Kahit sinasabing “green flag”... RALPH, AMINADONG TINOTOPAK DIN

ni Mercy Lejarde @Showbiz Talkies | August 17, 2025

Photo: Ralph de Leon - IG

Very interesting ang naging kuwentuhan ng aktor at Pinoy Big Brother (PBB) Celebrity Collab Edition 2nd Big Placer na si Ralph De Leon sa vlog ng broadcast journalist at ABS-CBN TV Patrol anchor na si Karen Davila.

Sa question and answer portion, tinanong ni Karen si Ralph kung bakit siya tinawag na “walking green flag”.

Sinagot naman ni Ralph nang may magandang ngiti, “Actually, Ms. Karen, grabe, parang mabigat din s’ya, eh. It also comes with expectations. Parang lahat, okay sa ‘yo, lahat, tama. Lahat ng values mo, lahat ng morals mo, aligned with siguro what social standards set. I mean, I have my off days din naman po na wala rin po ako sa mood. I’m not a picture-perfect as everyone makes me look out to be.”

Dagdag na tanong ni Karen, “Sa palagay mo, bakit ka naging green flag?”

Sagot ni Ralph, “The best I can describe it po talaga is I was able to find multiple support systems throughout my life talaga, starting off with my family. So I grew up here in Tanza, Cavite with my big, big family.”

Natanong din ni Karen kung may balak siyang pumasok sa pulitika.

Sagot ni Ralph, “Hindi po. Never po akong nahilig and kami po talaga, kaming magpipinsan, we really wanted to get out na po talaga sa politics.”

Bukod sa mga personal na tanong ni Karen, nagbahagi rin si Ralph ng kanyang saloobin.

Sabi ni Ralph, “I don’t know if I’m one of the first people to speak about this. For our batch at least, ang laking issue palagi when we’re seen with other people, when we’re seen with other housemates, when we’re seen with people na siguro, they wouldn’t like to see with us.

“Yes, a lot of them support us, but there are also those very few who try — sorry to say — but feed their delusions and really try to take ownership of our lives.

“Ayaw ko pong magpaka-showbiz na just to allow that to happen. I’m going to stick to the people that I’m close to. Keep building the relationships that I’ve had inside regardless of

what they think.”

Maraming netizens ang pinusuan ang kuwentuhan nina Ralph de Leon at Karen Davila. 

Boom na boom kayo d’yan, Ms. Karen!

---

PATULOY na kinikilala ang ABS-CBN sa buong mundo matapos itong umani ng panalo at nominasyon sa 2025 Seoul International Drama Awards (SIDA).

Pinangalanan si Daniel Padilla, isa sa mga bida ng action-thriller na Incognito, bilang Outstanding Asian Star para sa kanyang husay sa pagganap bilang Andres, isang dating sundalo na sumali sa isang pribadong kumpanya ng militar para hanapin ang nawawalang kapatid.

Samantala, nominado rin para sa Best Drama Series at Best Screenwriter ang Saving Grace (SG), ang kauna-unahang adaptation ng ABS-CBN ng isang Japanese Nippon TV series. 

Pinagbibidahan nina Julia Montes, Sharon Cuneta at child star na si Zia Grace, ang serye ay tungkol sa madamdaming kuwento ng isang guro na ginawa ang lahat upang mailigtas ang estudyanteng inaabuso ng kanyang magulang.

Ang SIDA ay nagbibigay-pagkilala sa mga huwaran sa telebisyon sa buong mundo. Ang mga magwawagi ay opisyal na kikilalanin sa Oktubre 2 sa Seoul, South Korea.

‘Yun lang and I thank you.

Staff ni Robin, naka-leave na… IMBESTIGASYON KAY NADIA NA NAKA-TSONGKE RAW, TULOY

ni Ambet Nabus @Let's See | August 16, 2025

Photo: Sen. Robin Padilla at Nadia Montenegro - FB Circulated

Mukhang hindi pa rin nababasa ni Nadia Montenegro ang aming hinihinging klaripikasyon hinggil sa pagkakadawit ng name niya sa issue ng marijuana sa Senado.

Kilala namin si Nadia dahil bukod sa mga showbiz gathering, naging kaibigan at neighbor namin ito.

Na-witness namin ang kanyang pagiging isang mabuting ina at kaibigan sa mga gaya namin. During the pandemic, talagang hands-on siya sa pagbibigay-ayuda through her small deeds para sa mga noo’y frontliners, at marami pang ibang pagtulong in and out of showbiz.

Medyo nakakawindang lang kasi ang lumalabas na mga balita na of all places na magluluka-lukahan siya — if ever man na gumamit umano ng marijuana — ay sa Senado pa?

Sa lumabas ngang incident report ng Senate, na-mention nga raw na may pag-amin ito na may possession siya ng vape pero itinanggi nitong gumamit o gumagamit siya ng marijuana sa Senado.

Naka-leave raw si Nadia sa ngayon pero patuloy pa rin ang imbestigasyon ukol dito. 

Kinlaro rin ng office ni Sen. Robin Padilla kung saan ito nagtatrabaho na hindi siya tinanggal.

Sana ay malinis ang name ni Nadia Montenegro at maayos ang imbestigasyon ng Senado ukol dito.

---

Aktor, sobrang hurt daw… LIZA, UMAMING 3 YRS. NA SILANG HIWALAY NI ENRIQUE

EARLY year 2024 pa kami nabigyan ng konting patikim sa napapabalitang breakup nga nina Enrique Gil at Liza Soberano.

Bilang love namin ang tandem nilang LizQuen (and we want to believe na kaibigan kami ni Quen), isa kami marahil sa mga kaibigan nila sa media na napakiusapan din noon na hayaan na lang na sila ang mag-anunsiyo sa publiko ng kanilang paghihiwalay.

That was between 2023-2024 kung kailan sa aming pagkakaalam ay ipinroseso pa nila ang posible nilang pagbabalikan.

At dahil si Liza na ang nagsalita ngayon, hindi na kami nagugulat sa mga details na naikuwento niya like her family background, mga traumatic experiences nila ng kanyang kapatid, hanggang sa involvement niya kay Jeffrey Oh.

Naririnig na namin ito during that time kaya may shade of awa at simpatya kami sa noo’y mga iskandalo sa kanyang personal na buhay, plus mahal na mahal talaga siya ni Quen.

Alam naming masakit na masakit ito para kay Quen at sana naman ay nakapag-usap talaga sila bago pa man ang rebelasyon na ito ni Liza na 3 yrs. na nga silang hiwalay.

Well, we still wish Liza well at naniniwala kaming mahi-hit din niya talaga ang big time sa pinili niyang career path sa ngayon.

And to Quen, alam mo naman, friend, na nandito lang ang mga gaya namin na laging nakasuporta at nagdarasal din for you.

---

WINNER talaga ang GMA Network dahil sa pagkilalang nakamtan nito mula sa prestihiyosong 16th Cannes Corporate Media & TV Awards.

Nagkamit ng Finalist Certificate sa Social Media Videos category ang GMA Integrated News #Eleksyonaryo: The Dapat Totoo Digital Exclusives habang nakakuha naman ng Finalist Certificate sa Human Concerns and Social Issues category ang I Witness: Kapalit ng Katahimikan ng GMA Public Affairs.

Gaganapin ang awarding ceremony ng 16th Cannes Corporate Media & TV Awards sa September 24-25, 2025.

Congratulations, GMA!

---

TALAGANG kinagiliwan ng mga netizens ang bagong Station ID ng GMA Network na inilunsad para sa 75th anniversary nito, ang Forever One With the Filipino.

Makikita sa video ang mga bigating Kapuso stars tulad nina Kapuso Primetime King and Queen Dingdong Dantes and Marian Rivera, Asia’s Multimedia Star Alden Richards, multi-awarded broadcast journalist Jessica Soho, Kapuso Comedy Genius Michael V., GMA Integrated News pillar Mel Tiangco, Global Fashion Icon Heart Evangelista, Kapuso Drama King Dennis Trillo, and Ultimate Star Jennylyn Mercado. 

Kasama ang iba pang Kapuso artists, nagbigay sila ng pasasalamat sa walang sawang pagsuporta ng kanilang mga fans.

Lubos ang pagbati at tuwa ng mga Kapuso audience sa bagong station ID ng GMA.  

“Happy 75th Anniversary, GMA Network! Isa kayo sa mga standard na matatawag mula noon hanggang ngayon. Mananatiling Kapuso para sa Filipino,” sabi ng isang fan.

Dagdag naman ng isa, “Hindi ko talaga ma-explain bakit everytime makita ko mga Station ID ng GMA, naiiyak ako. Baka kasi dahil sa ramdam ko ang pagka-sincere nila. Kahit nga ‘yung opening ng Station ID bago ang Unang Hirit, naiiyak ako. Forever Kapuso.”

Tara na’t panoorin ang Forever One with the Filipino, ang 75th Anniversary Station ID ng GMA Network. Pumunta lamang sa official YouTube (YT) channel (@gmanetwork) at Facebook (FB) page ng GMA, o bisitahin ang GMANetwork website.

2 oras daw silang nag-usap ng BFF… IBINULGAR NI BOY: KRIS, TUMABA NA, MALAKAS NA RIN ULI ANG BOSES

ni Mercy Lejarde @Showbiz Talkies | August 16, 2025

Photo: Kris Aquino - IG

Sa isang emosyonal na pagbubunyag sa Fast Talk with Boy Abunda (FTWBA), ibinahagi ng King of Talk na si Boy Abunda ang pinakabagong balita tungkol sa kalagayan ng kalusugan ng kanyang matalik na kaibigan, ang Queen of All Media na si Kris Aquino.

Pahayag ni Boy, “Tungkol sa aking kaibigang si Kris Aquino, sa kanilang family compound po sa Tarlac muna maninirahan si Krissy habang patuloy s’yang nagpapagamot sa kanyang autoimmune diseases.

“Kris told me na, ah, suggestion ito ng kanyang ate dahil malapit lang ang Tarlac sa Maynila. Ipapa-renovate rin nila ang kanilang bahay doon para mas maging safe ito for Kris.

“Ngayong weekend, she will be getting her second infusion ng Rituxan. I hope I’m pronouncing correctly. Ano ba ang Rituxan? Ito ay napakalakas na klase ng immunosuppressant medication para sa autoimmune diseases na kailangang i-take with steroids.

“Allergic po si Kris sa steroids. Pero buti na lamang po her body can now tolerate small doses of steroids, kaya puwede na siyang magpagamot ng Rituxan.

“Sabi ni Kris, this medication kills both good and bad cells kaya posibleng manghina talaga ang kanyang katawan.

“That’s why she needs to go into preventive isolation for an indefinite time sa Tarlac.

“Kailangan din ni Kris ng safe na lugar dahil hindi s’ya puwedeng ma-expose sa kahit anong puwedeng mag-trigger sa kanya na magkasakit.

“Ten ang autoimmune diseases ni Kris. Ang 3 po nito ay in remission sa ngayon. Nilinaw din

ni Kris sa akin na wala s’yang cancer. Palagay ko po after her IG (Instagram) post, medyo nagkaroon ng misunderstanding at ang iba naman ay nag-speculate na meron s’yang cancer.

“Totoong nagpa-test s’ya ng kanyang colon at stomach. She went through colonoscopy and endoscopy last September of 2024.

“Pero walang nakitang problema po ang kanyang mga doctor. And Kris is cancer-free. Pero sa lahat ng mga gamot ni Kris, para po sa kanya, ang inyong mga dasal ang pinakamabisa. Inuulit ko po, para sa kanya, ang inyong mga dasal ang pinakamabisang gamot para sa kanya. She gets her strength from her family, most especially kina Josh at Bim.

“Last week, binisita ko po si Kris. She gained a few pounds. Sabi ko sa kanya, ako ay natutuwa dahil tumaba nang konti si Kris at malakas na ulit ang kanyang boses and she’s recovering slowly.

“Pinipigilan po namin mag-usap ng malakas lalo na po ako dahil lumalakas ang aking boses kahit naka-mask. But napakaganda ng aming naging kuwentuhan. Two hours of conversation — marami kaming napag-usapan, para ho kaming nag-talk show ni Kris. We talked about everything and nothing, as we always do every time we have a chance to have a conversation.

“Pero sa kalagitnaan po, biglang namula ang mukha n’ya. Sabi ko nga sa mga doctor, wala po akong kinalaman doon.

“She was reacting, I think, to the medicine which was being given to her at that particular time. So my prayer, my wish as a friend — maraming salamat po sa inyong dasal at sana ay tuluy-tuloy ang paggaling ni Kris.

“And Bim was with us during the conversation and I’m just so proud about Bim. What a son! He has my respect, my admiration, and I pray to God na sana’y matapos ang ordeal na ito. At naniniwala po ako na gagaling si Kris, mahirap man ang kanyang pinagdaanan.”

Get well soon, Kris, and God be with you always.

---

ANG singer at tinaguriang Revival King na si Jojo Mendrez, na ngayon ay mas kilala bilang Super Jojo, ay hindi napapagod tumulong sa mga nangangailangan. 

Likas na sa pagiging matulungin si Super Jojo. Tuloy pa rin ang pagiging

philanthropist niya, at naglilibot sa iba’t ibang panig ng bansa para magbigay ng tulong sa mga kababayan nating nangangailangan.

Noong August 14, 2025 ang pilot episode ng Super Jojo Series (SJS). Sure si yours truly na super-klik na klik na naman ito sa mga netizens.

Well, nakakaiyak pero sa huli ay mapapangiti ka sa unang episode. Napakalaki ng naitulong ni Super Jojo sa nadaanan niya lang na nangangalakal, na nabigyan ng sapat na pera na puwede nang pampuhunan sa negosyo.

Kaya kung mahilig ka sa online contests at gusto mong magka-extra P5,000, aba’y tutok lang sa official social media pages ng Super Jojo sa Facebook (FB), TikTok (TT), Instagram (IG), at mag-subscribe sa kanilang official YouTube (YT) channel. 

Alamin du’n ang mechanics kung paano makakasali sa contest.