Muntik pang mabaril.. 2 Vloggers, nag-kidnap prank, kinasuhan

ni V. Reyes | April 30, 2023

Masamang biro para sa Philippine National Police Integrity Monitoring and Enforcement Group (PNP-IMEG) ang ginawang online content ng Tukomi Brothers sa kanilang vlog noong Abril 6 sa Las Piñas.

Ipinagharap na ng kasong Alarm and Scandal sa Las Piñas Prosecutor’s Office ang Tukomi Brothers dahil sa sinasabing delikadong biro ng mga vlogger.

“Para hindi na po maulit ang ginagawa nila d'yan kasi maraming gumagaya, pangit din sa mata ng mga bata ang ganuon. Napakadelikado talaga,” pahayag ni Police Staff Sergeant Ronnie Conmigo, imbestigador ng PNP-IMEG.

Si Conmigo ay nagkataong nasa lugar nang mangyari ang sinasabing prank ng Tukomi Brothers.

Batay sa kuha na video, makikitang lumabas ng itim na kotse ang tatlong lalaki na may suot na bonnet at tangkang dudukutin ang isang lalaki. Dahil hindi batid na prank lang ang insidente ay ginawa ni Conmigo ang kanyang tungkulin na pigilan ang pinaniniwalaang krimen.

“Biro mo kung iba iyon, sakaling may trigger-happy na pulis o kahit hindi pulis, nabaril sila.

Maraming madadamay kasi ang daming tao sa lugar na iyon, palengke po. Noong nakita ko na tumataas ang kamay at walang dalang baril, sa tagal natin sa serbisyo, iisipin ko pa rin na baka madisgrasya ko sila,” dagdag pa ni Conmigo.

Vlogger na si Zeinab Harake, nanganak na ng baby girl!

ni Ronalyn Seminiano Reonico | May 2, 2021

Nanganak na ang vlogger na si Zeinab Harake sa baby girl nila ng rapper na si Daryl Ruiz (aka Skusta Clee) na pinangalanan nilang Baby Bia. Sa YouTube channel ni Daryl, in-upload niya noong Sabado ang documentation ng panganganak ni Zeinab noong April 28.

Ayon kay Daryl, noon ay hindi man lang sumagi sa isip niya ang magkaroon ng sariling pamilya at todo-pasasalamat siya dahil hindi siya sinukuan ni Zeinab.

Aniya, “Mapalad ako kasi merong isang taong hindi ako sinukuan sa mga panahong kahit ako mismo, sukung-suko na sa sarili ko.”

Saad pa ni Daryl ngayong isa na siyang daddy, “Mas lalong naintindihan ‘yung halaga ng buhay.” Mensahe pa niya kay Baby Bia, “Hanggang kaya ko at hanggang sa huling hininga naming dalawa ng mama mo, pangakong hinding-hindi ka namin pababayaan.”

Noong July, 2020 nagkabalikan sina Zeinab at Daryl matapos ang on-and-off relationship nilang dalawa. Noong October naman nang nalaman ni Zeinab na buntis siya. Si Zeinab ay may mahigit 10.1 million YouTube subscribers.