Never daw naghihiwalay… KRISTINE AT OYO, 24/7 MAGKASAMA SA 14 YRS. NA KASAL

ni Reggee Bonoan @Sheet Matters | Jan. 14, 2025

Photo: Kristine Hermosa-Sotto at Oyo Sotto - Instagram

Nagdiwang ng kanyang ika-41 taong gulang ang aktor na si Oyo Sotto kahapon (Enero 12) kasabay ng kanilang 14 taong anibersaryo bilang mag-asawa ni Kristine Hermosa-Sotto.

Sa Instagram (IG) account ni Tin ay ipinost niya ang bonding moments nilang mag-asawa at ang madamdamin niyang pagbati sa ama ng kanilang anim na anak na sina Kiel, Ondrea, Kaleb, Marvin, Vittorio Isaac at Isaiah Timothy.

Pinasalamatan muna ni Kristine ang Panginoong Diyos dahil binigyan siya ng asawang mapagmahal at may takot sa Diyos.

Aniya, “Thank you, Lord, for Oyo for his life and dedication to pursue You in all his ways. Thank you for loving me so much that you have blessed me with a God-fearing husband, exactly what I need in this world.”

Kasunod ay ang pagiging responsableng ama at asawa ni Oyo sa pamilya nila sa loob ng 14 taon nilang mag-asawa.

Pahayag niya, “My dear Oyo, doing our day-to-day life together is a wonderful gift, not everyone has this kind of privilege… may it be cleaning the house, you cooking our food, driving separate cars to get sticker renewal, doing the groceries, helping the kids with everything they need, encouraging each other to work out kahit parehong walang drive dahil sa mga pagsubok ng buhay.

“I don’t recall a time not having you by my side.. kasi “literal” hindi tayo naghihiwalay, 24/7… and I wouldn’t want it any other way.

“In our 14 years of marriage, I still enjoy your company, still laugh at your unintentional untimely humor, I still get entertained with your kasungitan lalo na ‘pag napupuno ko ‘yung hard drive natin dahil hindi ako nagbubura ng photos at ‘pag may hindi tama sa araw mo at sa kapaligiran.. at ‘yung mga naiisip mong out of this world na pet name sa mga anak natin at sa kung anu-ano pa.. that usually happens ‘pag bored ang brain mo, you have a unique vocabulary and a charming way of expressing things. I’ve grown to love everything about you.. buti na lang nand’yan si God (praying hands emoji).

“I am so blessed and always grateful to have you in my life. May God grant us supernatural wisdom, strength, faith, patience, super healthy body with optimal level of energy, metabolism, balanced hormones and everything else.

“May He grant us with a long quality life with our children and loved ones. I LOVE YOU! HAPPY BIRTHDAY, MY LOVE! THANK YOU LORD FOR THE 14 YEARS AND FOR A LIFETIME…”

Sumunod na bumati ay ang sister-in-law ni Oyo, ang ate ni Tin na si Kathleen Hermosa.

Ani Kathleen, “To our #couplegoals, Oyo & Tin, HAPPY ANNIVERSARY! And to many more

Happy Birthday sa aking brother-in-law na hindi lang guwapo kundi mas guwapo ang kalooban! God Bless you both. May you keep the fire (love) burning!! We love you a lot! (heart emoji) Ate M & Miko @miko.santos08 @osotto @khsotto”

Bumati rin ang mga kaibigan nila kay Oyo.

Nagpasalamat naman si Oyo sa mga nakaalala sa kanyang kaarawan at sa anibersaryo nila ng asawang si Kristine.

Samantala, nakaalalay sina Oyo at Tin kasama nina Danica Sotto at Marc Pingris sa ina nilang si Dina Bonnevie sa pagkamatay ng asawa nitong si Ginoong Deogracias Victor Savellano dahil sa abdominal aneurysm sa edad na 65.

Kitang-kita sa teaser ng movie ni Direk Darryl… GINA ALAJAR, DAWIT SA RAPE ISSUE NI VIC KAY PEPSI

ni Reggee Bonoan @Sheet Matters | Jan. 10, 2025

Photo: Gina Alajar - VinCentiments

Pinag-uusapan talaga ngayon ang kontrobersiyal na direktor na si Direk Darryl Yap dahil sa inilabas niyang teaser ng pelikulang The Rapists of Pepsi Paloma (TROPP) sa kanyang Facebook account noong Enero 1.

Maging sa mga mediacon ay natatanong ang ilang personalidad tungkol sa direktor at isa na ang singer/actress na si Marissa Sanchez na hiningan ng reaksiyon tungkol sa post ng direktor, kung saan binanggit ang pangalan ng TV host/actor na si Vic Sotto bilang isa umano sa mga rapists ni Pepsi Paloma.

Inamin ng mang-aawit na nagulat at the same time ay nalungkot siya.

“As a mom, nasasaktan ako for the kids. Dapat hindi (inilabas),” say ni Marissa.

Sa tanong namin kung sakaling magkita sila ng direktor ay ano ang posible niyang sabihin kung puwede siyang magbigay ng komento, “Hi Direk. Good afternoon!” natawang sagot nito.

Idiniin ni Marissa na wala siya sa posisyon o kahit acquaintance sila ni Direk Darryl ay wala siyang karapatang magkomento.

“Pero kung super close ko, yes.  Hypothetical question ba ‘to? I would give unsolicited advice kasi as a mom, ang hurt ko, hindi naman kay Pauleen, kay TVJ (Tito Vic and Joey) o kay Bossing (Vic), eh, for Tali (eldest daughter ni Vic) at sa other daughter (Baby Mochi). Sa ‘kin ito, ha, from my opinion,” paliwanag mabuti ni Marissa.

Ang katwiran ng direktor ng upcoming movie ni Rhed Bustamante bilang si Pepsi Paloma, kapag napanood ang pelikula ay malalaman kung ano ang totoo.

“Oo, pero una kasi, ang una mong titingnan sa tao is the motive. Ano ang motive mo? Kung ang motive mo ay to gain views or lumakas ka sa social media, for me is wrong.

“Depende nga sa motive ng tao, so, I cannot judge Direk Darryl kung anuman ang motive niya, pero kung ang motive niya is para maging maingay s’ya, parang maging sensational, hindi na nga ngayon talent, eh, it’s more on followers na. So kung more on followers ang intension mo para gawin ‘yun, for me, it’s unfair. 

“Hindi pa natin nakakausap si Direk Darryl, alamin muna natin kung ano ang intension n’ya,” paliwanag mabuti ni Marissa.

Isa rin ang direktor na si Gina Alajar sa main cast ng pelikula ni Direk Darryl. Sa bibig niya nagmula ang pangalang Vic Sotto dahil tinanong nga niya si Rhed bilang si Pepsi kung na-rape siya nito at oo naman ang sagot ng dating sexy star.

“My ninang Gina, depende rin sa motive niya kung bakit n’ya tinanggap (ang pelikula) at kung bakit s’ya pumayag na sabihin ‘yun. So, I cannot also judge Ninang Gina, she’s my godmother (and) I believe she’s a good hearted person, so, I still don’t know. I cannot talk in her behalf kung ano ‘yung intention n’ya kung bakit s’ya pumayag sabihin ‘yun,” paliwanag ulit ni Marissa.

---

SAMANTALA, nakausap namin ang singer/actress sa announcement ng Filipino Balin Remjus Inc. at Great Media Productions, Inc. na ang stage play na Nasaan Si Hesus? (NSH), na isinulat ng yumaong entertainment editor na si Nestor U. Torre, ay gagawin nang pelikula mula sa mga kantang nilikha ni Mrs. Lourdes “Bing” Pimentel.

Ang mga bida ay sina Rachel Alejandro, Geneva Cruz, Janno Gibbs, Jeffrey Hidalgo, Rachel Gabreza ng Tawag ng Tanghalan (TNT), Gianni Sarita ng The Voice Kids (TVK), at si Marissa.

Ang kuwento ng NHS ay umiikot sa mga problema ng mga nakatira sa isang pamayanan tungkol sa pamilya, pera, pag-ibig, trabaho, at pulitika. Haharap ang mga karakter sa mga tukso at ang kanilang pananalig sa Diyos ay masusubok. 

Ang kuwento ng kanilang mga buhay ay bibigyang drama at kulay ng mga kanta na ang himig at titik ay nilikha ni Mrs. Bing Pimentel, maybahay ng yumaong Senador Aquilino “Nene” Pimentel, Jr.. 

Si Nanay Bing, kung siya ay tawagin, ay isang civic leader na mayroong natural na talent sa paglikha ng mga kanta. 

Aniya, “Gusto namin isapelikula ang Nasaan si Hesus? para magbigay ng impormasyon at inspirasyon. Ito’y paraan para magbigay-papuri, pasasalamat, at magdasal. Ang Diyos ay nariyan lang kung bubuksan natin ang ating puso’t isipan.”

Higit nang dalawang dekada mula noong unang ipalabas sa entablado ang NHS. Higit sa 80 performances ang naiprodyus para sa Catholic Bishops Conference of the Philippines (CBCP) at iba pang mga manonood sa buong Pilipinas.

Katuwang ni Mrs. Pimentel sina writer-director Dennis Marasigan, musical director-arranger na si TJ Ramos sa pag-update ng dula para sa digital age.  

Aniya, “Tatalakayin ng pelikula kung paano magiging mas matatag ang mga tao sa kabila ng mga pagsubok sa makabagong panahon.”

6 days after mag-happy-happy sa Japan… MISTER NI DINA, PUMANAW SA EDAD NA 65

ni Reggee Bonoan @Sheet Matters | Jan. 8, 2025

Photo: Dina Bonnevie - IG

Pumanaw na ang mister ni Ms. Dina Bonnevie na si Agriculture Undersecretary Deogracias Victor “DV” Barbers Savellano kahapon ng tanghali sa edad na 65. 

Walang binanggit na dahilan ng pagkamatay nito.

Viral ang posts ng mga anak ni Ginoong Victor na sina Patch at Marie Savellano na may mensaheng: “I love you so much, Papa.”

Sinundan naman ni Patch Singson ng, “Di monto kunaem nga malipatan ka inggat tumpal tanem. I love you so much, Papa.” 

Kuha ito sa lyrics ng Ilocano song na ang ibig sabihin ay “Huwag mong sabihin na makakalimutan kita hanggang kamatayan.”

May mga larawan ding magkakasama ang mga anak at apo nina G. Victor at Dina mula sa kani-kanilang previous marriage.

Taong 2012 naman nang ikasal sina Dina at G. Victor.

Nakakagulat ang nangyaring ito dahil 6 days ago ay may video post pa si Dina habang nasa bakasyon silang mag-asawa sa Japan at ang caption ay: “Happy New Year, everyone!

May your blessings for 2025 be as grand and as beautiful as Mt. Fuji! Cheers!”

Maraming natuwa sa post na ito ni Dina dahil ang ganda-ganda raw ng Mt. Fuji na bihirang magpakita dahil kadalasan ay foggy.

Samantala, kaliwa’t kanan ang nakiramay sa mga naulila ni G. Victor Savellano.

---

Ipinagmalaki ng MTRCB na nakapagtala sila ng panibagong record matapos makapagrebyu ng mahigit 267,000 na materyal sa loob ng 2024 sa layuning mabigyan ng angkop na klasipikasyon ang lahat ng palabas.

Mas mataas ito kumpara sa 255,220 noong 2023 at 230,280 noong 2022. 

Kabilang dito ang 264,424 na mga materyal para sa telebisyon, 592 pelikula, 549 movie trailers at 1,525 publicity at optical media na ipinasa ng mga producers at istasyon para mabigyan ng angkop na klasipikasyon. 

Sa halos 600 na pelikula, 30 dito ay rated G (angkop para sa lahat ng manonood), 298 rated PG (Patnubay at Gabay ng Magulang), 251 ang R-rated, habang 13 ang na-X o hindi pinayagang maipalabas sa mga sinehan.

Bagama’t limitado lamang ang kakayahan at kagamitan ng ahensiya, ang bilang ng mga narebyu ng Board ngayong taon ay sumasalamin sa dedikasyon na matiyak na mabigyan ng angkop na klasipikasyon ang lahat ng materyal sa gitna ng mabilis na pag-usbong ng industriya ng paglikha dahil sa teknolohiya.

Ayon kay MTRCB Chairperson Lala Sotto-Antonio, ang lahat ng isinumite sa Board ay nabigyan ng “age-appropriate ratings” habang balanseng tinitiyak na may malayang pagpapahayag at pagprotekta sa manonood.

Nagpasalamat din si Sotto-Antonio sa 30 Board Members para sa kanilang hindi matatawarang trabaho at pagiging propesyonal upang bigyan ng angkop na klasipikasyon at masiguro na ligtas ang mga materyal bago ito maisapubliko.

Muling tiniyak ng hepe ng MTRCB na ngayong 2025 ay mas pagbubutihin pa nila ang trabaho at patuloy na magiging kaagapay ng industriya ng paglikha at ng pamilyang Pilipino tungo sa responsableng panonood at paglikha.