Juday, kaya atras sa balik-tambalan nila ni Piolo… “SUBUKAN N’YA” — RYAN

ni Reggee Bonoan @Sheet Matters | April 25, 2026

Photo: Ryan Agoncillo - Instagram

Kaya naman pala hindi natutuloy ang pagbabalik-tambalan nina Judy Ann Santos at Piolo Pascual ay dahil sinabihan ang aktres ng mister niyang si Ryan Agoncillo na “Subukan niya.”

Ibig sabihin ni Ryan ay subukang gumawa ni Juday ng project na iba ang leading man at tiyak na mag-aaway sila pagkatapos.

Base ito sa tanong ni Matteo Guidicelli kay Ryan sa vlog niyang Matteo G Primetime (MGP) kung papayagan niyang gumawa ng pelikula si Juday na iba ang leading man.

Mabilis na sagot ni Ryan, “Subukan n’ya!”

Nagulat si Matteo na idinaan sa tawa. Maging si Juday ay natawa rin sa sagot ng asawa. 

Aniya, “‘Yan tuloy, naguluhan na silang lahat. Sabi mo, ‘Do it, go ahead,’ at hindi ‘Subukan mo.’”

Hirit kaagad ni Ryan, “Ako, ‘yun talaga ang sagot ko sa lahat. Bro, ako talaga, ang laging sagot ko sa kanya, gawin mo, saka na natin pag-awayan. Sorry. ‘Subukan mo’ pala is the inner monologue in my head.”

Sabi rin ni Juday, “Kasi ‘pag sinabi mong ‘Subukan mo,’ ‘di ko na gagawin!”

Samantala, may dagdag-paliwanag si Ryan, “These are quality women, right? And they know what they’re doing.”

Bago pa ikinasal ang dalawa noong 2009 ay napag-usapan na nila ang lahat tungkol sa trabaho, sa decision-making, sa mga anak at pati na rin sa kanilang respective families.

Kapag may project si Judy Ann ay ang aktres mismo ang magdedesisyon kung tatanggapin niya o hindi, pero siyempre, ipapaalam muna niya ito kay Ryan.

Sabi nga ng mister ng aktres, “Let the woman decide, then pag-awayan n’yo na lang after.”

At kaya raw tumatagal ang kanilang pagsasama ay dahil sa mga ganitong desisyon nila sa buhay.

Sa nasabing “Subukan niya” o “gawin niya” ay hindi naman binanggit kung sino ang particular na aktor na bawal makasama ni Juday, pero ang nasa isip ng lahat, kasama na kami, ay si Piolo Pascual dahil napakaraming projects na ang nai-pitch daw sa aktres na hindi umubra.

Pero nang i-pitch sa kanya ang Espantaho at ang leading man ay si JC Santos ay umokey naman kaagad si Juday at co-producer pa siya sa pelikula with Quantum Films, at nanalo pa siya ng Best Actress sa Metro Manila Film Festival (MMFF) 2024.

Going back to Judy Ann Santos, inaabangan ang kasunod ng Espantaho na sana ay muli siyang mapanood sa upcoming MMFF.

---

Ex-partner ng misis, na-hot seat sa show…

PIOLO, PILIT PINAAMIN NI MATTEO SA NANGYARI SA KANILA NI SARAH NOON

SPEAKING of Piolo Pascual, siya naman ang sumunod na guest ni Matteo Guidicelli pagkatapos ng mag-asawang Ryan Agoncillo at Judy Ann Santos.

Sa segment na Last Leading Ladies Standing ay ipinakita ang mga larawan ng mga naging leading ladies ni Piolo sa pelikula at serye, at unang ipinakita ni Matteo sina Bea Alonzo sa Dreamboy (2005) at Angel Locsin para sa Love Me Again (2009).

“I love them both. I can’t choose one because they’re both my friends,” saad ni Papa P.

Mas pinili niya si Bea dahil mas nauna raw niyang nakilala ito kumpara kay Angel, pero love niya pa rin si Mrs. Neil Arce.

Next picture was Bea versus Toni Gonzaga sa Starting Over Again (2014).

Natagalan bago sumagot si Piolo at napa- “Oh, my!” muna. 

Aniya, “That’s hard. I love Tin.”

“I know you love all your leading ladies, but that’s not the question. The question is if you’re given a project, who would you like to choose?” tanong ni Matteo.

“Okay, I’ll go for Bea. I’ve done two movies with Tin, and Bea, Dreamboy, so I want us to work together again. So, yeah, it’s Bea,” sambit ni Piolo.

Dagdag pa ni Papa P, “Your game is complicated.”

Sunod na larawan ay si Dawn Zulueta para sa Love Me Tomorrow (2016) versus Bea.

“I love Ms. Dawn. I super love her face, very motherly when we did the movie together, and we’re still in touch. Icon ‘yan, classic beauty, but I still go with Bea.”

Si Claudine Barretto ang sumunod na larawang ipinakita ni Matteo versus Bea pa rin.

“Clau, wow!” sambit ni Piolo.

Nagkasama ang dalawa sa pelikulang Milan (2004) na isa sa biggest hits ng Star Cinema mula sa direksiyon ni Olivia Lamasan.

“Yeah, I go a long way back with Clau. She helped me a lot in my career. We did a movie, Milan, and she really took care of me. We shot in Milan, Rome, Venice. She really took care of me when I was just starting off sa Star Magic, but I go with Bea as well. Love you, Clau,” say ng aktor.

Sumunod si Judy Ann Santos na nakasama ni Piolo sa Don’t Give Up on Us (2006) mula sa direksiyon ni Joyce Bernal, na isang certified box-office ulit.

“Okay, I’ll just let you know that I’ve been wanting to work with Juday for the longest time. Siguro, just what she said, we just wait for the right project. We did five or six movies, a lot of teleseryes, and she’s really helped me a lot in my career. And if given a chance, sana, ‘di kami sobrang tumanda bago magkatrabaho ulit. I’ll go with Juday. I love you, Bea,” paliwanag ni Piolo.

Tarush ni Juday, limang leading ladies ang pinataob niya dahil siya ang pinili ni Papa P.

At ang huli ay ang asawa ni Matteo na si Sarah Geronimo sa The Breakup Playlist (2015) versus Judy Ann.

“I still want to work with Sarah G. after The Breakup Playlist, especially now that she’s your wife. Sensitive rin kasi si Sars, magaling umarte. Pero s’yempre, ibibigay ko na s’ya sa tamang tao, so sa ‘yo na si Sarah, sa akin na si Juday,” kaswal na sabi ng aktor.

“Really?” tanong kaagad ni Matteo.

“Mahirap na,” nakangiting sabi ni Piolo.

Makulit si Matteo kung talaga bang mas pinili ni Piolo si Juday kaysa kay Sarah. Naiintindihan naman daw niya kung gusto pang maka-work ng aktor ang asawa niya.

“So, Judy Ann Santos wins!” saad ni Matteo.

Tanong pa kay Piolo, “So, if you guys would make a movie, what movie would this be? Action? Because Juday shoots now, bro.”

Drama ang sagot ni Piolo. Pero nag-suggest nga raw siya sa Star Cinema ng crime drama story na puwede nilang gawin ni Juday na mala-Mr. & Mrs. Smith.

Tanong pa ni Matteo kay Piolo, “Bro, aside from The Breakup Playlist, an amazing film, what’s your core memory about this movie with Sarah?”

“We were doing it hard kasi pareho kaming ‘di marunong mag-gitara, so pareho kaming nangangapa. So, there was a bit of a challenge,” balik-alaala ni Piolo.

“How was working with my wife?” tanong ni Matteo.

“It was fun. Mahiyain si Sars (Sarah), alam mo ‘yan. Pino-po pa rin n’ya ako. I had fun working with her. She’s really committed and mahal ng kamera. She’s a very great actress as well,” paglalarawan ng aktor.

“But I hope you guys can work again together, if not a movie or in a TV show or a concert. Or I can be… you and Sarah, husband and wife, I can be your son,” natawang sabi ni Matteo.

Natigilan si Piolo at napatingin na lang sa mga tao sa loob ng studio at sabay-iling kay Matteo.

“Well, it was just a dream. If we can go back in time, instead of The Breakup Playlist, instead of Sarah, it can be you and I. Please show the poster,” saad ni Matteo.

Tawa naman nang tawa si Piolo Pascual sa poster ng pelikula nila dati ni Sarah na pinalitan ni Matteo Guidicelli.

Napaka-witty ng mister ng Popstar, bagay sa kanya na maging talk show host dahil tsismoso at maraming input.

Bagong-buhay ngayon… SID, AMINADONG ‘DI PROFESSIONAL NANG MAKATRABAHO NOON SI SHAINA

ni Reggee Bonoan @Sheet Matters | April 24, 2026

Photo: IG @tv5manila & @nikkimedina

Sobrang grateful si Sid Lucero sa TV5 dahil nasama siya sa seryeng My Bespren Emman (MBE) na napakaganda raw ng kuwento at nababagay sa tulad niya na may mga pagkakamali sa buhay.

Sa totoong buhay, si Bespren Emman ay nandiyan lang sa tabi-tabi.

“Para sa akin, ang Bespren Emman ay ‘yung taong malapit sa ‘yo na ‘di natatakot sabihin sa ‘yo kung ano ang mali tulad ng mga matatalik kong kaibigan, my partner,” sabi ni Sid nang makausap siya sa mediacon.

Nabanggit pa ni Sid na ngayon lang siya nakagawa ng programang maganda at klaro ang mensahe na umiikot sa gustong iparating nito sa manonood.

Ang gaganap na Emman ay si Ely Buendia at nang mabasa ang kuwento ay umoo agad ang kilalang bokalista kaya hindi nahirapan sina Derick Cabrido at Enrico S. Santos ng Numinous Narratives. Bukod dito, napakasuwerte raw nila sa kanilang mga artista dahil lahat ay magagaling at walang pasaway.

Going back to Sid, unang beses niyang makatrabaho si Ai Ai delas Alas at speechless siya nang tanungin kung kumusta ang experience niya.

“It was an honor to watch her talaga, iyak nang iyak pa rin ako, nakakatuwa. ‘Yan ang take ko rito,” pahayag ni Sid.

Madre ang role ni Ai Ai sa serye kaya siguro panay pangaral siya kay Sid na questionable ang karakter.

At nang tanungin tungkol kay Shaina Magdayao, “Oh, that’s Shaina. Hahaha! Last time I’ve worked with her, I wasn’t professional.”

Kaagad na kinorek ni Shaina si Sid, “Uy, professional ka na ngayon, ako na po ang magsasabi, professional na po si Sid.”

“Getting there. Hahaha! Mga 65 percent,” tumawang sagot ni Sid.

Tungkol naman kay JM de Guzman, “JM is my brother. I love to work with him anytime, any day, no matter how long, how far. I don’t care, I will do it.”

Samantala, kapag walang trabaho si Sid ay ang negosyo nila ng anak ang inaatupag niya na may kinalaman sa mga motor at nasa bandang Parañaque raw ito.

Anyway, ang My Bespren Emman ang isa sa dalawang programang kasama sa Primetime Pa5iklab ng TV5 na lalong magpapalakas ng TodoMax Primetime Singko.

Ito ay co-produced ng Numinous Narratives at Spring Films, sa direksiyon nina Derick Cabrido at Jerome Pobocan. Mapapanood ito Lunes hanggang Biyernes pagkatapos ng A Secret in Prague (ASIP).

---

NAPANOOD namin ang advance screening ng A Secret in Prague (ASIP) at nagustuhan namin ito dahil unang-una, ang ganda ng Prague. Bago ito sa paningin kaya pala maraming nagsu-shooting doon at ibang kultura ang maaaring matutunan ng mga kababayan nating Pinoy.

Kasama si K Brosas bilang Donabel at ang asawa niya na si Ruben Maria Soriquez bilang si Viktor Valtrobi. Anak nila rito si Andrea Brillantes na sobrang bored na sa buhay dahil nasasakal siya sa kanyang mga magulang. 

Kaya nang makilala niya si Enrique Gil na masayahin sa buhay ay kaagad siyang nagkagusto dahil napapasaya siya nito.

Nagkakilala sina Donabel at Viktor at naging mag-asawa nang maging caregiver siya sa Prague, Czech Republic.

Kaya lang, si Viktor ang pinuno ng sindikato sa Prague na kinatatakutan ng lahat, pero pagdating kay Donabel ay tiklop siya.

Aniya, “Pero makikita mo dito na ‘di ako dark. ‘Di dark ang character ko. Ako ‘yung nagbibigay ng light. Tapos ‘yung asawa ko, si Viktor, under de saya sa akin. Consistent s’ya na kahit ano’ng tapang niya, pagdating sa akin, tiklop s’ya.”

Sa tanong kung kumusta katrabaho sina Enrique at Andrea, “Grabe! Si Enrique, dati nakatrabaho ko na siya o nakasama sa mga shows. Wala siyang ipinagbago. Sobrang bait nu’ng batang ‘yun.

“Si Andrea, ngayon ko lang nakatrabaho. Tawag n’ya sa akin, ‘Mama,’ on the set, off and on cam. Nakakatuwa,” say ni K.

Anyway, mapapanood din sa Netflix ang A Secret in Prague simula ngayong gabi, Biyernes, Abril 24, at sa Lunes, Abril 27 sa TV5, 8:00 PM.

2 BFF na aktor, kaya in-unfollow… DONNY AT KYLE, PINAGSESELOSAN DAW NG FIL-AM ACTOR BF NI MAYMAY

ni Reggee Bonoan @Sheet Matters | April 22, 2026

Photo: IG @kyleecharri & @donny & @maymay

How true kaya na nagseselos ang Fil-Am actor boyfriend ni Maymay Entrata na si Joaquin Enriquez sa mga kaibigan at katrabahong aktor nito?

In-unfollow kasi ni Maymay sina Donny Pangilinan at Kyle Echarri na parehong nakasama niya sa seryeng Roja gayung wala namang nabalitang alitan sa pagitan nila.

Marespeto ang dalawang aktor sa kanilang mga katrabaho kaya mapapaisip ka kung bakit biglang in-unfollow ng dalaga ang dalawa.

Usapan ngayon na may selos factor daw si Joaquin sa dalawa na nakilala niya noong nagsu-shooting sila ng Roja dahil dumadalaw umano siya sa set.

Kaya nagkakabiruan kung sino ang susunod na ia-unfollow ni Maymay Entrata na katrabaho niya sa ABS-CBN.

---

SA unang pagkakataon ay masama ang karakter ni Janno Gibbs sa action series na Totoy Bato (TB) ni Kiko Estrada at aminadong dream role niya ito dahil nga nakilala siya na laging good o naughty ang papel.

“Dream role ko maging bad kasi alam n’yo naman, komedyante ako, so bihira ang nagbibigay sa akin ng pagkakataon na mag-portray ng serious at lalo na medyo bad pa, so enjoy na enjoy ako and thankful,” kuwento ni Janno sa nakaraang finale mediacon ng TB na ilang gabi na lang ay mamamaalam na sa ere.

Nabanggit ng TV host, singer, actor at direktor na rin ng vertical series sa Viva Movie Box na suportado niya si Kiko dahil seryoso ito sa craft niya.

“First time at naging close talaga kami ni Kiko kasi role ko ay dikit kami dahil ako ‘yung tito n’ya.

“Sobrang bilib ako kay Kiko, tuwang-tuwa ako kasi gusto n’yang mapaganda talaga bawat eksena, bawat linya. Perfectionist s’ya, may drive talaga ‘yung bata at may passion kaya sinusuportahan ko at lalo akong ginaganahan sa ginagawa ko,” paglalarawan ni Janno kay Kiko.

Samantala, kinlaro ni Janno na sumusunod sila sa Eddie Garcia Law. Nabanggit kasi ni Diego Loyzaga na ‘putok-araw’ ang last taping day nila ng TB dahil tinapos ang lahat ng action scenes.

Sinalo rin ito ni Kiko mismo na hindi sila inuumaga sa taping at sa last taping day lang ito nangyari.

Abangan ang pagtatapos ng Totoy Bato sa TV5 sa ganap na 8 PM, handog ng MQuest Ventures, MavenPro, Studio Viva, SariSari at Epik, mula sa direksiyon nina Albert Langitan, Ambo Gonzales at Zyro Radoc.

---

ANG NUSTAR Online ay nagpapahayag ng kanilang pananabik at pasasalamat dahil nakakuha ito ng tatlong taong pakikipagtulungan sa Binibining Pilipinas, ang pinakaprestihiyoso at pinakalumang aktibong pambansang beauty pageant.

Bilang opisyal na presenter ng Binibining Pilipinas 2026, tinatanggap ng NUSTAR Online ang aktibong papel nito sa mga pre-pageant milestone hanggang sa coronation night.

Ang NUSTAR Online ay nananatiling nakatuon sa pagdiriwang ng pamumuhay at kultura sa pamamagitan ng pakikilahok sa mga kaganapang nagbibigay-kapangyarihan sa kumpiyansa, pagka-malikhain at pangako.

Para sa sponsorship ng Binibining Pilipinas, ipinagdiriwang ng NUSTAR Online ang indibidwalidad at kumpiyansa sa pamamagitan ng pagtukoy sa kinakatawan ng BBP –  kagandahan, katawan at pagkatao, mga haligi na gumagabay sa tatak sa pagkilala sa isang kandidatong tunay na kumakatawan sa modernong Filipina.

Habang nagpapatuloy ang kompetisyon, inilalapit ng NUSTAR Online ang pageant sa mga tagahanga nito sa pamamagitan ng mga pocket event, aktibidad na pinangungunahan ng brand at mga digital na inisyatiba sa mga darating na buwan.

Manatiling nakatutok para sa mga update.

Higit pa rito, ibinahagi ng NUSTAR Online ang eksklusibong pag-aalok nito ng Luxury Summer Getaway kung saan ang mga manlalaro ay may pagkakataong makaranas ng five-star stay sa NUSTAR Resort and Casino Cebu.

Sa mga aktibidad na ito, tina-tap ang organisasyon ng media upang tumulong sa pagpapalaganap ng mahahalagang gawaing ito. 

Naniniwala ang NUSTAR Online na makatutulong ito sa pagpapalawak ng mensahe sa mga parokyano, kliyente at bagong tagasunod ng brand.