Sa paggunita ng Undas P-Du30: Ipanalangin natin ang isa’t isa

ni Lolet Abania | November 1, 2021

Hiniling ni Pangulong Rodrigo Duterte sa mga Pilipino, kasabay ng paggunita ng All Saints’ Day at All Souls’ Day, na ipanalangin ang isa’t isa sa panahon ng COVID-19 crisis.

“As we follow the example of the saints and pray for our loved ones who have passed on, let us also pray for each other, especially during this pandemic,” ani Pangulong Duterte sa isang mensahe ngayong Lunes.

“We pray for those who have died because of COVID-19 and we also pray for those who have sacrificed life and limb to save more lives and keep us safe,” sabi ng Pangulo.

Ang tinatawag na centuries-old Catholic tradition ng pag-alaala sa ating mga yumaong pamilya aniya, “offers us a time to reflect and be grateful for the gift of life and the promise of eternity.”

“With the grace of the Almighty, I have full trust that we will brave these trying times and emerge as a stronger nation,” saad pa ng Punong Ehekutibo.

Milyun-milyong Katolikong Pilipino ang nakaugalian na ang pagdarasal at pag-aalay ng mga bulaklak para sa mga namayapa nang mahal sa buhay sa mga sementeryo tuwing Araw ng mga Santo at Araw ng mga Patay.

Gayunman, para maiwasan ang panganib ng pagkalat ng COVID-19, ipinasya ng gobyerno na isara ang lahat ng public at private cemeteries, memorial parks, at columbaria mula Oktubre 29 hanggang Nobyembre 2.

Samantala, idineklara ni P-Duterte ang Nobyembre 1 na All Saints’ Day bilang special non-working holiday at ang Nobyembre 2 na All Souls’ Day bilang special working day.

P-Du30, itinakda na ang 2022 holidays at special days

ni Lolet Abania | October 29, 2021

Inilabas na ng Malacañang ngayong Biyernes ang mga idineklara ni Pangulong Rodrigo Duterte na mga holidays at special days para sa taong 2022.

Batay sa Proclamation No. 1236 ni Pangulong Duterte, ang mga regular holidays, non-working days, at special working days ay ipapatupad sa susunod na taon.

Sa naturang proklamasyon, nakapagtala ng 10 regular holidays at anim na special non-working days. Sa 10 regular holidays, lima rito ay natapat ng weekends, habang ang anim na special non-working days, dalawa ang natapat na weekends.

Narito ang mga sumunod na petsa:

REGULAR HOLIDAYS

• Enero 1 - New Year’s Day

• Abril 9 - Araw ng Kagitingan

• Abril 14 - Maundy Thursday

• Abril 15 - Good Friday

• Mayo 1 - Labor Day

• Hunyo 12 - Independence Day

• Agosto 29 - National Heroes Day

• Nobyembre 30 - Bonifacio Day

• Disyembre 25 - Christmas Day

• Disyembre 30 - Rizal Day SPECIAL (NON-WORKING DAYS)

• Pebrero 1 - Chinese New Year

• Pebrero 25 – Anibersaryo ng People Power Revolution

• Abril 16 - Black Saturday

• Agosto 21 - Ninoy Aquino Day

• Nobyembre 1 - All Saints’ Day

• Disyembre 8 - Feast of the Immaculate Conception of Mary

SPECIAL (WORKING) DAYS

• Nobyembre 2 - All Souls’ Day

• Disyembre 24 - Christmas Eve

• Disyembre 31 – Huling Araw ng Taon

“For the country to recover from the COVID-19 pandemic, there is a need to encourage economic productivity by, among others, minimizing work disruptions and commemorating some special holidays as special (working) days instead,” pahayag ni Pangulong Duterte.

Ayon sa Pangulo, ang proklamasyon sa pagdedeklara ng national holidays para sa pag-obserba ng Eid’l Fitr at Eid’l Adha ay ilalabas ayon sa rekomendasyon ng National Commission on Muslim Filipinos, kung anong petsa papatak ang Islamic holidays.

Inatasan na rin ng Punong Ehekutibo ang Department of Labor and Employment (DOLE) sa pagpapalaganap ng guidelines hinggil sa naturang proklamasyon.

Sa Mayo 2025 na... P-Du30, ipinagpaliban ang Bangsamoro region elections

ni Lolet Abania | October 29, 2021

Opisyal na nilagdaan ni Pangulong Rodrigo Duterte ang isang batas hinggil sa pagpapaliban ng May 2022 elections sa Bangsamoro Autonomous Region in Muslim Mindanao (BARMM) at gagawin sa May 2025.

Isang larawan ang makikita na pinipirmahan ni Pangulong Duterte ang naturang batas na nai-post sa Bangsamoro Government’s official Facebook page ngayong Biyernes.

“Under the law, the first parliamentary elections in the Bangsamoro region shall be held and synchronized with the 2025 national elections,” batay sa caption nito.

Ang Bangsamoro Transition Authority (BTA) ang mag-o-oversee ng rehiyon hanggang sa May 2025 midterm polls.

Kinumpirma naman ito ni Presidential Spokesperson Harry Roque at inilabas ang kopya ng bagong batas kung saan pinahihintulutan si Pangulong Duterte na mag-appoint ng 80 bagong miyembro ng BTA hanggang May 2025 elections o hanggang ang kanilang successors ay mahalal.

Ang ratipikasyon ng Bangsamoro Organic Law noong Pebrero 2019 via isang plebiscite ang naging daan upang malikha ang BARMM at ma-abolished ang dating Autonomous Region in Muslim Mindanao (ARMM).

Kabilang sa BARMM ang Cotabato City, 63 barangay sa mga munisipalidad ng Aleosan, Carmen, Kabacan, Midsayap, Pigkawayan at Pikit sa North Cotabato.

Napalawak din nito ang jurisdiction o sakop na kalupaan at katubigan, fiscal autonomy, nadagdagan ang shares sa resources ng national government at iba pa.