Sa hatol na guilty kay Napoles sa pork barrel scam, nakikita na ng mag-asawang Discaya, malapit na silang makulong

ni Pablo Hernandez @Prangkahan | August 24, 2025

KAPAG NAGING PRESIDENTE SI VP SARA AT NASA PASIG CITY JAIL PA SI QUIBOLOY MAY TSANSANG MAKALAYA, PERO KUNG SA US JAIL MAKUKULONG ‘DI NA SIYA MAKAKALAYA -- Nanawagan ang mga abogado ni Pastor Apollo Quiboloy ng Kingdom of Jesus Christ (KOJC) sa Dept. of Justice (DOJ) na i-reject ang extradition request ng Amerika na isuko sa kanilang bansa ang pastor na may mga kasong child sex trafficking, sex trafficking by force, fraud and coercion, bulk cash smuggling at human rights violation sa Tate, kaso ayon sa mga lawyer ng pastor ay dapat tapusin muna ang mga kasong child sexual abuse at child sex trafficking na kinakaharap nito (Quiboloy) sa Pilipinas bago aksyunan ng DOJ ang hirit ng United States (US).

Ang posibleng dahilan kaya tutol ang kampo ni Quiboloy na isuko ito ng DOJ sa Amerika ay dahil malaki ang tsansa ng pastor na makalaya sa Pasig City jail kapag nanalo si Vice Pres. Sara Duterte-Carpio sa 2028 presidential election, na ‘ika nga, higit 2-taon na lang hihintayin, malaya na si Pastor Quiboloy pero kapag sa US jail ito nakulong ay malabo na siyang makalaya sa bigat ng mga kasong kinakaharap niya sa Amerika, period!

XXX

‘DI MAN AMININ TIYAK KAKABA-KABA NA ANG MAG-ASAWANG DISCAYA, SA HATOL NG SANDIGANBAYAN KAY NAPOLES NA GUILTY SA PORK BARREL SCAM, MALAMANG MAKULONG DIN SILA SA FLOOD CONTROL PROJECT SCAM -- Laman na naman ng mga balita si pork barrel queen Janet Napoles matapos mapatunayan ng Sandiganbayan na guilty ito sa pork barrel scam kung kaya’t hinatulan ng pagkakakulong ng mula 12 hanggang 20 years sa mga kaso nitong graft at mula 20 hanggang 34 years sa mga kaso naman nitong malversation of public funds, at sigurado ang hatol na iyan ng korte ay nalaman na rin ng mag-asawang Curlee at Sarah Discaya dahil nga nabalita ito.

‘Ika nga, hindi man aminin ay tiyak kakaba-kaba na ang mag-asawang Discaya na kapwa naman nasasangkot sa flood control projects scam dahil nakikini-kinita na nila na matutulad sila kay Napoles, na silang mag-asawa kapag sinampahan na ng gobyerno ng mga kasong plunder, graft at malversation of public funds, kulong din aabutin nila, boom!

XXX

‘GHOST PROJECTS’ NG MGA KONTRATISTA ‘DI ISINAMA NI SEC. BONOAN SA ISINUMITE KAY PBBM NA FLOOD CONTROL PROJECTS NG MGA ITO -- Ikinagulat ni Pres. Bongbong Marcos (PBBM) na ang natuklasan daw niyang flood control "ghost" project ng SYMC Construction Trading na pag-aari ng isang Sally Nicolas Santos sa Baliwag, Bulacan ay wala sa post sa ‘Sumbong sa Pangulo’ website, at nalaman lang daw niya ito nang may magbigay ng impormasyon sa Malacanang patungkol sa "ghost  project" na ito.

Hanggang gulat lang? Aba’y dapat nang matuklasan niya ang "ghost project" na ito ay "forthwith" o agad-agad sinibak na niya si Dept. of Public Works and Highways (DPWH) Sec. Manuel Bonoan kasi mistula siyang inunggoy ng kalihim dahil ang mga isinumite sa kanyang mga flood control project ng mga kontraktor ay hindi isinama ang mga "ghost project" ng mga construction firms kung kaya’t wala ang mga ito (ghost projects) sa post sa ‘Sumbong sa Pangulo’ website,  period!

XXX

‘MAGHAHALO ANG BALAT SA TINALUPAN’ SA PAGITAN NG SENADO AT KAMARA SA IMBESTIGASYON NILA SA FLOOD CONTROL PROJECTS SCAM -- Matapos umpisahan ng Senado ang imbestigasyon sa flood control projects scam ay inanunsyo ng Kamara na magsasagawa na rin sila ng imbestigasyon sa isyung ito.

Dahil diyan ay asahan nang "maghahalo ang balat sa tinalupan" sa pagitan ng mga senador at kongresista, malamang na magtuturuan sila kung sinong mga sen. at cong. ang sangkot sa flood control projects scam, abangan!

Sa dami ng bobotante, wagi pa rin sa eleksyon mga sen. at cong. na sangkot sa pork barrel at flood control project scam

ni Pablo Hernandez @Prangkahan | August 23, 2025

PORKE NAGING BILYONARYO SA ‘PANG-I-SCAM’ SA PERA NG BAYAN NAG-FEELING POWERFUL NA MAG-ASAWANG DISCAYA, INISNAB ANG PRESIDENTE AT SENADO -- Matapos matuklasan ni Pres. Bongbong Marcos (PBBM) noong Aug. 15, 2025 na substandard (tinipid sa materyales), hindi tinapos at iniwang nakatengga ng St. Timothy Construction Corporation na pag-aari ng mag-asawang Currel at Sarah Discaya ang na-award sa kanilang flood control project sa Calumpit, Bulacan ay sinabi ng Pangulo na dapat magpaliwanag sa kanya ang mag-asawang kontraktor kung bakit ganu’n ang ginawa sa proyektong pangontra sa baha na nagdulot para lalong bahain ang munisipalidad na ito, pero inisnab ang panawagan ng President, dahil hanggang ngayon ay hindi pa sila nagtutungo sa Malacañang para magpaliwanag.

Sa nakaraang pagdinig noong Aug. 19, 2025 ng Senate Blue Ribbon Committee na pinamumunuan ni Sen. Rodante Marcoleta, kabilang ang mag-asawang Discaya sa ipinatawag para dumalo sa Senate probe upang kuwestiyunin sa mga substandard, hindi tinapos at iniwang nakatenggang mga flood control project na na-award sa kanilang mga construction firms, pero inisnab din nila ang Senado.

Aba’y feeling powerful ang mag-asawang Discaya na ito, naging mga bilyonaryo lang sa ‘pang-i-scam’ sa pera ng bayan, eh pati Presidente at Senado iniisnab-isnab lang, tsk!

XXX

MANANALO PA RIN SA ELEKSYON ANG MGA SEN. AT CONG. NA SANGKOT SA PORK BARREL AT FLOOD CONTROL PROJECT SCAM DAHIL SA DAMING BOBOTANTE -- Walang epekto sa political career ng mga senator and congressmen ang mga isyung nagsasangkot sa kanila sa kickback sa pork barrel at flood control “ghost” project dahil sa dami ng mga bobotante ay tiyak na mananalo pa rin sila sa darating na 2028 election.

Napatunayan na ‘yan sa mga senador at kongresistang nasangkot noon sa pork barrel scam ni Janet Napoles, na nang kumandidato sila noon, mga nagsipagwagi pa sa eleksyon, buset!

XXX

SABLAY ANG PAGTALAGA NI PBBM KAY NEPOMUCENO BILANG CUSTOMS COMMISSIONER DAHIL HIRIT NI SEN. PANGILINAN TULOY PA RIN ANG AGRI-SMUGGLING SA ‘PINAS -- Ibinulgar ni Sen. Kiko Pangilinan ang mga kumpanya ng mga broker na patuloy na nagpupuslit sa Customs ng mga smuggled na agricultural products at ang mga ito ay ang 1024 Consumer Goods Trading, Berches Consumer Goods Trading, EPCB Consumer Goods Trading, Queenstar Industry Consumer Trading at Vox Enterprises OPC.

Hay naku, tila sablay din ang pagtatalaga ni Pres. Bongbong Marcos (PBBM) kay Ariel Nepomuceno bilang Customs commissioner dahil nga sabi ni Sen. Kiko ay tuloy pa rin ang raket na agri-smuggling ng mga broker na iyan sa Adwana, tapos ang head ng Adwana walang aksyon laban sa mga agri-smuggler na ito, boom!

XXX

IMBES PURUHIN NI CONG. GOMEZ SI MAYOR MAGALONG SA PAGLABAN SA CORRUPTION, BINATIKOS PA -- Pinutakti ng pamba-bash ng netizens sa social media si Leyte 4th District Rep. Richard Gomez sa ginawa niyang pambabatikos kay Baguio City Mayor Benjamin Magalong na nagbubulgar sa mga tinatanggap na kickback ng mga pork barrel congressmen sa mga flood control projects sa bansa.

Maba-bash talaga si Cong. Gomez dahil mainam na may isang Mayor Magalong na nagbubulgar sa mga katiwaliang pinaggagawa ng ilang kongresista, at imbes na puriin niya ang alkalde sa ipinakikita nitong tapang laban sa corruption, eh mantakin n’yo binatikos pa ng actor-turned congressman, tsk!

DPWH Sec. Bonoan at COA Comm. Lipana, dapat mag-resign na, at kung hindi pareho silang ‘walang hiya’

ni Pablo Hernandez @Prangkahan | August 22, 2025

SINONG MGA KAPWA SENADOR ANG PINASASARINGAN NI SEN. ZUBIRI NA SANGKOT SA FLOOD CONTROL 'GHOST' PROJECTS? -- Sabi ni Sen. Migz Zubiri na hindi lang daw mga taga-Dept. of Public Works and Highways (DPWH) at mga kontraktor ang dapat imbestigahan sa flood control “ghost” projects, kailangan daw ay isama sa imbestigasyon ang mga senador at kongresistang nagsingit ng flood control projects funds (sa national budget), na aniya ay dapat kasuhan ang lahat ng mga kontraktor, DPWH at mga pulitiko na sangkot sa scam na ito.

Eh ang tanong: Sino kayang mga kapwa senador ang pinatatamaan o pinasasaringan ni Sen. Migz sa statement niyang ito? Abangan!

XXX

‘MAHIYA NAMAN KAYO’ PATUNGKOL NI PBBM SA MGA SANGKOT SA FLOOD CONTROL PROJECT SCAM, AYAW MAG-RESIGN NI DPWH SEC. BONOAN, KUNG GANU’N ISA SIYANG ‘WALANG HIYA’?! –“Mahiya naman kayo,” sabi ni Pres. Bongbong Marcos (PBBM) sa kanyang State of the Nation Address (SONA) at ang pinatutungkulan niya rito ay ‘yung mga nagsabwatan sa flood control project scam, at nang matapos ang SONA ay ibinulgar naman ng Presidente ang top 15 na mga construction firms na nakakopo ng mga flood control project. Kasunod nito ay ang imbestigasyon ng Senado at dito napaamin ng mga senador si DPWH Sec. Manuel Bonoan na maraming flood control "ghost" projects o mga proyektong pangontra sa baha na pinondohan ng DPWH pero hindi raw ginawa.

Matapos aminin ito ni Sec. Bonoan, ang dapat niyang aksyon ay nagpasa na siya ng irrevocable resignation sa Office of the President (OP), pero hindi niya ginawa.

Balikan natin ang sabi ni PBBM sa kanyang SONA na, “Mahiya naman kayo,” at dahil ayaw mag-resign ni Sec. Bonoan, lumalabas na siya pala ay “walang hiya,” boom!

XXX

TAGA-BULGAR LANG ANG PAPEL NI PBBM DAHIL AYAW PANG MAGTATAG NG ‘FACT FINDING COMMISSION’ NA MAG-IIMBESTIGA SA FLOOD CONTROL PROJECT SCAM -- Nakadalawang balik na sa Bulacan si PBBM, una noong Aug. 15, 2025 nang ibulgar niya at ipinakita sa publiko ang substandard o tinipid sa materyales at iniwang nakatenggang flood control project ng St. Timothy Construction Corp. na pag-aari ng mag-asawang Currel at Sarah Discaya sa bayan ng Calumpit, at pangalawa ay nitong Aug. 20, 2025, ibinulgar at ipinakita rin niya sa publiko ang flood control "ghost" project ng SYMC Construction Trading na pag-aari ng isang Sally Nicolas Santos sa bayan ng Baliwag.

Ganyan lang yata ang papel ng Presidente, taga-bulgar ng mga substandard project, proyektong iniwang nakatengga at "ghost" projects, pero wala pang aksyon para sibakin si Sec. Bonoan, wala pa ring pagkilos para magtatag ng “Fact Finding Commission” na mag-iimbestiga sa flood control project scam, tsk!

XXX

MATAPOS MABULGAR NA KONTRAKTOR DIN NG MGA FLOOD CONTROL PROJECT ANG MISIS NI COA COMM. LIPANA, DAPAT ‘FORTHWITH’ O AGAD-AGAD MAG-RESIGN NA SIYA SA PUWESTO -- Ang misis ni Commission on Audit (COA) Commissioner Mario Lipana na si Marilou Laurio-Lipana, may-ari ng Olympus Mining and Builders Group Philippines Corp. ay nakakopo rin pala ng mga flood control project sa DPWH.

Aba teka, malinaw na conflict of interest 'yan ah! Dapat "forthwith" o agad-agad mag-resign na si Lipana sa COA dahil kung hindi siya magri-resign, tulad din siya ni DPWH Sec. Bonoan na “walang hiya,” period!