Nainsulto sa blind item, pumiyok, ‘di na raw uulitin… BARBIE, UMAMING MARAMING SPONSORS SA BAGONG BAHAY

ni Reggee Bonoan @Sheet Matters | February 5, 2026

Photo: Barbie Imperial - IG

Inamin ni Barbie Imperial na mahilig siyang mag-react sa mga bagay-bagay lalo na kung hindi totoo, at isa na nga rito ang blind item tungkol sa isang aktres na nakapagpatayo raw ng bahay sa South na bigay umano ng isang mayamang lalaki.

Nataon kasing nag-post ang aktres sa kanyang social media accounts ng perspective house design ng ipagagawa niyang bahay sa Bicol, na ayon sa kanya ay matagal na niyang pangarap.

Nabanggit din sa post ni Barbie ang ilang detalye tungkol sa bahay, na ang pinsan niyang arkitekto ang nag-design nito, atbp..

Sakto naman na ilang minuto lang matapos mag-post ni Barbie ay naglabas ng blind item ang isang website tungkol sa aktres na may bahay courtesy of a benefactor. Kaya ang intindi ni Barbie ay siya ang tinutukoy sa blind item at talagang nag-react siya. 

Sa panayam sa kanya sa Ogie Diaz Inspires ay ikinuwento ni Barbie kung bakit niya inangkin ang blind item at kung bakit sa Bicol siya nagpatayo ng bahay at hindi sa Manila kung saan siya nagtatrabaho.

“Unang-una po, ‘di kaya ng budget dito sa Manila. Hahaha! Naisip ko po sa Bicol kasi pangarap ko po talagang magka-bahay na sarili ko po talaga. Mayroon po kaming bahay ru’n na binili ko para kay Mama, sa kanya na po ‘yun, pero ako, Tito, ever since, pangarap ko na may swimming pool, tapos may second floor,” kuwento ng aktres.

Lumaki siyang walang sariling bahay at palipat-lipat lang sila kaya ipinangako niya sa sarili na kapag nagkapera siya ay bahay ang una niyang project. Ito ay mula pa noong nakapasok siya sa Pinoy Big Brother: 737 (PBB737) noong 2015 kung saan tinawag siyang ‘The Doll Along the Riles of Albay’.

At tungkol nga sa blind item, ani Barbie, “Alam mo, Tito, nu’ng 2026 kasi, ipinangako ko sa sarili ko na ‘di puwedeng ‘di ko ipagtatanggol ang sarili ko ever kasi ang tagal-tagal kong naba-bash. At ‘yung time na ‘yun na lumabas ang blind item, ang daming nagta-tag sa akin, ang daming nagse-send sa akin at ‘yung comments, actually, pangalan ko. Kaka-post ko lang po, Tito, kaya sumama ‘yung loob ko na parang ‘Maging happy naman kayo para sa tao,’ ‘di ba? Nagpapabahay, tapos may ganu’ng blind item?

“Kaya dinefend ko po ang sarili ko at nag-message rin po ako sa Radar.ph nang maayos po. And honestly po, wala po akong problema sa kanila. Alam ko po na ginagawa lang po nila ang trabaho nila, but nu’ng time na ‘yun I have to defend myself, Tito, kasi pinaghirapan ko ‘yun, pera ko ‘yun lahat. Wala naman po sigurong masama kung ide-defend ko ang sarili ko.

“Ang dami pong nagsasabing ako ‘yun kasi ako ‘yung kaka-post lang. And honestly, Tito, ayoko lang magtuluy-tuloy ‘yung blind item at gusto ko nang itigil na ‘di ako ‘yan. ‘Yun lang po ang gusto kong mangyari that time.”

Singit ni Ogie, “Alam mo naman ‘pag blind item, whether it’s true or not, ‘di ka dapat mag-react, ‘di mo dapat akuin ‘yung blind item.”

Tawa nang tawa si Barbie, “Opo, next time, ‘di na po.”

Nakaganda rin na sumagot si Barbie dahil noong sagutin niya ang blind item ay wala na raw masyadong nag-comment na siya ang tinutukoy. Ang naging komento na lang ay kung bakit nag-react ang aktres sa blind item na sa madaling salita ay inangkin niya ito.

“Hindi naman ikaw ‘yung taong ‘yun na married man na nagbigay ng bahay,” sambit ni Ogie.

Pangungulit ni Barbie, “Sino po ba kasi ‘yun? Hahaha! Opo, ‘di kami ganu’ng level ni Chard (Richard Gutierrez) na bahay-bahay ang ibinibigay. Regalo lang.”

Nasambit din ni Ogie na malaki ang naitulong ni Barbie sa website dahil dumami ang mga followers nito. Ano ang natutunan ng aktres sa isyung ito?

“‘Di po ako nagsisisi na nag-react ako kasi nakita ko rin ‘yung comment ng ibang tao na ipinagtanggol nila ako. Siguro sa next time po, ‘di na lang ako papatol. Bawal pala, ‘yun pala ang rules n’yo. Hahaha! So, kayo, puwedeng mag-blind item pero bawal sumagot?” sabi pa ni Barbie.

“Umaray ka kasi maraming nagta-tag sa ‘yo,” diin ni Ogie.

At dito na ikinuwento ng aktres ang naging proseso kung paano niya nabili ang lupa na pag-aari pala ng kanyang lola.

“Nu’ng 2022 po, buhay pa ang lola ko. Pinsan ng lolo ko si Lola Pepita Imperial. Marami s’yang lupa sa Bikol, so binentahan n’ya ako ng lupa na 400 square meters pa lang nu’ng time na ‘yun kasi ‘yun pa lang ang kaya kong bayaran.

“Tapos nu’ng 2024, sabi ko, ‘Lola, may ipon na ako ulit. Puwede ko bang bilhin ‘yung katabi?’ Kasi magkatabi lang. So, 600 square meters ata ‘yung pangalawang nabili ko. Pinag-isa ko na lang ‘yung dalawang lote at ipina-register ko na isa na lang.”

Ang pinsan niyang si Architect Tricia Marbella ang nag-design ng bahay.

At dahil gusto nga niyang makapagpatayo ng bahay, super-tipid si Barbie at lahat ng kinikita ay iniipon niya kesa mag-travel.

“Si Richard, nu’ng nagkakilala kami, travel nang travel. ‘Yung kita ko po, ini-invest ko, nagnenegosyo po ako. Matalino ako sa pera, Tito, kasi ayaw kong dumating ‘yung panahon na wala akong mapupuntahan. ‘Pag babae ka, importante, may pera ka para ‘pag gusto mong iwanan ‘yung sitwasyon, kaya mo kasi may pera ka.

“Anyway, ‘yung bahay ko po, Tito, sobrang smart kung paano ko po nabuo ‘yun. Diniscountan ako ng malaki ng lola ko, tapos, ang architect ko, pinsan ko na sobrang close ko. Marami akong sponsors — Boysen (sa) pintura, ultimo inidoro, mga stove, aircon. Sabi ko nga, bakit ang semento, ‘di nag-sponsor? Sayang, ‘yun ang pinakamahal.

“Katas ng pag-iipon talaga, Tito, saka ‘di ako mahilig mag-shopping-shopping. ‘Pag may nagbigay na may discount, puwede, pero ‘pag walang discount, ayaw ko at saka kung ‘di kailangan.”

Pero nang maging sila na ni Richard ay mahilig daw itong magregalo.

“Okay na ‘yun, maregalo s’ya,” tumatawang sambit ng girlfriend ni Chard.

Sa tanong kung nakikita ni Barbie ang future niya kay Richard, sagot niya, “Gusto ko pong maging honest. Parati ko pong sinasabi ito noon sa mga naging boyfriends ko na lagi akong ina-ask. Sabi ko lagi ‘Oo,’ eh, wala naman na sila ngayon.

“Kaya ayaw kong magsalita ngayon about it. If ibibigay s’ya ni God, then okay, if hindi, okay din. Basta ang pinakaimportante is grabe ‘yung growth ko with Richard. As in nag-mature talaga ako, Tito, sa mga desisyon ko sa buhay, especially ‘yung think first bago ako magsalita. Kasi dati, ‘pag alam kong tama ako, enough na ‘yun para i-defend ko ang sarili ko.”

Magkaiba raw ng ideya sina Richard (42) at Barbie (27) pero itina-try nilang i-workout ito.

“Ang dami n’yang ideas kasi 42 na s’ya, ako naman, mga Gen Z things kaya tawang-tawa s’ya sa akin. ‘Yung mga jokes ko kasi, ang tingin ko kay Richard, seryosong tao, action star. Kaya ‘pag nagdyo-joke ako at ipinapakita ko ang TikTok, tawang-tawa s’ya kasi ‘di s’ya nagso-social media. Instagram (IG) lang kaya ‘di n’ya alam ‘yung ibang mga vlogs, kaya tawa s’ya nang tawa,” tsika pa ni Barbie Imperial.

Well, age doesn’t matter, basta masaya. Hahaha!

Madir, namatay na ‘di sila okay… “‘WAG SANA AKONG KARMAHIN” — MARIEL

ni Reggee Bonoan @Sheet Matters | February 2, 2026

Photo: Julius Babao Unplugged / YT

Malungkot na inamin ni Mariel Rodriguez sa panayam sa kanya sa YouTube (YT) Unplugged vlog ni Julius Babao na namatay ang kanyang ina na hindi sila in speaking terms.

Masayahing tao si Mariel at nagkaroon kami ng pagkakataon na makasama at makakuwentuhan siya noong aktibo pa siya sa showbiz. Nagkakakumustahan pa rin kami at kapag may mga tanong ay agad naman niyang sinasagot.

Kaya laking-gulat namin nang tanungin siya ni Julius kung ano ang nagpapalungkot sa kanya dahil masayahin siya at kapag magkasama sila ng mister niyang si Sen. Robin Padilla ay maligaya rin siya. 

Inamin pa niyang natatawa raw sa kanya ang asawa dahil sa kanyang kakikayan.

Ito ang sagot ng wifey ni Robin kung ano ang nagpapalungkot sa kanya.

“When I think of my mom (ipinakita ang larawan nilang mag-ina), ‘yun talaga, Julius. ‘Yun ang cross that I will bear for the rest of my life,” malumanay niyang sagot.

Dito ipinagtapat ni Mariel na may mga isyu sila ng kanyang ina.

“Just like everybody, they have issues with their parents, with their moms siguro. Because my mom died all of a sudden, I always thought that we would have more time with her, and I wasn’t exactly the greatest daughter. So that is the cross that I will bear for the rest of my life.

“I hope that she forgives me, at ‘yun ang dasal ko. Kinakatakutan ko na rin kasi naniniwala ako sa karma, ‘wag sana akong karmahin one day. Sana, ‘yung mga kids ko, ‘di kami magkaroon ng ganu’ng relationship, kasi ‘di kami laging magkasundo ng mom ko,” malungkot na pahayag ni Mariel.

Regrets ang sinambit ni Mariel na dala-dala niya hanggang ngayon.

“Ang bigat pala, Julius. Dadalhin mo na lang siguro kasi ‘di mo na maitama. Never mo na maitatama. Siguro dapat, mas inintindi ko pa, dapat hinayaan ko na lang,” sabi ni Mariel.

Ano raw ba ang dapat niyang ginawa? 

Sey ni Mariel, “Siguro ‘yung pag-intindi. Mas dapat inintindi ko pa.”

Kaya nang pumanaw ang kanyang ina noong Disyembre, 2023 ay hindi sila in good terms.

“No, hindi. In fact, ‘yung time na ‘di kami okay, seasonal ang galit ng mom ko. Nu’ng time na namatay s’ya, ako ‘yung season. My pictures were down in her house. She took my pictures down. ‘Yung ganu’n, season ko.

“That’s why I always tell people, when you think about it, in everything else in life, it’s always a chance to make up. It’s always a chance to have another day one. But when they’re gone, there’s no day one. That’s it.

“So you really have to weigh it, what matters more — ‘yung pinag-aawayan n’yo ba, ‘yung ‘di n’yo pinagkakasunduan, or the relationship, or the fact that she’s your mother and you owe her your life,” malumanay na sabi ni Mariel kay Julius.

Tugon ng Unplugged host, “The realization came late,” sabay tango ni Mariel. 

Aniya, “At least, naibabahagi natin sa mga viewers. At least, alam nila na baka puwedeng mangyari sa kanila.”

“Yes, ‘yung akala ninyo na tatawagan ko na lang mamaya o bukas na lang. ‘Yung sa dad ko, sa grandparents ko, alam ko na ‘yung mali ko, kaya ‘di ko na ‘yun gagawin sa kanila. Pero ‘di pa rin mae-erase ‘yung nagawa ko sa mommy ko,” sabi pa ni Mariel Rodriguez Padilla.

---

Mga kamiyembro, naunahan…

BINI JHOANNA, ARTISTA NA

WOW! Artista na si BINI Jhoanna Robles. May cameo role ang isa sa miyembro ng P-pop girl group na BINI sa three-minute short film ng Puregold Sari-Sari Stories na may pamagat na The Witness (TW).

Ipinagpapatuloy ng Puregold ang pasasalamat nito sa mga may-ari ng sari-sari store o maliliit na negosyante sa serye ng Sari-Sari Stories, sa pinakabago nitong video na nagtatampok ng espesyal na cameo from BINI.

Ang TW ay isang maiksing pelikula ng kuwentong pag-ibig, coming of age, at pagyabong ng pagmamahal sa pagdaan ng mga taon, na hinubog ng pagmamahal at pananatili, at natunghayan sa tahimik na presensiya ng may-ari ng sari-sari store.

Dagdag sa ganda at koneksiyon ng naratibo ang cameo ni Jhoanna, na binibigyang-diin ang mensahe ng pelikula: pasasalamat sa mga may-ari ng maliliit na negosyo sa bansa.

Sinang-ayunan din ni Jhoanna ang gampanin ng mga sari-sari store sa araw-araw nating pamumuhay.

“Importante na ‘di mawala ang sari-sari store. Bukod sa pagiging very Pinoy, ito pa rin ang pinaka-accessible sa maraming komunidad. Iba pa rin ‘yung may mapupuntahan kang malapit sa ‘yo,” ani Jhoanna.

Kahawig ng pananaw ni Jhoanna ang damdamin ni Puregold Senior Marketing Manager Ivy Hayaga-Piedad.

Aniya, “Lagi-laging kakampi ang Puregold ng mga maliliit na negosyante sa bansa. Sa pamamagitan ng Sari-Sari Stories, patuloy naming itinatampok ang mahalagang gampanin ng mga may-ari ng sari-sari store sa ating pang-araw-araw na pamumuhay.”

Dahil sa akses sa mga pangunahing pangangailangan, pinagtatagpo rin ng mga tindahang ito ang mga tao sa komunidad.

Pagpapatuloy ang The Witness ng mahuhusay na kuwento mula sa Sari-Sari Stories gaya ng Ways na itinampok si Stell ng SB19, at The Sign na isinama naman si Skusta Clee.

Sa kabuuan, nagsimula ng mga usapan ang serye at nakalikha ng koneksiyon sa mga netizens, Aling Puring members, at tagasubaybay ng Puregold—patunay ng mahalagang papel ng mga sari-sari store sa araw-araw na buhay ng mga Pilipino.

Habang nagpapatuloy ang serye, lalo pang hinihikayat ang mga manonood na abangan ang mga susunod na kuwento, repleksiyon ng integrasyon ng mga sari-sari store sa buhay ng mga tao at sa mga komunidad na kanilang pinaglilingkuran.

Wa’ nang hiya-hiya, endgame na raw ang aktres… AIKO AT ONEMIG, UMUUTOT NA SA HARAP NG ISA'T ISA

ni Reggee Bonoan @Sheet Matters | February 1, 2026

Photo: IG @uno_111

“You're my life, you’re my end game,” ito ang huling sabi ni Onemig Bondoc kay Konsehala Aiko Melendez sa vlog na una niyang ini-upload.

Medyo naguluhan kami sa relasyon ng dalawa dahil sa vlog ay hindi pa sila opisyal na magdyowa, pero ang manager ng aktres na si Ogie Diaz ay sinabing ‘sila na.’ Ano ba ang totoo?

Kaya nang maka-chat namin si Ogie habang isinusulat namin ang balitang ito, tinanong namin kung ano ang totoo at nabanggit namin kung ‘for the views’ lang ba ang vlog ni Onemig na hindi pa sila, pero hindi kami sinagot ng manager ni Aiko.

Feeling namin ay late upload itong vlog ni Onemig dahil ang senaryo ay nasa resort pa sila, samantalang nu’ng ibinalita ni Ogie na ‘sila na’ ay kamakailan lang.

Anyway, ‘kaaliw naman ang love story nina Aiko at Onemig dahil bata pa lang sila ay pinagtagpo na dahil sa iisang condominium building sila nakatira sa Greenhills. Nabanggit din ng dating aktor na nagkikita sila sa swimming pool pero bata pa sila at hindi nga raw siya pinapansin ng konsehala.

Sabi ni Aiko, “We’ve been friends for 29 years, ‘di alam ng mga tao ‘yun. Lumalabas tayo, walang tsismis and everything.”

Apat daw sila laging lumalabas at one of the boys si Aiko dahil nag-iisa lang siyang babae, at ang dalawang lalaki ay parehong kaibigan ni Uno na sabi niya ay chaperon niya dahil hindi siya makapagsalita noon.

“May spokesperson ako kasi torpe ako,” saad ng single dad na ngayon.

Hirit ni Aiko, “Lagi kaming lumalabas pero walang nakakaalam kung ano ang feelings n’ya sa akin. It’s always Kenny (kaibigan ni Uno) who tells me. Kaya sabi ko, ‘Bakit may spokesperson, bakit kailangan ng ganu’n?’ Tapos, nawala na ‘yung communication namin.”

Paliwanag naman ni Onemig, “Dahil sa pride kaya nawala kasi isip ko kung sino ba ‘yung mga ex (boyfriends) n’ya kumpara sa akin. Kaya sabi ko, parang ‘di naman ako seseryosohin nito. Natakot din ako kasi I came at that time sa malungkot na relationship kaya natakot ulit akong masaktan. Feeling ko, sasaktan ako ulit ng babaeng ‘to kaya I decided to stop and not pursue her.” 

Isa pang pangyayaring hindi raw niya makalimutan ay nang ihatid ni Uno si Aiko sa bahay nila at hindi niya nakilala ang mommy nitong si Gng. Elsie Gatchalian at nasipat lang siya sa bintana, pero mula noon hanggang ngayon ay hindi raw siya nakakalimutan nito.

“Strange, ‘noh?” tanong ni Uno kay Aiko na sinagot din nito ng “Oo.”

Anyway, marami raw pagkakapareho ang dalawa tulad ng pagtira nila noon sa iisang condominium building.

“We both stayed in Avalon but we didn’t see each other there,” saad ng konsehala.

Biro ni Uno, “Baka nagkita na tayo kasi bata pa tayo. I mean, bata pa pala ako nu’n, ikaw, may malisya ka na nu’n.”

Tiningnan nang diretso ni Aiko si Onemig, at sabi, “Hoy! Two years lang ang tanda ko. Wala, ha, nakakatawa ka. Hindi kita maalala, ‘wag kang feeling na feeling d’yan.”

Nabanggit din na ang mga freckles daw ni Aiko sa likod ang isa sa mga dahilan kung bakit na-in love nang husto si Uno.

Formally introduced daw sila sa The Buzz (TB) at doon sila unang nagkita na matanda na sila. Ang ikalawang pagkikita ay sa condo building kung saan nagkayayaang mag-inuman ang dalawa.

“Nakakatawa itong night na ‘to because nagkita na naman kami for the second time around. Sabi ko, inuman tayo, game, parang leave the past behind. So nag-inuman kami, we got drunk, tapos nu’ng pinaghiwalay na kami ng mga guwardiya at helpers, ‘di ko maalala na sumisigaw daw ako ng ‘I love you, I love you.’ Parang pelikula,” kuwento ni Aiko.

Singit ni Uno, “‘Di lang s’ya sumisigaw, umiiyak pa. Nag-inuman kami kasi pareho kaming problematic dahil galing kami sa breakup. Nu’ng pinaghihiwalay na kami, akala ng mga guwardiya, patay na kami sa sobrang kalasingan. Tapos sabi nga niya, ‘I love you, I love you,’ sinagot ko rin ng ‘I love you, too.’”

Nagkita pa raw ulit sila kasama ang mga kaibigan ni Onemig at napagkasunduang mag-triathlon sa Subic. Bumili pa nga si Aiko ng bike at iba pang gears, pero last minute ay nag-change of heart siya. Ito ‘yung sinabi ni Uno na hindi siya sinipot sa Subic at naghintay siya nang tatlong oras.

“Nagdalawang-isip ako kung s’ya ba talaga. Parang ‘di naman seryoso kaya ‘di ko s’ya sinipot sa Subic. I didn’t realize na naghintay ka ng tatlong oras. Bakit hindi mo ako tinawagan?” tanong ni Aiko.

“Hindi, kasi naniniwala ako sa faith at destiny,” kaswal na sagot ni Onemig.

Hindi na raw ulit nagkita ang dalawa sa loob ng 15 years, walang communication o anuman.

“All in all, 29 years kaming on and off bilang magkaibigan. Until one day, ‘yung best friend ko, we were thinking kung sino ang puwedeng i-guest on my YouTube (YT). On top of his mind was Onemig. Ayaw ko kasi, ano’ng pag-uusapan namin? Alam n’ya ‘yung story namin.

“Sabi n’ya, ‘Kumustahin mo.’ Sabi ko, ‘Baka may girlfriend ‘yan, ayaw ko, baka makagulo pa.’ Sabi sa akin, ‘I-text mo for guesting lang.’ Totoo naman, guesting lang, hello!” kuwento ni Aiko.

Dagdag pa niya, “Kasi dati, tumanggi s’ya noong mag-guest kaya ayaw ko na.”

Sabi ni Uno, kaya raw ayaw siyang i-guest ni Aiko noon ay dahil natatakot itong aminin na may feelings siya na hino-hold lang nila sa isa’t isa dahil sa pride. Kaya ang payo niya ay itigil na ang pride dahil baka umabot pa ulit ng 29 years at sayang ang panahon.

Noon ay pareho silang may karelasyon kaya ayaw niyang mag-guest, pero ngayong pareho na silang libre ay pumayag na siya.

Nabanggit din ni Aiko na hindi na siya mahihirapang kilalanin si Onemig dahil matagal na silang magkakilala at lahat ng past at kalokohan ay inamin na sa kanya, kaya wala nang taguan.

Ang nangyayari ngayon ay catching up sila sa mga panahong nawala sa kanila kaya lagi silang magkasama at ine-enjoy ang bawat isa.

“Yes, kaya tinatanong ninyo kung kami, we can’t give any label yet because we’re enjoying the 29 years that were lost. Kaya wala na kaming hiya-hiya, umuutot s’ya sa harapan ko, ako rin, umuutot sa harap n’ya,” pagtatapat ni Aiko.

“Now is the right time for us. Matanda na kami pareho kaya usapan namin, wala nang pride. Just enjoy the moment, just be happy,” sabi naman ni Uno.

Tanong ni Aiko Melendez, “Did I make you happy?”

“Of course. You’re my life. I don’t feel complete without her. For the first time, you’re my safe place,” madamdaming sabi ni Onemig Bondoc sa aktres-pulitiko.