US, inaprubahan ang pagbebenta ng 500 patriot missiles sa Ukraine

by Info @Overseas News | October 31, 2026

Photo: File

Inaprubahan ng Estados Unidos ang pagbebenta ng 500 Patriot missiles sa Ukraine bilang panangga laban sa mga aerial attack ng Russia.

Ayon kay Ukrainian President Volodymyr Zelensky, makatutulong ang mga naturang armas sa depensa ng kanilang bansa. Gayunman, maaaring ilang taon pa ang lumipas bago maipadala ang mga ito sa Ukraine.

Ayon sa US State Department, nagkakahalaga ng $2.1 bilyon ang mga PAC-3 interceptor missile. Europe at Canada naman ang inaasahang sasagot sa gastusin bilang bahagi ng suporta ng mga kaalyado ng Ukraine.

Nanawagan si Zelensky na agarang ipadala ang mga Patriot missile dahil ang mga ito ang inaasahan ng Ukraine na makapipigil sa mga pag-atake ng Russia.

Dagdag-ayuda sa mga batang Ukrainian na na-deport sa Russia

ni Justine Berganio @Overseas News | September 30, 2026

Photo: 10 million crowns (P29M) ang ilalaan sa International Committee of the Red Cross para sa Central Tracing Agency Bureau na tumutulong sa paghahanap at pagkakakilanlan. File

Dinagdagan ng Norway ang tulong para sa mga Ukrainian children na na-deport umano sa Russia, mga detained civilian at prisoners of war sa gitna ng giyera.

Magbibigay ang Norway ng 15 million crowns (P43M) sa UNICEF para sa pagbabalik at reintegration ng mga batang nakauwi na sa Ukraine, pati sa paghahanap sa mga nawawalang bata.

Isa pang 10 million crowns (P29M) ang ilalaan sa International Committee of the Red Cross para sa Central Tracing Agency Bureau na tumutulong sa paghahanap at pagkakakilanlan ng mga nawawalang tao.

Ayon kay Foreign Minister Espen Barth Eide, layunin ng suporta na matulungan ang mga pamilya na muling makapiling ang kanilang mga mahal sa buhay at matulungan ang mga biktima sa rehabilitasyon.

Ang ayuda ay inihayag bago ang ministerial conference sa Toronto, Canada, na pangungunahan ng Canada, Norway at Ukraine para talakayin ang usapin ng Ukrainian children at human rights violations.

---

ONLINE DONATIONS SA OPPOSITION, 21 KULONG

TIMBOG ang 21 katao sa Myanmar matapos umano silang magpadala ng pera sa online fundraising platform na konektado sa opposition National Unity Government (NUG).

Ayon sa state-run Global New Light of Myanmar, natukoy ng awtoridad ang detalye ng mahigit 2,700 katao na umano’y nagbigay ng financial support sa People’s Revolution Supply Family (PRF), isang platform na itinatag ng NUG.

Sinabi ng militar-backed government na ang mga naaresto ay mula sa iba’t ibang township at haharap sa legal na aksyon. Patuloy din ang imbestigasyon habang isasara at kukumpiskahin umano ang mga account na konektado sa pondo.

Hindi pa naglalabas ng pahayag ang NUG. Mula sa military coup noong 2021, patuloy ang labanan sa Myanmar sa pagitan ng junta forces, NUG-aligned groups at ethnic armed organizations.

Matagal nang gumagamit ang mga opposition group ng online fundraising, cryptocurrency, bonds at overseas transfers para makalikom ng pondo dahil kontrolado ng militar ang banking system ng bansa.

18 patay, 42 nadale... Dorm ng mga estudyante inatake ng Ukraine, Russia, gaganti

ni Jenny Rose Albason @World News | May 25, 2026

Tiniyak ni Russian President Vladimir Putin na gaganti ang Russia matapos ang umano’y pag-atake ng Ukraine sa isang dormitoryo ng mga mag-aaral.

Ayon sa ulat, umabot sa 18 katao ang nasawi at 42 ang nasugatan sa insidente sa Starobilsk, sa Luhansk region.

Samantala, sinabi ng Ukraine military na ang kanilang isinagawang airstrike ay tumama umano sa Rubicon drone military unit na matatagpuan sa parehong lugar.

Giit naman ni Putin, walang anumang military facilities sa naturang lokasyon na tinamaan ng pag-atake.

Kasunod nito, inutusan ng Russian President ang kanyang mga sundalo na maghanda para sa posibleng pagganti.