Todo-tiis sa super-lamig… HEART, PINAGKAGULUHAN SA SUOT NA FILIPINIANA SA PARIS

ni Nitz Miralles @Bida | January 27, 2023

Ang bilis ng mga netizens, napresyuhan agad ang ipinost ni Heart Evangelista sa Instagram na Maison Alaia designer shoes.

Two pairs ang designer shoes na ipinost ni Heart at ang isa ay worth P82,748, ang isa naman ay worth P53,162, kaya ang dalawang designer shoes ay worth P135,910 based sa current exchange rate.

Hindi lang ‘yun ang expensive shoes ni Heart at kung tambay kayo sa kanyang IG, malalaman ninyo na puro mamahalin ang kanyang mga gamit mula sa damit, shoes, jewelry at lalo na ang bags. Nabasa namin na may worth P3M siyang bag.

Anyway, tapos na yata ang Paris Fashion Week at isa sa mga inirampa ni Heart ay ang golden Filipiniana dress designed by Cheetah Rivera. Para lang maitaas ang Philippine pride, tiniis ni Heart ang 3 degree celsius na klima sa Paris that time maisuot at maipakita lang ang Filipiniana dress.

Sa video, makikita ngang muling pinagkaguluhan si Heart ng mga photographers nang siya ay rumampa suot ang golden Filipiniana dress.

DESIGNER NI HEART NA SI MARK BUMGARNER, KAY MARIAN NA NGAYON

ni Erlinda Rapadas @Teka Nga | December 27, 2022

Sa Paris, France nag-Pasko si Heart Evangelista kaya lalong tumibay ang bali-balitang may marital problem nga sila ni Sen. Chiz Escudero. Hanggang sa New Year na mamamalagi roon si Heart na ang dahilan ay may aayusing problema sa kanyang stylist at sa kanyang glam team.

Nakarating din sa amin na maging ang kaibigang sikat na fashion designer na si Mark Bumgarner ay nakatampuhan din niya at nagkaroon sila ng falling out.

At lalong nabigyan ng kulay at naiintriga ang lahat nang lumipat si Bumgarner kay Marian Rivera.

Siya ang gumawa ng mga isinuot na outfit ni Marian sa pictorial para sa cover ng Preview Magazine.

Kaya, marami ang nagtataka-nagtatanong kung ano ang nangyayari ngayon kay Heart na pati ang kanyang glam team at designer ay kanyang nakatampuhan. May pinagdaraanan ba si Heart ngayon? Hindi ba niya pinanghihinayangan ang kanilang mga pinagsamahan?

Well, mismo ngang si Sen. Chiz ay natiis at kinaya niyang iwanan noong Pasko. Sino pa ang daramay at magbibigay sa kanya ng moral support?

HEART, BUMILI LANG NG TINAPAY, CHANEL PA ANG BAYONG

ni Vinia Vivar @Frankly Speaking | December 27, 2022

Kinagiliwan na naman ng mga netizens at ng kanyang mga Instagram followers ang recent post ni Heart Evangelista.

Kasalukuyang nasa Paris si Heart base na rin sa kanyang mga posts. Sa isang larawan na in-upload niya ay makikitang nasa street siya at may dalang mga sosyal na tinapay na nakalagay sa eco bag.

But take note, Chanel lang naman ang naturang tote bag.

Caption ni Heart, “'Yung inutusan kang bumili ng tinapay ng kapatid mo.”

As always, in awe ang mga netizens sa kasosyalan ng outfit ni Heart with matching Hermes Birkin bag pa.

“That bag and those bread are a true fashion statement. Cool,” komento ng isang netizen.

“Bili ng tinapay in style…yes? Pak!!!!” reaksiyon naman ng isang IG user.

“Grabeee naman 'yung bibili ng tinapay, amoy-expensive,” comment ng isa pang netizen.

“No doubt, kahit anong bitbitin mo, diyosa pa rin,” sey naman ng isa niyang follower.

“Sesyel! Hermes Shadow,” puna naman ng isa pang netizen.

“Sana all Chanel ang bayong,” sabi naman ng isa pa.

Obviously ay sa Paris nag-celebrate ng Christmas si Heart base sa kanyang mga posts.

We just don’t know kung sino ang kasama niya, but definitely ay hindi ang asawang si Chiz Escudero since almost confirmed na nga na hiwalay na sila.