Mga nanood, buwisit na buwisit… CONCERT NG BINI SA DUBAI, PARA LANG DAW SCHOOL PROGRAM

ni Ambet Nabus @Let's See | May 23, 2025

Photo: BINI PH - IG

“Budol!” sigaw ng netizen na may mga kaanak sa Dubai na nagrereklamo sa tila ‘way below’ production value ng BINI concert sa naturang lugar.

Para raw sa mga Bloomers at mga nagbayad ng mahal sa concert, hindi nila sinisisi ang kilalang girl group dahil magagaling naman daw ang mga ito at hindi pa rin binigo ang mga fans nila.

Ang problema nga raw ay hindi man lang inisip ng producer ng show ang sitwasyon ng mga manonood na nasa malayong puwesto.

“For such a venue that holds thousands of crowds? Mahal pa ang tickets? Ganu’n lang ang production value, parang school program lang?” ang halos magkakaparehong komento ng mga Pinoy na nanood ng nasabing show.

Bahagi nga ng world tour ng BINI ang naturang Dubai leg, kaya’t mataas umano ang expectation ng mga tao lalo na ‘yung mga Bloomers talaga.

“They (producers) made it look cheap. We would not be surprised if sooner or  later, the girl group would disband,” sey naman ng ilang tila negatrons.

Hindi pa namin na-receive ang anumang photos o video na ini-request namin sa mga nagrereklamo. Ilan nga ang tungkol sa sinasabing way below production values ay gaya ng kawalan ng malaking LED monitor para sa mga nasa malalayong puwesto, ang bonggang audio system, ang mga paandar na ilaw at fog machine, pati na ang iba pang audio-video enhancements para matawag man lang na ‘world-class’ ang naturang Dubai leg.

---

SA nalalapit na pagsisimula ng Encantadia Chronicles: Sang’gre (ECS) ay sunud-sunod nang ipinakita ang character teasers ng mga bagong Sang’gre na sina Bianca Umali, Faith Da Silva, Kelvin Miranda at Angel Guardian, pati na rin ang karakter ni Rhian Ramos.

Marami ang bumilib at talaga namang pinag-uusapan ang mga karakter. 

Sey ng ilang netizens, “Napahanga ako sa line ni Bianca na ‘Para sa Encantadia.’ Ang strong and powerful niya nang sinabi n’ya na ‘yun. Masasabi ko na bagay talaga sa kanya ‘yung role. I can’t wait na mapanood ang bagong Encantadia. Super-angas ng special effects and graphics. Kudos Encantadia Chronicles: Sang’gre. Super-galing n’yo.”

Samantala, kani-kanyang bida rin ang mga fans nina Faith, Kelvin at Angel sa kanilang mga teasers. Kasabay din nito ang pagpapakilalang muli kay Rhian Ramos bilang Mitena. 

Sey ng isang netizen, “Mukhang may bago na namang magpapa-highblood sa ‘kin.”

Abangan ang Encantadia Chronicles: Sang’gre ngayong Hunyo sa GMA Prime!

---

Dapat daw kayang basahin ang isip niya…  

SOFIA, ROBOT ANG HANAP NA ALALAY

MEANWHILE, may mga netizens namang nagtatanong kung nahanap na ba o nakakuha na ba si Sofia Andres ng kanyang personal assistant?

Nag-viral kasi ang naging post ni Sofia hinggil dito, lalo’t para sa mga netizens o nakabasa ng kanyang post ay tila naghahanap daw ng kakaibang ‘robot’ ang mayamang aktres.

Kung inyong matatandaan, ganito ang naging post ni Sofia, “Now hiring a Personal Assistant who can read my mind, organize my chaos, and remind me where I left my coffee (and my schedule). Must be 10 steps ahead, stylishly sharp, and allergic to ‘I forgot.’ Think that’s you? Slide into the inbox—applications open, excuses closed. Email me thesofiaandres@gmail.com.”

Grabe ang inabot na bashing ng aktres hinggil dito lalo na sa parteng ‘keri raw na basahin ang kanyang isip ng naturang PA.’

Wala namang kumuwestiyon sa kakayahang magbayad ni Sofia dahil alam nilang bilyonarya ito. ‘Yun nga lang, may nakuha na kaya siya o may nag-apply man lang?

---

‘Di umubrang senador…

IPE, ALALAY NI SEN. BONG GO ANG BAGSAK

AY, speaking of apply, may mga bashers si Phillip Salvador o Kuya Ipe na nagsasabing hindi na sila magugulat kung maging PA (personal assistant) man ito ni No. 1 elect-Senator Bong Go.

Kahit hindi pa raw pumapasok sa pulitika si Kuya Ipe ay hindi na talaga ito nangimi o nahiya man lang na maging PA ni Sen. Go. 

In fact, sa napakarami raw na commitments ng senador kahit noon pa ay madalas na inire-represent siya ng aktor.

“Kaya ‘wag na po tayong magtaka kung magiging regular na ‘tao sa Senate office’ si Kuya Ipe dahil sure namang  mag-e-enjoy siyang maging alalay ni Sen. Bong Go,” hirit ng netizen.

Ibinulgar ni Lolit… BONG, HINARANG KAYA ‘DI NANALONG SENADOR

ni Mercy Lejarde @Showbiz Talkies | May 21, 2025

Photo: Bong Revilla Jr. - IG

Hindi lang pala si yours truly ang nakaramdam ng lungkot pagkatapos ng election 2025 kundi marami rin pala, lalo na ang mga nagmamahal kay Sen. Bong Revilla, Jr. na may maraming batas na nagawa at may totoong malasakit sa kapwa. 

Isa na nga rito si Donya Lolit Solis na nag-post sa social media ng kanyang saloobin para kay Sen. Bong at ito ang kanyang mga sinabi...

“Meron akong feeling of sadness pagkatapos ng election.

“Siguro dahil hindi ko akalain ang naging results sa case ni Bong Revilla na parang may nagbayad para siraan siya nang mag-start pa lang.

“Talagang well-planned ang naging atake sa kanya. At dahil sa pagiging gentleman, walang galit, inis o anuman negative na ginawa dahil hindi nakapasok.

“Tahimik na tinanggap ni Bong ang naging kapalaran n’ya. Kung iyong iba, nagpakita ng bitterness at kung anu-ano ang mga sinasabi, wala kang narinig kay Bong kundi pagbati sa mga nakalusot.

“Iba na rin kasi ang mantra ngayon, mas gusto na ng tao ang confrontational, ‘yung sinasagot mo bawat issue, ‘yung haharapin mo ‘yung nagsasabi ng negative sa ‘yo.

“Ayaw na ng mga young voters ang mga quiet sa mga ibinibintang sa mga kandidato. A real gentleman will show his true color when he lost something important like election.

“Nakita mo ang pagiging tunay na lalaki ni Bong Revilla nang hindi lumabas ang pangalan niya sa mga pinalad.

“Tahimik at walang sinabing masamang salita. Binati n’ya ang mga nanalo, tahimik na hinintay ang final results.

“Binati ang mga pinili ng botante, walang inggit o galit. Kung iyong ilang talunan kung anu-ano sinasabi, wala kang narinig kay Bong. Binati n’ya iyon mga mapalad, at tahimik na tinanggap ang resulta sa kanya.

“It is probably just a sign dahil tagumpay naman sina Lani at Jolo. Baka naman may ibang gusto para kay Bong ang langit.

“Hindi lang ang Senado ang mundo para kay Bong na isang A-list action star, producer, TV star. Napakarami niyang haharapin na trabaho. At puwede na niyang pag-aralan what went wrong sa political career niya.

“Malaki ang magagawa ng anak niyang lawyer na si Inah para makita niya ang pros and cons kung bakit nangyari ang dunking sa candidacy niya.

“Maliwanag na pinag-aralan mabuti iyon pag-pull down sa kanya during the election.

“Whatever it is, at least alam ni Bong Revilla na merong nagba-block para hindi s’ya makaakyat.

“Mga takot na marating pa niya ang mas mataas. Kaya now, mag-iingat na siya at magiging matalas ang pakiramdam sa paligid niya. Bongga,” pagtatapos ni Donya Lolit.

---

SAMANTALA, inilalarawan ng OPM hitmaker na si Regine Velasquez-Alcasid ang natatanging pagmamahal ng isang ina sa kanyang anak sa bagong lunsad na Mother’s Day song na Lahat Ay Kayang Gawin na mula sa panulat ng isa pang OPM icon na si Jamie Rivera.

“As a mother, I would take this statement to heart as it is probably my mindset when it comes to taking my role seriously. It is perhaps the most significant endeavor I have next being a wife, of course,” sey ni Regine tungkol sa halaga ng kanta para sa kanya.

Ayon naman sa Inspirational Diva, isinulat niya ang awitin sa ilalim ng Inspire Music para kay Regine dahil sa kanyang admirasyon dito bilang ina.

“I would watch the postings of Regine and I saw how hands-on she is as a mom and how proud she is with Nate’s achievements,” ani Jamie. 

Aniya, “I am very happy with her interpretation, and my admiration for Regine grew stronger. The song became more meaningful when Regine sang it because her voice resonates the voice of a loving mom.”

Bukod sa inspirasyon mula sa Asia’s Songbird at sa sarili niyang karanasan bilang ina, humugot din ng inspirasyon si Jamie mula sa kanyang mga kasama sa bahay.

“I also saw the sacrifices that our household helpers are making for their children. They will do anything just to be able to send their children to school and to make sure that they can provide for their everyday needs,” kuwento niya.

Naging masaya naman si Regine sa pagsasama nila ni Jamie para sa espesyal na awitin.

Aniya, “Jamie is a dear friend, and we’ve come a long, long way. Recording with her brings back memories of when we were still starting together in the music industry. I applaud her writing and producing songs all these years.”

‘Yun lang and I thank you.

Dahil sa P1.4 B anomalya… ARNELL, SOBRANG HURT NA TSINUGI SA OWWA

ni Ambet Nabus @Let's See | May 20, 2025

Photo: Arnell Ignacio - OWWA Overseas Workers Welfare Administration

“Napakasakit,” ang simpleng naisagot sa amin ng mahal nating si Arnell Ignacio matapos nga siyang palitan sa kanyang puwesto bilang OWWA administrator sa ilalim ng Dept. of Migrant Workers.

Sa mga taga-showbiz na kilala ang isang Arnell Ignacio, walang maniniwala sa sinasabing rason ng pagkakatanggal dito na kawalan ng tiwala at pananalig sa kakayahan at talino nito. 

Lalo namang napakaimposible ng diumano’y P1.4 bilyon na halaga na acquisition ng isang property na kinukuwestiyon kay Arnel na hindi raw dumaan sa tamang proseso.

Bilang nasa gobyerno ka at parte ng halos araw-araw na pag-solve ng mga problema ng ating OFWs, sobrang maraming mga mata at tao na nakatutok sa bawat gawain mo, kaya’t mahirap paniwalaan ang sinasabing dahilan.

Ayon sa aming nakalap na impormasyon, masusi na itong pinaiimbestigahan sa ngayon ng DMW at OWWA dahil kung sakali man daw na mayroon pa itong mahuhukay na info, higit ding nakakabahala ang posibleng partisipasyon ng iba pang kawani o mga kasamahan ni Arnell.

Pero bilang nakasama at nakatrabaho na rin namin si kaibigang Arnell, isa kami sa mga makapagpapatunay na isa siyang mabuting tao, may puso kung magtrabaho at tumulong, matapang at may paninindigan.

Nakakalungkot lang talagang malaman na kadalasan, ang mundo ng pulitika at ang pagsisilbi nang wagas ay hindi nagtutugma sa interes ng nakararami.

We still pray for the right justice for Arnell Ignacio.

---

SINA Ralph de Leon at Charlie Fleming ang nakakuha ng mataas na boto mula sa mga Pinoy Big Brother (PBB) fans/supporters upang muli silang maging official housemates ni Kuya.

Matapos kasi silang ma-evict, nagbukas muli ng ‘wild scheme’ ang show para sa mga Kapamilya at Kapuso artists na posible pang maging Big Winner.

Mula sa Kapamilya, si Ralph ang nakakuha ng pinakamataas na boto edging out Kira Balinger at AC Bonifacio. Pagpapatunay lamang daw na higit na gusto ng mga Kapamilya fan ang hunk model-actor.

Sa Kapuso evicted housemates naman ay nakuha ni Charlie ang pinakamataas na boto laban kina Josh Ford at Ashley Ortega.

Sa muli nilang pagpasok sa loob ng PBB house, mayroon kaya silang strategy na gagawin, lalo’t alam na nila ang mga gusto at hindi gusto ng mga manonood?

---

MARAMI naman ang naaliw at natuwa sa viral video ni Sarina Hilario, anak ng host-aktor na si Kuys Jhong Hilario na sikat na sikat din sa socmed (social media).

Sa katatapos lang kasing moving-up ceremony ni bagets kung saan nakakuha ito ng ilang awards sa school, tila napagod ito kaya’t napahiga sa magkatabing monoblocks.

Ang nakakaloka pa rito, habang nakatulog si Sarina ay tiyempong nasa portion ng pag-awit ng kanilang moving-up hymn ang mga nagtapos kaya’t sa kanya napokus ang atensiyon.

Nag-viral ang naturang video at balita namang masayang nagising ang bagets na pinapalakpakan at kinagigiliwan ng mga present sa naturang event.