Bibigyan ng flowers, chocolates, food, at bagong cellphone… KRIS, GUSTO NANG MAGING MANUGANG ANG FIRST GF NI BIMBY

ni Reggee Bonoan @Sheet Matters | April 20, 2026

Photo: IG _krisaquino

Mukhang may espesyal nang babae sa puso ng bunsong anak ni Kris Aquino na si Bimby, na kamakailan lang ay nagdiwang ng kanyang ika-19 na kaarawan.

Sa ibinahaging video ni Kris noong Abril 19, makikita siyang patulog na nang halikan siya ng anak — pero mas ikinatuwa ng mga netizens ang diretsahang tanong ng ina na, “You have a girlfriend na?” na sinabayan pa ng pag-amin ni Bimb na may babaeng ‘special’ sa kanya. 

At dahil maraming tanong, nag-“I love you, Mama,” na ang binata.

Matagal nang wish ni Kris na magkaroon na ng girlfriend ang bunso at gusto na niyang ipakilala ito sa kanya, kaya tinanong ang anak kung ano’ng magandang ibigay sa dalaga.

Aniya, “I never thought I’d be excited for the day when Bimb really likes a girl. He told me he feels she’s ‘special’. My birthday wish for my bunso is that she does become his first girlfriend and who knows, God willing, also his last. 

“Yes, I’ll be very blessed to have her for my daughter-in-law in 7-9 years. I’ve been asking Bimb the past couple of weeks if we can send her flowers, balloons, candies or chocolates, food, and half of a couple hoodie in white since it’s summer. I asked Bimb if she had a new phone — he freaked and said, ‘Mama, chill. You’ll overwhelm her because she’ll know it’s not from me but from you. Please let it flow.’

“Bimb has sacrificed so much to take care of me, but he doesn’t have to anymore. The best gift I can give him is to let him enjoy his youth and let him choose his own career path. My deal with him is he just has to give his 100%.”

Samantala, sinabi ni Kris na may project siyang gagawin kasama ang inaanak sa kasal na si Dingdong Dantes.

Pahayag ni Kris Aquino, “As for me, I have one more infusion session of Rituxan. This is already my second cycle. It’s a very strong immunosuppressant, but I’ve gotten encouraging results. The people I will be working with under the team created by my godson @dongdantes will just need to take extra precautions.

“There was supposed to be a final presentation earlier, meaning April 18, but I asked for a reschedule. I didn’t want to see what my comeback show was going to look and sound like because this is Bimb’s weekend, and later we’re eating out, only my second time since coming home, with a very close family #happybirthday #iloveyou #19.”

---

‘KAALIW ang mag-asawang Neil Arce at Angel Locsin dahil sa sagutan nila sa Instagram (IG) nu’ng isang gabi.

Ipinost ni Angel ang mga programang ginawa niya noong may prangkisa pa ang ABS-CBN bago siya nagbakasyon ilang taon na ang nakararaan.

Caption ni ‘Gel, “Kapamilya? ‘Di man Lopez ang apelyido ko, I may be retired and no longer an employee, pero ang puso ko, nandito pa rin. Titindig para sa ating pamilya.

“True to your slogan: Once a Kapamilya, always a Kapamilya. Buong puso, hanggang ngayon — para sa ABS-CBN. #kapamilyaforever.”

Sa kasalukuyan ay kulang 60,000 na ang nag-heart sa post na ito ng aktres at kulang 1,000 ang mga komentong nabasa naming nagustuhan ang pagmamalasakit niya sa Kapamilya channel.

Nagkomento ang asawa ni Angel na si Neil (published as is), “Naalala ko ‘yan, pinapanood ko kung bata pa ako.”

Maraming natawa sa komento ni Neil na umabot sa kulang 500 likes.

Sabi ni Angel sa asawa, “@neil_arce sakalin kita ng 10x.”

Ang ibang followers ng dating aktres ay humiling na huwag naman daw sanang magtuluy-tuloy ang sinabi nitong semi-retired siya dahil marami pa ring gustong makita siya ulit sa telebisyon.

Hirit ng stepson ni Angel na si Joaquin Arce, “Goat posting,” na sinagot naman ng una ng smiling face emoji.

Ang ibig sabihin ng GOAT ay Greatest of All Time.

Isa sa ABS-CBN TV executives na si Mama Bear o Cynthia Jordan ang nagkomento ng “I miss you and love you, ‘Gel,’” na sinagot ng tatlong red heart emojis ng aktres.

Mula naman sa Incognito director na si Lester Pimentel Ong, “Your Kapamilya are still waiting for your comeback project.”

Ang ace photographer na si Marc Nicdao ay nag-post din ng “Best times.”

“My loves,” naman ang sagot ni ‘Gel sa kaibigan.

Ang dami pa naming nabasang naghihintay sa pagbabalik ni Angel Locsin, pero kung hindi pa ito kaya dahil sa kalusugan niya, maiintindihan naman ng kanyang mga tagahanga.

May pa-libreng sakay na, hinihiritan pa ng bigas… WILLIE, INAABUSO NA NG MGA PINOY

ni Reggee Bonoan @Sheet Matters | April 12, 2026

Photo: Willie Revillame - Willyonaryo FB

Iba rin ang trip ng ilang netizens dahil hinihiritan pa si Willie Revillame ng libreng bigas bukod sa alay nitong libreng sakay sa mga kababayan dahil sa taas ng presyo ng gasolina.

Ito rin ang puna ng maraming kababayan na tinalakay nina ‘Nay Cristy Fermin at Romel Chika kahapon sa online show nilang Cristy Ferminute (CFM) na napapanood sa OnePH YouTube (YT) channel.

“Si Willie Revillame po ay mayroon siyang Wilyonaryo Libreng Sakay, ito po ay tatakbo na at inaayos na lang ang mga papeles ang anim na minibus.

“Ngayon, ang inihihirit naman ng mga kababayan natin ay libreng bigas daw, ano ang masasabi mo rito, Romel?” tanong ni ‘Nay Cristy.

“Ay, naku, ‘pag nakarating kay Kuya Wil ‘yan, baka ibigay kasi ‘yung ‘di nga hinihiling ay ibinibigay,” say ni Romel Chika.

Iba naman ang punto de vista ng mga netizens na binasa ni ‘Nay Cristy:

“Sinasabi naman ng mga kababayan natin na ibinigay na nga sa inyo ang daliri, gusto n’yo pang kunin ang buong katawan.”

“Aba’y may libreng sakay na nga at kung pipiliin naman ni Willie ang pagtulong sa libreng bigas, teka naman muna. Although kaya naman n’ya, kayang-kaya n’yang ibigay. Kaya lang, ‘di ba, binigyan na po tayo ng libreng sakay, eh, ‘wag na po nating ihirit ang libreng bigas. ‘Di naman po gobyerno si Willie Revillame na may pondo para d’yan. ‘Di s’ya dapat ang hilingan natin ng ganyan.”

Mula ulit sa CFMers, “Maganda ang tumulong pero sana, ‘wag nating sanayin ang ating mga sarili na laging nakadepende sa hirit o hingi. Respeto na lang din sa mga taong tumutulong na nang kusa.”

Komento pa ng loyal listener ng CFM mula sa London na si Wating-Wating: “Saludo po ako kay Kuya Wil, pero bigas request, hellooo. Marami pa namang residente sa Pilipinas, that’s not fair, makiramdam naman ang iba r’yan.”

Halos iisa rin ang komento ng nabasa namin sa YT ng Cristy Ferminute na agree sila sa sinabi ng ilang kababayan na hindi makuntento ang ibang Pinoy sa tulong ni Willie Revillame.

Ganyan ang ilang kababayan natin, hindi marunong makuntento, abusado.

---

First time kung kelan nagkaedad…

AIKO, NAKAGAWA NG KANTA SA SOBRANG IN LOVE KAY ONEMIG

Iba talaga ang nagagawa ng tunay na pagmamahal dahil sa unang pagkakataon ay ngayon lang namin nakitang sobrang inspirado at saya ni Konsehala Aiko Melendez base sa mga ipino-post niya sa kanyang social media accounts.

Ibang-iba kasi ang mga nilalaman ng socmed niya ngayong karelasyon niya si Onemig Bondoc, pawang positive vibes, at kung kailan siya nagkaedad ay heto nakapagsulat ng sariling kanta na siya rin mismo ang magre-record nito.

Inamin ng konsehala ng ika-limang distrito ng Quezon City na bagong stage na naman ng buhay niya ito.

Base sa caption ni Aiko sa kanyang larawang nasa isang recording studio na ipinost niya sa Instagram (IG):

“Another milestone unlocked! (emojis musical notes), I just finished recording my newest song this afternoon which I wrote too and my heart is so full. This project is truly special to me not just because of the music, but because of the incredible people who helped bring it to life.

“Musical arrangement was beautifully crafted by none other than Sir @marvinq of Neo Colors, whose artistry and passion elevated the song to another level. And of course, I’m beyond grateful to my amazing vocal coach, Ms. @mommyolive, for guiding me every step of the way and helping me give my best in the studio.

“This is just the beginning… because we’re taking it even further! We’re set to shoot the official music video soon, to be directed by @tomnava and I honestly can’t wait for all of you to see and feel what we’ve created.

“Excited, nervous, and grateful all at once. Malapit na… and I hope this song finds a place in your hearts. (emojis heart and mic).”

Napakaraming bumating netizens at mga kaibigan ni Aiko sa bagong project niya at inakala ng iba na ang anak niyang si Marthena ang kakanta, pero ang nanay pala.

Piktyur, kalat na… XYRIEL, BINASTOS NG DRIVER NG SINAKYANG TNVS, NAGPRAMIS NA RERESBAK

ni Reggee Bonoan @Sheet Matters | April 9, 2026

Photo: Niño Muhlach at Janice de Belen - FB

Naloka ang aktres na si Xyriel Manabat dahil ang pagiging mabait niya sa TNVS (Transport Network Vehicle Service) driver na sinakyan niya nu’ng Martes papuntang taping ay binigyan ng masamang kahulugan nang magpa-picture siya.

Bata pa lang si Xyriel ay kilala na namin ito dahil madalas namin siyang nakakapanayam noon sa seryeng 100 Days to Heaven (100DTH) bilang si Anna Manalastas. Mabait talaga siya at sa mga gustong magpa-picture ay lagi siyang accommodating. Mabait din siya sa mga fans at laging namamansin. 

Dahil dumaan siya sa awkward stage, nag-lie-low siya sa showbiz at itinuon ang panahon sa pag-aaral.

Sa nangyari ngayon, siya pa mismo ang nag-offer na magpa-picture sa TNVS driver bilang pasasalamat dahil naihatid siya nang maayos at mas maaga sa kanyang call time.

Maayos naman silang nagkausap ng driver pero laking-gulat ng aktres nang mag-viral ang larawan nila matapos itong i-post ng driver na may malisyosong caption.

Photo: Circulated

Ayon sa post ng driver, “Nagulat ako, nagpapa-picture sa akin.

Xyriel Manabat: Kuya, picture tayo bago ako bumaba (naka-sleeveless).

Ako (driver): Sure Ma’am, ‘wag mo lang ibenta picture ko. Ang LAKI ng bata na ‘yan.”

Dahil dito, umani ito ng maraming negatibong komento at nag-viral. 

Sakto namang may mediacon ang bagong pelikula ni Xyriel kasama si Kyle Echarri na 18th Rose, na mapapanood sa Netflix ngayong April 9, kung saan tinanong siya ni MJ Marfori ng TV5 at ipinakita ang kumakalat na piktyur.

Nagulat si Xyriel. Aniya, “Suot ko ‘yan kahapon (Martes) papuntang taping.”

Hiningan siya ng komento nina MJ at Anna Cerezo ng TV Patrol, at sinabing ipinagtatanggol siya ng kanyang mga fans.

“Ah, okay. ‘Di kasi ako pala-phone pero now that I’m seeing this, I’m sure that I’ll do something about this. Kasi even before ako bumalik sa showbiz, isa sa rason kung bakit ako umingay, I’m really vocal about protecting women.

“Protecting me against sexual assault or sexualizing women. ‘Yun talaga ang advocacy ko. So now, that’s the first time na nakita ko ‘yan.

“Siguro, ‘yan ‘yung itinatawag sa akin ni Izzy kanina. Hindi kasi ako napo-phone low, kanina 1% lang, pero tumatawag si Izzy at nagte-text s’ya.

“Pero now that I’m seeing it, ‘di ko ‘yan papalagpasin. ‘Di dapat nagiging entertainment ‘yan in any form. I hope the platform or the app should do something about this because it’s not petty. It’s not something na any woman should experience on a daily basis.

“Sobrang nagulat ako kasi papunta lang ako ng trabaho. Imagine kung gaano kahirap ang trabaho ng babae. Nagtrabaho ka lang, nagpa-picture ka, you’re just being kind, you’re just being a decent human being and you get this in return. It’s not about the piece of clothing. Nakapang-trabaho ako, maayos ko siyang kinausap,” mahabang pahayag ng aktres.

Ayon pa kay Xyriel, naging mabait siya sa driver. 

Sey niya, “Nag-tip pa nga ako sa kanya kasi nahiya ako ‘pag may pinaghihintay akong tao. So, wow. I hope your family, your mom, your sister, or if you have a daughter, your wife, sana makita nila ito at makita kung ano’ng klaseng tao ka.”

Ipinagdiinan ni Xyriel na hindi niya ito palalampasin at gagawan niya ng aksiyon ang ginawa ng driver.

Diin niya, “I’m not scared to express my passion about protecting women, about protecting victims or the voiceless in any gender, in any age. I’ll use my platform.”

Habang naglalabas ng kanyang saloobin si Xyriel Manabat, kapansin-pansin din ang gigil ni Kyle Echarri sa ginawa ng TNVS driver sa aktres.