Career move raw para may dating… JUAN KARLOS AT DARREN, TINANGGAL NA ANG APELYIDO

ni Ambet Nabus @Let's See | June 26, 2025

Photo: Darren at Juan Karlos - IG

Inuulan ng blessings ngayon si Juan Karlos.

Magsisimula pa nga lang halos ang Idol Kids Philippines, heto at kasama siya sa cast ng Meet, Greet and Bye movie project under Star Cinema with Direk Cathy Garcia-Sampana at the helm. 

Sina Maricel Soriano, Piolo Pascual, Joshua Garcia at Belle Mariano lang naman ang mga kasama ni Juan Karlos sa movie.

“Mabait na bata, mabuting apo, masipag at maayos katrabaho,” ang ilan sa mga komento kay Juan Karlos na dating JK Labajo ang screen name.

“Saka parang may suwerteng dala ‘yung Juan Karlos lang ang gamit. Mas may karakter,” saad naman ng iba.

Hindi nga talaga maiiwasan na lagi silang pagkumparahin ni Darren na gaya ni Juan Karlos ay inalis naman ang ‘Espanto’ surname bilang kanyang screen name. 

“Hindi kaya sila pareho ng handler o mga manager na parehong mag-isip?” ang pahabol pang tanong ng netizen.

“Naku, sila ang may pakana ng mga intriga, ‘noh? Okey naman sina Juan Karlos at Darren, pero sadyang mahilig sa intriga ‘yung ano (diumano’y may kinalaman sa karir ng mga binata),” dagdag pang komento ng nakasubaybay sa kanila.

In fact, noong nakaraang ASAP guesting nga raw ng Idol Kids Phils. (IKP) cast, may conscious effort nga na hindi pagsamahin sa iisang stage ang dating magkasama sa

The Voice Kids (TVK) bago pa man sila nagkaroon ng isyu.

After nga ng mga prod number nina Juan Karlos (sang with all girls choir), Jolina Magdangal (duet with Martin Nievera), Gary Valenciano, Angeline Quinto at Regine Velasquez (together in a song number), in-interview nina Edward Barber, Robi Domingo at Darren sina Gary pero no talk nga si Darren.

“Alam ninyo, kahit hindi man lagyan ng intriga, pero may mga galawan kasing alam mong iniiwasan o sadyang ‘wag nang banggitin pero obvious namang gustong mag-create ng isyu,” obserba pa ng netizen.

Aguy! Napabalitang okey na ang dalawa, pero mukhang ang hindi okey ay ‘yung mga nasa likod ng mga karir nila.

---

GF, kaya wala na raw show after BQ…

RICHARD, BINAKURAN NA SI BARBIE

Hmmm… lumabas din ang balitang tila seryoso raw ang namumuong friendship (read: papunta na sa relasyon?) between Sarah Lahbati at Tacloban City Councilor Ferdinand Martin Marty Romualdez (anak nina House Speaker Martin at Cong. Yedda Romualdez). May iba pa ngang nagsasabi na magkarelasyon na umano ang mga ito.

After nga ng action series kung saan natin napanood si Sarah with Kiko Estrada sa TV5, hindi na ito nasundan.

Wala rin tayong balita sa status ng marriage niya with Richard Gutierrez.

And yes, despite Richard’s activity sa malapit na ring mag-end na Incognito action series, wala rin tayong gaanong balita sa lagay naman nila ni Barbie Imperial.

Basta sa mga naglabasang tsika, very much together daw sila at para ngang binakuran na ni Richard si Barbie na ang huling TV project pa ay ang Batang Quiapo (BQ), kung saan matagal nang tsugi ang kanyang karakter.

At dahil bumulagang bigla ang balitang may magandang friendship daw itong sina Sarah at Marty, hindi kaya nangangahulugan itong everything is under the bridge na kina Richard at Sarah?

Baka naman daw may legal remedy nang hindi nalalaman ang madla?

---

May pa-lie detector test pa kuno… IVANA, NAG-READY DAW MUNA NG SCRIPT BAGO SINAGOT NA KABIT NI CONG. ALBEE

MEDYO nag-take time si Ivana Alawi bago nito parang sinagot indirectly ang iskandalo involving her kay Cong. Albee Benitez.

Sa viral video ngayon na pinag-uusapan, mismong kapatid ni Ivana ang nagpupukol ng mga tanong dito na may pa-lie detector test ang peg. Galing daw ang mga tanong sa mga followers ni Ivana na binabasa nga lang sa kanya ng kapatid na si Mona.

Isa nga rito ang tanong na, “Ikaw ba ay nanira ng pamilya?” 

Buong-giting at tapang itong sinagot ni Ivana na, “No.” 

Never daw niya itong gagawin o magagawa dahil alam daw niya ang pakiramdam ng isang broken family o broken home dahil sa mga usaping ‘kabit o nag-cheat’.

Sinang-ayunan ito ng lie detector machine na nagsasabing ‘totoo’ ang sagot ni Ivana.

At dahil nitong Lunes (June 23) nga lang ito lumabas, ipinapalagay nga ng marami na napaghandaan na ni Ivana ang script o hakbang kung paanong sasagutin ang intriga at iskandalo kahit ‘indirectly’ man ‘yan.

Intriga nga ng mga hindi nakumbinse, “Hello, last May pa pumutok ang iskandalo, ‘noh!”

Aguy! Walang malugaran sa mundo talaga ang mga may kagayang isyu. Hahaha!

Fans naawa, nag-solicit… PISO PARA SA BAGONG CELLPHONE NI MAYOR VICO

ni Mercy Lejarde @Showbiz Talkies | June 25, 2025

Photo: Vico Sotto - IG

Karamihan ng mga artista at pulitiko ay may magandang cellphone. Pero kakaiba si Pasig Mayor Vico Sotto na lumang cellphone pa rin ang gamit. 

Kaya naman, hindi ito nakaligtas sa paningin ng mga netizens. Nag-viral si Mayor Vico sa social media dahil napansin ang kalidad ng mga video na kanyang ipino-post na kuha gamit ang sariling cellphone, dahilan para maisip nilang lumang modelo nga ang cellphone na gamit ng mayor.

Nakakatawa naman ang mga komento ng mga netizens. 

Sey nila, “Mayor, send your GCash number #Piso para sa cellphone ni Mayor Vico.”

“Mayor, papayagan ka namin kumuha sa kaban ng bayan, bili ka lang ng bago mong cellphone, please?”

Kung gugustuhin ni Mayor Vico, makakabili siya ng bagong phone dahil kayang-kaya naman niya. Masinop lang talaga sa gamit si Mayor Vico. 

Well, napatunayan naman na raw ng buong universe na hindi siya corrupt na public servant, kaya okey lang na palitan na niya ang ginagamit na cellphone.

Samantala, sa panayam naman ng media sa ama ni Mayor Vico na si Vic Sotto, natanong kung may balak ba siyang regaluhan ng bagong cellphone ang anak. 

Ang sagot ni Bossing Vic, “Alam mo, ibang klase ‘yung anak kong ‘yun, eh. Ang sabi n’ya, hangga’t hindi sumasabog ‘yung telepono n’ya, hindi magpapalit ‘yun, eh. Ganu’n ang prinsipyo nu’n, ganu’n manindigan ‘yun, eh. But I’m very, very proud of him,” sabay tawa pero halatang proud na proud para sa anak.

Napakaganda ng ginawang pagpapalaki nina Coney Reyes at Vic Sotto kay Mayor Vico. Hindi importante ang magandang cellphone para sa kanya. 

Para kay Vico, mas mahalaga ang maayos na serbisyo sa tao kaysa sa mga bagay na magpapakita ng estado o kayamanan.

Congrats sa mga taga-Pasig City, ang galing ng mayor ninyo!

---

Ibinulgar ng madir…

MICHELLE MADRIGAL, HIRAP MAGKAANAK

MARAMING tagahanga ng aktres na si Michelle Madrigal ang nag-aalala nu’ng kumalat ang balitang may sakit daw ito. 

Kaya naman, agad naming kinausap ang mother dearest ni Michelle na dati ring artista na si Kate Madrigal, better known as Karla Kalua.

Si Karla ay artista ng Baby Pascual Films. Nagbida siya sa Magdalena Buong Magdamag (MBM) with the late actress Claudia Zobel at Chikas with Lovely Rivero, Tanya Gomez, Rachel Anne Wolfe & Jaclyn Jose (SLN).

Dalawa ang naging artistang anak ni Karla — sina Michelle at Ehra Madrigal na parehong dating artista ng GMA-7. Si Ehra ay naging cover girl sa FHM noong 2006 at nakabilang sa FHM 100 Sexiest Women in the World list kung saan Top 5 siya noong 2007.

Kinumusta ni yours truly si Michelle kay Karla at kung may balak bang bumalik sa pag-aartista ang dalawa niyang anak. 

Ang sagot ni Karla, “Wala namang malalang sakit si Michelle, hirap lang magkaanak. Wala na silang (Michelle & Ehra) planong mag-artista kasi happily married na sina Ehra and Michelle.”

Hindi rin nakalimutang magpasalamat ni Karla sa mga nagmahal sa kanyang mga anak nu’ng nag-aartista pa sila at kay yours truly na naging mentor at friend forever niya.

You’re welcome, my dear friend.

---

SA social media post ni Melai Cantiveros ay nagbahagi siya ng larawan kasama si Gerald Anderson at may caption na: “Hello, it’s me, Julia Burrito with Gerald @andersongeraldjr char char lang. Kung kayo ay mga Gen (generation) Z, kami man ni Gerald ay GenZan, mga proud taga-GenSan.

“Please watch kayo ng Sins of the Father kay maayu kaayu si Gerald sa iyahang role and after sa Sins of the Father, manood na agad kayu ng KuanOnOne sa ABS-CBN YouTube channel and i-type ang KuanOnOne sa iWantTFC @iwanttfc.”

Oh, guys, hindi si Julia Barretto ang kasama ni Gerald Anderson, ha? Walang iba kundi si ‘Julia Burrito’.

---

“MAGHARI nawa sa mga makapangyarihan ang kanilang mga puso at paniniwala sa Diyos, hindi ang paniniwala sa kanilang mga talino at sarili. Magtagumpay nawa ang kapayapaan, hindi ang karahasan,” ito ang sinabi ni Senator Robin Padilla sa kanyang social media post.

Ito ay patungkol sa giyera na kinakaharap ngayon ng Israel, Iran, United States of America (USA) at Palestine. Maaari kasing magsimula ito ng mas malaking problema, hindi lang sa buong Middle East kundi pati sa buong mundo. 

Nawa’y magkaroon na ng kapayapaan at hindi na matuloy ang giyera.

‘Yun lang and I thank you.

Bitbit ang pamilya, babu sa ‘Pinas… LARA, NAKA-GRADUATE NA SA CANADA

ni Mercy Lejarde @Showbiz Talkies | June 24, 2025

Photo: Lara Quigaman Alcaraz - IG

Hindi lang ganda ang meron si Miss International 2005 Lara Quigaman, dahil siya ang example ng beauty and brains.

Kamakailan lang ay nagtapos si Lara ng Early Childhood Education with distinction sa Vancouver, British Columbia, Canada.

Sa Instagram (IG) post ay ibinahagi ni Lara ang larawan ng kanyang pamilya kasama ang asawa niyang si Marco Alcaraz at ang kanilang 3 anak na sina Noah, Tobias at Moses. 

Emosyonal na ibinahagi ni Lara ang kanilang mahirap ngunit makabuluhang journey sa paglipat sa Canada.

Ito ang kuwento ni Lara sa kanyang IG post:

“Our family has always prayed that God would lead us to a place where we could be closer to one another and to Him—wherever that may be, no matter how difficult the path. Today, as I attended my convocation ceremony, we also celebrate His goodness and faithfulness. I’m teary-eyed typing this, because today is the beautiful result of every sacrifice and challenge we’ve faced and overcome by His grace.

“Leaving behind our careers and the life we knew in the Philippines was not easy, but we chose to follow a dream that had been in our hearts long before our boys were born. God has not only answered that prayer. He has done far more than we could have imagined, and He continues to work in us and through us.

“We’re so thankful to God for carrying us through every step. All this is because of Him. To Him alone belongs all glory, honor, and praise. Thank You, Jesus!”

Samantala, binati naman ni Lara sa kanyang post ang bunso niyang anak na si Moses na nagtapos din ng kinder, na halos nagkasabay pa sila ng graduation.

Ito ang mensahe ni Lara kay Moses, “Congratulations, my bunso @mosesalcaraz (white emoji) off to Kindergarten in September.”

Congratulations, Lara and Moses.

---

SA social media post ni Donya Lolit Solis ay nagbahagi s’ya ng paghanga sa aktor at senador na si Bong Revilla, Jr. at may caption na: “Alam ko na sad si Bong Revilla sa naging resulta ng eleksyon. Pero dahil focus pa rin s’ya sa mga ginagawa n’yang mga projects na makakatulong sa lahat na puwedeng tulungan kaya alam n’ya na mahal pa rin s’ya ng tao.

“Hindi kailanman nagbago ang ugali ni Bong. Kung ano s’ya noon, s’ya pa rin ang tao na tutulong sa ‘yo ngayon.

“Isang araw lang ang eleksyon. Kung anuman ang resulta nito, hindi kahulugan na ito na ang desisyon ng lahat.

“Makikita nila kung anuman ang naging pagkakamali habang dumaraan ang araw at ginagawa na ang mga dapat gawin. Doon na nila makikita kung nagkamali o tama ang pinili nila.

“You can never put a good man down. Tiyak na in the end, makikita nila kung alin ang tama o mali. Tuloy-tuloy lang ang buhay kaya sana, talagang magawa ng mga elected officials ang mga dapat gawin. 

“Ipagpatuloy ang pag-unlad ng ating bansa, palakasin pa lalo ang security, at laging handa ang gobyerno sa pagtulong sa tao. 

“We love the Philippines, at proud Filipino kami. Kaya kahit ano pa mangyari, sa Pilipinas pa rin kami.”

Bongga!

Korek ka d’yan, Donya Lolit Solis, mahal pa rin ng mga tao si Sen. Bong Revilla.

BONGGANG-BONGGA ang 1st birthday party ng anak ni Maja Salvador na si Maria.

Nagbahagi si Maja sa kanyang Facebook (FB) page ng larawan ng 1st birthday celebration ng kanyang anak. Hands-on talaga siya sa pag-aasikaso mula sa pagpili ng pagkain at mga giveaways, at sinigurado rin ni Maja na hindi lang si Maria ang mag-e-enjoy sa birthday party niya, kundi lahat ng kids at mga adults.

Sabi ni Maja, “We wanted to make sure na hindi lang si Maria ang mag-enjoy sa birthday party n’ya, but lahat ng kids... and even adults.

“The hot air balloon set-up that Maria dreamed of! Happy birthday, Maria!”