Pinatatakbong ka-tandem ni VP Sara… SEN. ROBIN: ANG VP, PARANG SPARE TIRE LANG ‘YAN, KAYANG-KAYA

ni Beth Gelena @Bulgary | February 23, 2026

Photo: Robin Padilla / FB

Usap-usapang tatakbo umanong bise- presidente si Robin Padilla bilang running mate ni Vice-President (VP) Sara Duterte sa 2028 kung may order umano ang dating Pangulong Rodrigo Duterte, ama ni VP Sara.

Sinabi na ni Padilla na sina Sara at Sen. Imee Marcos ang magandang tandem sa 2028 elections.

Pero handa raw siya sakaling may utos si Digong na tumakbo siya sa mas mataas na posisyon.

Ani ng mister ni Mariel Rodriguez, “Eh, ‘pag utos ni Digong, walang puwedeng mag-utos sa akin kahit sino, si Digong lang. Kasi ayaw ko talaga ng pulitika. Alam naman ng pamilya ko ‘yan. Basta sinabi ni Digong, susunod ako. Kasi kaya naman ako nandito, dahil sa kanya.”

Pag-amin pa niya, “Ipinanganak tayong ready. Para sa akin, vice-president, ‘di naman masyadong ano ‘yan, puro advocacy lang ‘yan. Parang spare tire, kayang-kaya ‘yan. Ang Duterte kasi, ideology ‘yan. Pagbabago, ‘yan talaga.”

Ang panayam na ito ay lumabas sa ABS-CBN News.

Wika pa ng aktor-pulitiko, “Sa akin naman, wala na akong katulad kay VP Inday. Wala na rin akong maiisip na ibabato sa akin dahil naibato na lahat. Ex-con, bobo, t*nga, babaero, lahat na. ‘Di naman ako balat-sibuyas. Kung ganyan talaga ang pulitika natin, tatanggapin natin ‘yan. Pero ang usapin d’yan, ayoko talaga.

“Pinagbigyan ko lang si Tatay Digong na maging senador. Pero ‘di dahil sa bashing, nababagalan talaga ako sa takbo ng ating gobyerno. Pero kung utos ni Digong, wala akong magagawa. 

“Kung pag-uusapan kung sino dapat ang mauna, dapat mauna si Manang Imee, si Sen. Alan Cayetano, Sen. Bong Go, Sen. Bato dela Rosa, kasi sila ang mga senior.

“Sino naman ang ‘di maliligayahan ‘pag itinutulak ka ng iba? Ganyan din ang ginawa sa akin ni Digong. ‘Di naman ako pulitiko talaga. S’ya ang nagsabi sa akin na pumasok sa pulitika dahil ayaw ko talaga nito.

“Pero ang reyalidad n’yan, may sinusunod na hierarchy. Bago mapunta sa akin, uunahin natin ang mga tunay na pulitiko. 

“May sinusundan ang Duterte supporters at loyalists ni Duterte. Para sa akin, ang pinaka-senior d’yan ay si Manang Imee. Noong nanalo si Digong, ang unang sinabi n’ya ay gusto n’yang magkaisa ang mga Pilipino, kaya n’ya ipinalibing si Marcos, Sr. para matapos ang hidwaan. Sumusunod lang ako doon.”

Pag-amin pa niya, “Buong pamilya ko, Duterte talaga. Nangampanya kami kay Digong nang wala kaming hiningi kahit ano. Kami pa ang gumastos. Naniniwala talaga ako kay Inday Sara at kung sino man ang pipiliin ni Digong na maging vice-president n’ya, ako ay 100 percent na tutulong.”

Pero naguguluhan ang mga followers ni Sen. Robin Padilla dahil sa panayam naman ng Inquirer sa kanya, aniya

“I have no plan to run for Vice-President — Robin.”

Ano ba talaga, Binoe? Just asking…

---

Nagbigay ng babala si Kylie Padilla tungkol sa mga pekeng quotes na iniuugnay sa kanya.

Ayon sa aktres, karamihan sa mga nilalamang ibinabahagi ay hindi tugma sa kanyang mga tunay na karanasan. 

Isa na rito ang sinabi umano niyang hindi dapat tawaging “asawa” kapag ‘di kasal na tipong patutsada raw kay AJ Raval na karelasyon ngayon ni Aljur Abrenica.

Hinimok ni Kylie ang mga netizens na beripikahin muna ang mga impormasyon at huwag agad maniwala o magbabahagi ng nilalaman sa social media.

“Mula sa mga larawang AI hanggang sa mga pekeng quotes na ‘di ko talaga sinabi na kumakalat online,” pagdidiin ng Kapuso actress.

Dagdag pa niya, “Medyo nakakatakot, ah. Dami kong nakikita na fake at ‘di naman totoo at never kong sinabi.”

Tinapos niya ang kanyang mensahe sa pagsasabing “Mag-ingat kayo sa nakikita ninyo online. ‘Di lahat ay totoo. ‘Wag ninyong paniwalaan ang lahat ng inyong nakikita at nababasa.”

Tanggap na ni Jodi… IWA, HAPPY NA MAGIGING LEGAL NANG MISIS NI PAMPI

ni Beth Gelena @Bulgary | February 21, 2026

Photo: FB Iwa Moto

Engaged na si Iwa Moto at ang ex-husband ni Jodi Sta. Maria na si Pampi Lacson. 

Present ang Kapamilya actress sa engagement ng dati niyang mister na si Pampi, ang anak ni Panfilo Lacson, kung saan nabiyayaan sila ng anak na si Thirdy.

Hindi nag-grow ang marriage ng dating mag-asawa dahil sa cheater umanong ex-mister.

Matagal ding ininda ng aktres ang paghihiwalay nila ni Pampi, pero naka-move on na siya at idinaan sa trabaho ang nangyari sa kanyang married life. 

Taon ang lumipas bago napatawad ni Jodi ang ex at si Iwa, dahil nakikita niya kung paano rin alagaan ng Kapuso actress ang anak nila ni Pampi na si Thirdy.

Naging maayos ang pagsasama ng ex at present wife ni Pampi, kung saan naging magkaibigan pa ang dalawa, na bibihirang mangyari.

Ang mensahe ni Jodi kina Pampi at Iwa, “Life has a beautiful way of unfolding. Congratulations on your engagement, Madam (Iwa) and Pampi. Rejoicing with you both. This milestone is truly significant for the whole family.”

Komento ng mga netizens: 

“Acceptance na lang ang peg ni Jodi. Pero masakit pa rin ‘yun.”

“‘Pag wala nang feelings sa isa’t isa ang dating mag-asawa, wala nang hatred and bitterness.

Magiging happy na lang sila sa isa’t isa alang-alang sa anak.”

“Mahal n’ya si Iwa kasi si Iwa rin ang second mom ng anak n’ya.”

“Madalas sa mga naghiwalay na mag-partner o mag-asawa na may anak, usually red flag ang lalaki.”

“Buti pa si Jodi, ang lawak ng pag-iisip. ‘Yung isa kasi, puro na abo ang pag-iisip.”

Hay, kung sino man ang pinatutungkulan ng commenter na ito, iwan na lang natin sa hangin. Huwag nang pag-aksayahan ng panahon. 

Basta masaya na si Iwa dahil magiging legal na Mrs. Pampi Lacson na siya.

---

ISA na rin si Meg Imperial sa mga nagparinig sa social media post niya laban sa controversial ngayong si Alvin Aragon.

Nagbigay siya ng opinyon tungkol sa mga public figure kung saan ibinahagi niya ang kanyang saloobin tungkol sa respeto.

Binigyang-diin niya na ang propesyon ng isang tao ay hindi dapat maging dahilan ng kahihiyan o paghuhusga. 

Binanggit ng aktres na normal lang ang mga pagkakaiba at hindi dapat gamitin para kontrolin ang isang kapareha.

Nilinaw niya na ang kanyang post ay isang opinyon at hindi isang pag-atake. Hinimok din niyang igalang ang dynamics ng iba.

Sey niya, “Ramdam ko ang gigil ng ilan sa inyo. Sana lang, masaya sila.”

Binanggit din ni Imperial ang propesyonal na paggalang, lalo na para sa mga tagapagtanghal.

Pagdidiin niya, “Nakilala mo s’ya as a dancer. That’s a job. Hindi ‘yun kabastusan, ‘di rin kahihiyan. It’s a profession and she deserves respect as a person.”

Sabi pa ni Meg, “Minsan, ang pagiging conservative, ‘di dapat nagmumukhang kontrolado ang partner. Humility is louder than preaching.”

Pinuri naman ng kanyang mga supporters ang kanyang opinyon.

Wala mang tinutukoy ang aktres pero gets na ng lahat kung sino ang pinatutungkulan niya sa post dahil na rin sa recent statement ni Alvin na “pinag-resign” ni Lord ang asawang si Izzy Trazona sa Sexbomb Dancers.

Ikinukumpara kay Anne na ‘diyosa’... HIRIT NG FAN: MARIAN, KAHIT MAMAHALIN ANG SUOT, MUKHANG PUPUNTA LANG SA BIRTHDAY PARTY

ni Beth Gelena @Bulgary | February 20, 2026

Photo: Anne Curtis at Marian Rivera - Instagram

Parehong nasa Gucci event sina Anne Curtis at Marian Rivera kamakailan.

Siyempre, pinagsasabong ng mga netizens ang dalawang female celebrities kung sino ang mas may “K” na matawag na fashionista.

Ayon sa mga mapanuring matang netizens, “Sa mundo ng modelling at glam, naturally born with class si Anne at kahit ano’ng ipasuot mo, kaya n’ya.”

“True. Kaya nga tinawag s’yang ‘Dyosa.’” 

Isang commenter naman ang tila may pinariringgan, “Hater ka lang ni Marian, ginagamit mo pa si Anne. ‘Yung totoo mong idol, ‘di sikat, walang ganap. ‘Di maganda, baduy pang manamit. Hahaha!”

Kuda naman ng isang maka-Marian, “Ito ba ang class? Suot n’ya, parang contestant sa isang beauty pageant. Si Marian, simple lang pero elegant at gorgeous, plus pa ang magandang mukha.”

“Si Anne, may iba’t ibang hairstyles, look at pose s’ya. Si Marian naman, same look sa face and hair kasi ‘yun ang signature n’ya, ‘di nag-iiba-iba. ‘Yan lang ang napansin ko.”

“May iba pa kay Anne? ‘Di nakakaumay ang ganda ni Anne. Si Marian, maganda nga pero walang pagbabago, ganu’n pa rin kaya nakakasawa.”

“ANNE CURTIS talaga da best. Kahit anong hairstyle at kahit anong suot, bagay sa kanya. Truly a fashionista.”

“Marian, simpleng make-up and dress, maganda na.”

“Iba talaga si Anne, pang-international model ang datingan kahit mapa-drama, comedy at hosting, kabogera.”

“Of course, ang nag-iisang Dyosa. In and out, kahit sinong beauty queen at celebrity i-compare mo, mapa-local o international. Very smart, sexy, beautiful, gorgeous, fashionista at higit sa lahat, sobrang bait ni Miss Anne Curtis kaya siya Dyosa ng masa. Nasa kanya na lahat.”

“Parang simple lang aura ni Marian, parang dadalo lang sa birthday pero s’yempre, signature ang suot n’ya.”

“Du’n ako sa maarte na ‘di ako naiinis at bulol kung minsan magsalita, Anne Curtis.”

“Class ang dating, Anne. Super-yayamanin naman ang dating ni Marian.”

“Anne ako, universal beauty. Nababago ang aura.”

“Marian Rivera Dantes didn’t just wear the look, she owned it. The aura, the posture, the confidence, everything screamed luxury. And the best part, she still looked effortlessly natural. No overdoing, no trying hard, just that soft expensive glow that can’t be bought. That’s what you call dollar beauty.”

Grabe ang mga komento ng mga mahihilig sa fashion. Wala silang itulak-kabigin sa dalawang female celebrities.

---

PINAGHAHANDAAN na ni Albert Martinez ang pagkawala ng kanyang karakter sa FPJ’s Batang Quiapo (BQ) bilang si Vice-Mayor Guerrero ng Maynila.

Kapag nawala na raw siya sa nasabing serye na pinagbibidahan ni Coco Martin ay hindi muna siya tatanggap ng anumang project dahil igugugol muna niya ang kanyang oras sa pamilya.

Aniya, “More time for myself, for my grandchildren and for my kids.”

Naiintindihan naman ng mga supporters ng aktor ang kanyang dahilan.

“Need n’ya rin talaga ang pahinga. After nga naman ng Lavender Fields (LF) noon ay agad na siyang sumalang sa BQ.”

“Isa sa premyadong aktor, isa rin s’ya sa mga alamat ng pelikulang Tabing Ilog.”

“Lagi namang may teleserye ‘yan, mahusay kasi gumanap. Kahit anong role, kaya n’ya at napakagaling na artista.”

“Tumatanda na rin s’ya. Masyado s’yang stress sa role n’ya.”

“Mapa-kontrabida, bida, galing mo talaga, Sir Albert.”

“General’s Daughter ang pinaka-best na role n’ya for me.”

“Oh, no. Ang galing n’ya eh, cool na cool kahit galit na galit, ang pogi pa rin.”

“Actually, sandali lang talaga dapat ang role ni Albert sa BQ pero humaba dahil maganda ang feedback ng mga viewers. Pagkakaalam ko rin, gusto na n’yang mag-retire para mag-focus sa family.”

Tanong naman ng isang fan, “Is it goodbye?”

“Mabuti pa si Albert, kahit ‘di nakakasawang panoorin, kusang umaalis. ‘Yung iba, kahit nakakaumay na, ayaw pang um-exit.”

Ganern?!