Sa asta ni Tito Sen, baka agad-agad ‘makudeta’ at mapatalsik na Senate President

ni Pablo Hernandez @Prangkahan | September 13, 2025

TITO SEN, BAKA AGAD-AGAD ‘MAKUDETA’ AT MATANGGAL DIN BILANG SENATE PRESIDENT -- Sinabi ni Senate President Pro Tempore Ping Lacson na pinayuhan niya si newly elected Senate President Tito Sotto na ituring nito ang kanyang sarili bilang Senate president ng lahat ng senador, at hindi Senate president lang ng mga miyembro ng majority bloc ng Senado, dahil kung ang paiiralin niya na SP lang siya ng majority bloc ng Senate ay "forthwith" o agad-agad baka “makudeta” rin siya bilang Senate president.

Sa tema ng salita ni Sen. Lacson ay tila hindi niya nagustuhan ang pagtanggal sa mga komiteng hawak dati ng mga senador na kasapi ng majority bloc noon, na ngayon ay nasa minority bloc na matapos na “makudeta” o mapatalsik si Sen. Chiz Escudero at si Tito Sen ang maging SP ng Senado.

Isang halimbawa riyan ay ang nangyari kay Sen. Bong Go, epektibo niyang nagagampanan ang mandato bilang chairman ng Senate Committee on Health and Demography, napakarami niyang nagawa patungkol sa health care na napapakinabangan ngayon ng milyun-milyong Pilipino, tapos porke nasa majority bloc si Sen. Risa Hontiveros at naging bahagi ng minority bloc si Sen. Bong Go ay tinanggal sa kanya ang komiteng ito (health) at ibinigay sa kaalyado niyang senadora, tsk!

XXX

BAKA MAGKAROON NG LAMAT ANG MAYORS FOR GOOD GOVERNANCE DAHIL SA MAGKAIBANG PANINIWALA NINA MAYOR VICO AT MAYOR MAGALONG KUNG DAPAT O HINDI MAGING STATE WITNESS ANG MAG-ASAWANG DISCAYA -- Sa imbestigasyon ng Senate Blue Ribbon Committee ay pinangalanan ng mag-asawang Curlee at Sarah Discaya ang ilang kongresista at Dept. of Public Works and Highways (DPWH) na nanghihingi raw ng kickback sa kanila mula year 2022 hanggang year 2025, at pagkaraan ay nag-request sila na magpasailalim sa witness protection program ng gobyerno, at sa imbestigasyon naman ng House Infra Committee, ang isa sa resource person na si Pasig City Mayor Vico Sotto ay nagsabi na hindi dapat maging state witness ang mga Discaya dahil bukod sa bilyun-bilyong pisong pera ng bayan ang kanilang ‘na-scam’ ay pareho pa raw sinungaling ang mag-asawang ito, at sa House hearing din na ito ibinulgar ni DPWH Engr. Brice Hernandez na sangkot sa flood control anomaly sina Sen. Jinggoy Estrada at Sen. Joel Villanueva.

Matapos ang magkasunod na imbestigasyon ng Senado at Kamara, sinabi ni Baguio

City Mayor Benjamin Magalong na mas kapani-paniwala raw ang imbestigasyon ng Senado kaysa Kamara, na waring tila pabor siyang maging state witness ang mag-asawang Discaya, na kinokontra naman ni Mayor Vico.

Malamang magkaroon ng lamat ang Mayors for Good Governance na parehong kinaaaniban nina Mayor Vico at Mayor Magalong dahil magkasalungat ang kanilang paniniwala sa kung dapat o hindi maging state witness ang mag-asawang Discaya, period!

XXX

NAGKUKUMAHOG ANG MAG-ASAWANG DISCAYA NA MAGING STATE WITNESS PARA MAKALUSOT SA KASO, AT ‘DI MABAWI ANG P31B ‘IN-SCAM’ SA KABAN NG BAYAN -- Kahit maraming personalidad na ang nagsasabi na hindi puwedeng maging state witness ang mag-asawang Curlee at Sarah Discaya dahil bukod sa bilyun-bilyong pisong pera ng bayan ang kanilang ‘na-scam’, pareho pa silang sinungaling, ay nagkukumahog pa rin ang mag-asawang Discaya na maging testigo ng estado sa mga pinangalanan nilang mga kongresista na tumatanggap daw ng kickback sa mga flood control projects.

Sa totoo lang, dalawa lang naman ang dahilan kaya nagkukumahog silang maging state witness, at ito ay para makalusot sila sa kaso at hindi bawiin ng gobyerno ang higit P31B ‘in-scam’ nila sa kaban ng bayan, buset!

XXX

KAYA MARAMING JOBLESS DAHIL MARAMING GHOST PROJECTS, MGA PROYEKTONG WALANG NAGTATRABAHO -- Ayon sa Philippine Statistics Authority (PSA) ay dumami ang bilang ng mga Pinoy na walang trabaho sa Pilipinas.

Isa lang naman ang dahilan kung bakit maraming jobless Pinoy kasi sangkatutak ang mga ghost project sa DPWH, mga proyektong walang nagtatrabaho, boom!

Mag-asawang Discaya, ‘pag ginawang state witness baka ‘Pinas matulad sa Indonesia at Nepal

ni Pablo Hernandez @Prangkahan | September 12, 2025

BUTI NI-REJECT NI TITO SEN NA MAGING STATE WITNESS ANG MAG-ASAWANG DISCAYA, KUNG INAPRUB BAKA ‘PINAS MAGMISTULANG INDONESIA AT NEPAL -- Mabuti na lang ni-reject at hindi pinirmahan ni Senate President Tito Sotto ang sulat ni Sen. Rodante Marcoleta na hihilingin kay DOJ Sec. Boying Remulla na gawing state witness ng gobyerno ang mag-asawang Curlee at Sarah Discaya laban sa mga kongresista at iba pa na isinangkot nito sa kickback sa flood control project scam.

Kasi sa totoo lang, sa higit P31 billion na-scam umano ng mag-asawang Discaya sa kaban ng bayan kapag ang mga ito ang ginawang state witness ng gobyerno, para sila ay makalusot sa sangkatutak na kasong mga no bail na plunder at economic sabotage ay tiyak magwawala ang taumbayan, baka matulad ang Pilipinas sa Indonesia at Nepal na ang kanilang mga mamamayan ay nagwala, nanunog ng mga gov’t. building at mala-palasyong tahanan ng mga corrupt na mga politician at kapitalista sa dalawang bansang ito, period!

XXX

SABI NINA SEN. KIKO ANG SINUNGALING KAPATID NG MAGNANAKAW, AT MAYOR VICO ANG SINUNGALING ASAWA NG MAGNANAKAW, KAYA HANGAD NG MAG-ASAWANG DISCAYA NA MAGING STATE WITNESS ‘SUNTOK SA BUWAN’ -- Sa post ni Sen. Kiko Pangilinan aniya, “Ang sinungaling kapatid ng magnanakaw,” kaya hindi puwedeng maging state witness ang mag-asawang Discaya na parehong nagsinungaling nang magpaawa effect, pa-feeling victim sa Senate Blue Ribbon Committee na dahil daw sa kickback sa kanila ng (iilan) binanggit niyang mga kongresista at DPWH officials ay 2% to 3% na lang daw ang natitira sa kanila, may pagkakataon pa raw na nalulugi sila sa mga proyekto. At sa pagharap naman ni Pasig City Mayor Vico Sotto sa House Infra Committee, binanggit niya na sa ipinakitang yaman ng mga Discaya sa publiko ay kasinungalingan umano ang sinabi ng mga ito na maliit lang daw ang kinikita nila sa mga proyekto dahil sa kickback, at pagkaraan sinabi ng alkalde na huwag maniwala sa mga Discaya dahil aniya, “Ang sinungaling (Sarah ito), asawa ng magnanakaw,” sabay lingon kay Curlee Discaya. 

Ang nais nating ipunto rito, dahil sa nuknukan sa pagsisinungaling ang mag-asawang Discaya ay "suntok sa buwan" ang nais nilang maging state witness ng gobyerno para makaiwas sa kaso at hindi makumpiska ng pamahalaan ang ‘na-scam’ nilang higit P31B sa pera ng bayan, boom!

XXX

DAPAT HINDI LANG MGA TAGA-DPWH AT MGA KONTRAKTOR ANG KASUHAN, PATI TAGA-COA ISAMA SA KASO -- Sinampahan na ni DPWH Sec. Vince Dizon ng kasong paglabag sa Anti-Graft and Corrupt Practices Act ang ilan sa mga sangkot na DPWH officials at mga kontraktor sa flood control projects scam sa Bulacan.

Aba teka, bakit walang taga-COA (Commission on Audit) sa kinasuhan? Dapat sampahan din ng kaso ang mga taga-COA dahil baka kasabwat sila sa scam na ‘yan dahil hindi nila ginampanan ang kanilang mandato na i-audit kung completed na at sapat ang ginastang pera ng bayan sa mga flood control project na kalaunan ay natuklasang mga "guni-guni" project pala, period!

XXX

KAILAN MAGPAPAKITANG-GILAS SI GEN. LUCAS PARA LANSAGIN ANG 'PROTECTION RACKET SYNDICATE' AT 'OIL PILFERAGE SYNDICATE' SA CALABARZON? -- Patuloy na namamayagpag ang "protection racket syndicate" nina "Tsan Parak," "Tata Obet," "Adlawan," “Dimapeles,” "Rico," at "Jong" sa mga ilegalista sa buong Cavite, Laguna, Batangas, Rizal at Quezon (CALABARZON) at "oil pilferage syndicate" nina "Dondon

Alahas," "Violago," "Amang" at "Aldo" sa Batangas at Cavite.

Kailan kaya gagawa ng aksyon, magpapakitang-gilas si PNP-Region 4-A Director, Brig. Gen. Kenneth Lucas para lansagin ang dalawang sindikatong ito sa CALABARZON, abangan!

Pagtatalaga ni PBBM kay Bonoan sa DPWH, sablay, may anak palang kontraktor

ni Pablo Hernandez @Prangkahan | September 11, 2025

MAHUSAY NA NAGAMPANAN NI SEN. BONG GO ANG PAGIGING CHAIRMAN NG COMMITTEE ON HEALTH, TAPOS TINANGGAL DITO NI NEWLY ELECTED SP TITO SOTTO -- Ang pinaka-bad na nangyari sa pagpapalit ng liderato sa Senado ay nang alisin ni newly elected Senate President Tito Sotto si Sen. Bong Go bilang chairman ng Senate Committee on Health and Demography, at ang komite na ito ay ibinigay kay Sen. Risa Hontiveros.

Mahusay na ginampanan ni Sen. Bong Go ang pamumuno sa Committee on Health, isinulong niya ang Malasakit Center Act kaya naging free hospitalization na ang mga pampublikong ospital. Itinaguyod niya ang Super Health Center na inilalagay sa bawat lungsod at munisipalidad para naman sa libreng laboratory test, ultrasound, paanakan, at may isolation room. Nagsulong din siya na dagdagan ng kama ang mga public hospital para hindi nagsisiksikan sa isang kama ang mga pasyente. Isinulong niya na magkaroon ng Philippine Senior Citizens Hospital para sa mga lolo at lola. Itinaguyod niya ang Overseas Filipino Workers Hospital para rito na magpagamot ang mga OFW pati ang kanilang mga pamilya. Ipinaglalaban niya ang karapatan ng mga health workers. Isinulong niya na mapagkalooban ng PhilHealth card ang lahat ng mga Pilipino. Ipinaglaban niyang maibalik sa PhilHealth ang higit P74 billion na tinanggal sa Bicameral Conference Committee, at marami pa siyang nagawa para sa health care ng sambayanang Pinoy.

Sa kabila ng mga nagawang ito ni Sen. Bong Go at marami pa sana siyang gagawin para sa kapakanan ng mamamayan, tinanggal siya ni SP Sotto bilang chairman ng Committee on Health, tsk!

XXX

NABULGAR NA ANG APPOINTEE NOON NI PBBM SA DPWH NA SI ENGR. BONOAN, MAY ANAK PALANG KONTRAKTOR -- Ibinulgar ni Sen. Ping Lacson na si resigned DPWH Sec. Bonoan ay may anak palang kontraktor na nakakopo rin ng mga kontrata sa gobyerno.

Sablay pala ang pagtatalaga noon ni Pres. Bongbong Marcos (PBBM) kay Engr. Manuel Bonoan bilang kalihim ng DPWH, boom! 

XXX

IMBES HUMIRIT NG MARATHON HEARING SI ATTY. KAUFMAN SA ICC PARA MABILIS MAKALAYA SI FPRRD, PINA-POSTPONE PA KAYA ASAHANG MAGTATAGAL SA ICC JAIL ANG EX-PRESIDENT -- Sablay yata ang defense counsel ni former Pres. Rodrigo Roa Duterte (FPRRD) dahil  imbes humirit ng marathon hearing at ipakita nila ang husay sa pagtatanggol sa ex-president upang makalaya at makauwi na ito ng Pilipinas, mantakin n’yong pina-postpone pa ni Atty. Nicholas Kaufman ang nakatakda sanang hearing sa Sept. 23, 2025 sa International Criminal Court (ICC).

Dahil diyan ay asahan nang lalong magtatagal sa pagkakakulong ang dating presidente sa ICC jail sa The Netherlands, tsk! 

XXX

PARA MATIGIL ANG PANGRARAKET NI ALYAS ‘MELAD’ SA MGA TAGA-TUGUEGARAO CITY, DAPAT IPAHULI NA NI MAYORA MAILA TING QUE KAY COL. URANI -- Isang alyas "Melad" daw ang may raket na puwesto-pihong "dice" sa Tuguegarao City.

Dapat ipahuli agad ni Mayora Maila Ting Que kay city chief of police Col. Darwin Urani si "Melad" para matigil na ang pangraraket nito sa mga taga-Tuguegarao City, period!