Minority senators, dedma sa SONA... Hindi kayo kawalan — Castro

ni Mervin Reyes @News | July 28, 2026

Photo: SONA / Atty. Claire Castro sa SONA 2026 - Senate PH

Nagbigay ng reaksiyon at komento si Palace Press Officer Atty. Claire Castro sa hindi pagdalo ng mga senador na nasa Senate minority bloc sa SONA ni Pangulong Ferdinand Marcos Jr.

"Ang Pangulo po ang importante rito, at mga opisyal na interesadong makinig kay Pangulo. So, ‘yung ibang mga opisyal na wala namang balak makinig sa Pangulo ay hindi natin pipilitin. At hindi naman po kawalan sa administrasyon kung hindi sila dadalo."

"Kung gusto nilang mas magbakasyon, mangibang-bansa, ay hindi natin sila mapipilit," aniya pa. 

Ilan sa mga senador na nasa minorya na hindi dumalo sina Senators Alan at Pia Cayetano, Robin Padilla, Loren Legarda, at Sen. Imee Marcos.

Kinuyog sa Canada... Claire, tinawag na pangit at sinungaling

ni Mylene Alfonso @News | July 5, 2026

Photo: PCO - RTVM

Buwelta si Palace Press Officer Undersecretary Claire Castro sa mga kumuyog sa kanya at kasamang staff nito dahil sa naranasang verbal attack mula sa isang Pilipino habang kumukuha sila ng video sa Vancouver, Canada.

Sa isang viral video, makikitang nilapitan siya ng grupo, minura, at sinabihang ‘Pangit’, ‘Sinungaling’, at ‘Shame on you Ante Kler!’.

“Actually, gumagawa sana kami ng reels para dito sa event kung saan bumisita ang ating Pangulo sa Canada. May lumapit sa amin na isang Pilipino. Ngumiti ako at tinanong niya kung ako si Usec. Claire. Sinabi ko yes at doon sinabi niya na at sumigaw na siya ng, ‘Ask your President to resign,’ kinuyog na kami,” pahayag ni Castro sa isang panayam.

"Samantala kung tutuusin kami nagtatrabaho kami, hindi kami nagbabakasyon. We’re just doing our job pero nahinto 'yun hindi na kami nakapagtapos ng aming pag-shoot ng reels dahil nga may mga Pilipino na ganito ‘yung ugali,” diin ni Castro.

“Hindi ko alam kung anong grupo sila, pero ‘yung naratibo nila 'yung tipong ‘BBM resign,’ ‘yung naratibo nila ay maleta, naratibo, eh ‘magnanakaw’. At sinabihan ako na pangit at sinungaling. So, nu'ng sinabi nila na pangit daw ako feeling ko sila 'yung sinungaling. May mga ganyang tao.”

Sinabi ni Castro na bagama’t nirerespeto naman nila ang freedom of expression, hindi naman kailangang maging bastos dahil ang ginawa ng grupo ay parang hindi ugali ng isang Pilipino.

“At that time, dalawa lang kasi kami ni Director Robertzon dahil siya ang kumukuha ng video at may hawak ng camera. So, threaten siguro in a way kasi dalawa lang kami,” ani Castro.

Bagama’t hindi niya tukoy kung sino ang nasa likod nito, posibleng ang ini-idolo umano ng mga ito ay ‘bayolente’.

“Hindi namin alam buti na lang thank God na pagtawid kasi namin hindi namin alam na may mga police officers. Pagtawid namin kinausap na namin sila kasi sumusunod sila pero i mean kung ganyan talaga ang magiging ugali ng Pilipino hindi kayo uunlad, kawawa pa rin kayo,” pagtatapos ng Palace official.

Karlo Nograles, itinalaga ni P-Duterte bilang Acting Presidential Spokesperson

ni Jasmin Joy Evangelista | November 16, 2021

Inatasan ni Pangulong Rodrigo Duterte si Cabinet Secretary Karlo Nograles bilang Acting Presidential Spokesperson.

Ito ay matapos mag-file ni Harry Roque sa pagka-senador.

Sa kanyang pre-recorded Talk to the People, tinalakay ni Pangulong Duterte kay Nograles ang tungkol sa kandidatura ni Roque.

"Alam mo once you file your certificate of candidacy, automatic 'yan out ka na sa gobyerno. No other formal ritual is needed," ani Duterte.

"So kung maari, ikaw (Nograles) na lang sana ang acting na muna until we find a replacement. I don't want to burden you with so much. Alam ko ang paper work dadaan sayo," sabi ni Duterte kay Nograles.

Kahapon ay nag-file si Roque ng COC sa pagka-senador sa ilalim ng partidong Peoples' Reform Party (PRP). Pinalitan niya si Paolo Martelino.