Dati raw, talakera lang… ALEX, PROUD NA COVER NA NG SOSYAL NA MAGAZINE ANG MISIS

ni Erlinda Rapadas @Teka Nga | March 11, 2026

Photo: IG @bmalexcastro

Sa kabila ng paglabas ng marriage banns nina Bea Alonzo at Vincent Co sa St. Peter the Apostle Parish Church, may ilang reliable source ang nagsasabing may kasalang magaganap din sa Spain sa May 8, 2026.

Gayunman, posible raw na maunang magpakasal sa simbahan sina Bea at Vincent bago ang kasal nila sa Spain. 

Kaya abangers na lang ang mga fans ni Bea sa mga susunod na kaganapan at kung may detalye pang ilalabas ang kampo ng aktres tungkol sa kanyang pagpapakasal.

Tiyak na bongga at Wedding of the Year ang magaganap dahil bilyonaryo ang mapapangasawa ni Bea. 

Aabangan din ng lahat kung sinu-sino ang kukunin nilang entourage sa kanilang kasal, sinu-sino ang tatayong mga ninong at ninang, at higit sa lahat, kung may prenup agreement ba sila.

Well, tradisyon na sa mga Chinese ang pagkakaroon ng prenup agreement lalo na kung may malalaking negosyo ang groom. Bentahe rin naman ito kay Bea dahil marami rin siyang properties na naipundar.

---

TAMA lang ang hindi pagpatol ni Bulacan Vice-Gov. Alex Castro sa mga patutsada sa kanya ni Alvin Aragon, mister ni Izzy Trazona, isa sa original na Sexbomb Girls.

Sinita ni Alvin si VG Alex kung bakit pinayagan nitong magsuot ng sexy outfits si Sunshine Garcia sa ginanap na reunion concert ng Sexbomb Girls. Takaw-tukso raw ito sa mga kalalakihang nanonood ng concert.

Mabuti na lang at hindi pikon si VG Alex at hindi na siya nag-comment pa. Para sa mister ni Sunshine, hindi bastos ang mga outfits ng Sexbomb at maganda ang feedback ng lahat sa reunion concert. Kasama pa niya ang kanilang mga anak ni Sunshine nang manood ng reunion concert.

Samantala, proud na proud siya nang maging cover sa Preview Magazine ang grupo ng misis. Ang dati raw niyang talakerang misis ay covergirl na sa isang sosyal na magazine.

At dahil sa kasikatan ngayon ng Sexbomb, may ilang grupo na kumukumbinse kay Sunshine na tumakbong mayor sa isang bayan ng Bulacan. Maging ang isa nilang anak ay pinapapasok na rin sa pulitika.

Pero tutol si VG Alex sa political dynasty. Hindi papasok sa political arena ang sinumang miyembro ng kanilang pamilya.

---

Super rich ng family…

CAPRICE, BAGONG HEART

MALAKI ang potensiyal na sumikat pa nang husto ang Kapuso Pinoy Big Brother Celebrity Collab Edition 2.0 (PBBCCE2.0) grand winner na si Caprice Cayetano.

Bukod sa artistahin ang kanyang porma, mabait, grounded, marunong makisama at game siya sa kahit anong challenge na ipagawa sa kanya. 

Nakikita rin ang kanyang determinasyon na maabot ang kanyang pangarap sa showbiz.

At kahit galing siya sa mayamang pamilya, low profile pa rin siya at walang ere. Hindi siya bratty girl.

Nakikita namin kay Caprice sina Heart Evangelista at Gabbi Garcia na kahit likas na may kaya sa buhay ay hindi ipinadama nang pumasok sila sa showbiz. Maging ang parents ni Caprice ay hindi umaastang mega-rich. Napaka-down-to-earth nila at iyon ay namana niya.

Tiyak na hindi lalaki ang ulo ni Caprice kapag sumikat na siya nang husto. Sana ay mabigyan siya ng GMA Network ng magagandang proyekto upang mahasa pa nang husto ang kanyang talento sa pag-arte.

Kailangan din ni Caprice Cayetano na mag-aral sumayaw at kumanta dahil makakatulong ito sa kanyang career.

---

MAY mali sa paggamit ng Ilocano term na ‘dugyot’ na ipinatutungkol ni Jasmine Curtis-Smith kay Atty. Ferdinand Topacio.

Nag-comment kasi si Atty. Topacio tungkol sa issue na kinasangkutan ni Cong. Bong Suntay at binanggit si Anne Curtis. 

Maraming kababaihan ang nabastusan sa naging pahayag ni Cong. Suntay. Pero nakahanap siya ng kakampi kay Atty. Ferdie Topacio. Wala raw malisya kung nagpahayag man ng paghanga si Cong. Suntay sa aktres na si Anne.

Kaya binuweltahan siya ng kapatid ni Anne na si Jasmine Curtis-Smith at tinawag siyang ‘dugyot’.

Well, ang Ilocano term na dugyot ay nangangahulugang untidy, marumi o gusgusin. Kaya mali ang term na ginamit ni Jasmine Curtis. Hindi naman mukhang dugyot si Atty. Topacio. May mali lang sa pagpanig niya kay Cong. Bong Suntay at sa pagsasabing walang masama kung humanga man at magpantasya ang isang lalaki sa kagandahan ng isang babae tulad ni Anne.

Naging close sa utol ni Daniel, todo-suporta pa rin… KATHRYN, GINASTUSAN SI LELLA MAGING PBB BIG WINNER LANG

ni Erlinda Rapadas @Teka Nga | March 10, 2026

Photo: IG @bernardokath & @lellaford

Balitang-balita at pinag-uusapan ngayon sa sirkulo ng mga fans ni Kathryn Bernardo na lihim daw na tumulong ang aktres at nagbigay ng malaking boto upang manalo si Lella Ford sa Pinoy Big Brother Celebrity Collab Edition 2.0 (PBBCCE2.0).

Noong magkarelasyon pa sina Kathryn at Daniel Padilla ay naging malapit ang aktres sa mga kapatid ng aktor. Nasubaybayan din niya ang pagpasok ni Lella sa Bahay ni Kuya. 

All-out din ang naging suporta ng lahat ng fans ni Daniel sa bunsong kapatid nito. At hindi rin nagpabaya si Karla Estrada na ginawa ang lahat upang bumuhos ang boto sa kanyang anak.

Well, kahit papaano ay concerned pa rin naman si Kathryn sa kapatid ng kanyang ex-boyfriend na si Lella Ford.

Samantala, maraming viewers ang naaliw kay Vice Ganda nang mag-guest si Lella sa It’s Showtime (IS). Hindi n’ya maokray si Lella dahil takot daw siya kay Karla Estrada. Kaya hindi pa nasasagot ni Lella ang tanong sa segment ay ‘correct’ na agad para kay Vice Ganda.

Maging si Caprice Cayetano ay hindi rin maokray ni Meme Vice dahil takot siyang ma-bash ng mga diehard fans at supporters nito.

---

SINISIGURO ni Bulacan Gov. Daniel Fernando na wala nang mangyayaring ghost projects sa lugar niya ngayon.

Labis din niyang ikinagulat at ipinagtataka na may ganitong anomalya sa mga flood control projects ng Department of Public Works and Highways (DPWH) sa kanilang lalawigan.

Hindi naman kasi sila ang direktang may kinalaman sa mga flood control projects sa Bulacan. Pero ngayon, sa mga local government units (LGUs) na magdaraan ang anumang projects na gagawin sa Bulacan, hindi na sa DPWH. 

Kailangang ipaalam sa lalawigan ang mga projects at dapat ay may approval ng Konseho.

Tinitiyak ni Gov. Daniel Fernando na magiging transparent ang pamahalaan ng Bulacan sa anumang transactions na kanilang papasukin.

Sa ngayon, pinaghahandaan nila ang magiging epekto ng nangyayaring digmaan sa Middle East at ang pagtaas ng presyo ng gasolina. Tiyak daw na matindi ang inflation at makakaapekto sa lahat ng sektor kaya nakaalalay ang lalawigan sa mga magsasaka at sa mga low-income families ng Bulacan.

---

Nasobrahan sa hataw, ‘di na kinaya…

GARY V., KAILANGANG NAKA-WHEELCHAIR NA

LABIS na nag-aalala ang mga fans ni Gary Valenciano sa kalagayan ng kanyang kalusugan ngayon.

Kinakailangan na niyang mag-wheelchair upang makapunta sa kanyang mga commitments. Sinisikap niyang maging professional sa kanyang trabaho kahit bumibigay na ang kanyang katawan.

Base na rin sa kuwento ng wife niyang si Angeli Pangilinan, bago pa naospital si Gary V. dahil sa kanyang tendinitis ay one week itong nag-ikot at nag-perform sa iba’t ibang schools sa Metro Manila.

At tulad ng dapat asahan, humataw si Gary V. sa pagsasayaw upang mapasaya ang kanyang mga tagahanga.

Kahit na anong pigil ng misis ay hindi maawat si Mr. Pure Energy kaya sa ospital siya bumagsak.

Payo ng mga nagmamalasakit kay Gary V., kailangan niyang mag-slow down sa pagpe-perform kapag may mga events siyang tinatanggap. Puwede naman siyang kumanta na lang ng kanyang mga hit songs. Hindi na niya ganu’n kakayanin ang mga dati niyang ginagawang paghataw.

At this point of his life, wala nang dapat patunayan si Gary V.. Ang kanyang mga achievements ay nakatatak na sa publiko dahil mananatili siyang living icon sa music industry.

Kailangan din niyang pagmalasakitan ang kanyang sariling kalusugan.

BARBIE, NATAUHAN NA ‘DI NIYA KAILANGAN NG LALAKI

ni Erlinda Rapadas @Teka Nga | March 7, 2026

Photo: FB Barbie Forteza

Sinulit nang husto ni Barbie Forteza ang pagkakaroon ng solo era at pagiging single. 

Nagkaroon siya ng pagkakataon na gawin ang mga bagay na nagpapasaya sa kanya. 

Noong Valentine’s Day ay nag-check-in siyang mag-isa sa isang five-star hotel. Nag-movie date siyang mag-isa at nag-coffee date na walang kasama.

Ibang-iba ang kaligayahan na kanyang na-experience. Nakadama siya ng total freedom at nakapag- recharge ng energy.

Dito napatunayan ni Barbie na hindi kailangan na magkaroon ng maraming kasama upang sumaya ang isang tao. Hindi rin kailangan na magkaroon ng love life para lang sumaya ang buhay.

Sa ngayon, hindi nag-aapura si Barbie na magkaroon ng bagong karelasyon. Dapat matuto rin siyang mahalin muna ang sarili.

Ngayon niya na-realize na dapat, ang lalaking kanyang mamahalin ay sigurado at seryoso sa kanyang intensiyon.

Sabi nga ni Barbie, sa edad niya ngayon na trentahin na, ang hanap niyang lalaki ay ‘yung magbibigay sa kanya ng feeling na magbabalik sa kanyang masayang kabataan. ‘Yung mapapatawa siya at may positibong outlook sa buhay. 

---

LONG HAIR NI COCO SA BAGONG SERYE, ‘DI FEEL NG FANS

IPINASILIP na ang teaser ng upcoming serye nina Coco Martin at Julia Montes, ang Sigabo. Ito bale ang papalit sa Batang Quiapo. 

Agad na nag-react ang mga fans ni Coco at nagsabing hindi bagay sa aktor ang long hair. Ano raw ba ang role ni Coco sa Sigabo at bakit long hair siya? Disguise ba ito sa kanyang character?

Pero, may mga fans na kinikilig sa pagtatambal nila ni Julia. At least, puwede na silang kumilos nang natural dahil inilantad na nila sa publiko ang real status ng kanilang relasyon.

Action-comedy ang Sigabo at hindi hard action tulad ng Batang Quiapo kaya hindi gaanong mahirap para kay Coco Martin. 

Walang choice si Coco kundi gumawa ng serye na hindi hango sa mga pelikula ng yumaong si Fernando Poe, Jr. dahil exclusive na pag-aari na ng GMA Network ang rights ng mga pelikula ni FPJ. At ang GMA-7 lamang ang puwedeng gumawa ng remake ng anumang FPJ movies.

Naunang ginawa noon ni Coco Martin ang Ang Probinsyano na ilang taon ding umere. Sumunod ang Batang Quiapo na mahigit dalawang taong ipinalabas sa Kapamilya Network. 

---

ODETTE, MAGANA NANG KUMAIN, TUBIG SA BAGA, ‘DI NA IDE-DRAIN

MARAMI ang natuwa sa update ng kalagayan ngayon ng veteran actress na si Odette Khan. 

Ayon kay Direk Kip Oebanda (direktor ng Bar Boys After School), hindi na kailangang i-drain ang tubig sa baga ni Odette. Magana na rin daw itong kumain at patuloy na lumalakas ang katawan.

Kaya naman, nagpapaabot ng pasasalamat ang anak ni Odette sa lahat ng tumulong at nagdasal para sa kanyang ina. Patuloy ang buhos ng tulong kay Odette Khan upang masiguro ang kanyang paggaling.

Nakarating na rin sa opisina ng ilang senador ang kalagayan ni Odette Khan kaya ito ay kanilang aaksiyunan at bibigyan ng tulong. 

---

HINDI lang ang sitcom na Pepito Manaloto ang pinagkakaabalahan ngayon ni Manilyn Reynes. May bago siyang serye sa GMA-7, ang Born To Shine. Magkakasama sila rito nina Sheryl Cruz at Tina Paner. 

Stage mom ang role ni Mane sa Born to Shine at tiyak na makaka-relate siya rito.

Dati rin siyang aspiring singer mula sa Cebu, at sa tulong ng kanyang manager na nagdala sa kanya sa Regal Films ay sumikat siya at nakalabas sa ilang pelikula. 

Naging bahagi rin noon si Manilyn Reynes ng That’s Entertainment ni Kuya Germs (SLN). Si Janno Gibbs ang kanyang nakapareha at kanyang first love. Pero, si Aljon Jimenez ang kanyang napangasawa.

Dahil sa regular exposure ni Manilyn Reynes sa Pepito Manaloto ay nagkaroon siya ng iba pang TV guestings sa mga shows ng GMA-7. 

Pero, masaya siya at nag-e-enjoy sa Pepito Manaloto. Binibigyan ng importansiya ni Michael V. ang buong cast ng PM. Para nang isa silang masayang pamilya kapag nagkakasama sa teyping.

Sobrang close na rin ang buong cast ng Pepito Manaloto na binubuo nina Michael

V., Manilyn, Jake Vargas, Angel Satsumi, Nova Villa, John Feir, Chariz Solomon, Ronnie Henares, Mosang, Arthur Solinap atbp..