ni Chit Luna | July 2, 2020
Nagdeklara ng lockdown ang Antipolo New Public Market, matapos na magpositibo sa RT-PCR Covid test ang 18 tenants at vendors nito sa isinagawang expanded targeted testing ng naturang lungsod.
Sa Facebook page ni Antipolo City Mayor Andrea Ynares, kinakailangan anilang agad na ipasara ang nasabing pasilidad.
Samantala, tinamaan din ng COVID-19 ang isang vendor sa Agora Market sa San Juan City.
Sa abiso ng San Juan City government, ginagamot na ang pasyente sa ospital.
Naka-isolate naman at isinailalim sa swab test ang lahat ng nakasalamuha ng vendor.
Dahil dito, pansamantalang isasara ang Agora Market habang hinihintay ang resulta ng swab test sa mga kawani, manggagawa at vendors sa pamilihan.