ni Beth Gelena @Bulgary | July 22, 2024
![Showbiz News](https://static.wixstatic.com/media/7c92fa_65f30c07c0844b859569dca7c99b13c5~mv2.jpg/v1/fill/w_118,h_71,al_c,q_80,usm_0.66_1.00_0.01,blur_2,enc_auto/7c92fa_65f30c07c0844b859569dca7c99b13c5~mv2.jpg)
Nagsalita na si Kobe Paras hinggil sa real score nila ni Kyline Alcantara. Ani Kobe, they are just great friends.
Sa isang panayam, sinabi niya na hindi niya pa naitatanong kay Kyline kung puwede niya na ba itong maging girlfriend. Marami kasing espekulasyon na may relasyon na ang celebrity couple dahil sa larawan nilang sobrang close na naglabasan online.
Um-attend sa GMA Gala Night ang basketbolista at marami nga ang nakapansin sa closeness ng dalawang celebrities.
![Kyline at Kobe](https://static.wixstatic.com/media/7c92fa_8de7fa5db1964c27b0d680c2a3f18c41~mv2.jpg/v1/fill/w_118,h_71,al_c,q_80,usm_0.66_1.00_0.01,blur_2,enc_auto/7c92fa_8de7fa5db1964c27b0d680c2a3f18c41~mv2.jpg)
Samantala, present daw si Kyline sa opening ng kanyang tattoo shop.
“Bakit girlfriend agad? Nagtanong na ba ‘ko?” pakli niya.
“We are just great friends right now, really close friends,” paglilinaw niya.
Eh, bakit naka-flex ang larawan nila na hinahalikan niya sa forehead ang Kapuso actress? Meron pa nga silang photo na magka-holding hands in public?
IKINATUWA ng mga netizens ang pagkikita nina Marian Rivera at Heart Evangelista sa GMA Gala 2024. Nakuhanan kasi ng photos at videos ang dalawang Kapuso actresses kung saan pinag-usapan ang kanilang pagtatagpo.
Isa sa mga highlights ng event ay ang pag-uusap nina Marian at Heart.
Well, pinag-usapan din ang dalawang aktres dahil sa kanilang stunning beauty.
Dati kasing tila may competition sa pagitan ng dalawa, kaya nagkaroon ng gap.
Komento nga ng isang netizen, “‘Di naman nila sinabi na super friends sila, civil lang, nagbabatian ‘pag nagkikita, etc. Kita n’yo nga, ‘di nila binonggahan ‘yung mga damit nila kasi wala nang competition since nag-mature na both, relaxed na lang. Habang busy ‘yung mga artista sa harapan ng stage para mag-picture taking, itong dalawang ‘to, busy magkumustahan kasi alam na nilang pareho na sila ang reyna ng GMA, ‘di na nila need makipagsiksikan sa harap."
“Nu’ng hayagan na nag-aaway, may kuda kayo. Ngayon na okay na at sister mismo ni Heart ang naging way ng reconnection nila, may kuda pa rin kayo. Ano ba talaga'ng gusto n’yo?”
Heto na naman kasi at nagtatalo ang mga fans kung sino ang mas stunning ang beauty sa dalawang aktres.
Sey naman ng ibang netizens… “Phenomenal Queen Marian and Fashionista Heart.”
“Masaya kapag okey ang lahat, ‘di ba? Goods 'yan for the two of them. Featured pa nga ang dalawa sa mini-video ni Heart sa Instagram (IG) n’ya.”
“Ganda ni Marian. Heart is pretty as well.”
“Pretty girls stick together!”
Kaso, meron pa ring ayaw maniwala na in good terms na ang dalawa. Sey ng mga NEGAtizens… “‘Pag social gatherings talaga, alam mong Orocan at Tupperware ang mga ganap.”
“Fake smiles for public viewing.”
ANG Kapuso actress na si Jennylyn Mercado ang bagong ambassador ng Beautederm products na Threemendous Trio serums.
Napaka-warm ng pag-welcome mula sa Beautederm Corporation president at CEO na si Rhea 'Rei' Anicoche-Tan sa aktres na ikinataba ng puso ni Jen.
Ini-launch ang aktres sa new Solaire North, Quezon City kasabay ng 15th anniversary ng beauty product brand.
Ayon kay Ms. Rei, matagal niyang hinintay ang availability ng aktres lalo pa at nu'ng nagkausap sila ay preggy pa si Jen, kaya hinintay pa niyang makapanganak ito.
Nu'ng ginagamit na ni Jen ang produkto, bumilib siya rito dahil nahiyang siya.
Knowing Jen na metikuloso pala pagdating sa mga beauty products na ginagamit dahil sa kanyang psoriasis, iba raw ang touch ng Beautederm.
Well, enjoy na enjoy sina Ms. Rei at Jen habang nagkukuwentuhan sa launching-contract signing. Binigyan pa ng surprise gift ni Ms. Rei si Jen. At bongga ang gift, isa lang namang magarbong singsing.
Sobrang touched ang Ultimate Star sa gesture ng glamorosong CEO/president ng Beautederm.
Ang nakakaloka pa, hindi lang si Jen ang pinasaya ng mabait na businesswoman kundi maging ang press people na nandu'n. Walang umuwing luhaan sa generosity ni Ms. Rei.
'Nga pala, congrats sa aming patnugot, Janiz Navida dahil siya ang outstanding press that day para sa kanyang Best Dressed award. (Thanks Tita! Effort kung effort! Hehe! — JDN)