Anak sa ibang babae na boksingero na rin… PACQUIAO, ‘DI RAW BINIGYAN NG MAAYOS NA BAHAY SI EMAN BACOSA

ni Ambet Nabus @Let's See | November 11, 2025

Photo: Pacquiao

TUNAY namang naging instant celebrity si Eman Bacosa Pacquiao lalo’t mismong si Papa Piolo Pascual ang nagbigay-payo rito.

Hindi naman na-offend si Papa P na matawag itong kamukha niya dahil kitang-kita naman ang kapogian ng batang boksingero. 

Nagkaroon pa ng moment na umakting-akting sila at nag-sparring pa sa boksing.

Sa napanood naming panayam dito ni kaibigang Jessica Soho sa Kapuso Mo, Jessica Soho (KMJS), mararamdamang mabait at mabuting bata si Eman, na halata ring sabik na sabik ito sa pagmamahal ng isang ama kaya’t may reels na makikita itong yumayakap at humahalik sa amang si Manny Pacquiao. 

Sa Japan pala halos ito lumaki at nag-aral at magaling din siyang magsalita ng Hapones. 

Ang kinikilala niyang ‘ama’ ngayon na partner ng kanyang ina ang nagsisilbi niyang coach sa pangarap niyang maging mahusay ding boksingero.

‘Yun nga lang, sa ipinakitang video kung saan sila nakatira rito sa Pilipinas, nakakuha ng grabeng pamimintas si Manny. Na kesyo sa sobrang yaman nito ay tila hindi man lang daw nito nabigyan ng maayos na tirahan ang anak. Na kesyo mukha umanong hindi ito nababahaginan man lang ng bilyones nito o sadyang tinitipid ito, etc..

Pero wala ka ngang maririnig na complain man lang kay Eman dahil sa ilang photos pa, makikita namang tanggap siya bilang anak ni Manny at kapamilya nina Jinkee at ng mga anak nila.

---

Ginamit lang daw ang pera ng girl…

BAGONG LABS NI CLAUDINE, HINAHABOL NG EX NA TAGA-CANADA

Sa gitna ng mala-delubyong dala ng Bagyong Uwan, heto at may pasabog na naman si Claudine Barretto.

Nitong Lunes nga ay muling nagpasabog sa kanyang socmed account si Claudine na tila inaaway ang isang babae o tinawag niyang ‘side chick’ ni Milano Sanchez. 

Si Milano ang lalaking romantically involved ngayon sa aktres.

Ayon sa post ni Claudine, tila patuloy daw silang ginugulo ng babae lalo na ang umano’y mga kasinungalingan nito tungkol kay Milano. 

Binantaan pa ito ni Claudine na tumigil na kung ayaw nitong maresbakan ng giyera niya.

Ayon sa aming mga nakalap, taga-Canada ang girl na sinasabing dating karelasyon ng kapatid ni Ateng Korina Sanchez, na diumano’y naging pasakit din at may tsismis pang ginamit lang umano ang pera ni girl.

May mga nagpapayo naman kay Claudine na tumigil na sa mga ganoong hanash lalo’t hindi na raw nabago ang imahe nitong ‘giyerera’ sa showbiz. Na kesyo mas ipinapakita raw nitong may something nga ang mental state nito kaya’t vindicated na naman daw si Raymart Santiago.

May mga nagsabi pang sa daming beses na nag-comeback si Claudine, dapat daw na hindi na ito gumagamit ng ganitong publicity o gimik dahil nasasayang lang at nawawalan daw ng saysay ang husay nito bilang isang aktres.

Kasalukuyang napapanood si Claudine sa Totoy Bato (TB) sa TV5 at may tsika pa ngang may movie itong gagawin, plus another soap na based on famous Korean series.

---

MUKHANG natuloy naman ang civil wedding ni Neil Coleta sa kanyang long-time partner na si Jazmin Chinnei. 

Dating dancer si Jazmin sa mga naging programa ni Kuya Willie Revillame sa TV.

Nang makapanayam namin si Neil last Saturday, naikuwento nitong nakatakda silang magpakasal last Monday (Nov. 10) ng live-in partner niya dahil lumalaki na nga ang dalawa nilang anak.

“Iba s’yempre ‘yung legal na legit, ‘di ba? Matagal (6 years) na rin kaming nagsasama as husband and wife at ‘yung dalawang girls namin (4 and 2 years old), sila ‘yung excited na makasal kami,” tsika ni Neil.

Although civil wedding pa lang daw ito at walang masyadong showbiz friends na imbitado o kasali sa entourage, maliban kay Karla Estrada bilang tatayong ninang, “Special pa rin s’ya for us. May plano pa rin naman kaming magkaroon ng church wedding.”

Busy si Neil sa naipundar nilang negosyo at dahil taga-Dasmariñas, Cavite siya, kinuha nga rin siya ng FiberBlaze internet and cable company bilang isa sa mga

brand ambassadors nito. 

“Actually, ambassador na po nila ako years ago pa. Matagal na rin naming ginagamit at pinagkakatiwalaan ang internet at cable services ng FiberBlaze. So far, wala kaming mai-complain dahil very reliable s’ya. Hindi ako magtatagal sa kumpanya nila kung hindi ako naniniwala sa kanila,” pahayag ni Neil.

Matagal nang nag-o-operate sa Cavite area ang nasabing internet and cable provider. Ngayon ay nais naman nilang palawakin ito within the Laguna area and eventually sa iba pang karatig-probinsiya.

Hirap na sa pagod at puyat sa showbiz… RONNIE, TODO-PAYAMAN SA NEGOSYO NILA NI LOISA

ni Ambet Nabus @Let's See | November 10, 2025

Photo: IG @iamr2alonte

Although nami-miss daw ni Ronnie Alonte ang umarte at pumunta sa mga taping, mas nais niya raw na tutukan ang kanilang mga negosyo at maging mas mahusay na basketball player.

“Marami rin kasing oras ‘yung parang nasasayang (for TV or movies). Nakaka-miss magtrabaho, pero hirap pa rin kasi ako ru’n sa mahahabang hintayan sa set, mga puyatan, ganu’n. 

“At least sa negosyo, tutukan mo lang nang maayos, ikaw ‘yung may kontrol sa oras. ‘Yung basketball naman, hindi mo talaga matatanggal sa akin,” pahayag ni Ronnie.

Meron na pala silang resort type staycation venue sa Tagaytay at sa Zambales, na nasa beach front mismo. Magkasosyo sila ni Loisa Andalio na ayon pa sa kanya ay going strong naman ang relasyon nila at happy sila.

Although mas busy nga lang daw si Loisa ngayon sa movies at nandiyan lang siya to support.

Nabanggit din ni Ronnie na may sistema umano sa showbiz na hindi niya talaga ma-gets. 

“‘Yung palakasan, ‘yung padrino system, ‘yung tipong ipinangako na sa ‘yo ‘yung project pero nasusulot pa ng iba, mga ganu’n. Ang hirap. Medyo may trauma tayo sa ganu’n,” sey nito na hindi na nag-elaborate pa.

Kinuhang brand ambassador ang guwapong aktor ng FiberBlaze, isang internet at cable TV provider na nag-o-operate sa Cavite at Laguna provinces.

At dahil taga-Biñan, Laguna nga si Ronnie, pinagkatiwalaan siya ng mga may-ari ng naturang cable company na maging ambassador nila sa Laguna province.

Sey pa ni Ronnie, “S’yempre, kung FiberBlaze ang klase ng internet at cable na ginagamit namin mismo sa bahay at sa mga negosyo namin, nakakasiguro kami sa mga ipinapangako nitong high speed connectivity at iba pang services. 

“At saka malay natin soon, baka maging parte na rin ito ng pagpapalago namin ng negosyo namin.”

Ohhh, why not coconut, Ronnie! 

Sa husay mo ngayong mag-explain ng mga pinasok ninyong negosyo ni Loisa, hindi kami magugulat if sooner or later ay big time entrepreneur na kayo.

Congrats and good luck!

---

Ramdam na ramdam namin ang galit ni Regine Velasquez-Alcasid sa kanyang naging Instagram post kaugnay ng pagbaha sa Cebu.

Muli niyang ginamit ang video ni Ma’am Gina Lopez na nagpapaalala ng tamang pagtrato sa ating kalikasan.

At sa kanya ngang naging komento rito, inuusig nga ni Regine kung sino ang dapat na managot sa gobyerno na nagbibigay-permiso sa mga kumakalbo ng bundok, atbp..

Halatang-halata na diretso niya itong isinulat at ipinost dahil hindi na nito nagawang i-edit pa ang mga spelling o nawawala o kulang na mga letra sa pagbuhos ng kanyang emosyon.

Halimbawa riyan ay ang pagtanong niya kung sino ang magsasalba sa atin kapag may bagyo? ‘Bayo’ ang naisulat nito imbes na bagyo. Nang isumbat niyang ang kakapal ng mukha ng mga nasa gobyerno at sila ang sinisisi nito, ‘kakakal’ lang ang naisulat ng Asia’s Songbird. 

Halatang galit talaga si Mama Regine.

Ang importante naman sa naging ‘sumbat-panawagan’ ni Regine Velasquez-Alcasid ay nai-deliver niya ang mensahe, ayon pa sa mga nakabasa nito.

---

DAHIL sa tagumpay ng kanyang 50th anniversary concert last September, magkakaroon ng repeat ang Nonoy Zuñiga-Beyond Gold: Songs of a Lifetime show.

Ngayong darating na December 9, magsisilbing pre-Christmas treat ng music icon ang concert na gaganapin sa Newport Performing Arts Theater kasama sina Pops Fernandez, Nina, Dulce, Rey Valera, Marco Sison at Lani Misalucha. 

Ay, sus! Sa mga guests pa lang ay solb na solb na ang mahihilig sa magagandang songs at magagaling kumanta. 

Choosy pa ba tayo sa line-up na ganyan? Hahaha!

“Kung buhay pa sana sina Coriks (Rico Puno) at Hajji (Alejandro), tiyak na hindi sila papayag na wala sa listahan ng guests. Mga mahihilig magprisinta ang mga ‘yun. But seriously, nami-miss din namin sila and we want to dedicate this show para rin sa kanila. ‘Wag lang sana silang bibisita o magpaparamdam on that night,” ang natatawa pang biro ni Nonoy.

Ang mga usual na kanta raw ang maririnig gaya ng Kumusta Ka, Never Ever Say Goodbye, Doon Lang pero sey ni Nonoy, “May mga bagong touches, areglo at style na rin. Bilang halos lagi rin ako sa Tawag ng Tanghalan, amazed na amazed ako sa mga bagong tunog ngayon ng mga batang singer kaya’t sasabay tayo.”

And speaking of new artists, magge-guest din sa repeat concert ni Nonoy sina Isha Ponti at Andrea Gutierrez, bago pa man ang kanilang stellar concert on December 13 naman.

Ang mahusay na si Calvin Neria ang director ng concert kung saan ipinangako rin nitong hindi lang basta pag-revisit sa golden era ng OPM ang matutunghayan kundi ang mga hatid nitong pag-ibig, buhay at pakikibaka sa himig at tinig ng isang Nonoy Zuñiga.

Hindi pa divorced… GERALD, NASA ‘PINAS NA, GUSTONG MAGHABOL NG SHARE SA PROPERTY NILA NI AI AI

ni Ambet Nabus @Let's See | November 9, 2025

Photo: IG

May tsismis na nasa bansa na raw muli ang ex-husband ni Ai Ai delas Alas na si Gerald Sibayan matapos ma-revoke ang petisyon nito para sa green card sa USA.

Simula nang maghiwalay sila noong nakaraang taon ay never pang nagbigay ng anumang pahayag si Gerald, na balitang nag-stay pa sa Amerika kasama umano ang napabalitang ‘third party’ sa hiwalayan nila ng Comedy Queen.

Pero may mga common friends ang dalawa na nag-Marites na nasa bansa na itong muli, bagaman hindi pa raw lumalabas ang desisyon ng divorce nila ni Ai Ai. 

May tsismis pang may property pa diumanong nais nitong makuha o magkaroon ng share dahil naging partner o namuhunan din daw ito sa naturang property.

Last week of October nang huling lumabas at magpa-interview si Ai Ai sa TV sa Fast Talk with Boy Abunda (FTWBA). Wala naman siyang binanggit na nasa Pilipinas ang ex niya o kung may hinahabol man itong property.

---

sa anak ni Neil na nasa PBB…

ANGEL, TODO-PARAMDAM ULI SA SOCMED

MAY mga netizens na nagsasabing nakakapagduda ang pagbabalik sa social media ni Angel Locsin. 

Sa dinami-rami raw ng ibang mahahalagang pangyayari sa showbiz at iba pang dapat ay ipinapahayag ng isang gaya niyang ‘influencer’ ay kung bakit ngayon lang daw muling nagparamdam sa socmed (social media) ang dating sikat na aktres.

Matatandaang simula nang maging very vocal si Angel matapos mawalan ng prangkisa ang ABS-CBN, at nang maiskandalo ang minsan niyang pagkakawanggawa (nagpakain sa isang komunidad at napabalitang may mga nasugatan o namatay), nanahimik ito sa socmed.

Naunawaan naman ng marami ang naging desisyon niya, lalo’t wala na rin naman siyang naging activity sa showbiz. May pagkakataon pa ngang kinuwestiyon ng marami ang kanyang pagiging ‘artist’ nang hindi man lang diumano siya nagparamdam nang yumao ang isa sa mga tumulong sa career niya, ang kanyang dating manager.

Kahit nga noong mamatay ang tatay niya ay nagawa ni Angel na lumayo o umiwas sa socmed. 

Pero nitong pumasok nga sa showbiz ang anak ng mister niyang si Neil Arce, biglang nagparamdam ng suporta si Angel.

At kamakailan lang, nang dahil sa grabeng pagbaha sa Cebu, muling ginamit ni Angel ang socmed para magpahayag ng kanyang saloobin.

At dahil hindi naman lahat ng tao ay inuunawa siya o gustong intindihin ang mga rason niya, natural na may mga bashers siyang kinukuwestiyon ang kanyang recent socmed activity.

Well, maybe soon ay malalaman natin ang tunay na dahilan, if ever man na gusto itong isapubliko ng aktres. 

But for now, alam naman siguro ni Angel na iba na ang kalakaran sa paggamit ng social media, at sigurado namang handa siya.

May mga nagtatanong nga lang, “Relevant pa ba ang isang Angel Locsin?”

---

MULING naglabasan at nabuhay ang ilan sa mga videos ng yumaong matikas na environmentalist na si Ma’am Gina Lopez, mga videos kung saan ipinagtatanggol at nagbibigay siya ng babala sa mga abusadong contractors at mining operators sa bansa.

Isa tayo sa mga supporters ng matapang na Lopez scion na tunay namang may mabuting puso despite her pedigree at yaman. Very dedicated at genuine kung tumulong, at nakakabilib ang pagmamahal niya sa inang kalikasan.

Minsan na siyang nagkaroon ng pagkakataon na maging bahagi ng gobyerno bilang secretary ng Department of Environment and Natural Resources (DENR), pero sadyang iba ang laro sa pulitika ng mga mayayamang negosyante kaya’t hindi siya nabigyan ng legal na appointment.

Isa talaga siya sa mga taong sinayang ng bansang ito dahil mas pinairal ng mga may kapit sa gobyerno at mga kasamahan nilang nag-aapruba ng appointment na hayok at gahaman sa kanilang mga interes, lalo na sa usaping pagmimina at pagtatayo ng mga structures sa mga likas na yaman gaya ng bundok, atbp..

At dahil sa pangyayari sa Cebu City, balitang tinadtad ng tags ng mga video ni Ma’am Gina ang mga gaya nina Slater Young at mga kasamahang engineers at architects upang ipaunawa ang nagawa ng kanilang katalinuhan kuno sa panghihimasok sa natural na daloy ng kalikasan.