Proud na inulit lang… GOWN NI YASMIEN SA GMA GALA 2025, ISINUOT NA 21 YRS. AGO

ni Mercy Lejarde @Showbiz Talkies | August 6, 2025

Photo: Yasmien Kurdi - IG

Sa social media post ng aktres na si Yasmien Kurdi ay nagbahagi siya ng larawan suot ang pulang gown na bagay na bagay sa kanya. Walang makapagsasabi na ‘yung gown ay 21 taon nang nakatago sa baul ni Yasmien, at ito rin ang gown na suot niya noong StarStruck’s Judgement Night.

Si Yasmien ay ipinanganak noong January 25, 1989. Siya ay 36 years old na, at ‘yung mahiwagang gown na suot niya 21 taon na ang nakararaan, ibig sabihin lang ay 15 years old pa lang si Yasmien noong una niyang isuot.

Infernes (read: in fairness) kay Yasmien, ang ganda pa rin ng gown na buong-puso niyang ipinagmalaki na kahit hindi na bago ay pak na pak pa rin sa kanya at mas lalong nakita ang hugis ng katawan nito at ‘di mo maiisip na may dalawa na siyang anak—sina Ayesha Zara at Raya Layla.

Saad ni Yasmien sa post niya, “Do you remember this gown? (teary-eyed face emoji) This is the very same gown I wore during StarStruck’s Judgement Night 21 years ago! You might even catch a glimpse of it in the opening and closing scenes of GMA’s Station ID on TV.

“For GMA’s 75th Anniversary, I wanted to do something meaningful, a quiet tribute to everything this network has given me. That’s why I went back to the one and only Sir JC Buendia to have this gown upcycled. It was such a warm and nostalgic moment catching up with him after so many years. Ang galing ng ginawa n’yo sa gown… akala ko forever na siya sa cabinet ko (laughing face emoji). Magagamit ko pala ulit. Hello Kuya Sander Andan, StarStruck’s head stylist… thank you for introducing us to JC Buendia (red heart emoji)

“Big thanks to my stylist Gabby Wu for making it all work even with my super last-minute prep (alam mo na, sobrang busy! (sweating smiling face emoji). Side note: naiwan ko 'yung bracelet… dapat may bangle pa 'yan! (peace hand sign emoji)

“I had the best time at the Gala reconnecting with old friends who truly feel like family.

Happy 75th, GMA! (red heart) Here’s to many more years of storytelling and memories (toasting glasses emoji).”

Dagdag pa ni Yasmien, “Usually, I skip eating at the #GMAGala kasi ‘di ako makaupo sa seat ko, busy sa chikahan at ayokong mapunit ang gown ko! But this year, I said bahala na si gown, time for a different kind of Gala… FOOD TRIP mode ON! And wow, ang sarap ng lahat!

GMA Gala 2025 Menu (Shrimp icon emoji) Sustainable Tiger Prawns with saffron & lemon tomato veil (Mushroom and tea icon emoji) Porcini Mushroom Consommé + Blue Pea Flower Tea (Steak icon emoji) Beef Tenderloin au Poivre with corn purée & scalloped potatoes (Rose icon emoji) Rose Garden dessert na parang pang-fairytale: lychee mousse, mango jelly, and candied rose petals!

“A girl’s gotta eat. Happy 75th, @gmanetwork! #GMAGala2025.”

Bongga ka d’yan, Yasmien! Sa galing mong mag-alaga ng mga damit mo, puwedeng-puwede pang gamitin ng anak mo o ng magiging apo mo. 

---

BALIK-CONCERT ang the one and only Fiery Soul Torch Diva at aktres na si Malu Barry.

Siniguro ng singer na si Malu na nakapagpahinga siya nang husto bago maganap ang concert para handang-handa siya sa pagkanta.

Kagagaling lang ni Malu sa Stage 3 cancer, at sa awa ng Panginoong Diyos ay napagaling siya sa malubhang sakit.

Wala nang sinasayang na panahon si Malu, kaya naman balik-concert siya at ang title ng concert niya ay One & Only Ms. Malu Barry with special guest Martin Lina, this coming August 20, 2025, at 8:30 ng gabi na gaganapin sa Janealo Bay Café sa Roxas Blvd. cor. South Drive, Manila, in front of Rizal Park Hotel.

Nagpapasalamat din si Malu kina Mayor Sammy Co, Mrs. Ilang-Ilang Co, Aficionado, VRM, K-Bar, at sa magagaling na OOTD hosts na sina Jobert Sucaldito at Direk Chaps Manansala.

Bilib pa rin si yours truly sa boses ni Malu na kahit na dumaan sa malubhang sakit ay hindi nagbago ang galing sa pagkanta. Good luck, my friendship, Malu Barry.

Kasabay ng pag-aming BF na si Vincent Co… “CHINESE NA AKO” — BEA

ni Ambet Nabus @Let's See | August 5, 2025

Photo: Bea Alonzo - IG

“Chinese na ako,” at hindi ‘chenez’ lang ang tinuran ni Bea Alonzo during the red carpet ng GMA Gala 2025 event.

Pagpapatunay nga na ‘yung mga sighting sa kanila ni Vincent Co ay more than being friends or business partners lang.

Dahil nga sa kinumpirma rin ni Bea na BF na niya ang pamosong negosyante at sinabi pang nais niyang gawing ‘private’ ang mga detalye sa relasyon nila, mabilis mag-wan plus wan ang mga netizens sa umano’y plano rin nilang pagpapakasal soon.

Although solo ngang rumampa si Bea sa naturang gala event, isa pa rin siya sa mga pinag-usapan dahil sa naturang pag-amin.

At gaya ng hangad ng marami, sana nga ay natagpuan na ng magandang aktres ang sinasabing ‘the one’ niya.

Abangers tayong lahat sa mga susunod na kabanata! Congratulations!

---

Patungkol daw kay Cristy Fermin…

VICE, TODO-MURA NG “DEMONYO KA!” AT NANDURO PA SA HARAP NG CAMERA

NAPANOOD namin ang sinasabing video ni Meme Vice Ganda na diumano’y patungkol kay ‘Nay Cristy Fermin.

Grabeng pagmumura ng ‘demonyo ka’ na paulit-ulit na sinasabi ni Vice na nakaturo pa sa camera.

Halatang sobra ang galit nito sa pinatutungkulang tao, na ang sabi nga ng marami ay si ‘Nay Cristy.

Ayaw man naming isiping si ‘Nay Cristy nga ‘yun, pero sobrang timing din kasi sa pangyayaring naisyuhan ng warrant of arrest ang kaibigan natin, kasama pa sina Romel Chika at Wendell Alvarez.

Si Romel ay dating kasamahan ni Vice sa mga comedy bars at madalas din itong bumabangka sa mga usaping Vice sa mga programa nila.

Sa normal na kalakaran sa showbiz, kung pinipitik man nina ‘Nay Cristy at Romel si Meme, may mga insidente rin namang pinupuri nila ang magaganda nitong nagagawa.

Medyo turned-off lang talaga sa amin ‘yung sobrang pagiging self-righteous ni Meme na kahit sa mga usaping pulitikal ay minsan siyang maraming nakukuda. 

Classic example nga ‘yung kontrobersiyal na isyu ng promotion ng online sugal kung saan may pa-emote siyang ‘precaution’ na hindi ‘yun dapat gawing hanapbuhay at pantawid-ekonomiya. 

Pero the fact na pinagkakitaan niya ‘yun bilang endorser, ano nga kaya ang “right” niya na mag-lecture on it’s advantage/disadvantage?

For sure, mas marami pang ibang usapin na taliwas sa madalas niyang pini-preach kasama na ang LGBTQ issues.

And yes, ano’ng klaseng example nga ‘yung ipinapakita niya sa panggagalaiti at pagmumura? 

Just asking?

---

WOW, at this early nga ay pinag-uusapan na ang mga names na posibleng rumampa come awards season.

Nangunguna na d’yan si Maris Racal na tunay namang napakahusay daw sa Sunshine movie. Ang gaganda ng mga reviews sa movie at performance ni Maris. Kung pagbabasehan namin ang mga previous projects niya sa TV man o movies, we can only agree na isa nga siya sa mga young actresses natin ngayon na masasabing ‘thinking actress’ sa molde ng mga gaya nina Ate Vi, Hilda Koronel at mga yumaong sina Ate Guy at Jaclyn Jose.

Ang husay-husay pang mag-aral ng mga lengguwahe at dialect ni Maris na para bang second tongue niya ang mga gaya ng Italian, American o kahit Ilonggo pa.

No wonder ang dali-dali niyang nakarekober sa mga iskandalong kanyang naranasan at agad din siyang tinanggap uli ng madla.

Bongga rin ang mga reviews sa husay nina Zanjoe Marudo, Susan Africa at Richard Quan sa ipinrodyus na movie ni Mama Ogie Diaz tungkol sa ‘toxic family’, ang How To Get Away From My Toxic Family.

Kahit si Janice de Belen na markadong aktres ay napanganga at nairita sa husay daw ng pagka-deliver ng mga roles nina Susan at Richard sa movie. 

Marami rin ang pumupuri sa galing ni Barbie Forteza sa kanyang horror movie na P77.

Kahit ang movie itself ay sinasabing hindi pipitsugin gaya ng ibang horror flicks na makapanakot lang.

Well, if all of those observations are indicators of an exciting genres and movies na sinasabing nagpapasigla sa takilya, then mabuhay ang showbiz!

‘Wag daw unahan para sa content… RUFA MAE: DAHILAN NG PAGKAMATAY NI TREVOR, SA AKIN LANG DAPAT MANGGALING

ni Mercy Lejarde @Showbiz Talkies | August 4, 2025

Photo: Rufa Mae Quinto - IG

Sa social media post ng aktres na si Rufa Mae Quinto ay nagbahagi siya ng larawan kasama ang namayapang asawa na si Trevor Magallanes (RIP) at anak nilang si Athena.

Makikita sa larawan na masaya sila at halatang mahal nila ang isa’t isa.

Dahil dito, nakiusap si Rufa Mae na iwasan ang pagkalat ng hindi na-verify na impormasyon tungkol sa kanyang pamilya at nagpasalamat din siya sa mga nakiramay sa kanya.

Saad ni Rufa Mae sa post niya, “Maraming salamat sa lahat ng nagpadala ng mensahe ng pakikiramay.

“As we cautiously navigate through this emotionally difficult period in our lives, we would appreciate discretion from everyone.

“Nakikiusap ako na ‘wag naman po ninyong gamitin ang pangyayaring ito para magkaroon lamang kayo ng ‘content’.

“As the wife of Trev, all information surrounding his passing will come from me. Ang lahat ng detalye ay maaari ko lang maibigay sa tamang oras.

“For the sake of our daughter, Athena, please refrain from spreading unverified information that she can access through social media.

“Let us just remember the good times that we had with my husband, Trev.”

Dagdag pa ni Rufa Mae, “Mag-asawa pa rin kami ni Trevor, walang nag-file sa amin ng annulment. Dito po kami sa Pilipinas ikinasal (nu'ng) Nov. 25, 2016.

“Ako po ay widow/biyuda na, shock pa din at nagluluksa po kaming mag-ina and salamat po sa lahat ng condolences, RIP and sympathy. Salamat sa pakikiramay. Lord, please give me

and Athena our daughter strength. Ang sakit.”

Sana naman ay respetuhin ang hiling ni Rufa Mae Quinto dahil hindi madali ang pinagdaraanan nila ng kanyang anak.

---

NAKAKATUWA ang reaksiyon ng anak ni Megastar Sharon Cuneta na si Frankie Pangilinan nang tawagin siya na “magaling, wealthy and irresistible” ng TV host na si Boy Abunda sa Fast Talk with Boy Abunda (FTWBA).

Sey ni Frankie, “Nagulat po ako doon at medyo na-shock.”

Sabi ni Kuya Boy ay “Pag-usapan natin ang pagiging anak ni Sharon Cuneta. Do you get this often?”

Sagot ni Frankie, “No. But it’s one of my favorite things honestly, to — it sort of feels about — ‘cause nowadays it’s sort of like I think at this age, parang may pagka-therapy na.”

Dagdag pang tanong ni Kuya Boy, “How was it and how is it?”

Sagot ni Frankie, “Halos ngayon ko lang po na-process like fully, I think adult na, 'cause I know, like, I think that when I talk about it to people—for example, like if I meet someone in the States and, you know, they're like—I’ll make friends with them and then it sort of gets to the thing of like what is it, like what is it that—of course Instagram—and I never realized because I grew up in the Philippines, I never had to explain it here. It was sort of this instinctual thing of.”

Sabi pa ni Kuya Boy, “Ibig sabihin, hindi mo kinakailangang ipaliwanag kung sino si Sharon Cuneta at kung sino si Senator Kiko, but in abroad it’s entirely different story?”

Sagot ni Frankie, “Of course, it's a hard thing—obviously na pinalaki po kami na hindi puwedeng magyabang, you know what I mean? Like it's not good, it's not cool to throw your weight around.”

Kuwento pa ni Kuya Boy, “I'll go to a quote of Mega Star Sharon. Sabi ni Sharon sa kanyang anak na si Frankie ay ‘No headaches in describing you, no horror stories, no disrespect. I must have done something right.’”

Maraming netizens ang humanga kay Frankie sa pagiging mabait at wala raw kayabang-yabang sa katawan.

Ang magiging sagot lang ni yours truly sa mga netizens na nagsasabing mabait at humble si Frankie ay may pinagmulan naman kasi si Frankie—katulad lang din siya ng kanyang mother dearest na may kababaang-loob.

Boom na boom ka d’yan, Frankie.

---

MAGHAHATID ng tipid tips sa mga kabataan si Kapamilya star Mutya Orquia na bida sa bagong episodes ng Estudyantipid, isang series na tumatalakay sa usaping pera handog ng Knowledge Channel Foundation Inc. (KCFI) sa pakikipagtulungan ng BPI Foundation.

Gagampanan ni Mutya ang papel ng isang estudyanteng nais matutong humawak ng pera sa seryeng layuning turuan ang mga kabataang Pinoy ng tama at praktikal na paghawak ng pera.

Tampok sa bagong episodes ng Estudyantipid ang mga napapanahong isyu tungkol sa pera na madalas na pinoproblema ng kabataang Pinoy matapos ang matagumpay na unang bahagi nito noong 2024.

Tatalakayin sa serye kung paano makaiwas sa mga panloloko o scam, mga pangunahing konsepto sa pagnenegosyo, mga praktikal na kaalaman sa paghawak ng pera, at iba pa.

Mapapanood ang bagong episodes ng Estudyantipid tuwing Lunes, Miyerkules, Biyernes, at Linggo sa ganap na 1:40 PM sa BEAM Channel 31, cable, direct-to-home satellite, at digital black boxes.

‘Yun lang and I thank you.