Eat... Bulaga!, ginagamit pa rin sa show... Paolo: Tuloy ang laban!

ni Eli San Miguel - Trainee @Entertainment | December 9, 2023

Nagpahayag ng sentimyento si Paolo Contis noong Miyerkules sa live broadcast ng Eat Bulaga! sa GMA-7, ukol sa desisyon ng Intellectual Property Office (IPO) na kanselahin ang trademark registration ng TAPE Inc., ang producer ng longest-running noontime show.

Napatunayan ng Intellectual Property Office (IPO) na sina Tito Sotto, Vic Sotto, at Joey de Leon ang mga totoong bumuo ng kinikilalang pangalan ng programa na Eat Bulaga at EB.

Ang sey naman ni Paolo sa opening ng kanilang programa: “Simple lang ang gusto kong sabihin para sa ating mga Kapuso.

"Mga Kapuso, mahaba pa po ang laban. Ibig sabihin, legally, wala pang final. Okay?"

Sinabi pa ng aktor at TV host, na tumayong tagapagsalita para sa TAPE, “Pero ito lang po ang pangako namin, anuman ang mangyari, ang nasimulan po namin na tulong at saya ay itutuloy lang po namin araw-araw dahil yun lang po ang dahilan kung bakit kami pumapasok araw-araw.

“Kayo po ang dahilan kaya nandito kami.”

Suporta ni Winwyn Marquez, "Kaya tuloy ang Pasko na pinakamasaya."

Sumang-ayon naman si Betong Sumaya, “Dito lang yan sa tahanang pinakamasaya!”

"Teka, teka, hindi yan ang title natin,” tugon ni Paolo sa mga sinabi nina Winwyn at Betong bago sabay-sabay isinigaw nang malakas ang “Ito po ang Eat Bulaga!!”

Kung kelan quarantine, saka sumikat… PAOLO, PANDEMIC SUPERSTAR

ni Nitz Miralles - @Bida | September 1, 2020

In fairness kay Paolo Contis, kung ang ibang celebrities ay walang trabaho ngayong may pandemic, si Paolo naman, hindi nawawalan ng shows. Ang birong tawag nga nito sa sarili ay “Pandemic Superstar” dahil sa panahon ng Covid-19, napansin ang husay niya at nag-trending at nag-number one pa sa Netflix ang movie nila ni Alessandra de Rossi na Through Night and Day.

Dahil doon, nagkaroon siya ng two movie offers sa Viva Films at tiyak, may mga kasunod pa.

Very visible rin sa telebisyon si Paolo dahil bukod sa Bubble Gang at All-Out Sundays na parehong napapanood sa GMA-7, may online show din sila ni Vaness del Moral, ang Just In kung saan, ang husay niyang mag-host naman ang nadidiskubre.

“I am the pandemic superstar. Malamang malaos na ako pagkatapos ng quarantine,” pagbibiro ni Paolo.

Also on Paolo, dalagita na ang mga anak niya kay Lian Paz at magaganda sila. Ang eldest nga niyang si Xonia ay kamukha ni Liza Soberano. Payag naman siguro sina Lian at LJ Reyes kung gustuhin ni Paolo na pagtagpuin sina Xonia, Xalene at Summer (na anak nina Paolo at LJ).