Dagdag-sahod vs. taas-presyo

ni Madel Moratillo | February 12, 2023

Pinag-aaralan na ng Regional Tripartite Wages and Productivity Board ang hirit na P100 umento sa sahod sa National Capital Region. Ayon kay Labor and Employment Secretary Bienvenido Laguesma, sa ngayon ay patuloy ang mga ginagawang konsultasyon ng board hinggil dito.

Ang petisyon para sa P100 wage hike sa NCR ay inihain noong Disyembre ng nakaraang taon ng ilang labor group.

Nakasaad sa petisyon ang mataas na inflation kaya naman kailangan na rin umanong itaas ang suweldo ng mga manggagawa sa rehiyon.

Ayon kay Laguesma, kasama sa ikukonsidera ng wage board ang sitwasyon ng mga manggagawa at employer bago magdesisyon.

Giit ng opisyal, kailangang balansehin ang sitwasyon at tingnan lahat ng maaapektuhan.

Bagong teacher levels at mataas na sahod, aprub kay P-Du30

ni Lolet Abania | June 24, 2022

Nilagdaan ni Pangulong Rodrigo Duterte ang isang executive order na layong lumikha ng bagong titulong posisyon para sa mga guro, na labis namang tinanggap ng Department of Education (DepEd).

Ayon sa DepEd, ang paglikha ng bagong teaching levels na ito ay makapagpapalawak sa promosyon at karagdagang sahod sa mga guro.

Batay sa Executive Order No. 174 ni Pangulong Duterte, nabuo ang bagong position titles na Teacher IV, Teacher V, Teacher VI, Teacher VII, at Master Teacher V.

Nitong Huwebes nilagdaan ng Pangulo ang EO 174, na layon ding i-promote ang professional development at career advancement sa lahat ng public school teachers.

“The DepEd is jubilant about the timely issuance of Executive Order No. 174 titled Establishing the Expanded Career Progression System for Public School Teachers,” pahayag ng DepEd ngayong Biyernes.

“We shall work with the Civil Service Commission, the Department of Budget and Management, and the Professional Regulation Commission in formulating the rules and regulations of the EO,” sabi pa ng ahensiya.

Gayundin, ani DepEd, “[P-Duterte’s order will take effect] immediately after publication in the Official Gazette or in a newspaper of general circulation.”

Matatandaan nitong Marso, sinabi ni DepEd Undersecretary Nepomuceno Malaluan na ilang mga guro ang aniya, na-stuck bilang Teacher III level mula noong sumunod na available na posisyon, habang ang Master Teacher I ay kinakailangan ng mataas na educational requirements.

Sa kasalukuyan, ang Teacher I ay nakatatanggap ng Salary Grade 11; Teacher II ay nasa Salary Grade 12; at Teacher III nabibigyan ng Salary Grade 13.

Full face-to-face classes sa Agosto.. Taas-sahod sa mga guro, target ni VP Sara

ni Lolet Abania | June 20, 2022

Inihirit ng isang grupo kay incoming Vice President at Department of Education (DepEd) Secretary Sara Duterte na gawing tumulong sa pagsusulong ng salary increase para sa mga guro at tiyaking ang mga classrooms ay handa na sa susunod na school year.

Matatandaan noong 2020 ay nilagdaan ni Pangulong Rodrigo Duterte, ama ni VP Sara, ang Salary Standardization Law of 2019, na nagpo-provide ng taas-sahod o wage hikes para sa mga government workers, kabilang na ang mga public school teachers.

Ayon kay Alliance of Concerned Teachers (ACT) Secretary-General Raymond Basilio, “[it was not] merely about increasing but correcting the injustice done to our teachers.”

“We know that there are some limitations with the budget but we're doing this injustice to our teachers for several years already. Recently the Supreme Court upheld that the entry-level pay for nurses is Salary Grade 15 or P37,000,” ani Basilio sa isang interview ngayong Lunes.

“We have the same qualification for our military personnel, their pay has been increased years ago. It’s quite unfair for teachers who have the same qualification and job description have been left out,” dagdag pa niya.

Ayon kay Basilio, hindi rin nagbigay ng assistance ang gobyerno sa mga guro na tinamaan ng COVID-19. Aniya, nanawagan naman ang grupo para sa P3,000 emergency allowance sa mga guro.

“That’s the sad reality. Ni singkong duling po walang naibigay na assistance sa ’tin ang gobyerno. We had hundreds of teachers who died because of COVID-19. Ang dami nagkasakit,” giit ni Basilio. “Ang nangyari po dito nag-pass the hat. Nag-contribute ang teachers, nagtulong-tulong,” saad niya.

Apela pa ni Basilo na dapat ding tiyakin ni VP Sara na handa na ang mga pasilidad at ang mga paaralan ay kayang mag-admit ng lahat ng estudyante para sa incoming school year.

“Dito sa limited face-to-face, I’ve heard... tinatanggihan ng schools ang ibang estudyante na gusto sumali sa limited face-to-face, because of facilities. Walang classroom, walang sapat na bilang ng teachers,” pahayag niya.

Ayon pa kay Basilio, dapat ding bigyan ang mga guro ng mga gadgets gaya ng mga laptops at libreng masters’ degree education. Una nang sinabi ng DepEd na magpapamahagi ang ahensiya ng libu-libo ng laptops sa mga guro.

“Alam ko po maraming teachers ang nag-loan para makabili ng laptop computer. Natapos na po ang 2 years… ‘di pa rin dumadating sa teachers ang mga laptop computers na ito,” giit ni Basilio.

Samantala, bilang tugon ni VP Sara, sinabi nitong maghahanap siya ng paraan upang itaas ang mga sahod ng guro habang pinag-iisipan na niya ang pagpapatupad ng full face-to-face classes sa mga paaralan sa Agosto.

Sa press briefing ngayong Lunes ng umaga, binanggit ni VP Sara na nagbigay na ng instruksyon si President-elect Ferdinand Marcos Jr. na i-review ang pagpapatupad ng K-12 program ng DepEd.

Nang tanungin siya hinggil sa pagsusulong ng F2F classes sa Agosto, ani VP Sara, “We are targeting that, yes.” “We’ll look at how we’ll be able to push that from the other accomplishments [of the department],” pahayag niya nang tanungin naman patungkol sa panawagang itaas ang sahod ng mga guro.

“Actually, the Duterte administration did do something about that,” saad pa ni VP Sara, kung saan aniya, may salary increase na P23,877 mula sa dating P19,077. Ang entry-level teacher o Teacher 1, ay nasasakop sa ilalim ng Salary Grade 11 at makatatanggap ng monthly salary na P25,439.