Petisyong gawing valid ang 12-senator quorum, ibinasura ng SC

ni Jeff Tumbado @News | June 11, 2026

Photo: File

Ibinasura ng Korte Suprema ang petisyong inihain ng guro na si John Barry T. Tayam kaugnay sa usapin ng quorum sa Senado noong sesyon ng Hunyo 3, 2026.

Sa inilabas na press statement ng Office of the Spokesperson ng Korte Suprema nitong Hunyo 10, sinabi nito na ibinasura ang petisyon dahil sa kawalan ng legal standing o sapat na batayan upang magsampa ng kaso.

Saad pa na nabigo si Tayam na patunayan na siya ay nakaranas o nasa agarang panganib ng direktang pinsala mula sa mga aksiyong kanyang kinukuwestiyon.

Ang kaso, na may pamagat na G.R. No. E-06540, John Barry T. Tayam vs. Sen. Alan Peter S. Cayetano, Sen. Pilar Juliana “Pia” S. Cayetano, at Sen. Lorna Regina “Loren” B. Legarda, ay humihiling sa Kataas-taasang hukuman na ideklarang mayroong wastong quorum ang Senado sa sesyon ng 20th Congress noong Hunyo 3, 2026 sa kabila ng presensya lamang ng 12 senador.

Gayunman, hindi na tinalakay ng Korte Suprema ang merito o nilalaman ng petisyon matapos nitong matukoy na walang sapat na legal na personalidad si Tayam upang kuwestiyunin ang naturang usapin sa hukuman.

Dahil dito, nananatiling nakatayo ang naging pasya ng Senado kaugnay ng naturang sesyon habang hindi pa ito nababaligtad o napapalitan ng anumang iba pang desisyon mula sa hukuman.

Ang mga kaugnay na pleadings at dokumento ng kaso ay maaaring ma-access sa "Current Cases" section sa website ng korte.

SC, dedma pa sa ICC warrant kina Du30 at Bato

ni BRT @News | May 26, 2026

Nilinaw ng Supreme Court (SC) ang mga kumakalat na espekulasyon kaugnay sa kinakaharap na legal na usapin nina dating Pangulong Rodrigo Duterte at Senador Ronald “Bato” dela Rosa.

Ayon sa tagapagsalita ng SC, wala pang inilalabas na pinal na desisyon ang Kataas-taasang Hukuman hinggil sa main petition na inihain ng kampo nina Duterte at Dela Rosa laban kina dating Executive Secretary Lucas Bersamin at iba pang respondents.

Ipinaliwanag ng Korte Suprema na ang nakatakdang ilabas o i-upload ay ang mga hiwalay na opinyon lamang ng mga mahistrado kaugnay sa naunang desisyon ng korte na tanggihan ang kahilingan para sa Temporary Restraining Order (TRO) at Status Quo Ante Order na inihain ng kampo ng dalawang opisyal.

Gayunman, wala pa umanong desisyon ang SC kung konstitusyonal bang ipatupad sa Pilipinas ang ICC warrant.

Kaso ng masaker sa 'Black Wall Street', tinanggihan ng hukuman sa Oklahoma

ni Angela Fernando @Overseas News | June 13, 2024

Tinanggihan ng pinakamataas na hukuman ng Oklahoma kamakailan ang isang kaso ng huling dalawang nakaligtas sa masaker sa Tulsa nu'ng 1921.

Matatandaang sila ay humihingi ng reparasyon para sa karahasan at pagkawasak na nagresulta sa pagkamatay ng daan-daang black.

Pinagtibay ng Korte Suprema ng Oklahoma ang desisyon ng isang hukom nu'ng nakaraang taon na ibasura ang kaso, na nagsasabing hindi maaaring gamitin ang nuisance law ng estado upang tugunan ang patuloy na epekto ng hindi makatarungan at marahas na mga sandali ng kasaysayan.

Tinatayang umabot sa 300 katao, karamihan ay mga Itim, ang namatay nu'ng Mayo 31, 1921, nang salakayin ng isang malaking grupo ng mga puti ang Greenwood neighborhood ng Tulsa, isang maunlad na komunidad na tinaguriang "Black Wall Street."

Ang mga abogado nina Lessie Benningfield Randle, 109, at Viola Fletcher, 110, ay nangatwiran na ang lungsod ng Tulsa at iba pa, dulot ng masaker, ay nagdulot ng abala dahil sa pagkakaiba ng lahi, hindi pagkakapantay-pantay sa ekonomiya, at trauma na kailangang maabot ng hustisya at maitama.