TEKA NGA | Bulgar Online 34/155

‘Di raw niya taon ang 2025… SEN. BONG, TALONG SENADOR, ATRAS DING MAG-JOIN SA MMFF

BULGAR
Jul 8, 2025

ni Erlinda Rapadas @Teka Nga | July 8, 20255

Photo File: Bong Revilla Jr. - FB

Marami sa mga entertainment press ang natuwa nang makitang muli si Bong Revilla, Jr. matapos ang midterm elections.

Bale first public appearance niya ito para dalawin ang yumao niyang manager na si Lolit Solis.

Alam ng lahat na hindi pinalad si Bong na makapasok sa Top 12 senators, isang bagay na labis na pinagtatakhan ng marami dahil masipag at working senator naman ang aktor.

Naging author siya ng maraming batas tulad ng Senior Citizens Expanded Act at ang pagdaragdag sa allowance ng mga guro.

Aminado si Bong na nasaktan siya sa kanyang pagkatalo noong nakaraang eleksiyon. Pero sa payo ng kanyang manager na si Lolit Solis at ng malalapit na kaibigan, bumangon siya at nag-move on.

May mga nagsasabi naman na karapat-dapat siyang bigyan ng puwesto ni PBBM upang patuloy na makapaglingkod sa mas nakararaming Pinoy.

Pero ayaw daw munang isipin ‘yun ni Bong. One year muna ang palilipasin bago bigyan ng posisyon ang mga natalong kandidato.

Samantala, nababalitang balak daw gumawa ng movie si Bong Revilla, Jr. na ilalahok sa MMFF 2025 sa December. Kakayanin niya kayang tutukan ito dahil hindi na siya magiging abala sa pulitika?

Natanong nga namin ito kay Bong sa wake ni Manay Lolit Solis. Sey niya, “Huwag muna siguro ngayon. It's not my year. May mga nangyaring malulungkot. At heto, nawala pa ang manager kong si Nanay Lolit. Pahinga muna ako ngayon sa pulitika at pelikula.”

MAY mga netizens ang nagsasabing kahit hindi si Shuvee Etrata ang nanalo sa Pinoy Big Brother (PBB) Celebrity Collab Edition kundi si Mika Salamanca, nararamdaman nilang mas okey ang Cebuanang dalaga. May pagka-jologs kasi ito at komedyana pa.

Natural na natural siyang kumilos at magsalita. Para siyang si Melai Cantiveros na magaling mag-adlib kaya marami ang natutuwa sa kanya.

Dapat ay i-build-up nang husto itong si Chuvee at bigyan ng projects o shows upang mag-shine ang career.

Sa hanay naman ng mga guys sa PBB Celebrity Collab Edition ay malakas ang karisma ni Dustin Yu, ang BFF ni David Licauco. Pang-bida at pang-leading man ang porma ni Dustin at malawak ang fan base.

Tuwang-tuwa rin kay Dustin ang maraming vloggers dahil mabait at maganda ang PR, kaya handa silang suportahan ang career nito.

SUCCESSFUL ang ginanap na awarding ng Federation of Filipino Chinese Chambers of Commerce, Inc. sa mga winners ng TikTok Video Competition.

Mahigit 176 videos ang lumahok sa kompetisyon para sa 50th anniversary ng FFCCCII. Ang theme ng TikTok videos ay tumalakay sa cultural ties at friendship between Philippines at China.

May napiling Top 10 entries sa TikTok na mula sa iba't ibang rehiyon ng ‘Pinas. Pinagkalooban sila ng plaque of recognition plus ten thousand pesos each.

May nanalo rin ng 3rd, 2nd at Grand Winner. Nanalong Grand Winner si Mark Capareda ng Tagum City, Davao del Norte at tumanggap ng P100,000 cash prize. Second prize si Emmanuel Labrador ng Navotas at tumanggap ng P50,000. Ang 3rd prize ay si Richard Samulde ng South Cotabato na may P20,000 cash prize.

Ang awarding ng TikTok winners ng FFCCCII ay dinaluhan ni Mr. Victor Lim na FFCCII president at iba pang opisyal ng samahan sa pakikipagtulungan ni Wilson Flores, ang head ng Media and Public Information Committee ng FFCCCII.

Naka-move on na… MIKEE, MAY IPINALIT NA KAY PAUL

BULGAR
Jul 7, 2025

ni Erlinda Rapadas @Teka Nga | July 7, 20255

Photo File: Mikee Quintos - IG

Marami ang hindi makapaniwala na nakahanap na ng bagong boyfriend ang Kapuso actress na si Mikee Quintos, kapalit ni Paul Salas. Iilang buwan daw nang sila ay mag-break ng ex-BF, may kapalit na agad.

Samantalang si Paul ay tahimik lang at wala pang ipinakikilalang bagong nobya. Kaya hindi makapaniwala ang mga netizens na ganoon kadaling naka-move on si Mikee matapos ang break-up nila ni Paul.

May mga nagsasabi naman na baka ‘dummy’ lang ang lalaking ipinakikilala ni Mikee na bago niyang karelasyon. Ganoon pa man, sakali ngang totoo na may bagong BF na si Mikee, wala namang masama dahil single siya at deserve na lumigaya. At hindi madidiktahan ang kapalaran kung sino ang nakatakda nating makadama sa buhay.

NOONG panahon na kasagsagan ng COVID pandemic, isa si Gretchen Barretto sa mga celebrities na tumulong at nagpadala ng ayuda sa lahat ng movie workers—maliit man o malaking artista sa telebisyon at pelikula. Libu-libong Love Box ni Gretchen ang naipadala na naglalaman ng bigas, groceries, atbp. Labis itong ipinagpapasalamat ng mga taga-industriya, lalo na ng mga taong nawalan ng pagkakakitaan noong pandemic.

Kaya naman, minahal ng marami si La Greta dahil dumamay siya sa maliliit na manggagawa sa industriya. Kaya naman ngayon na nadadawit ang pangalan ni Gretchen sa isang malaking kontrobersya, hindi siya nakatikim ng pamba-bash mula sa mga taga-movie industry. May ilang kaibigan ang nagdarasal naman para malinis ang pangalan ni Gretchen Barretto na nadamay lamang sa isyu ng mga lost sabungeros.

ALAM kaya ni Anjo Yllana na may Turkish boyfriend na ngayon si Sheryl Cruz?

Recently ay nag-post si Sheryl sa social media ng larawan nila, kasama ang kanyang Turkish boyfriend. Kitang-kita ang saya at in love si Sheryl sa bago niyang pag-ibig. Pero hindi siya nagbigay ng detalye sa pagkatao ng kanyang karelasyon. Hindi rin binanggit ang pangalan ng guy o gaano na katagal ang kanilang relasyon.

Samantala, sa isang interview kay Anjo ay nabanggit niya na nagkaroon sila ng nakaraan ni Sheryl. At kahit bata pa sila noon ay gusto na niya itong pakasalan. Pero naunahan siya ng takot kay FPJ, na uncle ni Sheryl. Kaya bigla na lang siyang nawala sa buhay ni Sheryl. Dinamdam ito nang husto sa singer at nagmarka ang pang-iiwan sa kanya ni Anjo.

Muntik na silang magkabalikan noong 2017, kaya akala ng mga fans ni Sheryl ay madurugtungan pa ang kanilang love story. Pero hindi pa rin nakapagpatawad, at may mga bagong manliligaw na ngayon si Sheryl Cruz.

MARAMI ang nag-abang sa pagdating ni Mark Herras sa burol ng veteran host/talent manager na si Lolit Solis. Matatandaang nagkaroon ng gap at alitan sina Mark at Manay Lolit, na humantong sa paghihiwalay nila bilang talent/manager. Hindi gusto ni Manay Lolit ang pagiging pasaway ni Mark.

Dismayado siya sa naging direksyon sa buhay ng dating alaga. Si Mark ang sinasabing ‘black sheep’ at ‘prodigal son’ sa hanay ng kanyang mga alaga.

Sa unang gabi pa lang ng burol ni Lolit ay dumating agad at nakiramay ang mga alaga niyang artista, sa pangunguna nina Bong Revilla, Congw. Lani Mercado, Christopher de Leon, Sandy Andolong, Gina Alajar, Benjie Paras, Glydel Mercado, Tonton Gutierrez, Yasmien Kurdi, at Pauleen Luna. Sa pangalawang gabi ay dumating sina Gabby Concepcion, Ali Sotto, Arnold Clavio, at Tirso Cruz III.

Samantala, umaapaw sa mga naggagandahang bulaklak ang Aeternitas Chapel na galing sa mga taong nagmamahal kay Lolit Solis. Sa mahigit na tatlong dekada niya sa showbiz ay naging makulay ang kanyang buhay.

Ibinulgar ni Michael V... RUFA MAE, PINAKAPASAWAY SA LAHAT NG NAGING CAST NG BUBBLE GANG

BULGAR
Jul 6, 2025

ni Erlinda Rapadas @Teka Nga | July 6, 20255

Photo File: Rufa Mae Quinto - IG

Matagal din na naging bahagi noon ng Bubble Gang (BG) si Rufa Mae Quinto (RMQ). Siya ang halos nakasabayan ng mga orig na cast ng BG.

At ayon kay Michael V., si Rufa Mae ang pinakapasaway sa lahat ng artistang kasama sa comedy show. Madalas siyang napagsasabihan at sinasaway sa pagdadala ng cellphone kapag nasa taping ng BG.

Pero sadyang makulit si RMQ at hindi maawat sa paggamit ng cellphone.

Pambawi niya, kapag eksena na niya ang kukunan ay kabisado niya ang kanyang linya at magaling ding mag-adlib. Hindi siya nasasapawan ng kanyang mga kasamahan sa BG.

Kaya naman, nami-miss ni Michael V. ang pagiging kikay at jologs ni RMQ sa set.

Maging si Chariz Solomon ay hanga sa pagiging comedienne ni Rufa Mae. Wish nila na mai-guest si RMQ sa BG.

Kahit ‘di pa magka-level… BARBIE AT KYLINE, PANTAPAT NG GMA-7 KAY KATHRYN

MAGANDA ang plano ng GMA Network para kina Barbie Forteza at Kyline Alcantara. Ginu-groom sila upang ipantapat kay Kathryn Bernardo.

Although milya-milya na ang lamang ni Kathryn kina Barbie at Kyline in terms of popularity, still, lumalawak at lumalaki ang fan base ng dalawang Kapuso actresses.

Ang bagong henerasyon ng mga tagahanga ang market nina Barbie at Kyline. Maraming kabataan ang humahanga sa kanila at tumatangkilik ng kanilang mga shows.

Well, “slowly but surely” ang formula ng GMA-7 kina Barbie at Kyline. At hindi naman sila madedehado kahit na makasabay nila si Kathryn sa mga regional shows. Ibang-iba ang taglay na karisma ng dalawa sa mga fans kumpara kay Kathryn.

Plus factor din kay Barbie na ka-love team niya si David Licauco na malakas din ang hatak sa mga fans.

NO regrets ang Kapuso actress na si Katrina Halili na nag-lie low siya sa kanyang showbiz career for three years. Ginugol niya ang panahong ‘yun sa pag-aalaga at pagtutok sa kanyang anak na si Katie na may mild autism. Ipinadama niya sa kanyang nag-iisang anak ang pagmamahal at pag-aaruga rito.

Hindi muna pumirma ng kontrata si Katrina Halili sa GMA-7 upang hindi siya maobligang tumanggap ng project. Namalagi si Katrina sa kanyang resort sa Palawan kasama ang kanyang anak na si Katie.

Naging mabait, magalang at masunuring anak si Katie. Hindi siya naging pabigat sa kanyang mom.

Sa vlog ni Katrina, isinasama niya ang kanyang anak, at maraming viewers ang nagkakagusto sa ipino-post nilang bonding moments at kulitan.

Marami na ring mga fans si Katie ngayon.

Samantala, may mga netizens ang nagtatanong kung may love life ba ngayon si Katrina. Nakahanap na ba siya ng lalaking magmamahal sa kanya nang totoo at handang tanggapin pati ang kanyang anak?

Sa guesting ni Katrina Halili sa Fast Talk with Boy Abunda (FTWBA), ang tanging inamin niya ay masaya ang puso niya ngayon. Hindi lang niya maisapubliko ang bago niyang inspirasyon.

ANG galing naman ng nakaisip ng slant para sa promo ng bagong serye ng GMA-7 na Cruz vs. Cruz (CVC) na pinagbibidahan nina Vina Morales at Gladys Reyes.

Isang galit na galit na Gladys ang may video kung saan niya pinapatutsadahan ang isang babaeng pa-victim ang drama at inaakusahan siya na mang-aagaw ng asawa.

Ang babaeng ito raw ang unang nakarelasyon ng kanyang mister. Thelma ang pangalan ng pa-victim na naninira kay Gladys sa social media.

Mukhang interesting ang istorya ng CVC dahil parehong pag-aagawan nina Vina at Gladys ang iisang lalaki, at si Gladys ang pinakasalan kaya siya ang legal wife. Pero umeeksena ang unang naging nobya ng kanyang mister.

Marami ang naloka at naintriga nang mapanood ang litanya ni Gladys sa social media. Marami ang nag-akala na totoo ang nangyari sa relasyon nila ni Christopher Roxas. Happily married ang aktres at lima ang anak nila.