Pinagpahinga sa show… VIVA BOSSES, UMAMIN NA KUNG BAKIT NAWALA SA EB! SI ATASHA

ni Ambet Nabus @Let's See | May 28, 2025

Photo: Atasha Muhlach - IG

Saglit din naming nakatsikahan si Boss Vic del Rosario hinggil sa ibang bagay sa showbiz.

Nalulungkot at nagpahayag din ito ng pakikiramay sa mga naulila ni music icon Freddie Aguilar, kasama na ang mga yumao na ring sina Pilita Corrales, Hajji Alejandro at Nora Aunor. Pati nga si Tita Gloria Romero at iba pang mga naging bahagi rin ng Viva Films na namayapa na ay ipinagdarasal nga nila.

“Ganyan talaga ang buhay. Lahat naman tayo ay doon pupunta, kaya mahalaga talaga ang maging maingat sa mga bagay-bagay lalo na kapag nagkakaedad na. 

“Nagpapasalamat pa rin tayo na nagkikita-kita pa rin at nakapagkukuwentuhan pa rin tayo ng ganito. Dasal, maayos na pagkain at tulog, iwas-stress, exercise, ginagawa na natin ‘yan years ago pa,” saad pa ni Boss Vic na kahit ipinagkatiwala na nga sa mga anak at apo ang pamamahala ng mga negosyo nila ay nananatiling nasa likod at nakasuporta sa mga ito.

Nai-segue naman namin kina Val at friendship Veronique ang matagal na naming tanong kung bakit wala na sa Eat… Bulaga! (EB!) ang Baby Atasha Muhlach natin.

“Naka-focus talaga kasi sa malapit nang mapanood na series na Bad Genius (BG). We both requested sa EB! management na unahin at tutukan muna ‘yun ni Atasha dahil medyo mabigat nga ang role at first time niyang bibida. Babalik din s’ya soon,” paliwanag pa ng magkapatid.

There it goes… Wait na lang po muna tayo!

---

Anak nina Jessa at Dingdong…

JAYDA, NEXT REGINE AT SARAH NG VIVA

PARA personal na samahan at suportahan ng Viva Entertainment big bosses, lalo na ni Boss Vic del Rosario, si Jayda Avanzado, ay isang pambihirang pagkakataon na.

For the very first time sa halos limang dekada ng Viva Entertainment sa industriya, first time nilang makipag-collab sa isang music label na may global affiliation.

“Dahil sa ‘yo ‘yan, Jayda. We believe in you and personally, ako mismo ay gusto kitang maihilera sa mga gaya nina Regine Velasquez, Sarah Geronimo at iba pang mga Viva multimedia artists. 

“Sa tagal namin sa industriya, ngayon lang kami nakikipag-collab sa isang gaya ng UMG (Universal Music Group),” pahayag ni Boss Vic.

Kasama ng Viva big boss sa pagpirma ni Jayda ang mga anak na namumuno sa iba’t ibang kumpanya ng Viva gaya ni kapatid-friendship Veronique del Rosario-Corpus (Viva Artist Management), Vincent Jr. (Film), Val (TV and special projects) at ang pamangkin nilang si Verb (Music).

Sa panig naman ng UMG na may head offices sa parehong Netherlands at California (USA), ini-represent ito ng Phil. head na si Enzo Valdez.

“I am simply so ecstatic and grateful. Pambihira po ang kumbaga’y okasyon ng parang 2nd wind ko sa showbiz. This maybe is the perfect time for me to explore further. 

“Sobrang nagpapasalamat po talaga ako sa pagtitiwala ng parehong Viva at UMG,” saad naman ni Jayda na magtu-22 na this June.

Kumpletos rekados naman si Jayda bilang maganda, sexy, maganda ang boses at mahusay mag-perform on stage. Kung dati, noong nagsisimula pa lang ito ay nakilala namin itong timid at sobrang mahiyain, this time na nasa Viva na siya, kitang-kita namin ang kanyang pag-mature sumagot at pagpapahayag ng emosyon. 

In fact, mas madaldal na siya ngayon at bihasang-bihasa na sa pagta-Tagalog.

“I have been in the industry for quite a while. Na-try ko na rin po ang ibang field at mga nakatrabaho. My parents are still here, supporting me in the best way they could. Pero siyempre, ‘yun po talaga ang goal namin, ang talagang ma-establish ako bilang si Jayda, ‘di lang bilang anak nina Jessa Zaragoza at Dingdong Avanzado,” hirit pa nito.

Although music ang priority target ng pagiging Viva artist niya, gusto pa rin ni Jayda na mabigyan ng acting projects lalo na ang dream niyang makapag-rom-com.

“Kung sino po ang sa tingin ng Viva na babagay sa ‘kin na makasama (leading man o tandem), I have no worries. Game po ako,” dagdag pa nito.

Good luck and congrats, Jayda!

---

AY, grabe, pero matinding puksaan ang talaga namang inaabangan ng mga netizens sa pinakabagong serye ng GMA, CreaZion, at Viu – ang Beauty Empire (BE).

Pasabog na teaser ang inilabas kahapon, May 26, kung saan makikita ang intense tarayan, sabunutan, at basaan nina Barbie Forteza (Noreen Alfonso) at Kyline Alcantara (Shari De Jesus). S’yempre, agaw-eksena rin ang pagsigaw ni Ruffa Gutierrez (Velma

Imperial) ng “Oh, my gosh! Stop it!” habang nanlalaban ang kagandahan.

Laban na laban talaga ang pagiging #girlboss nina Barbie at Kyline sa teaser pa lang,  kaya marami ang lalong humanga sa dalawang GMA stars at na-excite sa serye. 

Sey nga ng isang netizen, “Hala, nagtapat ang 2 sa pinakamagagaling umarte sa GMA. Walang tapon sa eksena ng mga ‘to. ”

Simula na ng pinakamagandang laban. Mapapanood na ang Beauty Empire soon sa GMA-7.

Kaya dina-dialysis sa mismong b-day… LOLIT, AMINADONG NAGBABAYAD SA MGA KASALANAN NU’NG BATA PA

ni Mercy Lejarde @Showbiz Talkies | May 26, 2025

Photo: Ako si Lolit Solis - IG

Kamakailan lang ay nagdaos ng kaarawan si Donya Lolit Solis. Na-sad lang siya dahil sa mismong birthday niya ay nasa dialysis center siya.

Sabi ni Donya Lolit sa kanyang Instagram (IG), “Imagine mo na aabot pala ako sa ganitong kalagayan, na mismong araw ng kaarawan mo, meron kang sakit. Talagang hindi lang sad kundi parang reckoning na rin para isipin mo kung bakit.

“Siguro nga, ito ‘yung way para isipin ko ang mga abuso na ginawa ko sa katawan ko. ‘Yung mga bagay na ginawa ko nu’ng nasa murang edad pa ako kaya heto, pinagbabayaran ko.

“Feeling down talaga ako, dahil I cannot imagine myself celebrating while attached to a dialysis machine, ‘kaloka. But what can I do, ito naging kapalaran ko.

“Kung minsan nga nagse-self pity ako, pero ‘pag naisip ko naman 'yung pagiging naughty ko, tinatanggap ko na itong kapalaran ko. Talagang totoo nga, ‘pag meron kang ginawang mali sa buhay, imposibleng hindi ka magbayad later on in life. Tiyak na kahit paano, you will pay for your crime. Hahaha!

“Now I am paying sa mga naughtiness I have done. So be it, bongga,” pagtatapos ni Donya Lolit. 

Kaya sa mga kabataan ngayon, ingat-ingat din kapag may time.

---

May gustong iparating ang isang tagahanga ni Star for All Seasons Vilma Santos-Recto sa aktres na nagbabalik-governor sa Batangas.

Ang mensahe niya na ipinost sa kanyang socmed account, “Hi Ate Vilma Santos-Recto, good afternoon to you po.

“I’m beyond grateful to have the opportunity to express my deepest admiration for you. As a fan, I've always been in awe of your incredible talent, dedication, and passion. Your legacy in the entertainment industry is truly iconic, and your impact on Filipino culture is immeasurable.

“From your early days as a child star to your reign as the ‘Star for All Seasons,’ you’ve consistently impressed audiences with your versatility and range. Your performances have brought joy, laughter, and tears to countless fans, including me. Who can forget your unforgettable roles in Dama de Noche, Sinasamba Kita, and Tag-ulan sa Tag-araw? Your talent and charisma on screen have captivated hearts and minds, making you a beloved figure in Philippine entertainment.

“But what's even more remarkable is your transition to public service. Your leadership and vision as Governor of Batangas have made a significant impact on the lives of Batangueños. Your initiatives in education, health, infrastructure, and economic development have improved the quality of life for many. You've shown us that true leadership is not just about power, but about serving others.

“Your selflessness, integrity, and commitment to public service are qualities that inspire us all. You've demonstrated that with hard work, determination, and a genuine desire to serve, we can make a real difference in the lives of others. Your legacy continues to inspire future generations to follow in your footsteps, to pursue their passions, and to serve with purpose.

“As a Vilmanian, I’m not just admiring your achievements; I'm also grateful for the values you've embodied throughout your career. Your humility, kindness, and generosity have touched the hearts of many, and your influence extends far beyond the entertainment industry. You're a true icon, a role model, and a shining example of what it means to live a life of purpose and meaning.

“Maraming salamat, Ate Vilma, for being a constant source of inspiration in my life. Your dedication to our province and our people is a testament to your character and your commitment to serving others. I pray for your continued good health and success in all your endeavors. May your legacy continue to inspire and motivate us to be the best versions of ourselves.

“With heartfelt admiration, respect, and gratitude.”

Ito ay isinulat ng kanyang tagahanga na si Jeric David Soriano.

Hindi naman nakapagtataka na maraming tagahanga at nagmamahal sa Star for All Seasons na si Vilma Santos.

At wish nga nila, makita nang muli si Vilma na ngayon ay nagpapahinga pa raw bago muling sumabak sa buhay-pulitika. 

---

NAPAKAGANDA ng puso ng mag-asawang Cong. Lani Mercado-Revilla at Senator Bong Revilla, at maging ng buong Team Revilla, makakatulong na naman sila sa mga may sakit na nangangailangan ng maayos na ospital. 

Hindi lang mga Bacooreño ang makikinabang kundi lahat ng kababayan sa Region 4A sa magandang balita ni Cong. Lani sa kanyang social media:

“Magandang balita ang salubong sa atin ng linggong ito! Pinagsikapan ng inyong Ate Lani at ng buong Team Revilla ang pagpasa ng batas na ito para sa pagtaas ng bed capacity ng Southern Tagalog Regional Hospital.

“Kasabay ng increase na ito ay ang pag-upgrade ng mga pasilidad at serbisyong pangkalusugan ng nasabing ospital, pati na rin ang pagdagdag ng staff tulad ng doktor, nurse, at iba pang support personnel. ‘Di lamang mga Bacooreño ang makikinabang dito kundi lahat ng kababayan natin sa Region 4A.”

Salamat sa pagmamahal at malasakit sa ating mga kababayan, sa buong Team Revilla, lalo na kay Cong. Lani Mercado-Revilla at sa mahal naming working senator na si Senator Bong Revilla, Jr..

John, naki-happy-happy sa mga Noranians… LOTLOT AT MGA UTOL, NO SHOW SA B-DAY CELEBRATION PARA KAY NORA SA EASTWOOD

ni Mercy Lejarde @Showbiz Talkies | May 23, 2025

Photo: Lotlot de Leon - IG

Bonggang celebration ang ginawa ng mga Ka-Nora sa ika-72 kaarawan ni Superstar-cum National Artist Nora Aunor nito lang May 21, 2025 sa Eastwood Walk of Fame na inabot hanggang gabi.

Ito ang mga naging kaganapan sa kaarawan ng Superstar. Nag-umpisa sa Yanig Tribe Drumbeaters, opening prayer, flower offering and candle lighting, na sinundan ng pagkanta ng mga songs ni Ate Guy.

May photo op din with Ate Guy’s fave big photo by Romy Vitug for her film Atsay courtesy of brother Henry Galang.

May salu-salo na naganap na tinawag nilang picnic time, at may mga pa-giveaways pa tulad ng Pan De Nora, sorbetero ice cream, at siyempre, may pa-raffle games din.

At exactly 5:30 PM ay nagkaroon din ng rosary at St. John Parish Eastwood. At 6:00 to 7:00 PM naman ay nagdaos ng misa sa St. John Parish Eastwood. Around 7:15 to 8:30 PM, may fellowship, dinner at program.

Nagkaroon ng mga special guest performers at group presentation. Nag-dinner sila nang sama-sama, nag-cake blowing at nagkantahan ng Happy Birthday kay Ate Guy.

Ang birthday celebration ni Superstar Nora Aunor ay dinaluhan ng napakaraming nagmahal na Noranians sa kanya.

Dumating din sa Eastwood si John Rendez at nakipagkumustahan sa mga nagmamahal sa Superstar. Hindi rin nakalimutang pasalamatan ni John ang mga nag-asikaso sa birthday celebration ni Guy.

Ani John Rendez, “Thank you po kay Sir Gabs Garcia and Sis Marie Cusi for organizing the Nora Aunor birthday tribute at Eastwood City today.

“And thank you to all the Noranians that showed up to show their love to our National Artist and Superstar,” pagtatapos ni John Rendez.

Samantala, ang Eastwood Walk of Fame Star ay open for public.

Natanong naman ni yours truly kung sino ang dumating na anak ni Guy sa Eastwood. 

Ang sagot ni Jen Donna Pergis Moreno ay... “Wala pong mga anak.”

Hindi man nakarating si Lotlot De Leon sa Eastwood ay binati niya naman sa social media ang kanyang ina at ito ang kanyang sinabi: “Happy birthday in heaven, Mommy! I will always love you.”

Nag-post din sa social media si Lotlot tungkol sa dinaluhan niyang event para sa kanyang ina at ito ang kanyang sinabi: “Kailan lang ay ginanap ang Pamanang Pelikula: Celebrating The Life and Works of Nora Aunor sa Metropolitan Theatre.

Featuring the films of mom: Atsay, Tatlong Taong Walang Diyos and the newly restored film ‘Merika.

“Taos-puso pong pasasalamat sa lahat ng mga organization na nagtulung-tulong upang muling mapanood ang mga pelikula ni Mommy.

“To FDCP, NCCA, mga Hiyas ng Sineng Filipino, Metropolitan Theater, Sagip Pelikula, Philippine Film Archive, and Solar Pictures.

“No words can express how truly grateful we are, kami ng mga kapatid ko.

“Salamat sa lahat ng dumalo, sumuporta, at nanood ngayong araw na ito. Salamat sa lahat sa patuloy na pagmamahal kay Mommy at sa aming pamilya.

“Mabuhay ang Pelikulang Pilipino. Mabuhay ang Sining ni Nora Aunor.”

Nasabi rin ni Lotlot sa naturang event, “Ang sining ng aming ina, kahit kailan ay ‘di maglalaho.

“Maraming salamat sa tiwala at pagmamahal na hanggang ngayon ay ibinigay n’yo pa rin sa aming ina.”

---

PAINIT na nang painit ang labanan sa ika-pitong season ng Pilipinas Got Talent (PGT) ngayong pinangalanan na ang Top 24 semi-finalists na magtatagisan sa live semi-finals simula ngayong Sabado (Mayo 26) at Linggo (Mayo 27).

Mula sa 73 acts na nabigyan ng ‘yes’ ng judges, 24 acts ang nakalusot papuntang next round, kabilang ang limang Golden Buzzers at 19 na acts na pinili ng mga judges na sina Freddie “FMG” Garcia, Kathryn Bernardo, Eugene Domingo, at Donny Pangilinan sa naganap na Judges’ Cull noong Linggo (Mayo 18).

Noong Sabado (Mayo 17), nakilala na rin ng manonood ang Golden Buzzer ni Donny ngayong season na si Esay Belanio. Napabilib nga ng 19-anyos na rockstar si Donny sa kanyang magaling na pag-angkin ng stage at magandang performance.

Makakasama ni Esay sa live semis ang kapwa Golden Buzzers na sina Jasmine Flores, FM Lightrix, JB Bangcaya, at Femme MNL.

Ang 19 acts naman na matutunghayan ng mga viewers simula ngayong weekend ay sina Brayt Box Duo, Roxbrix, Cardong Trumpo, Chikletz Family, Olayapanit Band, Dwyne Lopena, Fuego Eterno, NDDU Gnrls, Godwin Gonzales, Carl Quion, Ody Sto. Domingo, Jaylo and Faris, The Amazing Duo, The Amazing Twisters, Jessie J, Kinnarda, Manza, Mahmood Sounds, at Owen Bofill.