ni Thea Janica Teh | July 14, 2020
Nilinaw ni Gretchen Barretto sa kaniyang Intagram Account na hindi kaniya ang Twitter Account na nag-post laban kay Duterte.
Sabi ni Gretchen Barretto, hindi kaniya ang @realgretchenb na nakapangalan sa kaniya at may 3,000 followers. Aniya “This is a FAKE Twitter ACCOUNT! I DO NOT HAVE A TWITTER ACCOUNT. I AM PRO DUTERTE.”
Ibinahagi rin nito ang screenshot ng umano’y fake Twitter Account na nag-post ng “The hashtag is the tweet. #OustDuterteNow.”
Bukod pa rito, nag-post din ang fake account ng “Brave 11” o ang mga congressman na bumoto pabor sa renewal ng franchise ng ABS-CBN.
Sinagot din ito ng Barretto at sinabing hindi siya naglabas ng statement tungkol sa mga congressman at ABS CBN.
“The POSER OF A TWITTER ACCOUNT CLAIMING TO BE ME IS NOW CLAIMING TO BE ( way Better ) Dreams are free. If it helps you ESCAPE YOUR REALITY, Go #proDuterte,” isa pa sa kaniyang post.
Nilinaw ni Barretto na siya ay Pro-Duterte. Tuloy-tuloy ang pag-post ni Barretto ng fist bump emojis na trademark ni Pangulong Duterte bilang pagsuporta nito.