Death toll sa lumubog na MV Trisha Kerstin 3, pumalo na sa 65

by Cristine Marish Rivera @News | February 23, 2026

Photo: PCG

UPDATE: Death toll sa lumubog na roro

Nadagdagan pa ang bilang ng mga nasawi sa lumubog na MV Trisha Kerstin 3 sa Baluk-Baluk Island sa Basilan nitong Lunes, Pebrero 23, ayon sa Philippine Coast Guard (PCG).

Naiulat na umabot na sa 65 ang mga nasawi matapos marekober ng PCG ang isa pang bangkay sa nagpapatuloy na underwater operations.

Samantala, patuloy pang hinahanap ang 14 indibidwal.

---

Death toll sa lumubog na MV Trisha Kerstin 3, pumalo na sa 64

 February 19, 2026 / Update

Nadagdagan pa ang bilang ng mga nasawi sa lumubog na MV Trisha Kerstin 3 sa Baluk-Baluk Island sa Basilan nitong Miyerkules, Pebrero 18, ayon sa Philippine Coast Guard (PCG).

Naiulat na umabot na sa 64 ang mga nasawi matapos marekober ng PCG ang dalawa pang bangkay sa nagpapatuloy na underwater operations.

Samantala, patuloy pang hinahanap ang 15 indibidwal.

---

Death toll sa lumubog na MV Trisha Kerstin 3, pumalo na sa 62

Death toll sa lumubog na MV Trisha Kerstin 3

Pumalo na sa 62 ang bilang ng mga naitalang nasawi mula sa lumubog na MV Trisha Kerstin 3 sa Basilan, ayon sa Philippine Coast Guard (PCG).

Na-recover ang apat na labi sa isinagawang underwater operations ng PCG technical divers nitong Miyerkules, Pebrero 17.

Nasa 293 ang bilang ng mga nakaligtas, habang 17 indibidwal pa rin ang pinaghahanap.

40th EDSA People Power anniv... No permit, no rally

ni Gina Pleñago @News | February 23, 2026

Photo: File

Sa ika-40 anibersaryo ng EDSA People Power Revolution sa Miyerkules, Pebrero 25, 2026, mahigpit na ipatutupad ng National Capital Region Police Office (NCRPO) ang ‘no permit, no rally’ policy, kung saan inaasahang ilang grupo ang magkakasa ng kaliwa’t kanang protesta sa rehiyon.

“Ipatutupad natin ang no permit, no rally since kailangan nating makapag-prepare dahil dalawang malaking pagtitipon ito,” ayon kay NCRPO spokesperson Police Major Hazel Asilo.

Ayon pa kay Major Asilo, may isang grupo na silang nabigyan ng permit mula sa Trillion Peso March Movement upang magsagawa ng programa sa White Plains, Quezon City sa nasabing araw.

Aniya, magpapakalat din ang NCRPO ng nasa mahigit 14,000 pulis upang tiyaking magiging ligtas at mapayapa ang naturang protesta.

“The PNP is not your enemy. Hindi kami kalaban ng mamamayan. Nandito kami para tiyakin na ang bawat aktibidad ay magiging maayos, ligtas, at mapayapa. Habang iginagalang namin ang karapatan ng bawat isa na magpahayag, tungkulin naming panatilihin ang kaayusan at protektahan ang komunidad. Ang NCRPO ay patuloy na magsisilbi nang may disiplina, paggalang, at pananagutan,” ani Regional Director NCRPO PMaj. General Anthony Aberin.

Habang may hearing... Digong, bawal dalawin — ICC

ni Mylene Alfonso @News | February 23, 2026

Photo: International Criminal Court

Inanunsyo ng pamilya ni dating Pangulong Rodrigo Duterte na hindi pinayagan ng International Criminal Court (ICC) ang anumang personal na pagbisita habang isinasagawa ng korte ang pagdinig para sa Confirmation of Charges ngayong linggo.

Sa isang pahayag, sinabi rin ng pamilya ng dating pangulo na mananatiling bukas ang komunikasyon sa pamamagitan ng mga tawag sa telepono.

Kaugnay nito, anim na abogado ang dadalo sa mga pagdinig upang matiyak na siya ay maayos na kinakatawan ng isang Filipino legal team.

Kabilang dito sina Salvador Medialdea, Martin Delgra III, Silvestre Bello III, Alfredo Lim, Jr., Caesar Dulay, at Salvador Panelo.

Nagpasalamat din ang pamilya ni Duterte sa legal team para sa kanilang patuloy na dedikasyon at propesyonalismo sa gitna ng isinasagawang proseso.

Ipinahayag din nila ang kanilang pasasalamat sa Filipino community sa The Hague sa pagbibigay ng plataporma kung saan naririnig ang tinig ng mga Filipino na nagsasalita laban sa anila’y kawalang-katarungan.

Ang pagdinig para sa confirmation of charges ay nakatakdang idaos mula Pebrero 23 hanggang 27.

Base sa ICC website ng ICC, gaganapin mula alas-10 ng umaga hanggang alas-3 ng hapon ang mga sesyon (alas-5 ng hapon hanggang alas-10 ng gabi sa Pilipinas) sa Pre-Trial Chamber I sa Courtroom I.