Misis ni Chiz, pera ng bayan daw ang gamit sa luho… “BILYONARYA SI HEART” — RAMON TULFO

ni Vinia Vivar @Frankly Speaking | September 8, 2025

Photo: Mon Tulfo at Heart Evangelista - IG FB

“Leave her alone!” ito ang mariing mensahe ni Ramon Tulfo sa mga nang-iintriga kay Heart Evangelista.

Pilit kasing idinadamay ng mga Marites ang global fashion icon sa issue ng mister niyang si Senate President (SP) Chiz Escudero tungkol sa flood contractors.

Nadiskubre kasing connected si SP Chiz sa isa sa top 15 contractors sa bansa na iniimbestigahan ngayon dahil sa pagkakasangkot sa anomalya ng flood control projects.

Kaya pati si Heart ay nadadamay sa galit ng mga netizens at sinasabing pera ng bayan na bigay ng kanyang mister ang ginagastos ng aktres sa kanyang mga luho.

Marami naman ang nagtatanggol kay Heart, lalo na ang mga matagal nang nakakakilala sa kanyang pamilya at isa na rito si Ramon Tulfo.

Sa Facebook (FB) account ng isa sa Tulfo brothers, sinabi niyang tantanan na si Heart dahil bata pa lang ay bilyonaryo na ito dahil sa kanyang mga magulang na may-ari ng Barrio Fiesta chain of restaurants.

“Leave her alone! Heart Evangelista is a billionaire in her own right as she comes from the wealthy Ongpauco clan that owns the Barrio Fiesta chain of restaurants,” saad ni Ramon.

Bukod pa sa galing sa wealthy family, milyun-milyon din ang kita ni Heart bilang aktres at influencer.

“Before she got married to Chiz Escudero, Heart was earning oodles and oodles of money as a movie actress and influencer,” aniya.

“The money she spends is her own, not Chiz’s,” giit pa ni Ramon.

“I should know; I’m a friend of her uncle Rod Ongpauco,” dagdag pa niya.

Sa mga matagal nang nakakakilala kay Heart, nakakatawa ang kuwentong ginagamit

niya ang pera ng bayan dahil sa kanyang asawang si Chiz.

Noon pa sinasabi ni Heart na sariling pera niya ang ipinangsa-shopping at ipinambibili ng kanyang mga mamahaling gamit.

Bukod pa rito, dahil sikat na influencer din ang aktres, nireregaluhan siya ng mga luxury brands ng kanilang mamahaling produkto. Makikita rin lagi sa mga posts niya ang mga regalong ito bilang promo na rin sa brand.

Kaya tantanan n’yo na si Heart Evangelista! Kung bumibili man siya ng mga mamahaling gamit, she deserves it dahil galing ito sa sarili niyang pera.

---

Naimpeksiyon ‘yung una… AZ, SISING-SISI NA IPINARETOKE ANG ILONG NG 2 BESES

INAMIN naman ni Pinoy Big Brother (PBB) Celebrity Collab Edition former housemate AZ Martinez na produkto rin siya ng “salamat po, doktor” dahil nagparetoke siya ng ilong.

Ayon kay AZ sa kanyang panayam sa vlog ni Karen Davila, nagpa-nose surgery siya when she was 18 at ginawa raw niya ito dahil frustration niya ang kanyang ilong habang lumalaki.

“Kasi ‘yung mom ko at ‘yung kuya ko, ang ganda ng ilong nila. Si kuya kasi, nagmana sa mom ko. Hindi ko nakuha ‘yung ilong ng mom ko, nakuha ko ‘yung ilong ng dad ko,” pagbabahagi ni AZ.

Dagdag niya, “Napu-frustrate ako growing up kasi lagi akong nakatingin sa kanila, magkakambal daw si Mommy at si Kuya, ako, saan daw? Na-insecure ako sa nose ko and ‘yun, naisip ko for my 18th birthday, I got it done.”

Pero tila may pagsisisi siya dahil aniya, sana ay pinag-isipan muna niya ito bago ginawa. Gayunman, happy naman daw siya sa nose niya ngayon.

“Right now, like thinking about it, I wished I should have thought about it more. Kasi looking back, tinitingnan ko ‘yung photos ko, nasasabi ko, parang it wasn’t that bad naman. Parang nakaya ‘pag contour-contour lang. Pero happy ako sa nose ko,” aniya.

Pagre-reveal pa niya, “Actually, this is my second time kasi ‘yung first ko, it got infected, so this one I got it done last year again.”

Nang matanong kung ano ang maipapayo niya sa mga taong gusto ring magparetoke, sey ni AZ, “Think about it talaga, kasi sometimes, nagre-regret ako. May times na napapaisip ako na sana, hindi na lang. Ang gastos din, parang ganu’n. Pero whatever makes you happy, whatever makes you confident, go for it.”

Payo rin niya na mahalin ang sarili, something na dapat daw ay ginawa rin niya.

“Learn to also love yourself without those stuff, kasi parang that’s one thing na I should have done. One of my regrets also is hindi ko masyado minahal ang sarili ko kaya I jumped into impulsive decisions na hindi naman necessary, o hindi naman dapat sana. Na puwede pa sanang gawan ng iba pang paraan, na pag-isipan pa,” pahayag ni AZ Martinez.

Misis ni Chito, nakulong dahil sa investment scam… NERI, NAKA-MOVE ON SA TRAUMA DAHIL SA MGA ALAGANG MANOK

ni Vinia Vivar @Frankly Speaking | September 7, 2025

Photo: Neri Miranda - IG

Unti-unti nang nakaka-recover si Neri Naig Miranda mula sa trauma na pinagdaanan niya last year kung saan ay nasangkot siya sa isang investment scam na naging dahilan ng kanyang pagkakakulong.

Sa kanyang Instagram (IG) post kahapon, sinabi ng aktres na bumabalik na raw ang kanyang normal routine na nawala dahil sa pinagdaanang mabigat na pagsubok.

“Masaya ako kasi unti-unti, bumabalik na ang routines ko. Nawala talaga sila dahil sa trauma na pinagdaanan ko, pero heto ngayon... slowly living, slowly healing. Hindi pa 100%, pero nag-i-improve, nagiging functional ulit,” sey ng dating aktres.

Binanggit din niya na malaking bahagi ng kanyang therapy ang mga alagang manok.

“At malaking parte ng therapy ko, ‘yung mga manok ko.

“Iba-iba tayo ng paraan ng pag-heal at pag-cope. Hindi s’ya madali, pero ang importante... lumalaban para sa pamilya,” sey niya.

At para sa mga taong dumadaan din sa pagsubok ng buhay, payo ni Neri na matuto ring lumaban tulad ng kanyang ginawa.

“At sa ganitong paraan ng pag-share, sana may ma-inspire na mas lumaban din sa buhay. Hindi madali, yes... I know, pinagdaanan ko ‘yan. Pero palagi kong ipinapaalala sa sarili ko: hiram lang natin ang buhay na ito sa Panginoon. Kaya alagaan natin. At tandaan, may pamilya tayo na nand’yan, patiently waiting for us to heal 100%.

“In God’s perfect time, magiging okay ka rin.

“For now, one step at a time. Maybe try writing your thoughts down, or plant a tomato,” payo ng misis ni Parokya ni Edgar frontman Chito Miranda.

“Kaya always be kind. You never know what someone is going through. Hindi man nila ipinakita, pero ‘di mo alam ‘yung bigat na dinadala nila at kung paano sila lumalaban araw-araw,” pagtatapos ni Neri.

Matatandaang sinampahan ng patung-patong na kaso ang dating aktres dahil naakusahan siyang may kinalaman sa investment scheme ng isang beauty company. Matapos maaresto noong November last year ay nakalaya rin siya the following month. Noong February 2025 ay na-dismiss naman ang lahat ng kasong isinampa laban kay Neri Naig dahil sa kawalan ng ebidensiya.

---

Depressed pa rin…

RUFA MAE, PRAMIS NA MAGSASALITA SOON SA PAGKAMATAY NG MISTER

Ayon kay Rufa Mae Quinto, depressed pa rin siya hanggang ngayon pero ang maganda naman sa kanya, idinadaan na lang niya sa biro ang kanyang kalungkutan. Tulad pa rin siya ng dati na bubbly at hindi mahahalatang may pinagdaraanan.

Sa latest post ng sexy comedienne, marami ang naaliw sa kanyang mga pinagsasabing

jokes.

“Good morning, friends! They say that every gising is a blessing. But for me, every gising is an eye-opening experience. Because when you gising, you have to open your eyes first, ‘di ba?” simula niya.

Biro pa niya, dahil depressed pa siya, ‘depresso’ raw ang iniinom niya at hindi espresso.

“And here I am drinking coffee again because after everything that happened, I’m still feeling depressed. So today, instead of my favorite espresso, I’m having depresso! And I’m drinking it de-mug because it’s not decaf! With it, I’m also wearing my coffee shirt because if I’m drinking tea, I will be wearing a tea-shirt!” sunud-sunod na hirit ni Rufa Mae.

Kasunod nito ay sinabi rin niya na maglalabas siya ng statement soon.

“Maraming realizations after all that has happened to me recently. And I’m planning to make a statement about it on my YouTube (YT) channel soon, so watch out for that!” aniya.

Pero pagkatapos nito ay bumanat na naman siya ng joke.

“One realization is that now ko lang nalaman that Cappuccino & Frappuccino pala are not Chinese but Italian. So be careful, because pronunciations, just like looks, can be this evening! So, go, go, Google!” sey niya.

Matatandaang biglaang pumanaw ang asawa ni Rufa Mae na si Trevor Magallanes sa United States of America (USA) nitong nakaraang Hulyo na ikina-shocked talaga ng komedyana.

That time ay hiwalay na sila at naririto siya sa Pilipinas kasama ang anak kaya nagulat na lang siya nang malaman niyang pumanaw na ang mister.

Nangako siyang aalamin niya ang detalye ng pagkamatay ng asawa at ipapaalam sa publiko. Ito marahil ang tinutukoy niyang maglalabas na siya ng statement soon sa kanyang YT channel.

Tameme raw vs. US kahit naabuso noon… LIZA, GALIT NA GALIT SA PANG-AABUSO SA MGA PILIPINO, TINAWAG NA IPOKRITA

ni Vinia Vivar @Frankly Speaking | September 6, 2025

Photo: Liza Soberano - Instagram

Sinagot ni Liza Soberano ang isang basher na tinawag siyang ‘hypocrite’ sa kanyang recent post sa X (dating Twitter).

Ini-repost ng aktres ang isang ABS-CBN news item na nagsasaad na 7 menor-de-edad ang nai-rescue ng awtoridad sa isang entrapment operation.

Sa caption ay ipinaliwanag ni Liza na kumpirmadong ang Pilipinas ay global hotspot for Online Sexual Exploitation of Children (OSEC).

“A study by the @IJM in partnership with the Philippine Government and a variety of stakeholders, under the U.S.-Philippines child protection compact confirmed that the Philippines is a global hotspot for OSEC with data from participating law enforcement agencies globally showing that the country received more than eight times as many referrals as any other country during the 2010-2017 baseline period,” caption ni Liza.

Maraming netizens ang nag-react sa kanyang post — may positibo at negatibo. Ang ilan ay nagpasalamat sa kanya for speaking up, habang ang iba naman ay binash siya at sinabihang ipokrita.

“Hypocrite @lizasoberano. You dip your fingers in Ph society again because you can’t criticize sensitive issues vs. US, your birthland and now homeland. Your own claimed trauma happened in the US so why didn’t you call out US government agencies that protect children’s rights and welfare?” komento ng netizen.

Hindi ito pinalampas ng aktres at agad niyang sinagot.

“I don’t know, maybe because I’m more passionate about Filipino people? Maybe because literally nobody else with a platform is willing to shed light and talk about the horrible things happening to the Filipino people. The US has their own problems but there are millions of educated people who are loud and fighting to bring awareness and make change,” saad ni Liza.

Dagdag pa niya, “If I’m being honest the Philippines does not have a lot of that and it’s people like you that are perpetuating the abuse and lack of accountability. Instead of acknowledging that there are things that need fixing you’d rather turn a blind eye because it’s not affecting you.”

Sa huli ay sinita niya ang basher at sinabing, “Shame on you. Shame on everyone who remains silent when evil things are being done to the people around you.”

Sinagot din ng aktres ang pumuna sa kanyang typo error. Sa halip kasi na “stakeholders” ay “steak holders” ang kanyang natipa kaya ikinorek siya ng iba.

“Lol! (laugh out loud) at the amount of comments correcting my typo. That’s not the point, people. Instead of policing my English, why don’t we practice being informed about what’s going on in our country. There are horrible atrocities being committed towards the most vulnerable people in our country and the people in power need to be held accountable for not being able to protect them,” sagot ni Liza.

Paliwanag pa niya sa isa niyang reply, “Thank you po. I was just so mad the moment I started typing, lol. Didn’t catch the typo.”

Kaya naman pala.

---

HER MAJAsty is back!

Pasabog ang pagbabalik-Kapamilya teleserye ni Maja Salvador kung saan pagbibidahan niya ang inaabangang primetime serye ng ABS-CBN.

Makakasama ni Maja sa naturang proyekto ang dalawa pang bigating artista na sina Kathryn Bernardo at James Reid.

Kinumpirma ito ng Dreamscape Entertainment kahapon (Setyembre 5) sa isang video na ipinost sa social media kung saan nasa isang photoshoot sina Maja, Kathryn, at James at may caption na: “Someone is going to mess with them.”

Natuwa naman ang mga fans sa balita dahil matagal na nilang inaabangan ang pagsasama-sama ng tatlong bigating stars sa isang primetime teleserye ng ABS-CBN.

Katulad nina Kathryn at James, magsisilbi rin itong Kapamilya teleserye comeback ni Maja pagkatapos ng The Killer Bride (TKB) noong 2019 at nagkaroon din siya ng special guest appearance sa The Iron Heart (TIH) noong 2022.

Una nang inanunsiyo ng serye ang pagtatambal nina Kathryn at James kung saan nagtala ang video teaser ng higit 3.5 milyong views sa loob ng 24 oras.

Abangan ang iba pang detalye sa social media accounts ng Dreamscape Entertainment.