagtitiwala.

Kahit may impeachment trial, VP Sara hataw sa survey

ni Pablo Hernandez @Prangkahan | July 20, 2026

MAY IMPEACHMENT TRIAL MAN KAY VP SARA, HUMATAW PA RIN SA 58% ANG KANYANG PERFORMANCE RATING SA SURVEY – Sa latest survey ng SWS, lalo pang tumaas sa 58% ang performance rating ni Vice President Sara Duterte.

Partida, inilabas ang survey habang nakabinbin na sa Senado, bilang impeachment court, ang mga kasong impeachment laban sa kanya.

Kaya kung maa-acquit si VP Sara at tuluyang tumakbo sa pagkapangulo, asahan nang lalo pang hahataw ang kanyang rating sa mga susunod na survey. Period!

XXX

ANG DAPAT GAWIN NINA SEN. ALAN AT SEN. PING, GUMAWA NG BATAS PARA SA KAPAKANAN NG BAYAN AT HINDI MAGBANGAYAN SA SOCIAL MEDIA – Matapos kuwestiyunin ni Sen. Alan Cayetano ang paglaki ng laman ng Statement of Assets, Liabilities, and Net Worth (SALN) ni Sen. Ping Lacson, rumesbak naman si Lacson.

Ibinulgar niya na bukod umano sa P6.9 bilyong pork barrel insertions ni Cayetano sa 2025 national budget, ay mayroon din daw itong mga ghost project sa Taguig City.

Nakakalungkot na ang dalawang senador na pinagkatiwalaan ng milyun-milyong botante ay tila mas abala sa bangayan sa social media kaysa sa paggawa ng mga batas para sa kapakanan ng bayan at mamamayan. Boom!

XXX

SINO KAYA SA HOUSE AND PRIVATE PROSECUTORS AT DEFENSE TEAM NI VP SARA ANG MAGLULUTANG BILANG 'TESTIGO' KAY 'MARY GRACE PIATTOS?' — Ngayong araw ang ikapitong araw ng impeachment trial, kung saan ilalahad ng House prosecutors, private prosecutors, at ng defense team ni VP Sara ang kani-kanilang ebidensya kaugnay ng isyu ng confidential funds ng bise presidente.

Kaya ang tanong: Sino kaya sa House prosecutors, private prosecutors, o defense team ni VP Sara ang unang maglalantad sa "testigong" nagngangalang "Mary Grace Piattos"? Abangan!

XXX

SANGKATUTAK NA 'TONGPATS COLLECTORS' SA CALABARZON, DAPAT IPATIMBOG NI GEN. BACCAY – Noong si B/Gen. Hansel Marantan pa ang director ng PNP-Region 4-A, apat lamang umano ang miyembro ng "Protection Racket Syndicate" sa CALABARZON, na kinabibilangan nina alyas "Rico," "Adlawan," "Tata Obet," "Jong" at "Tsan Parak."

Ngunit matapos siyang magretiro at pumalit si B/Gen. Dominic Baccay, lalo umanong dumami ang mga "tongpats collector" sa rehiyon. Kabilang sa mga nadagdag ang mga alyas na "Dimapeles," "Digoy," "Lopez," "Roy," "Panganiban," "Marcial," "Mike," "Ocampo" at "Balay."

Dapat itong aksyunan ni Gen. Baccay. Ipatimbog niya ang sangkatutak na mga "tongpats collector" sa CALABARZON. Period!

Sobrang singil sa app-based taxi, dapat nang matigil

ni Leonida Sison @Boses | July 20, 2026

Magandang hakbang ang naging desisyon ng Land Transportation Franchising and Regulatory Board (LTFRB) na magtakda ng hangganan sa booking o platform fees ng mga taxi na gumagamit ng digital booking applications. Sa panahon na bawat piso ay mahalaga sa mga Pilipino, mahalagang mapigilan ang labis na singil na lalo lamang nagpapabigat sa gastusin ng mga commuter.

Naglabas ang LTFRB ng Memorandum Circular No. 2026-055 na nagtatakda na ang booking o platform fee para sa mga passenger taxi na gumagamit ng online o app-based booking platforms ay hindi dapat lumampas sa 20% ng kabuuang inaprubahang pasahe o P60, alinman ang mas mababa. Layunin nitong tiyakin na ang mga pasahero ay hindi mabibigatan sa mga dagdag-bayarin habang ginagamit ang digital booking services.

Nilinaw din sa memorandum na hindi maaaring maningil ng iba pang booking fee, convenience fee, service fee, platform surcharge, o anumang kahalintulad na bayarin kung wala itong pahintulot mula sa LTFRB. Ipinatupad ang bagong polisiya kasunod ng mga ulat na may ilang taxi operators at digital booking platforms na naniningil ng mataas na karagdagang fees sa kanilang mga pasahero.

Ayon sa LTFRB, ang panuntunang ito ay sumasaklaw lamang sa mga taxi units at operators na gumagamit ng digital o online platforms para sa pag-book ng mga pasahero. Hindi nito saklaw ang iba pang uri ng pampublikong transportasyon na may hiwalay na regulasyon.

Nagbabala rin ang LTFRB na papatawan ng kaukulang parusa ang sinumang operator, platform provider, o driver na lalabag sa itinakdang guidelines. Inaasahan ng ahensya na sa pamamagitan ng mahigpit na pagpapatupad ng bagong patakaran ay masisiguro ang patas na paniningil at mapoprotektahan ang interes ng publiko.

Malaking ginhawa para sa mga ordinaryong mamamayan ang ganitong hakbang dahil maraming pasahero ang umaasa sa mga app-based taxi para sa mas mabilis at ligtas na biyahe. Kapag may malinaw na limitasyon sa mga singil, mas nagiging tiwala ang publiko na hindi sila mabibigatan ng mga hindi inaasahang dagdag-bayarin.

Hindi lamang tungkol sa presyo ang usapin kundi tungkol din sa patas na serbisyo at pananagutan ng mga nagbibigay ng pampublikong transportasyon. Dapat tiyakin ng pamahalaan na ang makabagong teknolohiya ay ginagamit upang mapadali ang biyahe ng mga tao at hindi upang maging dahilan ng mas mataas na gastos. Ang ganitong regulasyon ay nagpapakita na may kakayahan ang gobyerno na balansehin ang interes ng negosyo at ang kapakanan ng taumbayan, lalo na ng mga araw-araw na commuter na umaasa sa bawat pisong kanilang ginagastos.