Sangkot sa karumal-dumal na krimen... Selda para sa menor-de-edad

ni Mylene Alfonso @News | July 2, 2026

Photo: Sen. Raffy Tulfo - Senate PH

Isinusulong ni Senador Raffy Tulfo ang pag-amyenda sa Republic Act 9344 o Juvenile Justice and Welfare Act upang mapondohan ang pagpapatayo ng hiwalay na detention facility para sa mga menor-de-edad.

Sa pagdinig ng Senate Committee on Women and Children, sinabi ni Tulfo na hindi sapat na inilalagay lamang sa mga Bahay Pag-asa ng Department of Social Welfare and Development (DSWD) ang mga child in conflict with the law (CICL) na gumawa ng heinous crimes.

“Naniniwala ako na hindi sila dapat ihalo sa hardened criminals. Everybody believes that. Pero hindi rin dapat mawala ang mensahe na ang bawat aksyon ay may consequence,” ani Tulfo.

Binigyang-diin din ng senador na dapat pag-aralan ng Department of Education (DepEd) ang pagsasagawa ng supervised boot camps o immersion programs kung saan magbabahagi ng kanilang karanasan ang mga reformed ex-Persons Deprived of Liberty (PDL) upang magsilbing babala sa mga kabataan.

Sinang-ayunan naman ito ni Jamie Separa, ina ng isa sa mga estudyanteng nasawi sa pamamaril sa San Jose National High School sa Tacloban City.

Kahit pantay na kay Sara sa survey... Raffy: 'Di ako tatakbong pangulo

ni Mylene Alfonso @News | May 6, 2026

Photo: Raffy Tulfo - FB

Nilinaw ni Senator Raffy Tulfo na bagama't tabla na sila ni Vice President Sara Duterte sa isang presidential survey na isinagawa ng Pulse Asia, hindi ibig sabihin na tatakbo na siya sa pagka-pangulo sa 2028 elections.

Aniya, kahit mataas ang kanyang numero sa survey, masaya na siya sa kanyang posisyon bilang senador.

Nagpasalamat pa rin si Tulfo sa tiwala ng taumbayan at kinumpirma na tatakbo ulit siya sa 2028 bilang re-electionist senator. 

“I believe I’m doing very well as senator and I can do a lot more as senator. Therefore, maaasahan n’yo, reelectionist ako sa 2028,” saad ng senador.

Tulfo kay Frasco: Turismo ang i-promote, 'wag mukha mo

ni Mylene Alfonso @News | February 4, 2026

File Photo: Senate of the Philippines

Ginisa ni Senador Raffy Tulfo si Tourism Secretary Christina Frasco matapos niyang ipakita ang mga tourism promotion materials na may mukha ng kalihim.

Sa isinagawang pagdinig ng Senate committee on Tourism, sinabihan ni Tulfo si Frasco na hindi makatutulong ang pagiging tila vlogger ng kalihim sa pag-unlad ng turismo ng Pilipinas.

“Isa pa, sa nakikita ko, I'm very sorry, Secretary Frasco. Parang lumilitaw na ikaw ay nagiging vlogger na it will not sell 'pag doon sa mga marketing materials natin, puro mukha mong nakalagay doon. It shouldn't happen,” wika ni Tulfo.

Ipinakita rin ni Tulfo ang magazine sa Japan na may mukha ni Frasco at mga groundbreaking ceremony sa halip na umano’y mga tanawin sa bansa.

“Halimbawa meron tayong, meron 'tong sa Japan, Japan ba ito na magazine. I think it's a free magazine. Pagkakataon na sana natin na para sumikat tayo sa Japan. Sa halip, ang nakalagay dito, ikaw, ikaw ng ikaw, and then, 'yung mga groundbreaking, pinapakita natin sa halip na dapat, 'yung underground river, 8 wonders of the world, Tabon cave... ang pinakita doon, kayo po at saka 'yung mga groundbreaking ceremony, which will not sell,” punto niya.

“If we want to sell, ipakita po sana natin ‘yung mga tanawin o ‘yung mga reasons why tourists will visit the country,” diin ni Tulfo.

Samantala, dumepensa naman si Frasco at iginiit na ginagawa lamang niya ang kanyang trabaho para ma-promote ang mga tourist destinations sa Pilipinas.

“I did not pay for that magazine, no government funds were used for that magazine, and my consent was never obtained in the use of my image for that magazine,” ayon kay Frasco.

Wala rin umano siyang balak tumakbo para sa 2028 national elections.