Red Tide Alert

ni Jeff Tumbado @News | July 30, 2026

Photo: File

Ibinabala ng Bureau of Fisheries and Aquatic Resources (BFAR) ang red tide toxins sa tatlong baybayin sa Eastern Visayas Region.

Sakop ng shellfish ban ang Irong-Irong Bay sa Samar, Matarinao Bay sa Eastern Samar—na sumasaklaw sa mga bayan ng General MacArthur, Quinapondan, Hernani, at Salcedo—gayundin ang mga baybaying karagatan sa paligid ng Biliran Island.

Binalaan ang publiko na ang lahat ng uri ng shellfish, kabilang ang alamang (Acetes species) na nahuhuli sa mga apektadong lugar, ay hindi ligtas kainin.

Gayunman, nilinaw ng ahensya na ligtas pa ring kainin ang mga isda, pusit, hipon, at alimango mula sa mga naturang karagatan, basta't sariwa ang mga ito at maayos na nalinis bago lutuin.

Red Tide Alert

ni Jeff Tumbado @News | May 24, 2026

Photo: File

Ibinabala ng Bureau of Fisheries and Aquatic Resources (BFAR) ang mga pangongolekta, pagbebenta at pagkain ng shellfish at alamang mula sa mga baybaying-dagat sa malaking bahagi ng Visayas region gaya ng Biliran Island matapos magpositibo sa red tide toxin o saxitoxin ang mga nakuhang shellfish meat samples sa lugar.

Inilabas ang abiso nitong Biyernes, Mayo 22, matapos kumpirmahin ng BFAR-National Fisheries Laboratory Division ang presensya ng saxitoxin sa mga shellfish samples na kinuha mula sa katubigan ng Biliran.

Hindi umano ligtas kainin ang lahat ng uri ng shellfish at Acetes species o mas kilala bilang alamang na nakuha mula sa mga apektadong baybaying lugar.

Red tide alert

ni Jeff Tumbado @News | May 1, 2026

Photo: File

Nananatiling positibo sa red tide toxin o paralytic shellfish poison ang karagatan sa bayan ng Anda at isa pang bayan sa Pangasinan, ayon sa Bureau of Fisheries and Aquatic Resources (BFAR).

Sa inilabas na Shellfish Bulletin No. 9, mahigpit na pinayuhan ang publiko na iwasan ang pagkain ng lahat ng uri ng shellfish at “alamang” mula sa mga apektadong lugar dahil hindi ito ligtas kainin.

Inatasan din ng ahensya ang mga mangingisda, negosyante, at iba pang stakeholders na itigil muna ang pangongolekta, pag-aani, pagbibiyahe, at pagbebenta ng mga nasabing produkto hangga’t hindi pa inaalis ang umiiral na babala.

Gayunman, nilinaw ng BFAR na ligtas pa ring kainin ang mga isda, pusit, alimango, at hipon mula sa mga nasabing karagatan kung ang mga ito ay sariwa, maayos na natanggalan ng lamang-loob, at nahugasan nang mabuti bago lutuin.