Arnell Ignacio, sa tagal dumipensa, wa’ na halos maniwala!

ni Pablo Hernandez @Prangkahan | May 25, 2025

DAPAT ISAPUBLIKO ANG 2026 BICAM BUDGET HEARING PARA WALANG SEN. AT CONG. NA MAKAPAGSINGIT NG PORK BARREL -- Ubod nang laki ang nais ng Malacanang na P10 trillion-P11 trillion national budget para sa year 2026.

Para sa kaalaman ng publiko, sa closed door bicam budget hearing ay diyan nangyayari ang “singitan” ng pork barrel ng mga kongresista at senador.

Kung iyang P10T-P11T national budget sa year 2026 ay paninindigan na talaga ng Malacanang, dapat hilingin ni Pres. Bongbong Marcos (PBBM) sa Kongreso na ang isasagawa nilang bicam budget hearing ay i-open sa publiko para matiyak na walang sen. at cong. na makapagsisingit ng pork barrel, period!

XXX

HALOS WALA NANG MANIWALA SA PALUSOT NI ARNELL IGNACIO DAHIL ANG TAGAL BAGO NIYA IDINEPENSA ANG SARILI SA OWWA ANOMALY -- Makalipas ang halos isang linggo matapos na siya ay sibakin bilang administrator ng Overseas Workers Welfare Administration (OWWA) dahil sa kinasasangkutan niyang P1.4 billion anomaly sa kanyang tanggapan, saka lang humarap si former OWWA Administrator Arnell Ignacio para itanggi na sangkot siya sa katiwalian umano rito.

Dahil sa tagal bago niya idinepensa ang kanyang sarili ay halos wala nang maniwala sa mga alibi, na ayon nga sa mga netizens “palusot” na lang ni Ignacio ang mga pinagsasabi niya sa kanyang presscon, boom!

XXX

DAPAT MAGING ANG MGA DISTRICT COLLECTOR NG CUSTOMS MAGSUMITE RIN NG COURTESY RESIGNATION -- Nagsumite na rin si Bureau of Customs (BOC) Commissioner Bienvenido Rubio ng courtesy resignation kay Pres. Bongbong Marcos (PBBM) para malayang makapamili ang Presidente ng nais niyang ipuwestong head ng Customs.

Aba teka, bakit si Comm. Rubio lang? Sana, lahat ng district collector ng Customs magsipag-resign na rin, period!

XXX

COMELEC CHAIRMAN GARCIA, PABAGO-BAGO SA P1K HONORARIA NG MGA GURO -- After election, ibinida ni Comelec Chairman George Garcia na ibibigay agad nila ang karagdagang P1,000 honoraria sa lahat ng mga guro na nagsilbing poll workers nitong nakalipas na May 12, 2025 election.

Siyempre tuwang-tuwa ang mga guro, kaya lang sa statement ni Chairman Garcia kamakailan (May 23, 2025), iba na ang kanyang sinasabi, pabago-bago siya sa kanyang pahayag, na iyong una niyang binanggit na maibibigay agad ay nagbago na, dahil aniya, maantala ang pamamahagi ng P1K honoraria sa mga titser, tsk!

PCCI, parang sinabi na sablay si PBBM sa courtesy resignation ng cabinet members

ni Pablo Hernandez @Prangkahan | May 24, 2025

SABLAY NA PANAWAGAN NI PBBM NA COURTESY RESIGNATION SA MGA CABINET MEMBERS -- Ikinagulat ng mga negosyanteng kasapi ng Philippine Chamber of Commerce and Industry (PCCI) ang panawagan ni Pres. Bongbong Marcos (PBBM) na courtesy resignation sa lahat ng miyembro ng kanyang gabinete kasi matatag naman daw ang ekonomiya ng bansa para utusan ng Presidente na magsipag-resign ang mga kalihim ng lahat ng departamento ng pamahalaan.

Kumbaga, parang sinabi na rin ng PCCI na sablay ang panawagang ito ng Pangulo, boom!

XXX

MAGANDA ANG TRACK RECORD NI SEC. REX GATCHALIAN SA DSWD KAYA SIGURADONG PANANATILIHIN SIYA NI PBBM SA PUWESTO -- Isa si Sec. Rex Gatchalian ng Dept. of Social Welfare and Development (DSWD) sa agarang tumugon sa panawagang courtesy resignation ni PBBM.

Maganda ang track record ni Sec. Gatchalian sa paglilingkod sa DSWD, sa paghahatid serbisyo sa mga mahihirap na kababayan, kaya’t asahan nang pananatilihin ito ng Presidente sa kanyang posisyon bilang head ng DSWD, sigurado iyan, period!

XXX

SEN. RISA HONTIVEROS, NANGANGARAP NANG MAGING PRESIDENTE KAHIT MATAGAL PA ANG 2028 PRESIDENTIAL ELECTION -- Mismong si Sen. Risa Hontiveros ang nagsabi na handa raw siyang sumabak sa 2028 presidential election.

Sa totoo lang, sablay ang statement na ‘yan ni Sen. Risa kasi katatapos pa lang ng 2025 election, ang nasa utak niya ay ang napakatagal pang 2028 presidential election, nangangarap nang maging presidente ng ‘Pinas, pwe!

XXX

‘SUNTOK SA BUWAN’ NA MAAPRUB SA ASYLUM SI HARRY ROQUE SA THE NETHERLANDS, ‘DI NAMAN SIYA BIKTIMA NG POLITICAL PERSECUTION, KUNDI SANGKOT SA SINDIKATONG POGO -- “Suntok sa buwan” ang hinihirit ni former presidential spokesman Harry Roque na asylum sa The Netherlands.

Ang mga binibigyan kasi ng asylum ng The Netherlands ay iyong mga biktima ng political persecution sa anumang bansa, hindi tulad ng kagaya ni Roque na inisyuhan ng korte ng warrant of arrest dahil sangkot sa sindikatong Philippine Offshore Gaming Operators (POGO) sa ‘Pinas, boom!

Hindi dapat pagbitiwin ni PBBM, sibakin lahat ng palpak na miyembro ng gabinete

ni Pablo Hernandez @Prangkahan | May 23, 2025

LAHAT NG PALPAK NA MIYEMBRO NG GABINETE NI PBBM, DAPAT SIBAKIN NIYA AT HINDI PAGBITIWIN SA PUWESTO -- Hindi nagustuhan ni Pres. Bongbong Marcos (PBBM) ang naging resulta ng senatorial election na kaunti lang sa kanyang mga “manok” na kandidato sa pagka-senador ang nagwagi, at tila isinisi niya ito sa mahinang performance ng kanyang administrasyon kaya nagpasya siyang pagbitiwin sa puwesto ang lahat ng miyembro ng kanyang gabinete.

Teka, bakit pinagre-resign lahat? Eh sa totoo lang naman, kung may political will si PBBM, dapat ang gawin niya ay sibakin ang mga kalihim ng bawat departamento na palpak sa posisyon, at hindi iyong pinagre-resign niya lahat, na ‘ika nga kung sa tingin niya ay mahina ang performance, eh ‘di sibakin niya lahat, period!

XXX

TAMA SINA SEN. BONG GO AT ATTY. PANELO, KUNG SINSERO SI PBBM MAKIPAGBATI SA PAMILYA DUTERTE DAPAT KUMILOS ANG ADMINISTRASYON NA PAUWIIN SA ‘PINAS SI EX-P-DUTERTE -- Sabi nina Sen. Bong Go at former presidential legal counsel Salvador Panelo na kung totoo na nais ni PBBM na makipagbati sa pamilya Duterte, ang dapat daw aksyon ng Marcos administration ay gawin ang lahat ng paraan para maiuwi sa Pilipinas si ex-P-Duterte na nakakulong sa International Criminal Court (ICC) jail sa The Netherlands.

Kapag sinunod ni PBBM ang nais mangyari nina Sen. Bong Go at Atty. Panelo, sinsero talaga siya na maki-reconcile sa mga Duterte pero kung walang gagawing aksyon ang Marcos admin para maiuwi sa bansa ang dating presidente, isa lang ang ibig sabihin niyan, “inuunggoy” lang ni PBBM ang taumbayan sa sinabi niyang gusto na niyang makipagbati sa pamilya Duterte, boom!

XXX

MGA KABATAAN, HINDI LANG SINA BAM AT KIKO ANG IBINOTO KUNDI PATI SI BONG GO KAYA ITO NAG-TOP SA SENATORIAL ELECTION -- Boto raw ng mga kabataan ang nagpanalo kina former Sen. Bam Aquino at Sen. Kiko Pangilinan.

Totoo iyan, at hindi rin maikakaila na sa dami ng mga bumoto kay Sen. Bong Go, mahigit 27 milyon kaya siya nag-top ay binoto rin siya ng mga kabataan dahil nakita ng mga ito (mga kabataan) ang dedikasyon nito sa tungkulin, at kaya siya ang naging top performing senator sa 19th Congress base sa survey ng Tangere firm, period!

XXX

KAY VP SARA NAGPASALAMAT SI EX-SP MANNY VILLAR SA PAGKAPANALONG SENADOR NI CAMILLE, AT HINDI SIYA NAGPASALAMAT KAY PBBM -- Nagpasalamat si former Senate President Manny Villar kay Vice President Sara Duterte-Carpio dahil malaki raw ang naitulong nito para magwaging senador ang anak niyang si Las Piñas City Rep. Camille Villar na kasapi ng “Alyansa Para sa Bagong Pilipinas” ni PBBM.

Kumbaga, parang sinabi na rin ni Villar na kaya kay VP Sara lang siya nagpasalamat ay dahil ang bise presidente ang nakatulong para maging senador ang anak niya, at hindi si PBBM, period!