Nakipagsabayan daw kay Maricel… DINA, TODO-BILIB KAY JOSHUA SA GALING UMARTE

ni Reggee Bonoan @Sheet Matters | May 1, 2026

Photo: IG _dinabonnievie & FB Joshua Garcia

Balik-ABS-CBN ang aktres na si Dina Bonnevie mula nang huli siyang napanood sa The Blood Sisters (TBS) ni Erich Gonzales noong 2018. 

Inamin ng aktres na nagpapasalamat siya na in-offer sa kanya ang Love is Never Gone (LING) dahil gusto niyang makatrabaho si Joshua Garcia.

Ito ang pagtatapat ni Ms. D sa nakaraang screening at mediacon na ginanap sa Gateway 2 Cinema 11 nitong Abril 28.

Aniya, “But I really, really wanted to work with Joshua kasi noong napanood ko s’ya sa movie with Julia (Barretto), sabi ko, ‘Ang galing ng batang ‘to, gusto kong makatrabaho.’ And then I saw him again sa movie n’ya with Maricel (Soriano), sabi ko, ang galing ng arya nila, ‘yung mahabang-mahaba n’yang arya. Pumalakpak talaga ako. Ang galing ng batang ‘to.”

Pero hindi lang naman si Joshua ang pinuri ng premyadong aktres, kasama rin ang vlogger na si Ivana Alawi na leading lady ng aktor.

Aniya, “Ivana, I wanted to meet her for the longest time kasi nagba-vlog din kaming family (Danica Sotto and Marc Pingris, Oyo Sotto at Kristine Hermosa), ‘di ba? So, gusto ko ma-meet ‘yung vlogger na ‘yun. But I didn’t expect her to be really warm. Akala ko, mataray s’ya. Pero she is so super-bait. She’s so loving, very generous.”

Ito ang ugaling nadiskubre ni Dina Bonnevie sa tagal ng shooting kasama sina Joshua Garcia, Ivana Alawi at iba pang cast ng Love is Never Gone na mapapanood eksklusibo sa Prime Video simula sa Mayo 8.

---

ANG bongga ng A Secret in Prague (ASIP) nina Enrique Gil at Andrea Brillantes dahil No. 1 na kaagad ito sa Netflix bilang TV series gayung kaka-streaming lang nito noong Abril 24 at nitong Lunes, Abril 27 naman sa TV5.

Bukod sa strong numbers ay kapansin-pansin din ang positibong feedback ng mga netizens na pumuri sa cinematic visuals ng show, kakaibang Prague setting, engaging storyline, at usap-usapang fresh na tambalan nina Andrea Brillantes at Enrique Gil. 

Para sa maraming viewers, fresh at world-class ang dating ng serye—patunay na naghahanap ang audience ng bagong klase ng entertainment experience.

Sa patuloy na momentum ng ASIP, mas exciting ang mga susunod na kabanata na siguradong magpapakaba, magpapakilig, at mag-iiwan ng bagong sikreto gabi-gabi.

---

ANG Indonesian-American singer-songwriter na Lullaboy ay babalik sa Pilipinas pagkatapos ipahayag ang kanyang ikalawang Asian tour na magaganap sa buong Hulyo at Agosto 2026 sa siyam na lungsod.

Mapapanood siya sa Teatrino Promenade sa Hulyo 17, 2026. Bilang bahagi ng tour na ito, gagawin ni Lullaboy ang kanyang debut sa Tokyo, Seoul at Hong Kong.

Makikita rin sa tour na Hotels & Heartbreaks ang pagbabalik ni Lullaboy sa mga lungsod ng Singapore, Kuala Lumpur, Jakarta, Manila, Bangkok at Taipei, kung saan natapos niya ang isang sold-out tour noong nakaraang taon.

Si Lullaboy ay hindi estranghero sa Pilipinas, na nagpunta rito noong nakaraang taon para sa kanyang unang Asian tour.

Minarkahan ng paglilibot ang isang matapang na bagong panahon sa karera ni Lullaboy, na nakasentro sa kanyang bagong lalabas na 12-song album na Hotels & Heartbreaks. 

Ang bawat palabas sa siyam na lungsod ay tatagal ng 90 minuto, na nagtatampok ng mga reimagined arrangement ng mga hit na kanta na nagbigay sa kanya ng titulo bilang award-winning na healer ng mga brokenhearted.

Kahit nasa TV5 na… SHAINA: FOREVER KAPAMILYA AKO

ni Reggee Bonoan @Sheet Matters | April 27, 2026

Photo: IG nikimedina

Answered prayer para kay Shaina Magdayao ang teleseryeng My Bespren Emman (MBE) dahil matagal na pala niyang gustong makagawa ng ganitong klaseng kuwento na ang huli niya ay bata pa siya.

Ito ang nasambit ni Shaina sa nakaraang Primetime Pa5iklab ng TV5 mediacon.

Aniya, “It’s very humbling kasi sa mga materyal na ginawa ko nu’n, ako ‘yung baby ng family, ako ‘yung Ryrie (Sophia) ng materyal and thirty years later, nandito pa rin ako, nabibigyan pa rin ako ng trabaho, nasa harapan n’yo pa rin ako at ilan po sa inyo ay lumaki na ako sa harapan n’yo.

“Now, I’m here in front of you not as the little girl in the story but I am now the mom. So siguro, ‘yung wisdom na nakita ko sa mas matanda sa akin when I was younger, ‘yung little Shaina na napakasuwerte to be able to share the screen with some of our great actors ngayon sa industriya, kasama si Mama (Ai Ai de las Alas) doon, dahil nu’ng teenage days ko, si Mama ang kasama ko sa Tanging Ina (2003, 2008, 2010 at 2011), isa s’ya sa mga naging modelo rin sa akin. Hopefully, hawak-hawak ko ‘yun, baon ko ‘yun for this show and for this role.”

Samantala, nagpapasalamat si Shaina dahil nakagawa siya ng serye sa TV5 at grateful din siya sa ABS-CBN dahil kasama niya si JM de Guzman.

“I think dumating na rin po sa point na buhay ko bilang isang tao at isang artist na kahit saan ako magtrabaho, kahit saan ako dalhin ng career ko, ‘di mawawala sa DNA ko ang maging isang Kapamilya, ‘di lang si Shaina bilang artista kundi si Shaina bilang tao.

“S’yempre, sila (ABS-CBN) ‘yung station na nag-raise sa akin at kung sino ako dahil din sa ABS-CBN. I’m grateful dahil napahiram ako because, sabi ko nga, this is an answered prayer dahil ‘di basta-basta ang materyal na ‘to, gusto ko talagang gawin. Maraming mga Emman din na kumausap to make this happen,” kuwento ni Shaina.

At tungkol naman sa love life ay nagkatawanan na lang ang lahat dahil sabi ng aktres, “Alam n’yo naman ang sagot ko r’yan, ‘di ba, hayaan na natin.”

Mapapanood na ngayong gabi, Lunes, Abril 27, ang MBE na co-produced ng Numinous Narratives at Spring Films, mula sa direksiyon nina Derick Cabrido at Jerome Pobocan.

---

Sistema ng gobyerno, kung ‘di na mababago…

ROBIN, SA NETHERLANDS NA ITITIRA ANG PAMILYA

GUSTO nang magretiro ni Sen. Robin Padilla sa parehong politics at showbiz kaya niya ibinebenta ang Museo de Padilla na matatagpuan sa Fairview, Quezon City.

Sa ibang bansa planong manirahan ni Robin kasama ang asawang si Mariel Rodriguez-Padilla at dalawang anak na sina Isabella at Gabriela, at makakatulong ang pagbebentahan ng Museo de Padilla para sa pagsisimula nila.

Kuwento ni Robin sa panayam sa kanya ng Bilyonaryo News Channel, “(Taong) 2010 pa nu’ng naging lovey-dovey kami ni Mariel, gusto ko nang mag-retire, magpunta sa abroad. Magpunta na nga kami ng Netherlands at Germany.

“Kung ‘di natin mababago ang sistema ng gobyerno sa Pilipinas, i-enjoy ko na lang ‘yung asawa ko, mag-ano na lang ako sa mga anak ko, kasi ‘di ako naniniwala sa sistema na ‘to. I’m sorry. Patawarin n’yo ako, ‘di ko nakikita ang future ng sistema na ‘to.”

Ito ang opinyon ng number one senador noong 2022 na sobrang excited nang manalo dahil marami siyang gustong baguhin para sa ikauunlad ng ating bansa. Pero hindi niya ito kaya nang mag-isa lang.

Pagdating naman sa showbiz, kahit gustung-gusto pa nitong makagawa ng maraming pelikula ay wrong timing na dahil iilan na lang ang kumikitang pelikula ngayon at hindi na rin bumalik ang sigla ng mga nanonood sa sinehan dahil mas gusto na lang nilang manood sa streaming platform.

Kahit inulan ng papuri… BINI, SOBRANG IYAK SA DINANAS SA COACHELLA

ni Reggee Bonoan @Sheet Matters | April 26, 2026

Photo: Ryan Agoncillo - Instagram

Worth it ang maiinit na palakpak at paghanga na nakamit ng Nation’s Girl Group na BINI sa historic performance nila sa katatapos na Coachella 2026 Music and Arts Festival na ginanap sa Empire Polo Club sa Indio, California, USA nitong April 10 hanggang April 19.

Nakabibingi ang mga naririnig naming hiyawan at magagandang komento sa BINI base sa napanood naming videos na nag-trending sa social media, bukod pa sa post ng Coachella Facebook (FB) account.

Kaya pala grabe ang iyak ng BINI kasama na ang mentor at Star Magic/TV Production head na si Direk Laurenti Dyogi dahil sa likod ng mga papuri sa kanila ay sobrang hirap pala ang dinanas nila simula sa paglakad ng kanilang mga papeles na kailangan para makalipad sila papuntang Amerika.

Sa napanood naming TikTok (TT) video, naikuwento ni Direk Lauren na may inquiry sa BINI noong nakaraang taon.

“I will not deny, nakakuha na kami ng certain inquiries and interests, so we’re meeting some people here for future collaboration and partnerships for performances. ‘Di pa namin masabi kung ano man ‘yun, but at the right time, mararamdaman din natin ‘yung epekto ng Coachella performance nila and the mileage that we get,” say ng manager ng grupo.

Maraming sakripisyo at pagsisikap ang Team BINI para makapunta sila sa Coachella at dahil mahal ang pamasahe sa eroplano ay key people lang ang isinama at multi-tasking sila. 

Wala silang assistants tulad ng nakasanayan kapag may mga shows.

“Planning pa lang for Coachella, ang dami na naming struggle financially. Kailangan naming magtipid. Whatever we were getting from Coachella was not enough to cover our expenses,” saad ni Direk Laurenti.

Ang laging iniisip nila, ang misyon nila sa Coachella ay mas maipakilala pa ang musikang Pinoy globally.

Sobrang papuri ni Direk Lauren sa BINI dahil sa pagiging team players at pagiging maunawain sa mga hamong pinansiyal ng ABS-CBN.

“The girls, I have so much respect for them dahil wala silang arte, wala silang reklamo. They are willing to wrap it up. They carry their own stuff, cook for themselves, wash dishes, clean up,” saad ng head ng Star Magic.

Nagbalik-tanaw si Direk Lauren na sa bawat pagsubok ay may katapat na biyaya.

“In 2020, we were supposed to launch BINI but we couldn’t do it because ang daming nangyari. There was a global issue of COVID and at the same time, there was the shutdown of ABS-CBN. We didn’t know kung ano’ng mangyayari sa amin.

“This seems to be happening again. There is a global crisis that started in the year with a war in the Middle East, and then there’s another issue with ABS-CBN.

“Parang nauulit ‘yung nangyari before, but I suppose this can also be a good sign na something big will happen in the future.

“‘Pag maraming dagok ang dinaranas, parang we also receive a lot of blessings. And I suppose this Coachella experience is one of the biggest blessings not only for BINI, but also for ABS-CBN,” kuwento ng TV executive.

At heto, pagbalik ng bansa ng BINI ay may two-night sold-out concert sila na may titulong Signals World Tour 2026 na gaganapin sa SM Mall of Asia (MOA) Arena sa Hunyo 20 (Sabado) at 21 (Linggo).

---

ANG mga kapamilya ni Luis Manzano na sina Batangas Governor Vilma Santos-Recto at Jessy Mendiola-Manzano ang napanood sa pagbabalik ng Kapamilya Deal or No Deal (KDOND)  para sa ika-anim nitong season na nagsimula na kagabi, Sabado (April 25), at mapapanood naman ngayong gabi, Linggo (April 26), si Jodi Sta. Maria bilang guest.

Napapanood ang KDOND sa ABS-CBN sa ALLTV2, A2Z, Kapamilya Channel, iWant, at Kapamilya Online Live sa YouTube (YT) channel ng ABS-CBN Entertainment tampok ang brand-new episodes at bagong set ng Lucky Stars.

Sa susunod na mga episodes, makikilala rin ng viewers ang official first batch ng Lucky Stars na makakasama ni Luis na sina AC Bonifacio, The Aguinaldos, Arizona Brandy, Asia Yoona, Aubrey Miles, Christine Samson, Cris Villanueva, Diego Gutierrez, Eric Fructoso, Inah Evans, Jameson Blake, Jeremy G., Jopay Paguia, Kolette Madelo, Long Mejia, Negi, Rave Victoria, Red Ollero, at Ynez Veneracion.