Para mag-iwan ng tatak bilang producer… SYLVIA, MAY TAGOS SA PUSO ANG MGA GUSTONG GAWING PELIKULA

ni Rohn Romulo @Run Wild | Feb. 13, 2025

Photo: Sylvia Sanches - IG

Napanood na ngayon nationwide ang pampamilya at heartwarming na animated film na Buffalo Kids (BK) hatid ng Nathan Studios.

Happy ang producer at aktres na si Sylvia Sanchez kasama ang kanyang mister na si Papa Art Atayde, bunsong si Xavi at ibang kapamilya na nagustuhan ng mga nanood ang naturang pelikula na hindi lang pambata dahil makaka-relate rin ang mga adults.

Sey naman ni Ibyang kung bakit ganito ang latest offering nila, “Gusto namin sa Nathan Studios, iba’t ibang genre, ‘di puro action or drama lang. Gusto namin, ‘pag ipinalabas, meron talagang tagos sa puso, doon nila maaalala ang Nathan sa ganu’ng klaseng pelikula, tulad nitong Buffalo Kids.

“Makaka-relate ang lahat tungkol sa pagtulong at hindi panlalait at pagbibigay ng chance sa lahat. Nasa wheelchair man o wala, special or normal, kailangang bigyan ng chance lahat.”

Pagbabalita pa niya, “Ang next movie namin na ire-release ay tungkol sa magulang, ito ‘yung Picnic ng South Korea na kuwento ng mga seniors, lola’t lolo. Ita-Tagalize namin ‘yung movie. Ang magda-dub ay sina Ate Ces Quesada, Tita Nova Villa, Kuya Bodjie Pascua, Freddie Webb atbp..

“Gusto sana naming ipalabas sa Mother’s Day, pero magiging abala ang mga tao sa election, kaya baka sa April, pipili lang kami ng magandang playdate.

“Meron din kaming nakuha, isa pang South Korean movie na tungkol naman sa monk, ito ‘yung About Family na bida si Lee Seung-gi, comedy s’ya, pero may tagos din sa puso.”

Ibinalita rin ni Sylvia na naghahanda na sila dahil susubukan nila uling magpasok ng entry sa 2025 MMFF after ng Topakk na pinagbidahan nina Arjo Atayde at Julia Montes at nakasungkit ng tatlong tropeo — Fernando Poe Jr. Memorial Award for Excellence, Jury Prize Award at Best Float sa 50th MMFF.

Samantala, sa hindi pa nakakapanood, magkakaroon ng special run ang Topakk sa direksiyon ni Richard Somes sa UPFI Film Center Videotheque simula sa Thursday, Feb. 20 at 11 AM & 5 PM.

Ang iba pang dates and time ay: Feb. 21 (Fri) at 2 PM; Feb. 26 (Wed) at 2 PM; Feb. 27 (Thurs) at 2 PM, at sa March 1 (Sat) at 2 PM. 

Anyway, dapat sana, this month until March na ang shooting ng next movie na ipo-produce ng Nathan Studios, kung saan dadayo sila sa isang magandang lugar sa Cagayan de Oro, pero naurong ito.

Aniya, “Magro-roll kami ngayong May or June, pang-filmfest ‘yung movie at sana mapili at makasama.”

Bongga naman ang casting ng movie na tungkol sa ‘special’ love story, na balitang pumayag ang isang aktor-pulitiko kaya muli silang magkakasama ng premyadong aktres na kasama ni Sylvia Sanchez, dahil ang dalawang aktres ang gaganap na mga ina ng dalawang bida.

Kaya nakaka-excite ang mga susunod na pasabog na pelikula ng Nathan Studios, Inc. sa taong ito. 

Wetpaks, super-kinis daw… MARIS, TUMAKBO NANG NAKA-BRA’T PANTY LANG SA BAGUIO

ni Rohn Romulo @Run Wild | Feb. 11, 2025

Photo: Maris Racal - Incognito / IG

Pinag-uusapan talaga ngayon sa social media ang mapangahas na eksena ni Maris Racal sa Incognito kung saan tumakbo siya na naka-bra, panty at medyas lang habang nakikipaglaban.

Pinagbibidahan ito nina Richard Gutierrez, Ian Veneracion, Baron Geisler, Kaila Estrada, Anthony Jennings at Daniel Padilla.

Marami ngang bumilib sa tapang ni Maris na gawin ang mga nakakalokang eksena dahil hindi biro ang pinagdaanan niya bukod pa sa malamig na klima ng Baguio City, pero parang dedma lang siya.  

Mapapanood ito sa Episode 17 ng Incognito na may titulong Motive.

Of course, pinansin din ng mga netizens ang kanyang wetpaks na ang kinis-kinis.

Papasa raw si Maris na mag-Vivamax dahil sa kanyang kaseksihan.

Winner din ang tambalan nila ni Anthony sa serye, dahil nag-uumapaw ang kanilang chemistry, at hindi nagpapahuli sa pag-arte sa mga kasamahan nila.

---

SULIT na sulit ang ibinayad ng mga fans sa very successful na pre-Valentine reunion concert na Love, Sessionistas (LS) last February 8, 2025 sa The Theatre at Solaire sa Parañaque City.

Finally, natuloy na nga ang muling pagsasama-sama sa concert stage nina Ice Seguerra, Nyoy Volante, Sitti Navarro, Duncan Ramos, Princess Velasco, Kean Cipriano, at Juris.

Matagal-tagal na nga silang hindi nagkakasama sa mga live shows tulad ng ginagawa nila noon sa ASAP. March 2015 pa raw sila huling nagkasama-sama, kaya after a decade, natuloy na nga sa isang pasabog na concert na idinirek mismo ni Ice.

Dapat talaga ay 2019 pa plano na magkaroon ng big concert, inaayos na raw nila ang lahat pati ang venue, pero bigla namang nag-pandemic.

Pasabog ang opening number ng Sessionistas dahil binanatan nila ang Bohemian Rhapsody at We Are The Champion ng Queen, na pinalakpakan nang husto ng manonood.

Kasunod nito ang patikim na solo number ng pitong singers, most applauded dito sina

Duncan dahil sa Rainbow at Nyoy sa Someday.

Kasunod na kinanta ni Duncan ang sikat na kanta ng South Border na Ikaw Nga (theme song ng Mulawin).

Kasama rin sa concert ang segment na Dear Sessionistas kung saan ang mega love story letter senders ang kanilang napili na bigyan ng advice at special song, na for sure, maraming naka-relate at kinapulutan ng mga aral sa buhay.

May portion din sila kung saan na-showcase ang pagiging songwriters nila.

Next in line naman ang mga spot solo number nina Princess, Kean at Sitti sa kanyang huge hit na Para Sa Akin, na inihandog niya sa asawang si Joey Ramirez na nasa audience at nagse-celebrate ng birthday.

Much-awaited ang songs na Nasaan Ka Na ni Nyoy, ‘Di Lang Ikaw ni Juris at Pagdating ng Panahon ni Ice.

Sinubukan din nila ang kakaibang genre tulad ng pagra-rap habang humahataw, at tinawag nila ang grupo ng Sessionistas.

‘Kaaliw din ang version nina Ice, Nyoy, Kean at Duncan ng Gento ng SB19 at Salamin, Salamin ng BINI nina Juris, Sitti at Princess.

Kakaibang version naman ng Harana ang handog ni Kean at Buwan ni Nyoy.

Sa last segment ng concert, pinagtuunan naman nila ang tungkol sa pagiging mothers and fathers nila, na punumpuno ng inspirasyon, pati sa napiling mga songs. 

Masayang nagtapos ang concert, at ang iba nga ay parang nabitin pa sa napanood.

At sa mga hindi nakapanood at type ulitin ang sold-out concert na hatid ng Fire and Ice Entertainment, may repeat ito sa April 4, 2025 sa The Theatre at Solaire pa rin.

Movie nila, ipapalabas daw sa harap ni Pope Francis… MCCOY, TOTOONG DINURAAN SA MUKHA NI MON, MAY PLEMA PA

ni Rohn Romulo @Run Wild | Feb. 8, 2025

Photo: Si McCoy De Leon bilang si Fr. Rhoel Gallardo - Instagram

Nakakaloka ang mga rebelasyon ni McCoy de Leon na gumaganap na martyr priest na si Fr. Rhoel D. Gallardo sa pelikulang In Thy Name (ITN).

Maraming matitinding eksena na pinagdaanan ni McCoy sa pelikula at ang pinakamahirap raw ang ihian niya ang kanyang sarili at duraan siya ng plema ni Mon Confiado na gumanap sa role na si Abu Sabaya.

Nabanggit ni Direk Cesar Soriano sa mediacon na ginanap sa Claret School, ang torture scene na dapat iihian si McCoy ng mga Abu Sayyaf. Para hindi siya maihian ng iba, kaya siya na lang ang umihi sa sarili. 

Pero ang mas matindi niyang pinagdaanan sa shooting ay ‘yung duraan ni Mon ng sarili nitong plema.

“‘Yun talaga ang tumatak sa ‘kin, ang eksena namin ni Kuya Mon na dinuruan n’ya ako,” pag-amin niya.

“Pagkadura sa ‘kin, ang nasa isip ko, grabe ‘yung trabaho ko. After ng scene na ‘yun, actually, hindi ako pinaiiyak ni Direk Rommel (Ruiz), pero dumapa na lang ako at naiyak talaga ako nang totoo, at ang iyak ko as McCoy ‘yun, hindi iyak ni Fr. Rhoel, dahil hindi ko naman alam kung paano s’ya umiyak. 

“Pero ang iyak na ‘yun, parang totoo na ako na ‘yun, na sabi ko, bakit ko ginagawa ito at aabot sa duduraan ako sa mukha? Pero ang sarap sa feeling na na-sacrifice ko ang ganu’ng bagay, pero ang resulta, nagampanan ko nang maayos ang trabaho ko,” seryosong kuwento ni McCoy, na tiyak na hahangaan sa mahusay na pagganap.

Sabi naman ni Mon, may ubo raw talaga siya at may plema bago kunan ang eksena nila ni McCoy.

Kuwento niya, “Hindi talaga s’ya dura, plemang totoo talaga. Talagang inipon ko ‘yun nu’ng araw na ‘yun at ibinuga ko sa mukha n’ya. Kasi kung dura lang, hindi makikita, manipis ‘yun. One long take ‘yun, take one at dalawang dura ‘yun, dahil may closer shot pa.

“Doon ko nakita ang professionalism ni McCoy, at ‘yung mga sampal ko sa kanya, totoo ‘yun, walang daya talaga. Tumatama talaga ‘yun, kaya definitely, masakit ‘yun.”

Sa napanood naming trailer, maganda ang pelikula at ramdam talaga ang mga pinagdaanan ni McCoy, na hopefully marami ang makapanood sa March 5, na itinapat sa Ash Wednesday.

Nakatakda rin itong ipalabas sa mga simbahan, paaralan at iba’t ibang platform sa buong bansa.

May pasabog pang balita si Direk Cesar dahil ipapalabas din ang advocacy film na collab ng Viva Films at GreatCzar Media Production sa Vatican sa harap mismo ni Pope Francis. 

---

Sa media launch ng Mananambal (The Healer) last Thursday, February 6, natanong si Bianca Umali kung nagkaproblema ba sila sa billing niya sa poster ng movie. 

Balita kasing pinalalakihan ang name niya or ipantay daw kay Superstar Nora Aunor at base nga sa naturang poster na inilabas ng Viva Films ay nilakihan na nang bahagya ang kanyang pangalan at nasa ilalim ng National Artist for Film and Broadcast Arts at Superstar.

“I am shocked with that question po. But I want to handle it as professionally as possible,” paunang sagot ni Bianca.

Pahayag niya, “Hindi ko po alam kung ano ang mararamdaman ko, because I don’t have any idea about that.

“I want to clarify that the opportunity to work with the Superstar, with our National Artist, is already a blessing. And this opportunity, hindi ko talaga palalagpasin.”

Dagdag niya, hindi problema sa kanya ang billing dahil ang makasama lang si Nora ay sapat na.

Nagkuwento rin si Bianca tungkol sa mga memorable moments niya nang makasama ang nag-iisang Superstar.

Una na rito nang first time nilang mag-meeting para sa movie kasama ang buong cast. Hindi raw sila sigurado kung pupunta si Ate Guy, pero dumating siya sa venue.

Aniya, parang nag-slow mo (slow motion) ang mundo niya pagpasok pa lang ni Ate Guy at gustung-gusto niya itong yakapin. Uminit din ang mukha niya nang magkatabi sila sa sofa.

“Sabi ko, ‘Ate Guy, puwede po ba magpa-picture dahil ipapakita ko sa lola ko kasi tuwang-tuwa po siya nang malamang may pelikula po tayo.’”

Isa pang hindi malilimutan ni Bianca ay “‘Yung final scene namin. I was very nervous doing that scene, kaming dalawa lang magkasama sa set, together with Direk Adolf (Alix). Nasa gitna kami ng bundok, may falls,” na kung ilarawan ni Bianca ay “magical” daw talaga.

Samantala, ang Mananambal ay naging isa sa official entries sa Jinseo Arigato International Film Festival sa Nagoya, Japan na ginanap noong Mayo 25 at 26, 2024.

Sa naturang filmfest, nakamit ni Bianca ang isa pang milestone sa kanyang showbiz career, dahil siya ang tinanghal na Best Dramatic Actress, kung saan personal niya itong tinanggap.

Tampok din sa Mananambal sina Kelvin Miranda, EA Guzman, Jeric Gonzales, at Martin Escudero. Mula ito sa direksiyon ni Adolfo Alix, Jr.