Kahit may anak at dyowa pa… ANGEL, UMAMING BABAE ANG GUSTO

ni Ambet Nabus @Let's See | October 7, 2025

Photo: Shuvee at Vice / FB

HINDI namin alam kung may pormal na pag-come out sa public si Angel Aquino na umamin nga sa isang TV show na babae ang gusto niya.

In-explain pa niya na attracted din siya sa mga babae though wala namang direktang pag-amin na nakikipagrelasyon siya sa same sex o gender.

But still, dahil nga sa mabilis mag-isip at mag-conclude ang madlang pipol, nagwan-plus-wan nga ang lahat na baka nga iyon ang ibig sabihin ng maganda at magaling na aktres.

May anak si Angel at nababalitaan din naman nating may karelasyong lalaki ang magandang aktres, pero sa sinabi niyang iyon, madali sa mga netizens ang mag-isip ng kung ano.

Ang bongga-bongga pa naman ng exposure niya sa Batang Quiapo (BQ) na isang p*kp*k na babae na na-involve sa top ranking political family na kalaban nina Tanggol (Coco Martin), at naging congresswoman pa. 

Gumaganap siyang nanay ni Jake Cuenca na pinag-uusapan ang pagiging magkahawig na nila dahil sa kanilang kapayatan at mala-butu-butong awrahan ng mukha at katawan.

---

MARAMI pa ring mga celebrities natin ang patuloy sa pagiging vigilant hinggil sa mga nagaganap sa gobyerno, partikular na ang mga hearing sa parehong chamber ng Congress at Senate.

Mukha raw kasing moro-moro na naman ang kahihinatnan ng lahat lalo’t after mag-resign ni Sen. Ping Lacson bilang chairman ng ginagawang inquiry/investigation sa flood control issue, ipinatigil naman ito temporarily ni Senate President Tito Sotto. Dahil umano ito sa kawalan ng mga iba pang tatayong testigo sa mga inaakusahang mga sangkot.

‘Yung itinalaga namang ‘non-partisan agency’ na International Criminal Court (ICC) ay puro closed-door naman daw ang pag-iimbestigang ginagawa kaya’t nakanganga ang madlang pipol.

Ang ilan nga sa mga matitiyagang celebrities natin na tutok na tutok sa mga kaganapan ay sina Edu Manzano, Carla Abellana, Barbie Imperial, Cherry Pie Picache, Agot Isidro, Atom Araullo, Kara David at Alden Richards.

‘Yung iba ay tila nanahimik na rin at naghihintay lang ng posibleng mga plano sa future.

---

NOON pa namin nababalitaan ang diumano’y pagiging plastikada nitong si Tuesday Vargas.

Maraming beses na rin naman siyang nagpaliwanag ng kanyang panig pero tila mas marami ang ayaw maniwala sa kanya.

Sa isang mahabang post, sinagot ng komedyana-host ang naging paratang sa kanya kamakailan sa isang insidente sa Hong Kong, Disneyland.

Ayon sa nagkukuwento, nagsungit, nagtaray at may pabilug-bilog daw ng mata si Tuesday noong in-approach ito ng isang mag-lola na nais magpapiktyur dito.

Pinabulaanan ito ni Tuesday na sumumpang walang nangyari o hindi totoo ang insidente at pinagbigyan niya ang mga nakakilala sa kanya at nagpa-picture.

Hindi ito ang unang beses na nasangkot sa same incident si Tuesday. Kahit sa programang Face to Face (FTF) kung saan kasama siya nina Madam Korina Sanchez at Ryle Santiago ay may balita ring nagtataray raw ito kapag may sumpong or what.

Sa lakas ng personalidad ni Tuesday at sa talino rin nitong magsalita, baka nga nayayabangan sa kanya ang isang ordinaryong tao.

Pero dahil paulit-ulit na nga ang mga ganitong tsika, baka may something wrong sa paraan o manner ng komedyana-host sa pag-deal sa tao?

Mabuhay lang ang pamilya… MARK, PROUD NA NAGBEBENTA NA NG KARNE

ni Mercy Lejarde @Showbiz Talkies | October 6, 2025

Photo: YT ABS-CBN News (MyPuhunan)

Usapang negosyo ang naging kuwentuhan ng broadcast journalist na si Karen Davila at ng Bad Boy ng Dance Floor at aktor na si Mark Herras nang mag-guest ito sa DTI Asenso Pilipino.

Sa umpisa ng show ay naikuwento ni Karen na si Mark ay ultimate entrepreneur na rin at isa sa mga owners ng Farmers Meat Shop.

Tanong ni Karen, “Ano’ng feeling ng negosyante?”

Sagot ni Mark, “Ah, s’yempre, bago po lahat sa akin, marami pa akong inaalam na bagay-bagay. 20 years ang ibinigay ko sa showbiz, this is my first major business talaga. Very excited at natutuwa ako, very different from showbiz.”

Tanong ni Karen, “Ang negosyo mo ay Farmers Premium Meat Shop? And is it right to say isa kang franchisee? Ano ang sitwasyon mo, what’s the deal?”

Sagot ni Mark, “Meron po akong puwesto ng Farmers Meat Shop. Ito po ay sa Malate, U.N. Avenue, Manila. Ang Farmers Premium Meat Shop ay may sariling poultry sa Pangasinan at mayroong two branches doon. Ako po’y nag-invest ng malaking amount, and then naging partner po ako ng Farmers Meat Shop.”

Tanong ni Karen, “Ano ang ibinebenta ng Farmers Meat Shop?”

Sagot ni Mark, “Lahat po ng kailangan natin everyday — steak, pork, beef, at chicken, pati na rin siomai.”

Tanong uli ni Karen, “So, ang tagal mong artista, ang tagal mo sa showbiz, ano ang kaibahan mo sa business at showbizness?”

Sagot ni Mark, “Ah, dito po, ‘di ako umaarte. Dito, talagang totoong tao ‘yung mga humaharap at kinakausap mo. Nagbebenta ka ng mga produktong kailangan.

“Natutuwa ako sa sarili ko kasi sa showbiz, easy life. Aarte ka lang, punta sa set, susuweldo ka. Ito kasi, kaya s’ya mahalaga sa akin, s’ya ‘yung bumubuhay sa pamilya ko.

“Ang target ko kasi sa buhay is to provide, to be the provider of my family. Medyo hindi ganu’n kasuwerte sa showbiz, so ‘di ako puwedeng magpahinga o mag-relax. Iba ‘yung meron kang business na kayang bumuhay ng pamilya mo.

“Financially, hindi na ako kinakabahan. ‘Yung mga monthly bills, ‘yung mga bayarin, panganay ko, nag-aaral na ‘yung mga bata ngayon — ang mahal ng tuition. So ngayon, nagkaroon ako ng sandalan, sa totoo lang po.”

Tanong ni Karen, “Ano’ng nangyari sa ‘yo sa showbiz?”

Sagot ni Mark, “Actually, sa showbiz kasi, parang sinasabi nila, ‘Laos na ‘yan, nalalaos ka na,’ ganu’n! Hindi ka kasi nag-improve. Ako kasi, Ma’am, parang I’m very thankful and contented ako doon sa narating ko, like StarStruck. Mag-peak ng career, hindi ko na hinahangad na habang buhay akong nasa itaas. 

“Kumbaga, medyo mahirap din ‘yung buhay na ganu’n sa showbiz. But I’m really thankful for everything na nagawa sa akin ng GMA at nai-provide sa akin. ‘Di ko s’ya tinitingnan na parang failure. 

“Kumbaga, kung marami man ang umangat na, I’m happy for them. Mga kaibigan ko naman ‘yun. Basta ako, kuntento ako sa narating ko. Ang goal ko talaga until now is to have work, trabaho para makapag-provide sa family ko.”

Tanong ni Karen, “What was the lowest point in your life?”

Sagot ni Mark, “Dumating ako sa point na talagang kung provider ka, masakit sa loob mong manghiram ng pera, kahit kaibigan mo o hindi mo kaibigan. Dumating ako sa point na ganu’n, na nangutang ako. “S’yempre, nu’ng una, masama sa loob ko. Ayaw ko ito, ayaw ko ng ganitong pakiramdam. Hanggang sa gagawin mo lahat para sa pamilya mo.”

Tanong pa ni Karen, “Ano ang mga nagawa mo para sa pamilya mo?”

Sagot ni Mark, “Nagsayaw ako sa Apollo, pero I mean ‘yung Apollo po na ‘yun ay ‘di ko s’ya ginawa para magpaingay na naman. Manonood ako naman kasi talaga, trabaho ako, eh, kumbaga raket ‘yan. Game, ginawa ko ‘yan. Kayang-kaya kong isakripisyo kahit ano’ng puwede kong isakripisyo para sa pamilya ko. Kumbaga, family man po talaga ako. Wala akong pakialam sa sasabihin ng ibang tao.”

Very well said, Mark! Bongga ka d’yan! Ipagpatuloy mo lang ang business mo — sure si yours truly, marami ang bibili ng mga paninda mo. 

Pak, as in tumpak, Mark Herras!

---

NAPAPANAHON ang usapan ng success coach na si John Calub sa ilang miyembro

ng media.

Napag-usapan ang tungkol sa biohacking at frequency healing na maaaring maging susi sa paggaling ng cancer, diabetes, at iba pang sakit nang hindi gumagastos ng malaki sa tradisyonal na gamot at operasyon.

Natanong si Coach John Calub tungkol sa sakit ni Kris Aquino na autoimmune condition.

Sagot ni Coach John, “That can be traced through energy blocking kung bakit nagkaroon ng autoimmune.”

Kuwento ni Coach John, noong 2020, dumaan din siya sa mabigat na pagsubok nang dalhin siya sa ospital at ma-diagnose na may matinding gut health issues at isang bihirang kondisyon. Ito ay isang incurable condition, kaya araw-araw siyang nakararanas ng tinatawag na non-bacterial chronic pelvic pain syndrome (CPPS) — na ayon sa mga doktor, isang matinding sakit. 

Ngunit bilang isang “never give-up” success coach, nagsaliksik si John ng iba’t ibang solusyon at natuklasan ang larangan ng biohacking, ang sining at agham ng pagbabago ng kapaligiran sa loob at labas ng katawan upang magkaroon ng ganap na kontrol sa sariling biyolohiya. 

Ang biohacking ay gumagamit ng kombinasyon ng sinaunang karunungan at makabagong teknolohiya upang muling paganahin ang likas na kakayahan ng katawan na mabilis na magpagaling.

Kasama sa mga pinag-aralan ni John ang breathwork, ayurvedic herbs, biotechnology, ice bathing, red light therapy, grounding or earthing, frequency healing, genetic testing, at detoxing.

Nag-radiation therapy na… ATE GAY, TUWANG-TUWA NA LUMIIT NA ANG BUKOL SA 3 ARAW LANG

ni Mercy Lejarde @Showbiz Talkies | October 4, 2025

Photo: FB Gil Aducal Morales

Masaya ang singer-comedian na si Ate Gay sa kinahinatnan ng tatlong araw na radiation therapy niya sa Asian Hospital and Medical Center. Sabi nga ni Ate Gay sa post niya ay marami siyang anghel. 

Nagbahagi rin siya ng larawan kasama ang mga nurse ng hospital.

Noong October 2, nag-share siya sa kanyang Facebook (FB) page ng latest update tungkol sa kanyang kalusugan. 

Aniya, “Ang bilis ng pagliit ng bukol in 3 days… 10 cm (centimeters), naging 8.5 cm. Maraming salamat po sa inyong lahat na nanalangin ng aking agarang paggaling. Patuloy lang po.”

Marami ang natuwa sa ibinalita ni Ate Gay at napuno ng panalangin ang comment section ng post niya.

Matatandaan na ibinahagi niya kamakailan na na-diagnose siya ng Stage 4 cancer.

---

NAG-GUEST ang aktor na si Jeric Raval sa Fast Talk with Boy Abunda (FTWBA) kamakailan. Tinanong ng King of Talk kung nagalit daw ba sina AJ Raval at Aljur Abrenica matapos masabi ng aktor na may dalawang anak na ang dalawa.

Sagot ni Jeric, “Hindi naman. Actually, nadulas lang ako nu’n. Ang totoo n’yan, doon sa presscon namin, mayroon akong kausap. Na-overwhelm lang ako na parang normal na kuwentuhan.”

Kinumusta ni Boy sina AJ at Aljur. 

Sagot ni Jeric, “Okay naman. In fact, two nights ago, nandu’n kami sa bahay nila sa Angeles.”

Tanong ni Boy, hindi na ba babalik sa showbiz si AJ?

Sagot ni Jeric, “Sabi ko sa kanya, ‘Mag-artista ka hangga’t bata ka, balik ka.’ Medyo

napaso ru’n sa mga bashing, kasi puro below the belt. S’yempre, ‘pag bina-bash sila, automatic, kaladkad ‘yung pangalan ko. Pero ako, ‘di na ‘ko apektado sa ganu’n.”

Well, ang masasabi lang ni yours truly, balik ka na, AJ Raval, habang bata ka pa. Sayang ang kikitain, para rin sa mga babies ninyo ni Aljur Abrenica. 

Dapat ay dedma na lang sa mga bashers, ‘di ba naman, madlang pipol? 

‘Yun lang, and I thank you.

---

NAG-IISA lang ang aktres na si Rufa Mae Quinto dahil sa mga bonggang sagot niya sa tanong ng mga movie press.

Sa isang panayam ay natanong si Rufa Mae kung bakit siya sumali sa Your Face

Sounds Familiar (YFSF).

Makatotohanan naman ang hirit ni Rufa Mae sa kanyang sagot. 

Saad niya, “Alam ko na kahit ano’ng gawin ko, ‘yung boses ko, hindi naman magiging kapantay ng mga champions, ‘di ba? Pero humanda sila! So, ‘yun po ang dahilan. Gusto ko pong magkaroon ng bagong pamilya at gusto ko pong magpasaya ulit ng mga tao… para sumaya rin ako. 

“I’m depressed, but it’s okay because THERE’S FREEDOM OF THE PRESS. YES! Thank you, guys! So, mga press, family, mga friends, hooray! Yes! Mga press, ‘wag kayong ma-depress!”

Kamamatay lang kasi ni Trevor Magallanes, ang mister ni Rufa Mae sa edad na 38 at dumaan din siya sa matinding pagsubok nang makasuhan kaugnay sa reklamong investment scam.

O, ‘di ba? Depressed pa siya ng lagay na ‘yan, ha, paano pa kung hindi? 

Well, Rufa Mae Quinto is Rufa Mae Quinto. Pak, as in pak na pak, wapak, at tumpak, ganern!