PNR Alabang-Calamba, 5 yrs. tigil-biyahe

ni Mai Ancheta | June 3, 2023

Napipinto na ang penitensya ng maraming pasahero ng Philippine National Railways (PNR) dahil sa nalalapit na pagtigil ng biyahe nito mula sa rutang Alabang hanggang Calamba.

Ayon kay Department of Transportation Undersecretary Cesar Chavez, sa Hulyo 2 na ang pagsasara ng operasyon ng PNR mula sa nabanggit na ruta upang bigyang-daan ang konstruksiyon ng North-South Commuter Railway System na tatagal ng limang

taon.

Sinabi ng opisyal na 467 commuters ang maaapektuhan sa pagsasara ng nabanggit na ruta.

Papalitan aniya ng NSCR system ang kasalukuyang street level ng PNR, single track at diesel locomotive set-up dahil ito ay gagawing elevated, double-track at electrified train system.

Ang NCR project ay 147 kilometer system na mag-uugnay sa Calamba, Laguna, Metro Manila hanggang Clark, Pampanga.

Operasyon ng PNR, balik-normal na

ni Gina Pleñago | April 22, 2023

Naibalik na mula sa pagkakadiskaril ang tren ng Philippine National Railways (PNR), sa pagtutulungan ng mga tauhan mula sa LRT Line 2, MRT 3, at ng pribadong sektor.

Nailagay na muli sa riles ang tren matapos pagsabayin ang paggamit sa crane at rerailing equipment at matagumpay na nailinya ang locomotive sa nadiskaril na tren.

Pinasalamatan ni PNR General Manager Jeremy Regino ang lahat ng mga manggagawa na nagtulung-tulong upang mapabilis at gawing ligtas ang pagsasaayos sa tren.

LRT1, LRT2, MRT3, PNR, walang taas-pasahe — DOTr

ni Lolet Abania | March 17, 2022

Walang pagtataas ng pamasahe sa mga railway lines sa bansa gaya ng LRT1, LRT2, MRT3, PNR sa kabila ng patuloy na pagsirit sa presyo ng mga produktong petrolyo, ayon sa Department of Transportation (DOTr).

“Maigting na paalala, instruction ni [Transportation] Secretary [Arthur] Tugade na walang inaasahan at walang pinaplano na pagtaas-pasahe sa linya ng ating mga tren,” pahayag ni DOTr Undersecretary for Railways Timothy John Batan sa Laging Handa briefing ngayong Huwebes.

“Alam natin na may pagtaas ng presyo sa langis na maaaring makaapekto sa presyo ng ating mga ibang bilihin, kung kaya’t sinisiguro natin… na sa sektor ng riles walang kinokonsidera na taas pasahe,” giit ni Batan.

Sa ulat, ang presyo ng mga produktong petrolyo ay tumaas ng 11 magkakasunod na linggo simula pa lamang ng taon, kung saan umabot ang year-to-date adjustments para sa diesel sa net increase ng P30.65 kada litro, gasoline ng P20.35 kada litro, at kerosene ng P24.90 kada litro.

Gayunman, naglabas na ang gobyerno ng pondo para sa fuel subsidies sa parehong public transportation at agriculture sectors upang makaiwas sa anumang tinatawag na inflationary impact dahil sa pagtaas ng presyo ng langis.