Kung sa iba, palaban… ATTY. TOPACIO, ATRAS MAKA-SHOWDOWN SI DE LIMA

ni Erlinda Rapadas @Teka Nga | March 31, 2026

Photo: File

Isa si Atty. Ferdie Topacio sa mga nangungunang abogado na dumedepensa kapag may seryosong isyu sa lipunan. 

Naging tagapagtanggol din siya ng ilang controversial personalities na may mga kaso.

Kamakailan ay dumalo si Atty. Topacio sa Pandesal Forum ng PDP-Laban (Partido Demokratiko Pilipino–Lakas ng Bayan) na ginanap sa Kamuning Bakery. 

Nakasama niya ang ilang abogado ng PDP na sina Raul Lambino, Jimmy Bondoc, Jing Paras at Manuelito Luna.

Dito ay tinalakay ang tungkol sa impeachment trial ni Sara Duterte. Naalala rin ang naging isyu noon sa pagitan nina Atty. Topacio at Leila de Lima.

ang tanungin kung game ba siyang makipag-showdown at one-on-one debate kay De Lima, sey ng abogado, umatras siya at ayaw niyang makaengkuwentro ito.

---

‘Wag na raw umasang pakakasalan…

BARBIE, NALOSYANG KAY RICHARD

Maraming fans ni Barbie Imperial ang nagsasabing medyo nag-mature ang kanyang hitsura simula nang makarelasyon si Richard Gutierrez. Nalosyang daw agad ang aktres dahil nag-adjust sa aktor.

May ilan ding nag-warning kay Barbie na huwag gaanong umasa na mapapakasalan siya ng aktor dahil hindi pa annulled ang kasal nito kay Sarah Lahbati. 

May ilang netizens naman ang nagpayo na humanap na lang si Barbie ng rich at binatang manliligaw. Tiyak naman na marami ang magkakagusto sa kanya.

Gayunman, ayon sa malalapit na kaibigan, matalino si Barbie. Hindi lang puso ang pinaiiral nito pagdating sa pag-ibig. Aware siyang may mga anak ang aktor kaya alam din niya kung saan siya lulugar. 

Hindi papayag si Barbie Imperial na madehado siya sa relasyon nila ni Richard Gutierrez.

Masaya sila ngayon na magkasama sa seryeng Blood vs. Duty.

---

FIVE years nang kasal sina Sarah Geronimo at Matteo Guidicelli. Sabik na ang kanilang mga fans na makita ang kanilang little angel at mini-version ni Sarah G.

Pero wala pa sa plano nina Sarah at Matteo ang pagkakaroon ng pamilya. Sey ni Matteo, hinahayaan muna niya ang misis na mag-enjoy sa kanyang buhay ngayon.

Matagal na nasabak sa trabaho noon si Sarah kaya hindi nito na-enjoy ang maraming bagay na gusto niyang gawin. Ni hindi nga nakapagbakasyon abroad si Sarah dahil puro trabaho at shows ang kanyang inasikaso. Hindi niya na-enjoy ang pagiging single. 

Kaya ngayon ay malayang-malaya na siya at marami nang oras para sa kanyang sarili. 

Wish ng mga fans at supporters ni Sarah Geronimo na mag-concert na ulit siya dahil miss na miss na nilang makita siyang nagpe-perform sa stage. Ibang-iba kasi kung humataw at kumanta ang misis ni Matteo Guidicelli, todo-bigay!

---

AWARE ang Kapuso actor na si Michael Sager sa iniisyu sa kanya na may attitude na siya at lumaki na ang ulo. Kahit na idinaan lang iyon sa blind item, marami ang nagsasabing siya ang pinatatamaan.

Naniniwala si Michael na lalabas din ang totoo. Ang mga taong kabisado ang kanyang ugali ang makakapagpatunay nito. Alam niyang wala siyang tinatapakan o inaagrabyadong sinuman sa mga nakakatrabaho niya.

Alam din niyang may mga hindi masaya sa narating ng kanyang career ngayon. Mabuti na lang at may mga nakakausap siyang senior stars na nagpayo sa kanya na huwag magpaapekto sa paninira. Isa na rito ang veteran actress na si Coney Reyes.

Maging si Piolo Pascual ay pinayuhan din siya na huwag pansinin ang mga bashers. Pagbutihin lang daw niya ang kanyang pag-arte at maging professional sa trabaho.

Bakasyon-grande abroad para sa b-day ng labs… MAYOR MARK, INUNA PA RAW SI KATHRYN KESA ANG TRABAHO SA LUCENA

ni Erlinda Rapadas @Teka Nga | March 30, 2026

Photo: Mayor Mark Alcala - FB

Matinding bashing ang tinatanggap ngayon ni Lucena Mayor Mark Alcala dahil sa kanyang pag-leave ng isang buwan (30 days) daw upang magbakasyon kasama si Kathryn Bernardo. 

Itinaon daw ito ni Mayor Mark para makasama ang aktres sa kanyang 30th birthday sa Bangkok, Thailand.

Marami ang nag-react sa pag-leave na ito ni Mayor Alcala. Mas inuna pa raw niya ang kanyang love life kesa sa obligasyon niya sa kanyang mga constituents. Maraming problema sa Lucena na dapat sana ay maging prayoridad niya kesa sumama sa bakasyon abroad kasama si Kathryn. Kaya marami sa mga taga-Lucena ang dismayado kay Mayor Mark Alcala. 

Well, mas nagiging priority daw ni Mayor Alcala si Kathryn kaysa sa kanyang tungkulin. Sobrang in love kasi siya sa ex-GF ni Daniel Padilla.

---

After ipalit kay Coco… SERYE NINA KIM AT PAULO, NAUSOG DAHIL KINA RICHARD AT GERALD, KAMPO PUMALAG

Umaapela ang mga KimPau (Kim Chiu at Paulo Avelino) fanatics dahil iniurong ang time slot ng seryeng The Alibi (TA). 

Dati, ito ang pambungad na serye ng Kapamilya Network sa prime time slot, dahil hindi pa handa ang serye nina Coco Martin at Julia Montes. Ikinatuwa ito ng mga KimPau fans.

Ngunit biglang pumasok ang serye nina Richard Gutierrez at Gerald Anderson, ang Blood vs. Duty (BVD), kaya naurong sa second time slot ang TA na pinagbibidahan nina Kim at Paulo. 

Hindi ito katanggap-tanggap sa kampo nila pero wala silang magawa dahil desisyon iyon ng network.

Bukod dito, ang time slot na binakante dati ng Batang Quiapo (BQ) ay bagay sa action series at para talaga kina Richard Gutierrez at Gerald Anderson. 

Ang dapat lang gawin ng KimPau fans ay itodo ang suporta sa The Alibi upang tumaas ang ratings. Ngayon nila dapat patunayan na malakas ang hatak ng love team sa mga televiewers.

---

ITINANGGI ng mga Kapuso stars na sina Sofia Pablo at Allen Ansay ang kumakalat na balita sa social media na break na raw sila. Papaano raw sila magbe-break kung hindi naman nagkaroon ng seryosong relasyon?

Ang pagiging malapit nila sa isa’t isa ay bahagi ng kanilang pagiging love team. Career move ang pagkakaintindihan nila. Lahat ay kanilang gagawin upang manatiling matatag ang kanilang love team. 

Pakiusap nila sa kanilang mga fans, huwag basta maniwala sa mga tsismis tungkol sa breakup. Magkaibigan sila at nagtutulungan para sa kani-kanilang career. 

Hindi nila sineseryoso ang love life.

Dahil sa krisis sa langis, madalas na sumasabay na lang si Sofia Pablo kay Allen Ansay kapag pumupunta sila sa mga shows at taping.

---

NAGPAPASALAMAT sa GMA Network ang mga fans ni Mark Herras dahil nakapag-guest ang aktor sa action seryeng Never Say Die (NSD) na pinagbibidahan nina Jillian Ward at David Licauco.

Ipinakita sa teaser ang pagpasok niya sa serye. Wish ng mga tagahanga na mabigyan pa siya ng ibang guestings sa iba pang shows ng GMA-7 at maisama sa cast ng mga upcoming serye ng Kapuso Network.

Marami ang nakisimpatya sa pinagdaraanan ngayon ni Mark at hangad nilang makabangon siyang muli at magkaroon ng direksiyon ang kanyang career alang-alang sa pamilya. 

Sana rin, hindi na siya masangkot sa mga maiskandalong isyu. Lahat naman ay nagkakamali sa desisyon sa buhay, at minsan, nagkakamali dahil sa kagustuhang maka-survive. 

Ang mahalaga, hindi susuko si Mark Herras sa mga pagsubok na kanyang pinagdaanan.

Juliana, kaya bilib na bilib sa BF… RICCI, ‘DI NATAKOT HARAPIN SINA RICHARD AT LUCY

ni Erlinda Rapadas @Teka Nga | March 29, 2026

Photo: IG @riciiirivero & @richardgomezph

Kung nilalait at hinuhusgahan ng marami ang relasyon ni Juliana Gomez at ng basketball player na si Ricci Rivero, humanga naman ang ilang netizens sa kakaibang tapang ni Ricci nang humarap sa mga parents ni Juliana na sina Richard Gomez at Lucy Torres.

Dito talaga nasubok ang intensiyon ni Ricci sa dalaga nina Richard at Lucy. Pinatunayan niya na sinsero siya sa kanyang intensiyon kay Juliana. Hindi natakot o nasindak ang basketbolista nang makaharap si Goma. 

Kaya naman, lalo siyang hinangaan ni Juliana nang pumasa ito sa ‘meet the parents’ challenge.

For sure, maging si Richard Gomez ay humanga rin sa lakas ng loob ni Ricci Rivero na humarap sa kanila ni Lucy Torres. Iyon ang katangiang hanap ni Goma sa lalaking mamahalin ng kanyang anak.

---

NAMI-MISS na ng kanyang mga tagahanga si John Lloyd Cruz (JLC). Matagal na rin kasing hindi siya gumagawa ng pelikula mula nang mag-semi-retire siya sa showbiz. 

At nang magbalik sa telebisyon ay isang sitcom ang kanyang na-produce, ang Happy Together (HT) na ipinalabas sa GMA-7.

Pero ang gusto ng mga fans ni JLC ay gumawa siya uli ng movie na ang katambal ay si Bea Alonzo. Puwede rin kahit sa serye muna sila magsamang muli.

Kaya lang, paano ‘yan, malapit nang ikasal si Bea kay Vincent Co, magkaroon pa rin kaya ng dating ang tambalan nila ni John Lloyd kung sakaling magsasama sila sa isang project?

May mga grupo naman ng fans na gustong si Sarah Geronimo ang makasama ni JLC sa isang movie project. Ilang pelikulang pinagtambalan nina Sarah at John Lloyd ang nag-box office hit at marami pa rin ang nakaka-miss sa kanilang tambalan kaya umaasa ang mga fans na mapakilig silang muli ng tambalang Sarah-Lloydie.

Pero, ang tanong din, payagan pa kaya ni Matteo Guidicelli ang kanyang misis na makatambal uli si John Lloyd? Hindi kaya magselos si Matteo kung kailangan na ng mga kissing scenes sa movie ng misis at ng aktor dahil pareho na silang mature at hindi na kapani-paniwala ang love story kung wala pa ring kissing scenes?

Well, ano kaya ang masasabi nina John Lloyd, Bea at Sarah sa request ng mga fans? 

---

Maysakit daw kaya no show sa party nina Ria at biyenan, pero nasa EB!... MAINE, TIKOM PA RIN ANG BIBIG SA HIWALAYAN NILA NI ARJO

BAGAMA’T nagbigay na ng pahayag ang kampo ni Arjo Atayde sa isyu ng hindi pagdalo ni Maine Mendoza sa parehong birthday party ng kanyang sister-in-law na si Ria Atayde at father-in-law na si Art Atayde, marami pa ring mga netizens ang nagdududa.

Patuloy ang pag-ikot ng balitang sila ni Arjo ang power couple na hiwalay na. 

Ang argumento ng mga nagdududa na may sakit daw si Maine kaya hindi nakadalo sa birthday party, bakit hindi raw ito ang mismong nagsalita at nagpaliwanag?

Isa pa, bakit patuloy naman daw itong lumalabas sa Eat… Bulaga! kung totoong maysakit ito?

May mga fans din ang nagsasabing buntis daw si Maine, kaya minsan ay wala sa mood na lumabas. 

Gayunman, kung may problema man sina Maine at Arjo ay natural lang iyon sa mag-asawa. Hindi naman nila hahayaan na mauwi sa hiwalayan ang lahat. Besides, mahal ng pamilya Atayde si Maine Mendoza.

---

MAGANDA ang plano ng GMA Network sa tambalang Caprice Cayetano at Heath Hornales. Bukod sa kasama sila sa isang upcoming serye ng Kapuso, magkakasama rin sila sa isang pelikulang ipo-produce ng GMA Films.

All-out ang suporta na ibibigay ng GMA-7 kina Caprice at Heath. Huhubugin sila sa larangan ng pag-arte upang mas kuminang ang kanilang talento. 

Tulad ng ibang Sparkle Artists, hindi mamadaliin ang pagsikat nila.

Marami silang fans na handang sumuporta para maabot nila ang kanilang mga pangarap.