Kaya iniwan din ni Jake… CHIE, DAHILAN NG HIWALAYAN NI MATT LHUILLIER AT GF

ni Reggee Bonoan @Sheet Matters | September 26, 2025

Photo: Chie Filomeno - Instagram

Follow-up ito sa naisulat namin dito sa BULGAR tungkol sa pagde-date ng aktres na si Chie Filomeno at ng businessman na si Matt Lhuillier sa Dumaguete City na dahilan ng paghihiwalay ng dalaga at ng BF na aktor na si Jake Cuenca.

Hindi lang pala si Jake ang nakipaghiwalay kay Chie kundi pati na rin ang longtime girlfriend ng kilalang personalidad sa Cebu.

Ayon sa aming source, “Nu’ng lumabas ‘yung balita tungkol kina Chie at Matt, matindi ang away ni Matt at ng girlfriend n’ya. Nalaman na ng both families. As we speak, hiwalay na sila.”

Nabanggit pa sa amin na akala ng girlfriend ni Matt ay business lang ang purpose ng pagpunta nina Matt at Chie sa Dumaguete kasi may negosyong itinayo na ipo-promote naman ng aktres.

Nagtaka ang ilang nakakita kina Matt at Chie dahil may kakaiba silang tingin sa isa’t isa at maging sa kilos ay may something.

Kaya nagmasid na ang mga Marites. 

Sabi ng aming source, “Ganoon na nga, hindi lang promo ang naganap, naging sweet na sila.”

Mukhang pabor ang mga netizens sa nangyari dahil ginamit daw ni Chie ang utak niya dahil mayaman ang ipinalit kay Jake.

Pero mas marami ang nagtanggol sa aktor na may kaya rin ito sa buhay, may pamilyang low key lang, at higit sa lahat, pinaghirapan ni Jake kung ano’ng meron siya ngayon. 

Hindi siya umasa sa mana ng magulang o ng tito-tito (grand uncle) niyang si dating MTRCB Chairman Manoling Morato (SLN).

Sa kasalukuyan ay nananatiling tikom ang bibig ni Jake kahit ilang beses na namin itong kinontak.

Well, abangan na lang sa launching ng bagong serye ni Jake, ang What Lies Beneath (WLB) kasama sina Kaila Estrada, Sue Ramirez, Charlie Dizon at Janella Salvador kung magsasalita ang aktor.

---

MATAGUMPAY na natapos ng Movie and Television Review and Classification Board (MTRCB) ang Data Privacy Management Program nito noong Martes, Setyembre 23, na nagpapatunay sa matibay na pangako ng ahensiya na pangalagaan ang personal na impormasyon at isulong ang responsableng pamamahala ng datos sa panahon ng digitalization.

Nagbunga ang programa ng 23 bagong Data Privacy Champions. Sa bilang na ‘yan, 5 ay lalaki at 18 ang babae. Sinanay sila para ipatupad ang mga pamantayan sa data privacy at matiyak ang pagsunod sa umiiral na Data Privacy Act of 2012 at iba pang mga polisiya.

Sa kanyang mensahe, binigyang-diin ni MTRCB Chairperson and CEO Lala Sotto ang mahalagang papel ng mga Data Privacy Champions para mapanatiling ligtas, maaasahan at mapagkakatiwalaan ang ahensiya.

“Napakahalaga po para sa ating ahensiya na tiyaking maayos, ligtas at protektado ang ating mga datos, lalo na’t karamihan sa ating mga transaksiyon ay may kalakip na personal at sensitibong impormasyon,” sabi ni Chair Lala.

Pinuri naman ni KAT-C Business and Data Privacy Consulting Inc. CEO Atty. Krishna Aira Tana-Caguia ang inisyatibo ng MTRCB na palakasin ang data privacy ng ahensiya.

“Ipinapaabot namin ang taos-pusong pagbati sa matagumpay na pagtatatag ng Data Privacy Management Program ng MTRCB. Ito ay isang malinaw na tagumpay na nagpapakita ng kanilang pananagutan sa pagsunod sa Data Privacy Act of 2012 at ng kanilang pangako na protektahan ang personal na datos na kanilang pinoproseso habang ginagampanan ang kanilang mandato,” sabi ni Atty. Tana-Caguia.

Kabilang sa programa ang presentasyon ng bawat Data Privacy Champion ng kanilang hakbang tungkol sa pagpapatupad ng mga risk treatment controls at mga pagpapabuti para mapalakas ang data privacy framework ng ahensiya.

Ang inisyatibo ay nagpapakita ng dedikasyon ng Board na mailinya ang mga hakbang sa pambansa at pandaigdigang pamantayan pagdating sa pagprotekta ng datos.

“Ang maagap na hakbang ng MTRCB sa pagtatatag ng programang ito ay nagpapakita ng malalim na pag-unawa sa kahalagahan ng data privacy sa panahon ngayon. Isa itong patunay sa dedikasyon ng Board upang matiyak na ang mga karapatan ng mga data subject ay napangangalagaan,” sabi pa ni Atty. Tana-Caguia.

Buking na nakipag-date kay Matt Lhuillier sa Dumaguete… CHIE, PINALAYAS NI JAKE SA CONDO

ni Reggee Bonoan @Sheet Matters | September 24, 2025

Photo: Chie Filomeno at Jake Cuenca - IG

Mukhang late ang intel ng lalaking tsismoso na si Xian Gaza dahil nitong Lunes, Setyembre 23 lang niya ipinost na hiwalay na sina Jake Cuenca at Chie Filomeno, pero noong nakaraang buwan pa pala sila nag-break.

Ang post ni Xian, “Jake Cuenca, natagpuang humahagulgol sa loob ng bahay matapos itong iwan ni Chie Filomeno para sa isang milyonaryong negosyante sa Cebu na si Matt Lhuillier! Atin-atin lang muna, ‘wag na lang muna sana makalabas. Salamat.”

Pero sey ng aming source, “Last month pa sila hiwalay.”

Base naman sa nakausap naming nakatira rin mismo sa condominium building sa Bonifacio Global City (BGC), Taguig kung saan nakatira si Jake, nakita raw nito ang driver ng aktor na may ibinabang mga maleta at isinakay sa sasakyan.

“Akala ko, shooting lang, ganu’n naman kasi si Jake, maraming dalang gamit. Tapos, ang tagal naming hindi na nakikita si Chie, so baka ‘yun na nga, hiwalay na pala sila na nabalita ngayon,” sey ng taong nakatira rin sa building.

Naaliw nga ang taong kausap namin dahil hindi lang pala si Jake ang artistang nakatira roon. Kaya sabi namin, saka na lang niya kami tsikahin ulit kapag may mga isyu na ang ibang personalidad na nandoon.

Anyway, nagtanong kami sa taga-FPJ’s Batang Quiapo (BQ) kung kumusta si Jake sa taping, kung malungkot ba ito dahil hiwalay na sila ni Chie.

“Huh? Si Jake? Wala, ang saya-saya nga n’ya sa set, dami naming kuwentuhan. Wala namang nabanggit tungkol sa kanila ni Chie,” tsika ng taga-BQ.

Kilala namin si Jake at hindi siya ang taong nagmumukmok, lalo na’t abala siya ngayon sa dalawang seryeng isinu-shoot niya, ang BQ at What Lies Beneath (WLB) kasama sina Kaila Estrada, Charlie Dizon, Sue Ramirez at Janella Salvador.

Samantala, binalikan namin ang aming source kung totoong iniwan ni Chie si Jake base sa post ni Xian Gaza.

“Oo, totoo, pero hindi iniwan ni Chie si Jake, pinalayas ni Jake si Chie. Ipinabalik n’ya ang mga gamit sa bahay nila,” diin ng source.

Ang kilalang personalidad na binanggit ni Xian ang dahilan ng hiwalayan?

“Actually, parang nag-date lang. May totoong girlfriend kasi ‘yung Martin (Matt) at alam ng mga prominenteng pamilya sa Cebu. Pero hindi sila sa Cebu nakitang nag-date, sa Dumaguete, ilang beses na raw. May mga kaibigan si Jake na tagaroon at nakita sila. ‘Di ba nagmo-motor sina Jake ru’n kasama sina John Prats at Sam Milby? Kaya naikuwento.

“Hindi nga naniwala si Jake pero noong naalala n’yang may out-of-town si Chie, naniwala na s’ya, kasi wala s’yang panahon nga dahil dalawang shows ang ginagawa n’ya,” detalyadong kuwento sa amin.

Sa pagkakaalam ng aming kausap, walang confrontation na naganap kina Jake Cuenca at Chie Filomeno dahil nasa Dumaguete pa ang aktres nang ipabalik na ni Jake ang mga gamit niya sa bahay nila. Hindi na nakatungtong pa ng condo unit ang dalaga.

At dahil dito, marami ang tumawag sa amin para ikuwento kung sino si Chie dahil ang suwerte raw niya at naging boyfriend niya si Jake, pero pinakawalan pa niya.

Ang lalaking naka-date niya ay may girlfriend na, at habang isinusulat namin ito ay nag-aaway na raw ang pamilya ng both sides na kilalang prominente sa Cebu at ito ay dahil kay Chie.

Pinabulaanan din ng source namin ang post ni Xian na humagulgol si Jake, “Baka kabaligtaran. Hahaha! Saka, paano makikita sa loob ng bahay, eh, mag-isa lang si Jake sa condo unit n’ya?”

Sa pagkakaalam din namin, walang kasambahay si Jake kundi tagalinis lang, 2 beses sa isang buwan.

Balitang ikinatwiran din daw ni Chie na wala na sila ni Jake nang makipag-date siya. 

Mukhang kailangang maglabas ng resibo ang aktres dahil maliwanag pa raw sa buwan na ongoing pa ang relasyon nila ng aktor nang makipag-date siya kay Matt Lhuillier.

Bukas ang BULGAR sa panig nina Chie Filomeno, Jake Cuenca at Matt Lhuillier o ng kanilang kampo.

Yakapan at kiss sa kanya ng kapwa aktres, viral… JANELLA, INAMIN NA ANG RELASYON NILA NI KLEA

ni Reggee Bonoan @Sheet Matters | September 17, 2025

Photo: Janella Salvador - Klea Pineda IG

Tuluyan nang inamin ni Janella Salvador ang relasyon nila ni Klea Pineda sa panayam niya kay MJ Felipe sa TV Patrol (TP) nitong Lunes nang gabi.

Matatandaang isinulat namin dito sa BULGAR noong Setyembre 4 na pilit tinatanong ang dalawa kung ano ang real score nila sa naganap na Cinemalaya 2025 mediacon.

Dahil may pelikula silang Open Endings (OE), inisip na baka promo lang kaya sweet sila.

Pero dahil nasambit ni Janella na hindi siya ang third party sa hiwalayang Klea at Katrice Kierulf, at nagbiro pa siya ng “What you see is what you get” sabay tawa, posible talagang sila na.

Pero sabi nga, hangga’t hindi inaamin nang diretso ay hindi pa rin maituturing na kumpirmado.

Nakadagdag din ang viral video off-cam kung saan nakitang nakayakap si Janella kay Klea habang nakatalikod ito, at panay din ang yakap ng huli bukod pa sa hinalikan siya sa noo.

Kaya naman sa panayam ni MJ kay Janella, diretsong tinanong kung ano talaga ang nagaganap sa kanila ni Klea.

Bungad ni MJ, “Ang closeness ninyo ni Klea, lumabas na beyond work?”

“Yeah, sa totoo lang, kaming 4 (Jasmine Curtis-Smith at Leanne Mamonong), pero yeah, yes, yes!” nakangiting sagot ni Janella.

Sina Jasmine at Leanne ay mga co-stars nina Janella at Klea sa pelikulang OE.

Hirit pa ni Janella, “Whatever you see, hindi naman ako nagtatago. I’m not hiding anything, I’m not guilty of anything din. So, kung ano ‘yung nakikita n’yo, ‘yun na ‘yun! That’s what I always say. Hahaha!”

Dugtong ni MJ, “And there’s nothing to be ashamed of, it’s love.”

“Yeah exactly, love? Love na agad? Paano mo nalaman?” tumatawang tanong ni Janella.

Balik ni MJ, “Ano ba dapat? Hahaha!”

“I’ve been happy for the past few days. Like you said, you can see how happy I am and yeah, I don’t have to translate that,” pag-amin ng aktres.

Hayan, hindi na puwedeng sabihing read between the lines dahil galing na mismo kay Janella ang sagot kung ano ang relasyon nila ni Klea.

Samantala, nagbigay naman ng update ang aktres sa anak niyang si Jude na 5 taon na sa susunod na buwan. Co-parenting sila ni Markus Paterson.

Inamin ni Janella na hirap siya sa tinatawag na co-parenting lalo’t wala sa bansa ang ama ng bata.

“I’m not gonna say that co-parenting is easy, it’s really not, we’re steady. Actually, he’s not in the country right now, he’s finally working on his dream, nagpapadala s’ya kay Jude when he can, so, we’re okay right now,” pahayag ng aktres.

Magkaibigan ba sila ng tatay ng anak? 

Sagot niya, “Yeah. Hahaha! Friends, civil, yeah.”

Okay naman ang sustentong padala ni Markus para kay Jude?

“Yes, now, we’re good on that.”

Sa kasalukuyan ay abala si Janella sa taping ng bago niyang project kasama sina Kaila Estrada, Sue Ramirez, at Charlie Dizon, ang seryeng What Lies Beneath (WLB) kasama sina Jake Cuenca at JM de Guzman mula sa direksiyon ni Onat Diaz para sa ABS-CBN.

---

Todo-kayod, nasobrahan sa pagod at puyat…

AKTOR, TAGILID ANG PUSO, PINAG-IINGAT NG DOKTOR 

BLIND ITEM:

PINAG-IINGAT ang aktor na huwag masyadong magpapagod dahil nakakasama ito sa kalusugan niya.

Kamakailan lang ay dumaan sa cardiac catheterization ang aktor na inakala ng mga kasama niya sa trabaho na ia-angioplasty siya.

Masyado kasing intense ang aktor sa lahat ng karakter na ginagawa niya kaya tiyak na naapektuhan ang kanyang kalusugan, bukod pa sa sobrang puyat nito lalo’t segue-segue rin siya.

At dahil sa nangyari ngayon sa aktor, sinabihan na siya ng doktor na maghinay-hinay sa trabaho. Hindi na puwede ang araw-araw ay may shoot, kailangan ng sapat na pahinga at tamang pagkain.

Mabuti na lang daw noong sinumpong siya ng sakit sa dibdib ay kasama niya ang kanyang pamilya kaya naitakbo agad sa ospital.

Sa kasalukuyan ay may umeereng serye ang aktor at katatapos lang niyang gawin ang pelikulang pinagbibidahan niya.