Pag-heart finger ni Sarah Discaya, indikasyong 'di nagsisisi sa ‘pang-i-scam’ sa kaban ng bayan

ni Pablo Hernandez @Prangkahan | September 29, 2025

WALANG IBANG DAPAT SISIHIN KUNG BAKIT NAGKA-PARTYLIST ANG MGA KONTRAKTOR, TRAPO AT POLITICAL DYNASTY, KUNDI ANG SC AT COMELEC -- Dahil sa pagkakabulgar ng flood control projects scam, nabulgar din na karamihan sa mga partylist representatives sa Kamara ay mga kontraktor, mga trapo at mga political dynasty na nagkamal sa kaban ng bayan na nasa Dept. of Public Works and Highways (DPWH).

Walang ibang dapat sisihin diyan kung kaya nakapagnanakaw sa kaban ng bayan ang mga kontraktor na may mga partylist kundi ang Supreme Court (SC) at Comelec.

Sa ilalim ng 1987 Constitution, nakasaad dito ay ang mga maaaring lang lumahok sa partylist election ay iyong mga marginalized sectors, pero noong April 2013 ay naglabas ng desisyon ang SC na puwede nang lumahok sa halalang pang-partylist ang mga political party at mga grupo na hindi kumakatawan sa mga sektor ng lipunan, at pagkaraan niyan ang ginawa naman ng Comelec ay tanggap nang tanggap ng mga partylist na lalahok sa halalan, mga partylist ng mga kontraktor, mga partylist na ang nasa likod ay mga trapo at political dynasty, tsk!

XXX

KUNG AKTIBONG SUNDALO PA ANG NASA LIKOD NI RET. SGT. GUTEZA NA NAG-LINK KAY MARTIN ROMUALDEZ SA KICKBACK, INDIKASYON IYAN NA MAY KAWAL NG PAMAHALAAN ANG DISKUNTENTO SA MARCOS ADMIN -- Sa interview ni Pinky Webb kay former Congressman Mike Defensor ay sinabi nito na isang kaibigang sundalo raw ang nagdala sa kanya kay ret. Marine Sgt. Orly Guteza, dating security consultant ni Ako Bicol Partylist Rep. Zaldy Co at ito (Guteza) raw ang magpapatotoo na nagpapadala ang partylist representative ng kickback kay Leyte Rep. Martin Romualdez at dahil diyan ay ipinakilala ng dating congressman kay Sen. Rodante Marcoleta ang retired soldier na naging surprise witness sa Senate Blue Ribbon Committee.

Hindi pinangalanan ni Defensor ang kaibigan niyang sundalo, hindi rin niya sinabi kung aktibo pa ito sa serbisyo o retirado na.

Iyan ngayon ang dapat alamin ni Armed Forces of the Philippines (AFP) chief, Gen. Romeo Brawner kung nasa active service pa ang sundalong nasa likod ni Guteza dahil kung nasa serbisyo pa, indikasyon ‘yan na may kawal ng pamahalaan ang diskuntento sa Marcos administration, period!

XXX

PANG-AASAR NI SARAH DISCAYA NANG MAG-HEART FINGER SA MEDIA, INDIKASYONG HINDI SIYA NAGSISISI SA GINAWA NILANG ‘PANG-I-SCAM’ SA KABAN NG BAYAN -- Binatikos na naman ng publiko ang kontraktor na si Sarah Discaya dahil mistulang inaasar pa nito ang mamamayan nang mag-heart finger siya sa mga mamamahayag na nag-aabang sa kanya sa Dept. of Justice (DOJ).

Mababatikos talaga siya dahil ang inasal niyang ito ay pagpapakita na wala siyang pagsisisi sa ginawa niya at ng kanyang mister na si Curlee Discaya na ‘pang-i-scam’ sa kaban ng bayan, pwe!

XXX

RAKET NA ‘DICE’ NG RETIRED GENERAL SA TUGUEGARAO CITY DAPAT IPA-RAID NI COL. DARWIN URANI -- Isang retiradong heneral daw ang kasosyo sa raket na "dice" na nambibiktima sa residente ng Tuguegarao City.

Dapat aksyunan agad ito ni City Chief of Police, Col. Darwin Urani, ipa-raid niya ang puwesto ng "dice" na ito para matigil na ang raket ng retired general sa kanyang jurisdiction, period!

ICI, gagawing ‘secret’ang hearing sa flood control projects scam, bakit?

ni Pablo Hernandez @Prangkahan | September 28, 2025

DAHIL SA TESTIGO NI SEN. MARCOLETA NAGMISTULANG ‘COMEDY BAR’ ANG IMBESTIGASYON NG SENADO SA FLOOD CONTROL PROJECTS  SCAM -- Tumahimik ang lahat nang sabihin ni Sen. Rodante Marcoleta sa pagdinig sa Senate Blue Ribbon Committee na may “surprise witness” daw siya na retiradong Marine soldier na dating security consultant ni Ako Bicol Partylist Rep. Zaldy Co, former chairman ng House Committee on Appropriations, na magdidiin kay Leyte Rep. Martin Romualdez sa pagtanggap umano nito ng kickback sa flood control projects scam.

Ito na ang siste, nang ipatawag na si ret. Marine Sgt. Orly Guteza at umpisahang basahin ang kanyang affidavit ay kapuna-puna na nauutal ito, at nang dalawang beses siyang pagalitan ni Sen. Marcoleta dahil nalimutan ang ibang nilalaman ng kanyang sworn statement ay dito nagtawanan ang ibang senador, mga resource person at audience.

Sa mga nakaraang hearing ng Senate Blue Ribbon Committee ay talagang makikitang seryoso ang lahat ng mga dumalo sa imbestigasyon, nitong nakalipas lang na Huwebes (Sept. 25) ay hindi napigilan ng mga nasa loob ng Senado ang magtawanan na ‘ika nga, nagmistulang “comedy bar” ang Senate probe sa flood control projects scam at kickback dahil parang komedyante ang surprise witness ni Sen. Marcoleta, boom!

XXX

DAPAT TANGGAPIN NINA ROMUALDEZ AT ZALDY CO ANG HAMON NI CHEL DIOKNO NA ILANTAD ANG KANILANG SALN AT LUMAGDA NG BANKS WAIVER, KUNG TATANGGI, IISIPIN NG PUBLIKO NA NAGKAMAL NGA SILA SA KICKBACK – Bagama’t nabawasan ang kredibilidad ni ret. Marine Sgt. Guteza dahil naging katatawanan siya sa loob ng Senado, bukod pa sa itinanggi ng isang abogado na siya ang nag-notaryo sa affidavit nito at sa pang-iisnab niya sa imbestigasyon ng Dept. of Justice (DOJ), ay sinabi ni Akbayan Rep. Chel Diokno na maituturing na mabigat ang mga alegayon ng retiradong sundalo sa Leyte Rep. Martin Romualdez at kay Cong. Zaldy Co.

Dahil diyan ay hinamon ni Cong. Diokno sina Romualdez at Zaldy Co na isapubliko ang kanilang Statement of Assets, Liabilities and Net Worth (SALN) at lumagda ng waiver sa kanilang mga bank accounts.

Kapag tumanggi sila sa hamon ni Cong. Diokno ay isa lang ang iisipin ng publiko, na parehong nagkamal ng kickback sina Romualdez at Zaldy Co sa flood control projects, period!

XXX

IISIPIN NG PUBLIKO NA MAY ‘HOKUS POKUS’ NA MANGYAYARI KAPAG TINOTOO NG ICI NA GAWING ‘SECRET’ ANG HEARING NILA SA FLOOD CONTROL PROJECTS SCAM -- Sinabi ni newly appointed Independent Commission for Infrastructure (ICI) Executive Director Brian Hosaka na hindi raw isasapubliko o hindi raw ila-live telecast ng ICI ang imbestigasyon nila sa mga sangkot sa flood control projects scam.

Kapag tinotoo nila ‘yang “secret flood control project” hearings ay hindi maiaalis sa isipan ng mamamayan na magsasagawa ng “hokus pokus” na imbestigasyon ang ICI sa flood control projects scam, boom!

XXX

NON-STOP ANG PAGSISINUNGALING NG MAG-ASAWANG DISCAYA KAYA HINDI SILA DAPAT GAWING STATE WITNESS NG PAMAHALAAN -- Madalas sabihin ng mag-asawang Curlee at Sarah Discaya na wala raw silang "ghost" na flood control project, pero natuklasan ni DPWH Sec. Vince Dizon na may "guni-guni" project ang mga Discaya sa Davao Occidental.

Kaya hindi talaga dapat na gawing state witness ang mag-asawang Discaya dahil non-stop ang kanilang pagsisinungaling sa imbestigasyon sa flood control projects scam, period!

Sarah Discaya at Malou Lipana, buti talo sa eleksyon, ‘di paglilingkod ang pakay kundi ‘pang-i-scam’ sa kaban ng bayan

ni Pablo Hernandez @Prangkahan | September 27, 2025

PARANG SINABI NI PBBM NA SAFE KAY SEC. REX GATCHALIAN ANG PERA NG BAYAN KAYA P36B PONDO NG DPWH FLOOD CONTROL PROJECT, INILIPAT SA DSWD -- Inanunsyo ni Pres. Bongbong Marcos (PBBM) na ang P36 billion na bahagi ng flood control projects ng Dept. of Public Works and Highways (DPWH) ay ipinalilipat na niya sa tanggapan ni Sec. Rex Gatchalian ng Dept. of Social Welfare and Development (DSWD) para sa mga programang pang-ayuda ng kagawaran tulad ng Assistance to Individual in Crisis Situation (AICS), Payapa at Masaganang Pamayanan (PAMANA) at Pantawid Pamilyang Pilipino Program (4Ps).

Kumbaga, parang sinabi na rin ni PBBM na safe ang pera ng bayan kay Sec. Gatchalian, na ang pondong ito (P36B) ay tiyak makakarating sa mga dapat tulungang mamamayan, kaysa ang public funds na nasa flood control projects ay kurakutin na naman ng mga ‘buwayang’ DPWH official, pork barrel politicians at mga sindikatong kontraktor, period!

XXX

MURA ANG INABOT KAY DPWH SEC. DIZON NG DAVAO OCCIDENTAL DISTRICT ENGINEER, BINAYARAN NITO NG P96.5M ANG GHOST PROJECT NG MAG-ASAWANG DISCAYA -- Harap-harapang minura ni DPWH Sec. Vince Dizon si DPWH-Davao Occidental District Engr. Rodrigo Larete dahil binayaran nito nang buo, worth P96.5 million ang "ghost" flood control project ng St. Timothy Construction Company ng mag-asawang Curlee at Sarah Discaya sa Culaman Bridge, Abad Santos sa lalawigang ito.

Mamumura talaga ang district engineer na ito dahil sa ‘sabwatan’ nila ng mag-asawang Discaya ay pinalabas nilang completed na noon pang year 2022 ang proyekto pero ‘yun pala ay "ghost project" ito kung kaya’t ang mga residente rito ay patuloy na nakakaranas ng lampas-tao na baha kapag bumubuhos ang malakas na ulan, tsk!

XXX

BUTI NATALO SA ELEKSYON SINA SARAH DISCAYA AT VENDORS PARTYLIST NI MALOU LIPANA (MISIS NI COA COMM. MARIO LIPANA) DAHIL HINDI PALA PAGLILINGKOD ANG PAKAY NILA KUNDI PARA MAS MARAMI PANG ‘MA-SCAM’ SA KABAN NG BAYAN -- Noong nakaraang eleksyon, mabuti na lang at natalo si Sarah Discaya sa pagka-alkalde ng Pasig City at ang Vendors Partylist na ang first nominee ay si Malou Lipana na misis ni Commission on Audit (COA) Commissioner Mario Lipana.

Nang pumutok ang flood control projects scam ay dito nabulgar na nakapang-scam ang mag-asawang Discaya ng worth P207 billion sa kaban ng bayan, at nabunyag din na itong misis ni Commissioner Lipana na si Malou ay kontraktor din pala na nakakakopo ng sangkatutak na proyekto sa DPWH.

Kaya natin nasabing mabuti na natalo sina Discaya at partylist ni Lipana dahil hindi naman pala paglilingkod ang pakay nila kaya sila nagsipagkandidato, kundi para mas marami pang ‘ma-scam’ sa kaban ng bayan, mga buset!

XXX

KAMALASAN ANG INABOT NI ESCUDERO SA MARCOS ADMIN, INIREREKOMENDANG KASUHAN NG MALVERSATION, BAKA MATANGGAL PA SIYA SA PAGKA-SENADOR -- Matapos ipatawag at imbestigahan ng Comelec ang kontraktor na si Lawrence Lubiano kaugnay sa pagbibigay nito ng campaign funds kay Sen. Chiz Escudero dahil nakasaad sa batas na bawal magpondo ang mga kontratista sa kandidatura ng mga pulitiko, ay ang senador naman ang ipinatawag ng komisyon kaugnay sa pagtanggap niya ng donasyon sa kontraktor.

Tila minamalas talaga si Escudero sa panahon ng Marcos admin, dahil inirerekomendang kasuhan siya ng National Bureau of Investigation (NBI) ng malversation of public funds kaugnay sa flood control project scam, at kapag napatunayan ng Comelec na guilty siya, tanggal naman siya sa pagka-senador, boom!